არასასურველი სიახლე

2011 წელს როლან გაროსის ოფიციალური ბურთი მოულოდნელად "ბაბოლატი" გახდა, რომელმაც "დანლოპის" ფირმის ბურთები შეცვალა 2011 წელს როლან გაროსის ოფიციალური ბურთი მოულოდნელად "ბაბოლატი" გახდა, რომელმაც "დანლოპის" ფირმის ბურთები შეცვალა. ამ სიახლემ მოთამაშეების შორის არაერთგვაროვანი რეაქცია გამოიწვია.ჩოგბურთში ასეა მიღებული - "დიდი სლემის" ოთხი ტურნირის ორგანიზატორები მრავალწლიან კონტრაქტებს აფორმებდნენ ბურთების მწარმოებელ კომპანიებთან და შესაბამისად, ბურთების მახასიათებლები ათწლეულების განმავლობაში არ იცვლებოდა. ამ საკითხში განსაკუთრებულია უიმბლდონი: ტურნირზე, რომელიც მკაცრად იცავს მრავალწლიან ტრადიციებს, უკვე საუკუნეზე მეტია Slazenger-ის ბურთებით თამაშობენ. ამერიკის ღია პირველობაზე ჯერ კიდევ 70-იანი წლების ბოლოს უპირატესობა "უილსონს" მიანიჭეს და არც იქ იცვლება რამე.ამ მხრივ როლან გაროსი დიდად არ განსხვავდებოდა თავისი "ძმებისგან". აქ დიდი ხანია "დანლოპის" პროდუქციას იყენებდნენ და მოთამაშეთა უმრავლესობისა და სპეციალისტების აზრით, ეს ბურთები კარგად ერგებოდნენ გრუნტის კორტებს. ყველაფერი ერთი ხელის მოსმით შეიცვალა: ნაცნობი "დანლოპი" ჯერჯერობით ყველასთვის უცნობი "ბაბოლატით" ჩაანაცვლეს. და იმის მიუხედავად, რომ ეს პატივსაცემი ფირმა უძველეს ბრენდს წარმოადგენს, სიახლე ყველას არ მოეწონა. ყოველდღიურად უფრო ხშირად გაისმის ნეგატიური განცხადებები ორგანიზატორთა მიმართ, თუმცა არიან ისეთებიც, ვისაც ეს სიახლე მოეწონა.სეზონის ლიდერი ნოვაკ ჯოკოვიჩი მეტად უკმაყოფილო დარჩა "ბაბოლატის" ბურთებით. "ძალიან სწრაფი ბურთებია, ამიტომაც რთულია მათი კონტროლი. რა თქმა უნდა, ასეთი ბურთი კარგი მოწოდების მქონე ჩოგბურთელებისთვისაა ზედგამოჭრილი".როჯერ ფედერერიც დიდად აღფრთოვანებული არ დარჩენილა სიახლით. შვეიცარიელი ორგანიზატორთა მთავარ შეცდომად არასაკმარის დროს ასახელებს, რომელიც მოთამაშეებს ახალ ბურთებთან შესაგუებლად მისცეს: "ამ ბურთებზე ბევრს ლაპარაკობენ. მე მხოლოდ იმის თქმა შემიძლია, ის განსხვავდება იმისგან, რასაც ადრე გვთავაზობდნენ. ეს ტურნირის ერთ-ერთი ყველაზე უსიამოვნო მომენტია".ფედერერს სოლიდარობას უცხადებს რეიტინგში მისი მეზობელი ენდი მიურეი. მანვე ისიც დაამატა, რომ აუცილებელია გრუნტის მთელი სეზონი ჩოგბურთელებმა ერთი ბურთით ითამაშონ. "ამ ახალმა ბურთმა, შესაძლოა, დახმარებაც გამიწიოს, რადგან ის ძალიან სწრაფია. მაგრამ მირჩევნია, რომ გრუნტის სეზონის განმავლობაში ბურთი არ შეიცვალოს. ვფიქრობ, ბევრი ჩოგბურთელი გაიზიარებს ამ მოსაზრებას", - ამბობს ბრიტანელი.ფედერერის თანამემამულე სტანისლას ვავრინკა საკმაოდ მოკლე იყო თავის კომენტარში: "საკმაოდ უცნაური ბურთებია. ჯერჯერობით არ შემიძლია შევაფასო სხვაობა, მაგრამ ის მართლაც არსებობს".პრობლემის მეორე მხარე აღმოჩნდა ქალ ჩოგბურთელთა აზრი, რომელიც ამერიკელმა ბეტანი მატეკმა გაახმოვანა: "ბევრი გოგონა ბრუნდება მატჩების შემდეგ გასახდელში მხარის მცირე დაზიანებით. ისინი ამბობენ, რომ ახალი ბურთი ძალიან "უხეშია". ამასთან, ამერიკელმა განაცხადა, რომ ბურთი სწრაფად ფრინავს და პირადად მას ეს ძალიან მოსწონს. სიახლემ სემ კუერიც გაახარა. "მომეწონა ახალი ბურთები. ამ პირობებში ისინი მოწოდებისას მეხმარებოდნენ", - განაცხადა ამერიკელმა, რომელიც კარიერაში პირველად გავიდა როლან გაროსის მეორე წრეში.გამოჩნდა "ბაბოლატის" ახალი პროდუქტის კიდევ ერთი თაყვანისმცემელი - ესპანელი რუბენ რამირეს-იდალგო, ვინც მოულოდნელად მარინ ჩილიჩს მოუგო: "ძალიან მომეწონა ახალი ბურთები. ისინი საუკეთესოდ ერგებიან ჩემს თამაშს. მოჭრილი დარტყმისას ის ჩვეულებრივზე უფრო სწრაფად მიფრინავს. ეს ის არის, რაც მე მინდა". ივეტა ბენეშოვა კი ტურნირს ტოვებდა ღრმად დარწმუნებული იმაში, რომ სწორედ ახალი ბურთი გახდა სამანტა სტოსურთან წაგების ერთ-ერთი მთავარ ფაქტორი: "ასეთი უცნაური ბურთები ისეთ მოთამაშეებს ეხმარებიან, როგორიც სამანტაა. ისინი ჩვეულებრივზე სწრაფები არიან. ვხვდებოდი, რომ ვერ შევძლებდი მათ კონტროლს ისევე დამაჯერებლად, როგორც ამას ძველი ბურთებით ვაკეთებდი. არ ვიცი, რისთვის დასჭირდათ ორგანიზატორებს ეს ცვლილები. ახლა შემტევი სტილის მოთამაშეებმა კოლოსალური უპირატესობა მოიპოვეს".

მერვე მატჩიდან მეშვიდე წაგება სეზონში - ბასილაშვილი ცუდ ფორმაშია

მარცხი მსოფლიოს 106-ე ნომერთან - ბასილაშვილმა მონპელიეს ტურნირის პირველივე შეხვედრაში წააგო

[VIDEO] კარლოს ალკარასმა ნოვაკ ჯოკოვიჩი ავსტრალიის ღია პირველობის ფინალში დაამარცხა!

მერაბ რატიშვილი მონტენეგრო-საბერძნეთის მატჩს უკომისრებს

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა