<p>ხელბურთის ეროვნული ნაკრები მძიმე ბრძოლაში 21-25 დამარცხდა მაკედონიაში, ამ ქვეყნის ეროვნულ გუნდთან. მეორე ამხანაგური მატჩი შაბათს გაიმართება ბორის ტრაიკოვსკის არენაზე.</p><p>მაკედონია თავიდან 7-2 დაწინაურდა, მაგრამ გიორგი ცხოვრებაძის ზედიზედ 3 გოლის შემდეგ საქართველოს ნაკრები კვალში ჩაუდგა მეტოქეს და ტაიმის ბოლოს ანგარიშიც გაათნაბრა: 12-12, შესვენებაზე. მეორე ნახევარი მასპინძლებმა ისევ კარგად დაიწყეს (15-12), მაგრამ სტუმრებმა კვლავ გაათანაბრეს ანგარიში - 17-17 და რამდენჯერმე წინ გასვლაც შეეძლოთ. 55-ე წუთზე წუთით ადრე მაკედონია 1 ბურთით იგებდა, 22-21 და მხოლოდ დასრულებამდე 3 წუთით ადრე გაიფორმა გამარჯვება, როდესაც 24-21 დაწინაურდა. საბოლოოდ, 25-21. საქართველოს ნაკრებში ყველაზე შედეგიანი იყო მონპელიეს მარჯვენაფლანგელი, 18 წლის გიორგი ცხოვრებაძე, რომელმაც 9 გოლი გაიტანა (3 - შვიდმეტრიანიდან).</p><p>თამაშის შესახებ გვესაუბრება საქართველოს დელეგაციის ხელმძღვანელი, ფედერაციის ვიცე-პრეზიდენტი ვახტანგ მეიფარიანი:</p><p>- უპირველესად ის უნდა ვთქვა, რომ ამ დონის გუნდთან ჩვენს ნაკრებს არ უთამაშია 1999 წლის შემდეგ, როდესაც ევროპის ჩემპიონატზე გასასვლელ პლეიოფში დანიასთან დავმარცხდით. ბოლო 8 წელია, მაკედონიას არ გამოუტოვებია არცერთი მსოფლიოსა და ევროპის ჩემპიონატი და ახლაც ევრო 2020-ის ფინალური ტურნირისთვის ემზადება.</p><p>მშვენიერი ბრძოლა გამოვიდა და რომ არა ბოლო 5 წუთში ჩავარდნა, შეგვეძლო უკეთესი შედეგისთვის მიგვეღწია. მაკედონიელი მაყურებელი აშკარად არ მოელოდა სტუმარი გუნდისგან ასეთ თამაშს. მშვენიერი მატჩი ჰქონდა ჩვენს კაპიტანსა და მეკარეს, შოთა თევზაძეს, რომელმაც მოიგერია 2 შვიდმეტრიანი და რამდენიმე ერთი-ერთზე გასვლა. მისი დამსახურება იყო, რომ ბოლომდე ბრძოლაში ვიყავით. კარგად ითამაშა ჩვენმა უკანა ხაზმა - ცხოვრებაძემ, თემო ორჯონიკიძემ, ირაკლი ჩიქოვანმა, ირაკლი კბილაშვილმა. ლექსო წითელიშვილს მცირე ტრავმა ჰქონდა და ძირითადად დაცვაში გვეხმარებოდა. ცოტა ხანი ითამაშა რეზო ჭანტურიამაც - რეზოს ტრავმა აწუხებდა და მისი თამაში არც იგეგმებოდა.</p><p>თამაშის გაძლიერების რესურსი უნდა ვეძებოთ წინა სამეულში - დღეს ჩვენ მხოლოდ 2 გოლი გავიტანეთ ხაზის მოთამაშის პოზიციიდან და არცერთი - კუთხეებიდან. არ გამოგვივიდა სწრაფი გარღვევა. ნორმალურად ვიდექით დაცვაში. მსაჯობდა ძალიან გამოცდილი მაკედონიური წყვილი - ნაჩევსკი-ნიკოლოვი. მეორე ტაიმში, როდესაც სხვაობა 1-2 გოლი იყო, მათ ერთხელ კბილაშვილი გააძევეს და ორჯერ არსენაშვილი (აქედან ერთხელ - ძალიან საეჭვო ვითარებაში). ზუსტად ამ ზედმეტობისას გაიტანა მაკედონიამ 3 გოლი.</p><p>საბოლოო ჯამში, რომ არა ბოლო 5 წუთი, ჩვენი გუნდის თამაშს დადებითად შევაფასებდი. რაც მთავარია, ჩვენს გუნდს აქვს რეზერვი და დრო, რომ მკვეთრად გააუმჯობესოს თამაში იანვრამდე, როდესაც ძალიან მნიშვნელოვანი საკვალიფიკაციო მატჩები გველის.</p><p>ბორკო რისტოვსკი, მაკედონიის ნაკრების მეკარე: - გეგმის მიხედვით მე პირველი ტაიმი უნდა მეთამაშა და შემდეგ ადგილი მარტინ ტომოვსკისთვის დამეთმო, მაგრამ რადგანაც ბოლომდე თანაბარი თამაში წავიდა, მომიწია 60 წუთი კარში დგომა და 15 ბურთის მოგერიება...</p><p>ხვალ, 18 საათზე, გუნდები მეორედ შეხვდებიან ერთმანეთს.</p><p>ხელბურთი. ამხანაგური მატჩი. სკოპიე, ბორის ტრაიკოვსკის არენა,</p><p>25 ოქტომბერი. 1500 მაყურებელი</p><p>მაკედონია - საქართველო 25-21</p><p>მკდ: რისტოვსკი, ტომოვსკი - პოპოვსკი 4, პეშევსკი 4, ველკოვსკი 4, კოსტესკი 3, ტალესკი 2, ტანკოსკი 2, მაძოვსკი 2, დიმიტრიოსკი 1, მიშევსკი 1, არსენოვსკი 1, კუზმანოვსკი 1, მანასკოვი, კრსტევსკი, კუკულოვსკი, დიმიტრიევსკი, იაგურინოვსკი, ლაზაროვი</p><p>საქ: თევზაძე, ტორონჯაძე, ცინცაძე - ცხოვრებაძე 9, ორჯონიკიძე 5, ჩიქოვანი 2, კბილაშვილი 2, არსენაშვილი 1, წითელიშვილი 1, მაისურაძე 1, რუსტამოვი, ჭანტურია, გოგოლაძე, აბრამიშვილი, დიხამინჯია, სიმონია, ლაპიაშვილი, მერკვილაძე</p><p>მსაჯები: გიორგი ნაჩევსკი, სლავე ნიკოლოვი (მკდ)</p><p><p><p>26 ოქტომბერი, 18:00. მაკედონია - საქართველო</p></p></p><p><p><p><strong>მომზადებულია geohandball.ge-ს მიხედვით</strong></p></p><br></p>
ქართველი ლეგიონერების მონაგარი | კბილაშვილმა 6 გოლი გაიტანა, კალანდაძემ და ცხოვრებაძემ – 4-4
ევრო 2026 | საქართველოს ნაკრების კალენდარი ევროპის ჩემპიონატზე
ევროპის ჩემპიონატზე საქართველოს ნაკრების მეტოქეები ცნობილია
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები
Le Parisien: ფლანგებზე კვარაცხელია და ბარკოლა - დღეს "ბარსელონასთან" მატჩის გენერალური რეპეტიციაა
"უდინეზეს" მწვრთნელი: გოგლიჩიძე შანსის გამოსაყენებლად მზად უნდა იყოს
"ბარსელონას" კიდევ ორი ფეხბურთელი პსჟ-სთან ვერ ითამაშებს
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე
ცხოვრებაძის 9 გოლი - საქართველოს ნაკრები ევროპირველობის სადებიუტო მატჩში ნიდერლანდებთან ბრძოლაში დამარცხდა [VIDEO]
[VIDEO] ზედიზედ მეორედ - საქართველოს ხელბურთელთა ნაკრები ევროპის ჩემპიონატზე იასპარეზებს!
ცინცაძის გმირობანი - საქართველოს ნაკრებმა ევროპირველობაზე ისტორიული გამარჯვება მოიპოვა [VIDEO]
საქართველოს ხელბურთელთა ნაკრები საბერძნეთთან მინიმალური ანგარიშით დამარცხდა
საქართველოს ხელბურთელთა ნაკრებმა ბოსნია-ჰერცეგოვინა გასვლაზეც დაამარცხა და ევროპის ჩემპიონატზე მოსახვედრად დიდი ნაბიჯი გადადგა
საქართველოს ნაკრებმა ბოსნიას დაძაბულ მატჩში სძლია [VIDEO]