<p>სუპერლიგის მე-15 ტური დღეს, რუსთავში დაიწყო. ქვემო ქართლში სათამაშოდ ჩავიდა ერთ-ერთი აუტსაიდერი, ბოლო ადგილზე "ცხუმ-აფხაზეთთან" ერთად მყოფი "მგზავრები”, რომელმაც "რუსთავი" დაძაბულ ბრძოლაში 85:80 დაამარცხა და სატურნირო მდგომარეობა მნიშვნელოვნად გაიუმჯობესა.</p><p>ბუბა ბერიშვილის გაწვრთნილ მგზავრებს 2 ტურის წინ მხოლოდ 3 მოგება ჰქონდათ და ბოლო ადგილზე მოზიარის გარეშე იყვნენ, თუმცა ბოლო 2 შეხვედრა მოიგეს და 15 მატჩიდან 5 მოგებით მე-8 ადგილზე გადაინაცვლეს. რეგულარულ ჩემპიონატში დარჩენილ მატჩებში (22 ტური) კიდევ ბევრი რამ მოხდება, თუმცა ფაქტია, სუპერლიგაში დასარჩენად ბრძოლა უაღრესად დაძაბული იქნება. შეგახსენებთ, ბოლო ადგილზე გასული გუნდი პირდაპირ "ა" ლიგაში ჩაინაცვლებს, ხოლო ბოლოსწინა დასარჩენად გადათამაშებას გამართავს.</p><p>რაც შეეხება რუსთავში გამართულ მატჩს, მას გულშემატკივრები არ დასწრებიან. შესაბამისი სახელმწიფო სტრუქტურების რეკომენდაციით, კორონავირუსის პრევენციის მიზნით, სუპერლიგისა და"“ა" ლიგის მატჩები დროებით მაყურებელთა გარეშე ტარდება. შესაბამისად, რუსთავს მოაკლდა ერთგული ქომაგი, რომელიც აქამდე ყველა მატჩზე ტრიბუნებს ბოლომდე ავსებდა.</p><p>სათქმელია, რომ რუსთავის გუნდი შეხვედრას დანაკლისით შეხვდა. განაცხადში არ იყო ეროვნული ნაკრების ტრავმირებული წევრი საბა ლობჯანიძე, გეგი ბაქრაძე და ავსტრალიელი გამთამაშებელი, ნელსონ როლინსი. მიუხედავად დანაკლისისა, რუსთაველებმა თამაში შედეგიანად დაიწყეს და პირველი პერიოდი 22:18 მოიგეს.</p><p>მეორე ათწუთეულიდან ამოქმედდა მგზავრების ნომინალური ცენტრი სოსო გოგნაძე, რომელსაც ფარქვეშ ხელს ტაჯ სპენსერი აშველებდა. თბილისელთა უკანა ხაზი კი ტრადიციულად მობილური და სწრაფი იყო, რის ხარჯზეც მგზავრებმა მეტოქე ჩამოიტოვეს და ხელჩასაჭიდ უპირატესობას დაეუფლნენ. მეორე პერიოდის ბოლო წამზე დარელ ქომსბის სამქულიანმა თბილისელებს დიდი შესვენებისთვის 10-ქულიანი უპირატესობა მოუტანა.</p><p>მესამე ათწუთეულიდან რუსთაველებმა ანგარიშის გასათანაბრებლად არაერთ გზას მიმართეს, რაც ეპიზოდებში ამართლებდა და სხვაობა მცირდებოდა, თუმცა მგზავრები არ ტყდებოდნენ და დაცვისა და სწრაფი შეტევების, ასევე პერიოდული ზუსტი სამქულიანების ხარჯზე ბოლო პერიოდამდე ლიდერობა არ დაუთმიათ.</p><p>მეოთხე მეოთხედი 2 წუთის დაწყებული იყო, როცა მგზავრების მთავარი მწვრთნელი, ბუბა ბერიშვილი მე-2 ტექნიკური ჯარიმის გამო თამაშიდან გავარდა. სწორედ ამ ტექნიკური ჯარიმის ზუსტი შესრულებით ნიკოლა ტადიჩმა ანგარიში გაათანაბრა – 68:68, ხოლო ოდნავ მოგვიანებით, აკაკი დვალიშვილის ზუსტი საჯარიმოების შემდეგ, მატჩის დასრულებამდე 4 წუთით ადრე 74:72 დაწინაურებულ რუსთაველებს გამარჯვების რეალური იმედი ჩაესახათ.</p><p>აქ გათამაშდა საკვანძო ეპიზოდი, რომლის მთავარი გმირები მგზავრების წევრები – ტაჯ სპენსერი, ლოველ ქაბბილი და სოსო გოგნაძე გახდნენ. ამ მოთამაშეებმა მიყოლებით ჩააგდეს 8 ქულა და საფინალო სირენამდე 2.20 წუთით ადრე სტუმრები 80:74 დააწინაურეს. რუსთაველები არ დანებდნენ და დენზელ ლივინგსტონისა და ილია ლონდარიძის ძალისხმევით, დასრულებამდე 40 წამით ადრე ანგარიში გაათანაბრეს – 80:80. გადამწყვეტი აღმოჩნდა სოსო გოგნაძის მიერ ჯარიმის თანხლებით ჩაგდებული 2-ქულიანი და პლუს საჯარიმო, რის შემდეგაც სტუმრები 83:80 დაწინაურდნენ და როცა მგზავრებმა რუსთაველთა შეტევაც მოიგერიეს, გამარჯვებულის ვინაობა სათავისოდ გადაწყვიტეს.</p><p>მგზავრებში 22 ქულითა და 11 მოხსნით საუკეთესო იყო სოსო გოგნაძე. 20 ქულა ჰქონდა ტაჯ სპენსერს, ხოლო ლოველ ქაბბილმა შეხვედრა 12 ქულითა და 10 პასით დაასრულა. რუსთაველთა გუნდში 17 ქულით, 6 მოხსნითა და 6 ჩაჭრით დენზელ ლივინგსტონი გამოირჩა. 18 ქულა და 9 მოხსნა მიითვალა ილია ლონდარიძემ, ხოლო ნიკოლა ტადიჩის ანგარიშზე 12 ქულა, 10 მოხსნა და 5 პასი დაგროვდა.</p><p><p><p>სუპერლიგის მე-15 ტურის მორიგი 2 შეხვედრა (ვერა-ბათუმი, კაკტუსი-თსუ) 7 მარტს, თბილისის ოლიმპიურ სასახლეში გაიმართება.</p></p> <p><p><strong></p><p></strong></p></p> <p><p><strong>მომზადებულია GBF.GE-ს მიხედვით</strong></p></p></p><p><br></p>
Kemba
es cvetshi luzer klubad iqca . tipebs mteli ol stari kavt da verafers aketeben
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
ორბმა ზედიზედ მე-4 გამარჯვება ახალციხესთან მოიპოვა
კსუ-კავკასიამ ივერიონი დაამარცხა და სუპერლიგას დაუმარცხებლად ლიდერობს
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
CHANGE - ცვლილებების საჭიროება და ცვლილებები რეალური ცვლილებების გარეშე!..
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"იქ ვართ, სადაც ვიმსახურებთ" - შევჩენკომ თქვა, რომ მიზანს ვერ მიაღწიეს, მაგრამ მალდერა ნაკრებში დარჩება
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
"საქართველოს ნაკრები კარგად გამოიყურებოდა" - რა თქვა ზაბარნიმ გუშინდელი მატჩის შემდეგ
[PHOTO] ახლო მეგობრები - უკრაინის ნაკრების წევრმა მატჩის შემდეგ საქართველოს ნაკრების ფეხბურთელთან გადაღებული ფოტო გამოაქვეყნა
სვანაძე: ასე გაგრძელება არ შეიძლება - გულშემატკივრების რეაქციას კარგი თამაშით უნდა ვუპასუხოთ
უკრაინელთა მწვრთნელი: საქართველო არაფრითაა უნგრეთზე ან უკრაინაზე სუსტი - აბსურდულ სიტუაციაში გავიმარჯვეთ
როგორი შეფასებები მიიღეს საქართველოს ნაკრების ფეხბურთელებმა უკრაინასთან მატჩში?
ჩრდილოეთ ირლანდია უნგრეთს ფრედ ეთამაშა და A დივიზიონში აღზევდა
[VIDEO] კატასტროფა - საქართველოს ნაკრებმა ერთა ლიგა გატანილი გოლის გარეშე, ბოლო ადგილზე დაასრულა
უკრაინასთან მატჩში საქართველოს ნაკრების შემადგენლობა ცნობილია
თასის მეოთხედფინალს "მგზავრები", "ვერა" და "ტიტები" დაემატნენ
"ბათუმმა" "მგზავრები" ბოლო წუთებზე გატეხა და სუპერლიგაში გალიდერდა
ზურაბ საკანდელიძისა და მიხეილ ქორქიას მემორიალზე 3 ნახევარფინალისტი გამოვლინდა
"ოლიმპი" ქუთაისში დამარცხდა, "ვერამ" კი რუსთავში იმარჯვა
1/4-ფინალურ სერიებში "ტიტები" და "მგზავრები" დაწინაურდნენ – რუსთავში კი ფრე დაფიქსირდა
ფინალური სერიის მეორე მატჩი "რუსთავმა" "ცხუმ-აფხაზეთს" ბრძოლაში მოუგო
"რუსთავმა" "ცხუმ-აფხაზეთს" 76:60 სძლია და ფინალურ სერიაში დაწინაურდა
ფევაძის სარეკორდო 23 მოხსნა და გამარჯვების ბურთი "მგზავრების" კალათში
საკანდელიძე-ქორქიას მემორიალის გამარჯვებული "რუსთავი" გახდა
გიორგი კორსანტიას 32 ქულა, 18 მოხსნა და თსუ-ს გამარჯვება "მგზავრებთან"
"მგზავრები", "ტიტები" და თსუ თასის გათამაშების ნახევარფინალში გავიდნენ
საკანდელიძე-ქორქიას სახელობის მემორიალის ფინალში "კაკტუსი" "რუსთავს" დაუპირისპირდება