- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
როგორ გააგდო გარეულმა შინაური
<p>”სამეფო კლუბში” ხორხე ვალდანოსა და ჟოზე მოურინიოს შორის ფარული ომი პორტუგალიელის გამარჯვებით დასრულდა <br> 25 მაისს "სამეფო კლუბი" გენერალურ დირექტორსა და პრეზიდენტის თანაშემწე ხორხე ვალდანოს შეელია. ამბობენ, რომ ამით ჟოზე მოურინიო "რეალში" პირველ სერიოზულ ინტრიგაში დარჩა გამარჯვებული - მართალია, არგენტინელისა და პორტუგალიელის ქიშპობა გარეთვალისთვის დაფარული იყო, მაგრამ ესპანური მედია ბევრს ამტკიცებდა, რომ მათ შორის შავმა კატამ კარგა ხნის წინ ჩაიარა.</p><p>25-ში "რეალის" ბორდის შეკრება იყო დანიშნული, ითათბირეს, იმსჯელეს და კლუბის პრეზიდენტ ფლორენტინო პერესის პრესკონფერენციაც დაიწყო. იქ ფართო საზოგადოებამ შეიტყო, რომ ხორხე ვალდანო აღარ არის "რეალის" გენერალური დირექტორი. პერესმა ვალდანოს გაშვების მიზეზი ახსნა:</p><p>"თქვენ ყველამ იცით, რომ ბოლო სეზონის წინ ძალიან ამბიციური სპორტული პროექტი დავიწყეთ. "რეალი" მომავალში იხედება და აქცენტს ახალგაზრდებზე აკეთებს. კლუბი სრულ მხარდამჭერას უცხადებს ჟოზე მოურინიოს. სეზონმა დაგვანახა, რომ ამ პროექტის წარმატებით განხორციელებისთვის საჭიროა კლუბში სტრუქტურული ცვლილებები განხორციელდეს. აუცილებელია მწვრთნელს საქმიანობაში გარკვეული ავტონომია მიეცეს, ეს კი პირდაპირ წინააღმდეგობაში მოდიოდა გენერალური დირექტორის პოსტთან, რომელსაც აშკარა სპორტული ფუნქცია ეკისრებოდა.</p><p>ამ პრობლემის განხილვისას კლუბის საბჭომ გადაწყვიტა, საერთოდ გააუქმოს გენერალური დირექტორის თანამდებობა და ამ ფუნქციების ნაწილი ხოსე ანხელ სანჩესის ფუნქციაში შეიყვანოს. ამიერიდან, მწვრთნელი, რომლის ფუნქცია-მოვალეობები გაიზარდა, პირდაპირ ანგარიშვალდებული იქნება ხოს ანხელ სანჩესთან. გენერალური დირექტორის ინსტიტუტის გაუქმების გამო, გადაწყდა ხორხე ვალდანოსთვის კონტრაქტის შეწყვეტაც. ეს არის პირველი ნაბიჯი იმ ცვლილებებში, რომლებსაც ჩვენ უახლოეს კვირებში ვგეგმავთ.</p><p>გრძნობების დამალვა არ მჩვევია და მინდა, ყველამ იცოდეს, როგორ მწყდება გული ვალდანოს წასვლის გამო, ჩვენ დიდი ხანია, ერთად ვშრომობდით, მაგრამ კლუბის წევრებმა იმიტომ აგვირჩიეს, რომ სიტუაციის და მიხედვით, სწორი გადაწყვეტილებები მივიღოთ. ჩემი გრძნობები ხელს ვერ შემიშლის იმაში, რომ გავაკეთო, ის რისი გაკეთებაც მმართებს, როგორც "რეალის" პრეზიდენტს.</p><p>ჩვენ ყველანი ძალიან მადლიერნი ვართ ხორხესი. მისი შრომის და თავდადებისთვის, ვუსურვებთ მას ყველაფერ საუკეთესოს და მომავალში ისევ "რეალში" დაბრუნებას ვუსურვებთ."</p><p>ერთ პრესკონფერენციას მეორე მოყვა, ფლორენტინო პერესის სავარძელი ხორხე ვალდანომ დაიკავა. მან თქვა: "ძალიან მწყდება გული, ვტოვებ კლუბს, სადაც 27 წელიწადი გავატარე. მე ყოველთვის პატივს ვცემდი "რეალს" და მის მესვეურთა გადაწყვეტილებას. არასოდეს საფრთხეში არ ჩამიგდია გუნდი. აქაურობა ძალიან მიყვარს. ყოველთვის ვცდილობდი, ჩემი საქმიანობით "რეალი" მესარგებლებინა.</p><p>მჯერა, რომ ჟოზე მოურინიოს დარჩენა კარგია იმ გუნდისათვის, რომელიც ბოლო წლებში სტაბილურობით ვერ გამოირჩეოდა. მან საკმაოდ მოკლე დროში ბრწყინვალე სამუშაო გასწია. მივიჩნევ, რომ ის კარგი მწვრთნელია და კარგია, რომ "რეალში" რჩება.</p><p>ძალიან ძნელია იმ ადგილის დატოვება, რომელიც გიყვარს, იმ ხალხთან განშორება, რომლებზეც გული შეგტკივა, ყველას გეუბნებით - მშვიდობით."</p><p><strong>გემზე ორი კაპიტნის ადგილი არ არის!</p><p></strong>მოკლედ, "რეალში" გამოაცხადეს, რომ უფრო "ინგლისურ" რელსებზე გადადიან, სადაც მწვრთნელს გაცილებით მეტი თავისუფლება და ფუნქცია აქვს. თუმცა, სინამდვილეში, ბევრი ამაში მოურინიოსა და ვალდანოს დაპირისპირებას ხედავს და აცხადებს, რომ ომი "განსაკუთრებულმა" მოიგო. პერესპრესკონფერენციაზე პირდაპირ ჰკითხეს: "ხომ არ მოითხოვა ვალდანოს გაშვება მთავარმა მწვრთნელმა".</p><p>"რას ამბობთ, მოურინიოს არაფერი მოუთხოვია. მან მხოლოდ ერთი რამ ითხოვა - მეტი ავტონომია. ისე, როგორც ეს ინგლისურ კლუბებშია. სპორტული განხრით კლუბში ორი ძლიერი პიროვნება მუშაობდა, რის გამოც მათ შორის ჰარმონია ვერ მიიღწია. ეს თქვენ ყველამ კარგად დაინახეთ მთელი სეზონის განმავლობაში. იყო აშკარა პრობლემა და ამ პრობლემას შველა ესაჭიროებოდა", - თავი ასე იმართლა პერესმა.</p><p>ყველაფერი კი ზუსტად ერთი წლის წინათ დაიწყო, როცა ჩემპიონთა ლიგის ტრიუმფატორი მოურინიოს დანიშვნას "რეალში" ხორხე ვალდანო შეეწინააღმდეგა. მაგრამ პერესმა დაიჟინა, რომ სწორედ მოუ იყო ის კაცი, რომელიც ლა ლიგაში "ბარსლონას" დომინირებას ბოლოს მოუღებდა. სხვათა შორის, სად იყო ჯერ ეს ტრანსფერი, როცა ვალდანო მოურინიოს გუნდების თამაშის მანერას სატელევიზიო ინტერვიუებში, თუ საგაზეთო სვეტებში მკაცრად აკრიტიკებდა. 2008 წელს ვალდანომ თქვა, რომ ჟოზეს ისეთი ქარიზმა აქვს, რომელიც კაცმა არ იცის, რას შეიცავსო.</p><p>გენერალურ დირექტორსა და მთავარ მწვრთნელს შორის ურთიერთობა იანვარში დაიძაბა, როცა "ალმერიასთან" 1:1 დასრულებული მატჩის შემდეგ არგენტინელმა გაიკვირვა, რატომ დასვა მოუმ სათადარიგოთა სკამზე ქარიმ ბენზემა: "ვიმედოვნებ, რომ ბენზემას დიდ ხანს არ მოუწევს სკამზე ჯდომა, მის ირგვლივ სიტუაცია უსამართლობის შეგრძნებას ტოვებს", - თქვა მაშინ ვალდანომ. რაზეც ჟოზემ მიუგო: "შემადგენლობას თავად ვარჩევ და თუკი რჩევა დამჭირდება, საამისოდ ასისტენტები მყავს". ამ მკვეთრ განცხადებას ფლორენტინო პერესის მხრიდან არ მოჰყოლია რეაგირება. ცხადი გახდა, რომ ის მოურინიოს მხარეს გადაიხარა. ნელ-ნელა ვალდანომ ძირითადი გუნდიდან ფეხი ამოიკვეთა და მატჩებზეც ცალკე მიემგზავრებოდა, გუნდი ცალკე.</p><p>არგენტინელმა თქვა, რომ მოურინიოს ამის შემდეგ თავაზიანი გამარჯობის გარდა არც დალაპარაკებია. ითხოვა პერესთან სიტუაციის განხილვა, მაგრამ ამაოდ: "არ ვიცი, მოურინიოს რა ამოძრავებდა, მაგრამ ჩემი მხრიდან სულ ვცდილობდი ემოციების ჩახშობას და ყველაფრის მშვიდობიანად მოგვარებას", - იგონებს ახლა არგენტინელი.</p><p>თუკი მოურინიო ახალი სახეა "რეალისთვის", ვალდანოს სახელი "სამეფო კლუბის" უახლეს ისტორიას მჭიდროდ უკავშირდება. 1984 წელს "სამეფო კლუბში" აიყვანეს მაშინ 29 წლის სამხრეთამერიკელი ფორვარდი, რომელიც "სარაგოსაში" თამაშობდა. მისი წყალობით "რეალმა" ორჯერ მოიგო უეფას თასი, 1985 წლის ფინალში გოლი გაიტანა, მომდევნო წლის ფინალში კი სულაც დუბლი შეასრულა. 1988 წელს ვალდანოს კარიერა მოულოდნელად შეწყდა, მიზეზი კი ჰეპატიტი იყო.</p><p>ვალდანო კომენტატორი გახდა, შემდეგ კი "რეალის" ახალგაზრდული გუნდის მწვრთნელი. 1991 წელს ვალდანო "ტენერიფეში" დანიშნეს, მან კანარული გუნდი ჯერ გავარდნისგან იხსნა, შემდეგ კი უეფას თასის საგზური მოუპოვა. ამის მერე ვალდანო "სამეფო კლუბში" მთავარი მწვრთნელის სტატუსით ბრუნდება. 1995 წელს არგენტინელის თავკაცობით "რეალმა" ესპანეთის ჩემპიონატი მოიგო. შემდეგ იყო მწვრთნელობა "ვალენსიაში". 1996 წელს ის "რეალის" სპორტული დირექტორი გახდა და ამ თანამდებობაზე 2005 წლის ივნისამდე გაძლო.</p><p>2009-ში ვალდანო უკან დაბრუნდა, ახლა როგორც გენერალური დირექტორი და პრეზიდენტის თანაშემწე. და, აი, 25 მაისს ყველაფერი დასრულდა - ის მოხსნეს კლუბში, რომელსაც 27 წელი შესწირა. ხორხე ვალდანოს უმაღლესი საფეხბურთო მიღწევა 1986 წლის მსოფლიოს ჩემპიონატის ფინალია, როცა მან ფინალში გაიტანა და არგენტინა მსოფლიოს ჩემპიონი გახდა. სხვათა შორის, ვალდანოს კალამს ეკუთვნის წიგნი "სუენოს დე ფუტბოლ" (საფეხბურთო ოცნებები). "რეალის" ლეგენდა რაულმა თავის ვაჟს ხორხე ვალდანოს საპატივცემულოდ დაარქვა.</p><p><strong>ვინ არის შემდეგი, ზინედინი?</p><p></strong>ამბობენ, რომ მოურინიოს ინტრიგები კლუბში ამით არ ამოიწურება. სეზონის განმავლობაში იყო კიდევ ერთი კაცი, რომელმაც ღიად გააკრიტიკა მოურინიო - პრეზიდენტის მრჩეველი ზინედინ ზიდანი. 7 მაისს დიდმა ფრანგმა ფეხბურთელმა კი განაცხადა, რომ მისი ურთიერთობა პორტუგალიელთან ბრწყინვალეა, რომ ის მხოლოდ რჩევებით ეხმარება მოურინიოს. მაგრამ უნდა ავტონომიის მოყვარულ "განსაკუთრებულს" სხვისი რჩევები? თუნდაც ეს სხვა ზინედინი იყოს...</p>
ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა
[VIDEO] "ბარსელონა" "რეალს" 7 ქულით გაექცა
მთავარი კანდიდატია - "აიაქსი" მომავალი სეზონიდან შესაძლოა, მიჩელმა გაწვრთნას
19-წლამდე გოგონათა ნაკრები საკვალიფიკაციო ეტაპის მატჩებისთვის ემზადება
17-წლამდე ვაჟთა ნაკრები სან მარინოში მიემგზავრება
ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ
ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა
"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
კვერნაძის 74 წუთი და "ფროზინონეს" მორიგი გამარჯვება
ქართველების "მეცი" "ნანტთან" ფრეს დასჯერდა
კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა
[VIDEOS] გულიაშვილმა ესპანეთში დუბლი შეასრულა
ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო
სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
[VIDEO] "ბარსელონა" "რეალს" 7 ქულით გაექცა
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა