<p><p><p>იაპონიის სუმოს ასოციაციამ დღეს, 24 დეკემბერს, 2020 წლის პირველი ბანძუკე გამოაქვეყნა - რეიტინგ-სია, რომლის მიხედვითაც რიკიშები მომავალი წლის პირველ ბაშოზე იასპარეზებენ.</p></p></p><p><p><p>პოსტს ამის შესახებ "ფეისბუქზე" <a href="https://www.facebook.com/GeorgianSumo/posts/3091443150870250?__tn__=K-R" target="_blank">ქართული სუმოს ქომაგები</a> აქვეყნებს.</p></p></p><p><p><p>ბანძუკეში ძალიან ბევრი ცვლილებაა, თუმცა ჩვენთვის ყველაზე მნიშვნელოვანი ქართველი სუმოისტების ამბები გახლავთ.</p></p></p><p><p><p>როგორც ველოდით, დაქვეითებული ვიხილეთ ჩვენი ექსოძეკი, ტოჩინოშინი, რომელმაც წინა ბაშოზე ნეკნი გაიტეხა და ნაადრევად (მე-5 დღიდან) მოუწია ტურნირიდან ჩახსნა, მაშინ, როცა ბალანსი 2-2 ჰქონდა. შესაბამისად, გამოტოვებული ბრძოლების გამო საბოლოოდ 2-13 დაუფიქსირდა გორგაძეს და დასავლეთ სეკივაკეს რანგიდან დასავლეთის მე-6 მაეგაშირას პოზიციაზე აღმოჩნდა (8 საფეხურით იქნა დაქვეითებული).</p></p></p><p><p><p>რაც შეეხება მეორე ჩვენებურს, გაგა ჯუღელს, მასაც კარიერაში ძალიან რთული პერიოდი უდგას. წინა ბაშოზე გაგამარუს ორივე მუხლის უმძიმესი ტრავმა აწუხებდა და პირველად მოუწია 14-წლიანი კარიერის მანძილზე კიუჯოს აღება (ტურნირიდან ნაადრევად მოხსნა). საბოლოოდ ჯურიოს მე-12 ნომრად მოასპარეზე ჩვენს გოლიათს 1-14 დაუფიქსირდა ბალანსი და სეკიტორის წოდებასაც დაემშვიდობა. თუმცა, გაგას იმედი აქვს, რომ კიდევ ერთხელ შეძლებს ფორმაში ჩადგომას და კარიერის დასრულებას არ აპირებს.</p></p></p><p><p><p>2020 წლის პირველ ტურნირს გაგამარუ მაკუშიტას (რანგით მესამე) დივიზიონში აღმოსავლეთის მე-9 ნომრის სტატუსით ხვდება. ამ დივიზიონში 120 რიკიშია თავმოყრილი და კონკურენცია ყველაზე მძაფრია. იმასაც შეგახსენებთ, რომ ელიტური დივიზიონებისგან განსხვავებით, აქ რიკიშები 7-7 ბრძოლას მართავენ. შესაბამისად, ყოველდღე არ უწევთ დოჰიოზე გასვლა.</p></p></p><p><p><p>რაც შეეხება სხვა ცვლილებებს ბანძუკეში, დავიწყოთ იმით, რომ სანიაკუს წევრთა რიცხვი 11-დან ერთბაშად 8-მდე შემცირდა. მოაკლდა ერთი ოძეკი და 2 კომუსუბი.</p></p></p><p><p><p>15 ბაშოზე ტარების შემდეგ ოძეკის წოდება პირველად დაკარგა კარიერაში იაპონელმა ტაკაიასუმ. 29 წლის კადობანში მყოფი სუმოისტი ტრავმით გამოდიოდა წინა ტურნირზე, ვერ შეძლო ბოლომდე ჩამთავრება და მაკე-კოში (უარყოფითი ბალანსი) დაუფიქსირდა. თუკი სეკივაკეს სტატუსის მქონე ტაკაიასუ იანვრის ბაშოზე 10 ბრძოლას მოიგებს, ოძეკის ტიტულს უმალვე დაიბრუნებს.</p></p></p><p><p><p>სეკივაკეს რანგში დებიუტი ექნება 25 წლის ნიჭიერ იაპონელ ასანოიამას, რომელმაც წინა ბაშოზე კომუსუბის წოდებით გამოდიოდა, 11 ბრძოლა მოიგო და ვიცე-ჩემპიონადაც მოგვევლინა.</p></p></p><p><p><p>კიდევ ერთი დებიუტანტია სანიაკუში, კომუსუბის წოდებით 26 წლის იაპონელი დაიეიშოს იჭიდავებს. მეორე კომუსუბის წოდებას კი უკვე ზედიზედ ოთხი ბაშოა 25 წლის იაპონელი აბი ინარჩუნებს.</p></p></p><p><p><p>3-წლიანი მოღვაწეობის შემდეგ პირველად ვიხილავთ სანიაკუს მიღმა იაპონელ მიტაკეუმის, რომელსაც ხვალ, 25 დეკემბერს 27 წელი უსრულდება. აკი ბაშოს ტრიუმფატორი და იმპერატორის თასის ორგზის მფლობელი ნოემბერში ოძეკობის კანდიდატი იყო, მაგრამ ახალ წელს მე-2 მაეგაშირას სტატუსით შეხვდება.</p></p></p><p>მიტაკეუმისთან ერთად ჯოი-ჯინში იქნებიან წარმოდგენილნი: ენდო, მიოგირიუ, ჰოკუტოფუჯი, ტამავაში, კოტოიუკი, ოკინოუმი და შოდაი.</p><p><p><p>ერთადერთი დებიუტანტი ეყოლება მაკუუჩი დივიზიონს, 23 წლის ტექნიკური მონღოლი, კირიბაიამას სახით, რომლის კლუბსაც (მიჩინოკუ ბეიას) ორიოდე თვის წინ თვით იოკოძუნა კაკურიუ შეუერთდა, მას შემდეგ, რაც ამ უკანასკნელის კლუბის თავკაცი ოიაკატა იძუცუ გარდაიცვალა და ჰეია დაიხურა.</p></p></p><p><p><p>კირიბაიამასთან ერთად მაკუუჩი დივიზიოში ძველი გვარდიის წარმომადგენლები ამოვიდნენ: აძუმარიუ, იკიოი, ტოჩიოძანი, კაისეი და ტოკუშორიუ. აღსანიშნავია, რომ ხუთივე მათგანი 30-ს გადაცილებული ვეტერანია.</p></p></p><p><p><p>ისიც უნდა აღვნიშნოთ, რომ რიგით მაეგაშირათა რაოდენობა (სანიაკუს შემცირების გამო) უპრეცედენტოდ გაიზარდა და 34-ს შეადგენს. ჰაცუ ბაშო 12 იანვრიდან აიღებს სტარტს.</p></p> <p><p><strong></p><p></strong></p></p> <p><p><strong>მომზადებულია <a href="https://www.facebook.com/GeorgianSumo/posts/3091443150870250?__tn__=K-R" target="_blank">ქართული სუმოს ქომაგები</a>ს მიხედვით</strong></p></p> <p><p><strong></p><p></strong></p></p> <p><p><strong> </strong> <p><p></p></p><br></p>
"ბიჭების გამო მაინც დარჩი, შენთან ერთად ვარჯიში მათთვის დიდი გამოცდილებააო" - ტოჩინოშინის ინტერვიუ კვირის პალიტრასთან
ტოჩინოშინმა საიუბილეო, მე-100 ბაშო ნაადრევად შეწყვიტა
ტოჩინოშინმა ტაკარაფუჯი მარტივად დაამარცხა [VIDEO]
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
ახალი ბანძუკე გამოქვეყნდა - ტოჩინოშინი რეიტინგში მნიშვნელოვნად დაწინაურდა!
ახალი ბანძუკე გამოქვეყნდა - ტოჩინოშინის პოზიცია შეიცვალა
ტოჩინოშინის შანსი - სუმოს ისტორიაში ბაშო მესამედ გაუქმდა
"მუხლში ერთი ხრტილიც აღარ დამრჩა" - გაგამარუ სუმოდან წავიდა
მეტოქე "ტოჩის" ყელში წვდა და დოჰიოდან გადააგდო, ქართველმა ივლისის ბაშო უარყოფითი ბალანსით დაასრულა [VIDEO]
ტოჩინოშინის საფირმო ჩავლება და დოჰიოზე გაგორებული მეტოქე [VIDEO]
"რიოგოკუ კოკუგიკანის" სასახლეში ცერემონია შედგა - ნახეთ, როგორ გააცილეს სუმოდან ტოჩინოშინი [VIDEO]
დრამატული დაპირისპირება - ტოჩინოშინი ტაკანოშოსთან დასანანად დამარცხდა [VIDEO]
ჰარუ ბაშოს ამბები - ტოჩინოშინის პირველი ორი მეტოქე ცნობილია
"მრცხვენია! როდესაც ქომაგის წინაშე ასე გამოდიხარ..." - ტოჩინოშინი კარიერას ასრულებს
3 მარცხიანი სერია დასრულდა, ტოჩინოშინმა მარტივად გაიმარჯვა [VIDEO]
ჰარუ ბაშო. დღე II [LIVE]