<p>სადაზღვევო კომპანია "ალდაგი ბისიაიმ" ექსტრემალური სპორტის მოყვარულთა გასახარად დედაენის ბაღში ტურნირი ჩაატარა <br> ასობით ქართველი ბავშვი სიამოვნებითა და ხალისით ცდილობს ოთხ ბორბალზე მყარად დადგომასა და სრიალს. მოხალისე-მოსრიალეთა შორის რამდენიმე პროფესიონალებიცაა. პრობლემების მიუხედავად ახალგაზრდები ყოველდღიურად ცდილობენ ურთულესი ილეთების დახვეწას.</p><p>ახლახან სადაზღვევო კომპანია "ალდაგი ბისიაიმ" ექსტრემალური სპორტის მოყვარულთა გასახარად დედაენის ბაღში ტურნირი ჩაატარა. ხაზისშიდა ციგურებით სრიალში სხვადასხვა სირთულის ილეთები და ხტომები შეასრულეს ილია კონონენკომ, გიგა ლომიძემ და გიორგი ბიბამ. მათ შორის გამარჯვება და განსაკუთრებული მოწონება ილია კონონენკომ მოიპოვა.</p><p><strong>სახიფათოდ გამორჩეულნი</strong></p><p>ილია კონონენკო: "როლიკებით სრიალი 13 წლისამ დავიწყე. მამაჩემის კვალს გავყევი. დედაენის ბაღში ყოველდღე მოვდივარ სავარჯიშოდ და სერიოზული ტრავმა არსოდეს მიმიღია".</p><p>გიორგი ბიბა: "თავიდან ყინულის მოედანზე ვსრიალებდი, მაგრამ დაიხურა. გადავწყვიტე როლიკები შემეძინა და სრიალი გამეგრძელებინა. ყველა საჭირო ინვენტარი მეორადებში შევიძინე. დედაენის ბაღში თავიდან მარტო ვსრიალებდი, მაგრამ ნელ-ნელა ბავშვებიც დაინტერესდნენ. ინტერნეტში მოძიებული ილეთების დახვეწაში ერთმანეთს ვეხმარებოდით. ხელისა და ნეკნის დაზიანების მიუხედავად როლიკებით სრიალზე უარი მაინც არ ვთქვი".</p><p><strong>გორგოლაჭების ისტორია </strong></p><p>1760 წელს მეტალის გორგოლაჭებიანი ციგურებით პრიმიტიული ილეთები ბელგიელმა ჯონ ჯოზეფ მერლინმა შეასრულა, ხოლო მოგვიანებით 1819 წელს პარიზში პეტიტბლედმა გორგოლაჭებიანი როლიკების პირველი ნიმუში შექმნა, რომელიც დღევანდელს თითქმის წააგავდა. მასზე ნახტომების შესრულება ურთულესი იყო. ნელ-ნელა გორგოლაჭები იხვეწებოდა და 1866 წელს პირველი სახალხო შეჯიბრიც მოეწყო.</p><p>მეოცე საუკუნის მიწურულს სასრიალო ციგურების დიზაინი შეიცვალა, დაემატა ჩასაფენი ნაბადი. შეიქმნა სხვადასხვა დისციპლინები და ევროპის ქვეყნებმა ეროვნული ჩემპიონატების ჩატარება დაიწყეს. ჩამოყალიბდა როლიკებით მოსრიალეთა კლუბები.</p><p>დღეს უკვე ციგურების რამდენიმე კატეგორია არსებობს: სისწრაფეში შეჯიბრება, სლალომი, სადაც მოსრიალენი მცირე ზომის კუბიკებს შორის ცდილობენ სწრაფი მოძრაობით ფეხი ოსტატურად გაატარონ. ქუჩის გრაინდები, სადაც კიბეებიდან და სხვადასხვა სიმაღლეებიდან ჰაერში ორ ნახტომს, უკუ ნახტომს და სხვა სირთულის ილეთებს ასრულებენ.</p><p><strong>ხიფათის აგრესიულობა</strong></p><p>აგრსიულ ხაზისშიდა ციგურებით სრიალის შესასრულებელი დისციპლინებია დაბრკოლებები, მოხერხებულად მოძრაობა, მარჯვე ტრიუკები, ზემოდან გადავლება, ბეტონის გორაკებისა და ბორცვების დაძლევა. არსებობს გორგოლაჭებით სრიალის ორი დისციპლინა: ქუჩის, რომელიც თავისუფალი სტილის სრიალითაა ცნობილი და პარკის, სადაც აგებულია ბეტონის ბორცვები და სხვადასხვა წინაღობები.</p><p><strong>პრობლემები </strong></p><p>როლიკებით ასობით ბავშვი სრიალებს, თუმცა პროფესიულ დონეზე სრიალს ცოტა თუ ბედავს. პროფესიონალ მოსრიალეთა შორისაა გიგა ლომიძეც: "აუცილებელია, ჩამოყალიბდეს როლიკების ფედერაცია, მოიძებნოს სპონსორი. აიგოს დახურული პარკი. სამწუხაროდ, ერთი პარკი საკმარისი არაა, მითუმეტეს, რომ დედაენის ბაღში სახტომები ცუდაა დაპროექტებული, სივრცე დატოვებულია, თუმცა ამ სივრცეში შეიძლებოდა საჭირო სასრიალო ბარიერების აგებაც.</p><p>ყველაზე მთავარი პრობლემა არასწორად აგებული ბორცვებია. სტანდარტის მიხედვით ორ დიდ რამპს შორის შედარებით მომცრო ბორცვი უნდა იყოს ჩადგმული. აქ კი ასე არაა. ავდარში ვარჯიში თითქმის შეუძლებელია, რადგან წყალი არ გადადის და ცენტრში გროვდება. კუთხეებში დაგროვებული ნაგავი სრიალისას როლიკებს ჭედავს.</p><p>ევროპაში სპეციალური დამცავი რბილი საფარი აქვთ რომლის დახმარებითაც ურთულეს ილეთებს გაბედულად ხვეწენ. ჩვენ პირდაპირ ცემენტზე ვვარჯიშობთ. საბედნიეროდ, ჩვენს შორის არიან ბავშვები, რომელთაც აქვთ ნიჭი და უნარი სპორტის ამ სახეობაში წარმატებულნი იყვნენ. დიდი სურვილი გვაქვს მეტი გავაკეთოთ, მაგრამ დაუხმარებლად ეს შეუძლებელია".</p>
gvristich
გიგაა მოკლედ სადაც შენ არ შეგხვდები რაა :D:D:D:D შენ არ თქვა სერიოზული ტრანვა არ მიმიღიაო თორემ ნახავ შენ :D:D:D
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
"ფენერბაჰჩეს" მოურინიოს შესაძლო შემცვლელებს შორის ორი კანდიდატი ჰყავს
უარი ხავისგან - "ლევერკუზენი" ახალი მწვრთნელის ძიებაშია
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია