”რეალისთვის” უღირსი? No, No, No!

ჰამით ალთინთოფი მადრიდში სკამის სახეხად არ მიდის ჰამით ალთინთოფის მადრიდის „რეალში“ გადასვლამ, არა მარტო მისი ყოფილი გუნდის, „ბაიერნის“ ფანები გააოცა, არამედ მთელი საფეხბურთო ესპანეთიც გააკვირვა. რაკი 28 წლის თურქი ნახევარმცველი მიუნხენურ კლუბში სათადარიგოთა სკამს ხეხავდა, ვერავინ წარმოიდგენდა, რომ მას „სამეფო გუნდში“ დაპატიჟებდნენ. ფაქტი კი სახეზეა: ჰამითი „რეალის“ ფეხბურთელი გახდა და სხვათა შორის, ძალიან თავდაჯერებულიცაა - ამტკიცებს, ვიბრძოლებ და „რეალის“ ძირითად შემადგენლობაში ადგილს დავიმკვიდრებო.ცოტა ხნის წინ, ჟოზე მოურინიომ ხორხე ვალდანოს ძალაუფლებისთვის ბრძოლა მოუგო. შედეგად, მადრიდულმა გრანდმა ვალდანო დაითხოვა. ამით გაბრაზებულმა ყოფილმა გენ-დირექტორმა „რეალში“ ყველა და ყველაფერი გააკრიტიკა, ამ შემთხვევაში კი, ჩვენთვის ყველაზე საინტერესო ჰამით ალთინთოფის შესახებ გაკეთებული კომენტარია - ვალდანომ თქვა ის, რასაც „რეალის“ არაერთი ქომაგი ფიქრობს: „შეიძლება, ჰამით ალთინთოფი არ არის ცუდი ფეხბურთელი, მაგრამ ის არ იმსახურებს „რეალში“ თამაშს. ჩემი აზრით ის საშუალო დონის მოთამაშეა, რომელიც „სამეფო გუნდის“ შემადგენლობაში არ უნდა იყოს.“თვითონ თურქი ნახევარმცველი კი კრიტიკის ქარცეცხლს მშვიდად შეხვდა, თავდაჯერებული ჩანს და იქადნება, ყველას დავუმტკიცებ, რომ „რეალში“ თამაშის ღირსი ვარო.„ვფიქრობ, რომ „რეალისთვის“ სასურველი ფეხბურთელი ვარ. წინააღმდეგ შემთხვევაში აქ არავინ მომიყვანდა. ვერც იმ მოსაზრებას დავეთანხმები, თითქოს საშუალო დონის მოთამაშე ვარ, - ამბობს ჰამითი AS-ისთვის მიცემულ ინტერვიუში და იქვე დასძენს, - დარწმუნებული ვარ, რომ ჟოზე მოურინიოს ძალიან ვჭირდები. ეს სპეციალისტი ფეხბურთელს ტყუილად არასდროს ყიდულობს. სადაც არ უნდა მათამაშოს, თავს არ დავზოგავ.“სიახლე არ არის ის ფაქტი, რომ ჰამითი მრავალმხრივი ფეხბურთელია და თამაში არაერთ პოზიციაზე შეუძლია. მარჯვენა მცველი, მარჯვენა ნახევარმცველი, საყრდენი ნახევარმცველი, გამთამაშებელი - კარიერის განმავლობაში მას ყველა ამ პოზიციაზე უასპარეზია. „ბაიერნში“ კი ბოლო ორი წლის განმავლობაში ყოველთვის სათადარიგო იყო, რადგან ლუის ვან გაალს თავი ვერაფრით მოაწონა. ისიც უნდა ვთქვათ, რომ რეკორდმაისტერს ფრანკ რიბერისა და არიენ რობენის სახით ორი შესანიშნავი გარემარბი ჰყავდა და სულაც არაა გასაკვირი, ჰამითს ძალიან იშვიათად რომ ათამაშებდა. გასულ სეზონში თურქეთის ნაკრების ნახევარმცველმა „ბაიერნის“ ფორმა მხოლოდ 14 შეხვედრაში მოირგო. ჰამითი ამბობს, ვან გაალის გაკრიტიკება არ მინდა, მაგრამ ფაქტია, რომ ჩემს შემთხვევაში ძალიან ცდებოდა, ვფიქრობ, მეტს ვიმსახურებდიო.„ცხადია, არ მაქვს იმის ილუზია, რომ თავიდანვე სასტარტო შემადგენლობაში ვითამაშებ, მაგრამ მადრიდში სკამის სახეხად არ ჩამოვსულვარ. ყველაფერს გავაკეთებ იმისათვის, რომ ხშირად ვითამაშო ხოლმე და მჯერა, მიზანს მივაღწევ,“ - აცხადებს ალთინთოფი.სხვათა შორის, ესპანური პრესა და ესპანელი ექსპერტები თავის დროზე მესუთ იოზილის მადრიდულ პერსპექტივასაც ეჭვის თვალით უყურებდნენ (იგივე ითქმის სამი ხედირაზეც), მაგრამ 22 წლის გამთამაშებელმა, რომელიც წარმოშობით ასევე თურქია, სამეფო გუნდის ძირითად შემადგენლობაში ადგილი დაიმკვიდრა. სხვათა შორის, ალთინთოფს „რეალში“ კიდევ ერთი თანამემამულე დახვდება - ნური შაჰინი, რომელიც „რეალში“ ასევე ახალწვეულია (დორტმუნდიდან).

[PHOTO] სიყვარულს რას გაუგებ - ნიკოლმა იამალს "რეალის" ახალწვეულთან უღალატა

ალექსის სანჩესი კარიერას ლა ლიგაში გააგრძელებს

მიქაუტაძის "ვილიარეალმა" დონეცკის "შახტარის" ფეხბურთელი ინათხოვრა

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

როდრიმ მისი აზრით "ოქროს ბურთის" ორი ფავორიტი დაასახელა

"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

ქოჩორაშვილი: აქამდე სწორედ იმიტომ მოვედით, რომ არასდროს ვნებდებით

ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა

"შავი ლომი" "ძებრესთან" დამარცხდა

ლუქსემბურგის ახალგაზრდული ნაკრების ავტობუსი გზაში გადატრიალდა

გატუზო თავის სტიქიაშია - ზოგს წაუთაქა, ზოგს სილა გააწნა

დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?

ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა

დავითაშვილი: ასეთები ხდება, მთავარია, ახლა არ გავიმეოროთ

სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ

ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!