<p>აზერბაიჯანული "გაბალას" ბარიერის დაძლევის შემდეგ თბილისის "დინამოს" გაცილებით სერიოზული ოპონენტი ჰყავს, ჰოლანდიის ერედივიზიონის ერთ-ერთი გამორჩეული და ისტორიული კლუბი "ფეიენოორდი".</p><p>როტერდამული კლუბი ევროპა ლიგაზე მესამე ეტაპიდან ერთვება და პირდაპირ თბილისის "დინამოს" დაუპირისპირდება, აქედან ევროპა ლიგის ჯგუფურ ეტაპამდე კი ერთი ნაბიჯი რჩება - პლეი-ოფი.</p><p>"ფეიენოორდმა" ერედივიზიონის გასული სეზონი მესამე ადგილზე დაასრულა, ითამაშა ჰოლანდიის თასის ნახევარფინალში, ევროპა ლიგას კი ამავე ეტაპზე სლოვაკურ "ტრენჩინთან" გამოეთიშა, რომელთანაც 2 მატჩის ჯამში 1:5 დამარცხდა.</p><p>მანამდე კი, 2017-18 წლების სეზონში ჩემპიონთა ლიგის ჯგუფურ ეტაპზე იასპარეზა, სადაც 6-დან 5 შეხვედრა დათმო, ბოლო ტურში კი "ნაპოლის" სძლია და ტურნირის ჯგუფი ბოლო ადგილზე დაასრულა.</p><p><h2 style="text-align: center;"><span style="color: #3366ff;"><strong>შედარება</strong></span></h2> <p><p>როტერდამის "ფეიენოორდში" 29 ფეხბურთელი ირიცხება, რომელთა საერთო ღირებულება 84.33 მილიონი ევროა, მაშინ, როდესაც თბილისის "დინამოს" მოთამაშეთა საერთო ფასი 6.7 მილიონია.</p></p></p><p><strong>როტერდამის "ფეიენოორდი"</strong></p><p><span style="text-decoration: underline;">მეკარეები</span></p><p><ul> <li>ჯასტინ ბილოუ (ჰოლ) 3 მლნ ევრო</li> <li>კენეტ ვერმეერი (ჰოლ) 2 მლნ</li> <li>ნიკ მარსმენი (ჰოლ) 650 000</li> <li>ელბერ ევორა (ჰოლ) 75 000</li> </ul> <span style="text-decoration: underline;">დაცვა</span></p><p><ul> <li>ჯერემია სენტ ჯასტი (ჰოლ) 7.5 მლნ</li> <li>სვენ ვან ბეეკი (ჰოლ) 3 მლნ</li> <li>იან-არი ვან დერ ჰეიდენი (ჰოლ) 2 მლნ</li> <li>ერიკ ბოტეგინი (ბრა) 2 მლნ</li> <li>ლათშარელ გერტრუდა (ჰოლ) 500 000</li> <li>რიგესიანო ჰეპსი (ჰოლ) 4 მლნ</li> <li>ტაირელ მალასია (ჰოლ) 3 მლნ</li> <li>კალვინ ვერდონკი (ჰოლ) 2 მლნ</li> <li>ბარტ ნიუკუპი (ჰოლ) 1.5 მლნ</li> </ul> <span style="text-decoration: underline;">ნახევარდაცვა</span></p><p><ul> <li>რენატო ტაპია (პერუ) 3 მლნ</li> <li>ლეროი ფერი (ჰოლ) 6 მლნ</li> <li>იასინ აიუბი (მორ) 3.5 მლნ</li> <li>ორკუნ კიოკსუ (თურ) 3 მლნ</li> <li>ვუტერ ბურგერი (ჰოლ) 1 მლნ</li> <li>ჯორდი ვერმანი (ჰოლ) 250 000</li> <li>აშრაფ ელ ბუჩატუი (ჰოლ) 100 000</li> <li>იენს ტოორნსტრა (ჰოლ) 4 მლნ</li> <li>ლაიამ კელი (ირლ) 1 მლნ</li> </ul> <span style="text-decoration: underline;">შეტევა</span></p><p><ul> <li>სემ ლარსონი (შვედ) 6 მლნ</li> <li>ემილ ჰანსონი (შვედ) 1.25 მლნ</li> <li>სტივენ ბერგვისი (ჰოლ) 12 მლნ</li> <li>ლუსიანო ნარსინი (ჰოლ) 2.5 მლნ</li> <li>ლუის სინისტერა (კოლ) 1 მლნ</li> <li>ნიკოლაი იორგენსენი (დან) 7.5 მლნ</li> <li>დილან ვენტე (ჰოლ) 1 მლნ.</li> </ul> <p><p>(ფასები მოცემულია Transfermarkt.de-ს მიხედვით)</p></p></p><p>როგორც ვხედავთ, ჰოლანდიელთა ყველაზე ძვირად შეფასებული მოთამაშე <strong>სტივენ ბერგვისი</strong> თბილისის "დინამოს" მთელ შემადგენლობაზე თითქმის ორჯერ ძვირია.</p><p>გასულ სეზონში ის საკუთარ კლუბში საუკეთესო ბომბარდირებს შორის მეორე ადგილზე გავიდა 12 გოლით, ამ მხრივ საუკეთესო კი ლეგენდარული ჰოლანდიელი <strong>რობინ ვან პერსი</strong> იყო, რომელმაც საფეხბურთო კარიერა რამდენიმე კვირის წინ დაასრულა.</p><p>"ფეიენოორდმა" მიმდინარე სატრანსფერო ფანჯრის დროს 4 ახალი ფეხბურთელი დაიმატა, თუმცა მათში ფული არ გადაუხდია.</p><p>ყველაზე გამორჩეული <strong>ლეროი ფერია</strong>, რომელიც კლუბს "სუონსიდან" შეუერთდა. მან გასული სეზონი ჩემპიონშიპში გაატარა, თუმცა მანამდე 5 სეზონი სხვადასხვა პრემიერლიგურ კლუბში ასპარეზობდა.</p><p>ასევე "სუონსიდან" მოვიდა მარჯვენა შემტევი <strong>ლუსიანო ნარსინი</strong>, რომელმაც ფერის მსგავსად, ორი სეზონი ინგლისის მთავარ საფეხბურთო ლიგაში გაატარა, 2018-19 წლებში კი ჩავარდნა ჰქონდა - ჩემპიონშიპში მხოლოდ 2-ჯერ გამოჩნდა.</p><p>დანარჩენი ორი - <strong>ლაიამ კელი</strong> და <strong>ნიკ მარსმენი</strong> კი, შესაბამისად, "რედინგიდან" და "უტრეხტიდან" შეურთდა კლუბს.</p><p>შედარებისთვის უნდა ითქვას, "ფეიენოორდმა" უკანასკნელი 5 სეზონის განმავლობაში მოთამაშეთა გაყიდვით 104.3 მილიონი ევრო მიიღო, თავად კი 51.5 მილიონი დახარჯა.</p><p><h2 style="text-align: center;"><span style="color: #3366ff;"><strong>ფეხბურთელები, ვისაც უნდა ვუფრთხოდეთ</strong></span></h2> <p><p>პირველ რიგში, ზემოთ ნახსენები <strong>სტივენ ბერგვისი </strong>უნდა დავასახელოთ, რომელმაც გასულ სეზონში 12 გოლთან ერთად ამდენივე საგოლე გადაცემაც მიითვალა და ამით საკუთარ გუნდში საუკეთესო იყო.</p></p></p><p>ერედივიზიონში 8 გოლითა და 5 საგოლე გადაცემით გამოირჩა <strong>იენს ტოორნსტრა</strong>, შვედ <strong>იან ლარსენს </strong>კი 6 გოლი და 9 შედეგიანი პასი ჰქონდა.</p><p>4 აგვისტოს "ფეიენოორდმა" ჰოლანდიის ერედივიზიონში სეზონის პირველი ოფიციალური შეხვედრა გამართა, საკუთარ მოედანზე როტერდამულ დერბიში "სპარტა" მიიღო და 2:2 ეთამაშა, არადა, 2-ჯერ აგებდა და ქულა 94-ე წუთზე მოიპოვა.</p><p>თავი ამ შეხვედრაშიც გამოიჩინეს ბერგვისმა და ლარსენმა, ახალწვეულმა ნარსინმა კი საგოლე გადაცემა გააკეთა.</p><p><h2 style="text-align: center;"><span style="color: #3366ff;"><strong>მწვრთნელი</strong></span></h2> "ფეიენოორდის" მთავარი მწვრთნელის თანამდებობას წარსულში ძალიან ცნობილი მცველი იაპ სტამი იკავებს, რომელიც სხვადასხვა დროს "მილანში", "ლაციოსა" და "მანჩესტერ იუნაიტედში" თამაშობდა.</p><p>მან სამწვრთნელო კარიერა 2009 წელს "ზვოლეში" დაიწყო, მთავარი მწვრთნელის პოსტი კი 2014 წელს "აიაქსის" ახალგაზრდულ გუნდში დაიკავა.</p><p>შემდეგ ორი სეზონის განმავლობაში "რედინგს" წვრთნიდა. მისი მეთაურობით კლუბმა ჩემპიონშიპში 98 შეხვედრა გამართა, სადაც 41 მოიგო, 21 შეხვედრა ფრედ დასრულდა, 36-ში კი დამარცხდა.</p><p>გასული სეზონის მეორე ნახევარში სტამი "ზვოლეს" მთავარ მწვრთნელად დაინიშნა. სტატისტიკა ასეთია: 17 მატჩი - 7 მოგება, 3 ფრე, 7 მარცხი.</p><p>იაპ სტამი "ფეიენოორდის" მთავარ მწვრთნელად გასულ თვეში დაინიშნა და მისი ხელმძღვანელობით კლუბმა ერთი შეხვედრა გამართა, 4 აგვისტოს საკუთარ მოედანზე თანაქალაქელ "სპარტას" დაუზავდა - 2:2.</p><p><h2 style="text-align: center;"><span style="color: #3366ff;"><strong>წარსული</strong></span></h2> შეიძლება ითქვას, რომ როტერდამული კლუბი თბილისის "დინამოს" დიდი ისტორიის ერთ-ერთი მნიშვნელოვანი ნაწილია.</p><p><p><p>1981 წლის თასების მფლობელთა თასის ფინალში გასვლამდე "დინამომ" ორი მატჩის ჯამში "ფეიენოორდს" 3:2 სძლია (თბილისში 3:0 დაამარცხა, სტუმრად კი 0:2 დამარცხდა).</p></p></p><p><p><p><img src="/media/images/new_photo/2019/AUG1-16/01/demetradze feyenoord.jpg" border="0" alt="Sportall.Ge" title="ისტორიული მეტოქე ჰოლანდიის ნაკრების ფეხბურთელებით - რას წარმოადგენს თანამედროვე "ფეიენოორდი"" width="792" /></p><p><h2 style="text-align: center;"><span style="color: #3366ff;"><strong>დასკვნა</strong></span></h2> <p><p>"ფეიენოორდი" ევროპული გრანდი ნამდვილად არ არის, თუმცა ჰოლანდიაში ეს სახელი აქვს და სრულიად დამსახურებულადაც. რამდენიმე წლის წინ კლუბმა ერედივიზიონი მოიგო. ქვეყნის გამორჩეული ვარსკვლავები (მაგალითად, ნახსენები რობინ ვან პერსი) კარიერის ბოლო წლებს სწორედ ამ კლუბში ატარებენ.</p></p></p><p>გარდა ამისა, კლუბი დიდ ფულს იღებს ფეხბურთელების გაყიდვით და როგორც ვნახეთ, არც თვითონ იხდის ცოტას.</p><p>"ფეიენოორდს" აქვს საშუალება, კლუბში ფეხბურთელები TOP 5 დივიზიონიდან მოიყვანოს, რაც ქართულ რეალობაში ერთადერთხელ მოხდა, მაშინ, როდესაც თბილისის "დინამომ" "ლევანტედან" ჩისკო დაიმატა. ის რამდენიმე წელში ქართული ფეხბურთის ფლაგმანს მწვრთნელის რანგში მოემსახურება.</p><p>ამ ბარიერის დაძლევა თბილისელთათვის ურთულესი ამოცანა იქნება, თუმცა ქართული კლუბი აქამდე საკმაოდ მარტივად და ლამაზი ფეხბურთის საშუალებით მოვიდა. გაიტანა 12 გოლი და საკუთარ კარში არცერთი მიუღია. ეს კი იმედიანად განგვაწყობს.</p><p><p><p><p><br></p>
alexandre
მე როგორც მახსოვს პსვ ეინდხოვენში.
სს
პსვ-ში და ტვენტეში თამაშობდა გახოკიძე
emigranti
გახოკიძე ფეიენოორდში არ თამაშობდა?
emigranti
რაც მთავარია უშიშრად უნდა გავიდნენ მოედანზე. ჯორებივით არიან და მაღალი პრესინგით დაიწყებენ, რომ თავიდანვე დაგვაფრთხონ. მედგრად და მშვიდად უნდა შეხვდნენ ამას და მაქსიმალურად ეცადნონ ბურთის უაზრო მოცილებებს ერიდნონ. კონტრშეტევაზე აუცილებლა დავიჭერთ. აბა თქვენ იცით!
ირაკლი
ინტერტოტოს თასი 1962 წელს? მაგ პერიოდში ეს ტურნირი საერთოდ არ არსებობდა, ნუ ამ გალაქტიკაში.
გულშემატკივარი
1.)"...სტუმრად კი 0:2 დამარცხდა". კი არ დამარცხდა, წააგებინეს! არ ჩაუთვალეს 3 გოლი და არ დაუდეს 1 პენალტი!!! 2) ვინც უყურა ჰილანდიის ჩემპიონატის პირველ ტურს, დამეთანხმება, რომ ფეიენოორდი დიდი ვერაფერი გუნდია. ჩემზე უფრო კარგი შთაბეჭდილება "აბერდინმა" დატოვა. 3)გრანდი ნამდვილად არ არის - მასე ევროპის თასები "ნოტინგემსაც" აქვს მოგებული, მაგრამ რა !? 4) თუ ჩვენებმა ჯიგარი ჩადეს თამაშში და ფსიქოლოგიურად მოემზადნენ, ფავორიტი "დინამო" იქნება!!!
mdaa
ცენტრში ბურთის გათამაშების შემდეგ, წინ მარცხენა ფლანგზე სწრაფი, გამჭოლი პასით გადააქვთ თამაში, იქედან ან პირდაპირ დაბალი გასროლა კარისკენ (გოლი ესე გავიდა), ან შედიან ფლანგზე და პასი უკან დასარტყმელ პოზიციაში (ყველა მომენტი ეგრე შეიქმნა). დაცვის ფლანგებს მიხედე დინამო.
ხვიჩა
გრანდი არის და კიდევ როგორი, 1970 წელს ჩემპიონთა თასი მოიგო, შემდეგ საკონტინენტაშორისო თასი მოიგო და 1974 წელს და 2002 წელს უეფას თასი, ინტერტოტოს თასი 1961/62 წელს, გრანდი იყო და იქნება.
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"უოტფორდმა" ჩიქოვანის ტრანსფერი დეტალების გარეშე დაადასტურა
"ფეიენოორდის" ფანების უღირსი საქციელი - მეტოქის პრეზიდენტს მაგიდები დაუშინეს
[VIDEO] ლორიას საოცრება - "დინამოს" მეკარემ "იბერიასთან" შეხვედრაში ბრწყინვალე "სეივი" შემოგვთავაზა
ქართველი მეკარე ესპანურ გუნდში გადავიდა
"აიაქსთან" განადგურების შემდეგ ფანებმა "ფეიენოორდი" ავტობუსში კინაღამ ჩაქოლეს
ფელის ვისენტე: ამ შედეგით დამწუხრებულები ვართ
იაპ სტამი: შენგელია ძალიან კარგი ფეხბურთელია, თუმცა გუნდში ადგილი არ გვაქვს
"2026 წლიდან, 10 წლის თავზე, დიდი ძალისხმევის შედეგად, სამართლიანობა იზეიმებს და "დინამო თბილისს" ექნება დაფინანსების სხვადასხვა წყარო" - რომან ფიფიას განცხადება
"ფეიენოორდის" მწვრთნელად დიკ ადვოკატი დანიშნეს
დინამო VS ფეიენოორდი - თამაში ღირსებისთვის, თამაში სარეიტინგო ქულებისთვის
"უოტფორდმა" ჩიქოვანი "შარლერუაში" გაანათხოვრა
ლეგენდების მატჩი | დინამო V აიაქსი