"არმიამ" აღლუმი უკვე ჩაატარა

სუპერლიგის ფინალური სერიის მეოთხე მატჩში "არმიამ" თსუ-ს დაძაბულ ბრძოლაში 65:61 სძლია და საქართველოს ჩემპიონობა იზეიმა სუპერლიგა. ფინალი24 მაისი, თბილისი, სპორტის სასახლეთსუ-არმია 61:6512:15, 16:12, 17:20, 16:181991 წლის შემდეგ საქართველოს 19 ჩემპიონატს 6 გამარჯვებული ჰყავდა, მე-20 პირველობამ კი ახალი, მეშვიდე ჩემპიონი მოგვივლინა - "არმია".აქამდე მხოლოდ ბათუმის "ბასკოს" მოეხერხებინა სადებიუტო სეზონშივე ოქროს მედლების მოპოვება, ეს წლეულს "არმიამ" გაიმეორა: სექტემბერში შეიქმნა, ოქტომბერში შეიკრა, ნოემბერში სუპერლიგაში ჩაერთო, დეკემბერში პირველი წრე მოიგო, იანვარში სლოვენიაში გაიარა შეკრება, თებერვალში საქართველოს თასს დაეუფლა, აპრილში რეგულარული ეტაპი მოიგო, ხოლო 24 მაისს, გუშინ საქართველოს ჩემპიონისთვის განკუთვნილი თასი აღმართა.დასაწყისისთვის შესანიშნავი შედეგია, მაგრამ როგორც ვიცით, ეს მხოლოდ პირველი ნაბიჯია, მეორე ნაბიჯი ევროტურნირებზე გასვლა იქნება, რაც ქართულ კალათბურთს ჰაერივით სჭირდება... დიდი ხანია, ერთ ქვაბში ვიხარშებით და ბევრს ჰგონია, რომ საქართველოში საკლუბო კალათბურთი არ არსებობს. საპირისპიროში წლეულს დავრწმუნდით - ნაღვერდალივით მინავლებულ ჩემპიონატს "არმიამ", თსუ-მ, "ქუთაისმა", "სოხუმმა", შსს-მ და "სამედიცინომ" ახალი სიოსავით წამოუბერეს და ნაკვერჩხალს ალი გაუჩინეს, ახლა ცეცხლის გაძლიერებაა საჭირო...***ფინალური სერიაც ბოლო ათწლეულში ერთ-ერთი ყველაზე საინტერესო გამოდგა. თავად განსაჯეთ: ოთხივე მატჩში გამარჯვებულის ბედი ბოლო წუთებზე გადაწყდა, ოთხიდან სამი შეხვედრა 4-ქულიანი სხვაობით დასრულდა. საბოლოოდ "არმიამ" თსუ 3:1 დაამარცხა.გუშინ სერიის მეოთხე მატჩი ჯარისკაცებმა 65:61 მოიგეს. პირველ ტაიმში ორივე გუნდს დაცვაში თამაში უკეთ გამოსდიოდა, ვიდრე შეტევაში. შედეგად, საწყის 20 წუთში მეტად დაბალი რეზულტატი დაფიქსირდა: 28:27 თსუ-ს სასარგებლოდ. სტუდენტებს ქულათა უმეტესობა სამქულიანებით ჰქონდათ მოგროვებული (5 სამიანი, 2-ის წილ), თსუ მოხსნებშიც იგებდა - 26:23. ხოლო "არმიას" მეტოქეზე სამით მეტი ორქულიანი ჰქონდა ჩაგდებული.პირველი ტაიმის სტატისტიკაზე ყურადღება იმიტომ გავამახვილეთ, რომ მეორე ტაიმის მონაგართან შეგვედარებინა და შემდეგ გვეთქვა: "არმიამ" მეორე ნახევარში სამწამიანი ზონა კიდევ უფრო გაამაგრა და თსუ-ს ფარქვეშიდან 40 წუთში სულ 14 ქულა ჩააგდებინა, თავად კი სამწამიანი ზონიდან ორჯერ მეტი, 28 ქულა მიითვალა. ძალოვნებმა სტუდენტებს საბოლოოდ მოხსნებშიც აჯობეს - 46:42.როგორც გითხარით, ყველაფერი ბოლო წუთებზე გადაწყდა, ამიტომ მეოთხე პერიოდის პერიპეტიების ბრტყელ-ბრტყელი წინადადებებით გადმოცემას სჯობს სვეტად, ქრონოლოგიის სახით ჩამოგიწიკწიკოთ:IV პერიოდი9:41 ტუღუში 2ქ (45:49)9:07 საყვარელიძე 3ქ (45:52)8:51 მ. ბერიშვილი 3ქ (48:52)8:32 საყვარელიძე 2ქ (48:54)7:07 ბაბიაშვილი 2ქ (48:56)5:27 ბოისა V ფოლი5:08 ჩიტაშვილი 1+1 (ააცილა)4:50 შარაბიძე 1ქ (48:57)4:34 მათიაშვილი 1+1+1 (51:57)4:12 გაფრინდაშვილი 1+1 (ააცილა)4:00 ჩიტაშვილი 2ქ (53:57)3:50 შარაბიძე 2ქ (53:59)3:33 ლონდარიძე 1+1 (ააცილა)2:44 ჩიტაშვილი 2ქ (55:59)2:09 მათიაშვილი V ფოლი2:09 საყვარელიძე 1ქ (55:60)1:48 საყვარელიძე 1+1 (55:62)1:37 გაფრინდაშვილი V ფოლი1:37 ტუღუში 1+1 (55:64)1:34 ლონდარიძე 2ქ (57:64)0:43 ლონდარიძე 3ქ (60:64)0:19 ლონდარიძე V ფოლი0:19 ბაბიაშვილი 1ქ (60:65)0:12 კორკოტაძე 1ქ (61:65)0:02 ბაბიაშვილი 1+1 (ააცილა)0:02 - თსუ-ს მწვრთნელმა ნუგზარ ჭეიშვილმა "არმიის" თავკაც ლევან მოსეშვილს გამარჯვება მიულოცა. საფინალო სირენასთან ერთად "არმიამ" ძალიან გაიხარა, გუნდმა იცეკვა ხორუმი, გახსნა შამპანურები... კლუბის ხელმძღვანელობამ კი გამარჯვებულებს კეპები დაურიგა წარწერით: Georgian Champion 2011 - Armia.ჩემპიონისთვის განკუთვნილი თასი კალათბურთის ფედერაციის პრეზიდენტმა ბესიკ ლიპარტელიანმა "არმიის" კაპიტან კოტე ტუღუშს საზეიმო ვითარებაში გადასცა. თასით ხელდამშვენებულმა კოტემ ასეთი კომენტარი გააკეთა:- თსუ-მ ღირსეულად იბრძოლა, დიდი წინააღმდეგობა გაგვიწია, მის მიმართ ქების მეტი არაფერი მეთქმის, საინტერესო სერია გამოვიდა. თამაშს განსაკუთრებული ეშხი გულშემატკივარმა შესძინა, რომელმაც ჩვენს გამარჯვებაში დიდი წვლილი შეიტანა. ვულოცავ ყველას ამ წარმატებას.გულდაწყვეტილები იყვნენ თსუ-ელები, მიხეილ ჩიტაშვილმა კი ტაბლოს შეხედა და აღნიშნა: "მთელი სეზონის განმავლობაში 90-100 ქულამდე ავდიოდით. დღეს 61 ჩავაგდეთ... 70-მდეც რომ ავსულიყავით, ყველაფერი ჩვენს სასარგებლოდ დასრულდებოდა. ვერ ჩავაგდეთ... მოგება შეიძლებოდა. სწორედ ესაა მეტად გულდასაწყვეტი."ლევან მოსეშვილი (არმია): "ღირსეულად გავიმარჯვეთ. მოხარული ვარ, რომ ჩვენი შრომა დაფასდა, ჯერ საქართველოს თასი მოვიგეთ, ახლა - ჩემპიონობა. მძიმე ბრძოლები გადავიტანეთ, ლამაზი სერია გამოდგა. ვულოცავ ამ წარმატებას კლუბის ხელმძღვანელობას. ეს გამარჯვება ყველა დამსახურებაა, გულშემატკივრის, ჩვენი გუნდის და მისი კაპიტნების ტუღუშისა და ბაბიაშვილის - სხვა გუნდებისგან განსხვავებით, ორი კაპიტანი გვყავს.

თემური

ბაბიაშვილი ლომია!!!!!!!!

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

“ა” ლიგის ფინალური სერია ლიბერთიმ კასპში იოლი გამარჯვებით დაიწყო

თსუ-მ ბათუმს დაძაბულ ბრძოლაში სძლია | მარგვეთმა ტყიბულში ქულით იმარჯვა

19-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

17-წლამდე ვაჟთა ნაკრები სან მარინოში მიემგზავრება

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

ქართველების "მეცი" "ნანტთან" ფრეს დასჯერდა

კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა

[VIDEOS] გულიაშვილმა ესპანეთში დუბლი შეასრულა

ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა