<p>საქართველოს ნაკრების ხელბურთელმა თეიმურაზ ორჯონიკიძემ თავი გამოიჩინა უნგრეთის ჩემპიონატსა და თასზე, სადაც ბოლო 3 მატჩში 15 გოლი გაიტანა.</p><p>ორჯონიკიძის კლუბი "ოროშჰაზი" უნგრეთის ეროვნული ლიგის დებიუტანტია. ბოლო მატჩი გუნდს ქვეყნის თასზე ჰქონდა, სადაც მერვედფინალში საკუთარ მოედანზე შეხვდა ჩემპიონატში მესამე ადგილზე მყოფ "ტატაბანიას", რომელიც ევროტურნირებზეც წარმატებით გამოდის და EHF თასის ჯგუფურ ეტაპზეცაა გასული.</p><p>თასის პირველ წრეში "ოროშჰაზიმ" სტუმრად 31:30 მოუგო "დაბაშს", ახლა კი "ტატაბანიას" უმასპინძლა. შეხვედრა ფრედ, 23:23 მორჩა, მაგრამ უნგრული წესების თანახმად, მეოთხედფინალში სტუმარი გუნდი გავიდა. ორჯონიკიძემ 2 გოლი გაიტანა.</p><p>პირველი წრის ბოლომდე "ოროშჰაზის" ერთი მატჩი დარჩა სათამაშო უნგრეთის ჩემპიონატზე, სადაც ჯერჯერობით ბოლოსწინა ადგილზეა. კლუბს აქ მნიშვნელოვანი მატჩი ჰქონდა "მეზოკოვეშდისთან", რომელსაც ბოლო წამებამდე იგებდა, მაგრამ აქაც ფრეს დასჯერდა - 24:24. ამ მატჩში ქართველი უკანახაზელი ყველაზე შედეგიანი იყო 6 გოლით, ისევე, როგორც ბოლო თამაშში "ბალატონფურედისთან", რომელშიც თავი შვიდჯერ გამოიჩინა.</p><p>სულ ორჯონიკიძემ ჩემპიონატის 9 თამაშში მიიღო მონაწილეობა (3 ტრავმის გამო გამოტოვა) და 35 გოლი დაუგროვდა. შვიდიც ორ სათასო შეხვედრაში გაიტანა.</p><p>თეიმურაზი "ოროშჰაზის" ერთადერთი ხელბურთელია, ვინც თავისი ქვეყნის ეროვნულ ნაკრებში გამოიძახეს. ამას კლუბმა საკუთარ "ფეისბუკგვერდზე" სტატუსი მიუძღვნა სპეციალური ფოტოკოლაჟით, რომელიც ორჯონიკიძის სანაკრებო მატჩებიდანაა შედგენილი: „ჩვენი კლუბის მარცხენა ინსაიდმა თეიმურაზ ორჯონიკიძემ ამ დღეებში გამოძახება მიიღო საქართველოს ნაკრებიდან, რომელიც იანვარში ევროპის 2022 წლის ევროპის ჩემპიონატის შესარჩევ ტურნირში ითამაშებს. გილოცავთ და წარმატებებს გისურვებთ, თემო!“</p><p>უნგრეთის ჩემპიონატის პირველი წრის ბოლო ტურში ერთმანეთს შეხვდა უნგრეთის ორი გრანდი - "ვესპრემმა" 29:28 დაამარცხა "სეგედი" და პირველ ადგილზეა. ორწრიანი ტურნირის შემდეგ ორი საუკეთესო გუნდი საჩემპიონო ფინალს გამართავს. პირველი წრის ბოლო მატჩს "ოროშჰაზი" 15 დეკემბერს შინ გამართავს სატურნირო ცხრილში უახლოეს მეზობელ "ბუდაკალასთან".</p><p>ხელბურთი. უნგრეთი. ეროვნული ლიგა. (მოგება 2 ქულა, ფრე 1, წაგება 0)</p><p><p><p>1. "ვესპრემი" - 26 ქულა (13 თამაში), 2. "სეგედი" - 24 (13), 3. "ტატაბანია" - 16 (12), 4. "ფერენცვაროში" - 16 (12), 5. "დიონდიოში" - 15 (12), 6. "ბალატონფურედი" - 15 (12), 7. "კომლოი" - 14 (13), "ჩურგოი" - 13 (12), 9. "დაბაში" - 9 (13), 10. "ედერი" - 9 (12), 11. "მეზოკოვეშდი" - 6 (12), 12. "ბუდაკალასი" - 5 (12) -- 13. "ოროშჰაზი" - 3 (12), 14. "ვაჩი" - 1 (11)</p></p></p><p><p><p><strong>მომზადებულია geohandball.ge-ს მიხედვით</strong></p></p><br></p>
საქართველოს ხელბურთელთა ნაკრები "კარპატის თასზე" წლეულს მეორედ იასპარეზებს
გიორგი ცხოვრებაძემ ჩემპიონთა ლიგაზე საუკეთესო მატჩი ჩაატარა
ქართველი ლეგიონერების მონაგარი | კბილაშვილმა 6 გოლი გაიტანა, კალანდაძემ და ცხოვრებაძემ – 4-4
"ლორიენთან" მატჩში პსჟ-ს შემადგენლობა ცნობილია
"ვალენსიამ" შეიძლება "რეალის" ყოფილი ვარსკვლავი უფასოდ დაიმატოს
დე ბრუინს ბელგიაში ოპერაცია გაუკეთეს
"რეალს" "ტოტენჰემის" მცველის დამატება სურს
უპირებენ თუ არა გათავისუფლებას სლოტს - ფაბრიციო რომანო "ლივერპულის" მწვრთნელის მომავალზე
"რეალთან" წაგების შემდეგ – "ბარსელონას" უჩვეულო გეგმა ფინანსურ სარგებელამდე
უდიდესი სენსაცია პარიზში - ალკარასმა ნორისთან წააგო
სპალეტი "იუვენტუსს" უახლოვდება - "ნაპოლის" ყოფილი მწვრთნელი საქმეში მალე დაბრუნდება
დიდი როტაციით "ლორიენთან" - იქნება ხვიჩა სასტარტოში?
"სამგურალის" ზედიზედ მეხუთე მოგება
"ნაპოლიმ" "ლეჩესთან" მძიმე გამარჯვება მოიპოვა
გოჩოლეიშვილი უნიღბოდ დაბრუნდა - "ჰამბურგმა" თასზე ზივზივაძის "ჰაიდენჰაიმს" მოუგო
ოდიკაძე ევროპის ჩემპიონ-პრიზიორია - მან სამივე სინჯის მედალი მოიპოვა
"ზაბარნი იხრჩობა და თავდაჯერებულობას კარგავს" - ფრანგული მედია უკრაინელს აკრიტიკებს
უბედური შემთხვევა - "ინტერის" მეკარემ ავტომობილით 81 წლის მამაკაცი გაიტანა
"ნაპოლი" ლეონარდო სპინაცოლას ახალ კონტრაქტს გაუფორმებს
"ბაიერნი" 23 წლის კოსოვოელი ფორვარდის დამატებას აპირებს
კიდევ ერთი ვარიანტი - "იუვენტუსი" შესაძლოა, ლორან ბლანმა ჩაიბაროს
კიმი შესაძლოა, სერია A-ში დაბრუნდეს - "ნაპოლის" ყოფილი ფეხბურთელი გრანდების სამიზნეა
დღეს "კვარა" თუ მბაიე? - 4 საგოლე პასით დაწყებულს მიქაუტაძე გააგრძელებს
საქართველოს ხელბურთელ ვაჟთა ნაკრები ევრო 2020-ის საკვალიფიკაციო ეტაპს იტალიით იწყებს
საქართველოს ხელბურთელთა ნაკრები: ევროპის საგზურის ბოლო შანსი
თეიმურაზ ორჯონიკიძე რუმინულ კლუბში გადავიდა
ორჯონიკიძე ფინეთის ჩემპიონატის სადებიუტო მატჩში საუკეთესო იყო
თეიმურაზ ორჯონიკიძე: ევროპაში ანგარიშგასაწევი ნაკრები გვეყოლება
ქართული გოლები რუმინეთში