<p><p><p>ბათუმის "დინამოდან" ჟოდინოს "ტორპედო-ბელაზში" გადასულმა ბრაზილიელმა თავდამსხმელმა გაბრიელ რამოსმა აღაფრთოვანა ბელარუსი გულშემატკივრები. მან "პრესბოლთან" ინტერვიუში საქართველოს შესახებაც ვრცლად ისაუბრა.</p></p></p><p><p><p><strong>- ქართული და ბელარუსული სამზარეულო როგორ მოგწონს?</strong></p></p> <p><p>- თქვენი ბრინჯი სულ სხვანაირია, ქართულისგან განსხვავებულია, მით უმეტეს, ბრაზილიურისგან. ჩვენი მზარეულები ბაზაზე ხორცისგან გემრიელ კერძებს ამზადებენ. რა თქმა უნდა, ყოველ კვირაში საქართველოში მწვადს მივირთმევდი. ადგილობრივები მისი მომზადების ნამდვილი სპეციალისტები არიან.</p></p></p><p><strong>- რატომ წახვედი ბრაზილიიდან საქართველოს მეორე ლიგაში? უჩვეულო არჩევანია..</strong>.</p><p><p><p>- მე მართლა კარგი რეზიუმე მაქვს. დიდ გუნდებში ვიყავი, თუმცა სისტემატურად არ ვთამაშობდი. სამშობლოდან პირველად "გენტში" გადავედი. ბელგიაში ორი თვე დავყავი, მაგრამ კონტრაქტი არ გამიფორმეს. შემდეგ "რიგაში" გავემგზავრე, რომელიც შეკრებას კვიპროსში გადიოდა. ყველაფერი ხელშეკრულების გაფორმებისკენ მიდიოდა, მაგრამ საქმეში ბრმა ნაწლავი ჩაერია. ოპერაცია იქვე გამიკეთეს, გუნდში კი, რა თქმა უნდა, არ დამტოვეს. ბრაზილიაში დავბრუნდი, რამდენიმე თვე აღდგენას მოვუნდი, ხოლო როდესაც არ თამაშობ, შენზე მოთხოვნა და ყურადღება ნაკლებია. კარიერაში შესვენება ყველას აბრკოლებს. ამიტომ მადლობელი ვარ, რომ ბათუმში მიხმეს. საქმე ასარჩევად არ მქონდა და ეს არც იყო საჭირო. თამაში უნდა დამეწყო და რაც შეიძლება მალე. პირველივე სეზონში უმაღლეს ლიგაში გადავედით. მეორე სეზონში ვერცხლის მედლები მოვიპოვეთ. იმ დროზე შესანიშნავი მოგონებები შემომრჩა.</p></p></p><p><p><p><strong>- აჭარაზე რას იტყვი?</strong></p></p> <p><p>- ო, ბათუმი ცნობილი ტურისტული ქალაქია! ჩემთან ერთად ბრაზილიელი ფლამარიონი თამაშობდა. პარკსა და პლაჟზე გავლა გვიყვარდა. ბათუმში გასართობს ყოველთვის იპოვი. იქ ცხოვრება შესანიშნავია! მწვადი, სხვადასხვა ქვეყნიდან ბევრი ტურისტი, უამრავი ლამაზი გოგონა. იმ ქალაქში არ მოიწყენ.</p></p></p><p><p><p><strong>- გულდაწყვეტილი დარჩი, რომ გასულ წელს საქართველოს ჩემპიონი ვერ გახდი?</strong></p></p> <p><p>- რა თქმა უნდა, კარგი იქნებოდა პირველ ადგილზე გავსულიყავით. ჩვენ ხომ კლუბის ისტორიაში შევიდოდით, რომელიც არასოდეს არ ყოფილა ჩემპიონი. თუმცა ჩემთვის ასეთი შედეგი ოქროს ტოლფასია, რადგან პირველი ლიგიდან გადასული გუნდისთვის ეს მიღწევაა. ასე რომ, გულდასაწყვეტი არაფერია.</p></p> <p><p></p><p><strong>- ბათუმის "დინამო" ევროტურნირებზე მიიღებს მონაწილეობას. რატომ წამოხვედი საქართველოდან?</strong></p></p> <p><p>- ჩემპიონატის დასრულების შემდეგ 5 თვეში მიმთავრდებოდა კონტრაქტი. ბრაზილიაში გავემგზავრე, ახლობლებს დაველაპარაკე და მივხვდი, რომ საქართველოში დაბრუნება არ მინდოდა. იქ ახალს ვეღარაფერს შევიძენდი. ბათუმში რაღაც შედეგებს მივაღწიე და ნაბიჯის წინ გადადგმის დრო დადგა. ახალი გამოწვევა მჭირდებოდა.</p><p><strong>- 2019 წლის ჩემპიონატზე გატანილი 4 გოლი შენთვის ცოტა ხომ არაა?</strong></p></p> <p><p>- ბათუმში ფლანგზე ვთამაშობდი. დაცვაში ხშირად მიწევდა ჩასვლა, ართმევაზე ბრძოლა. ამის შემდეგ შეტევაში გასაქცევად ყოველთვის არ მყოფნიდა ძალა. ართმევაზე ჟოდინოშიც შევდივარ ბრძოლაში, მაგრამ აქ დაცვითი ფუნქციებით ნაკლებად ვარ დატვირთული. უფრო ხშირად წინ ვრჩები. ამიტომ იმედია, იმაზე მეტს გავიტან, ვიდრე საქართველოში გამქონდა. მიზანი მაქვს და მისკენ მივისწრაფი.</p><p><strong>- საქართველოში ასეთ გოლების გატანა გამოგდიოდა?</strong></p></p> <p><p>- დიახ, საკმაოდ ხშირად შორიდან ვურტყამდი და გამქონდა. ადრე ხშირად ვუყურებდი, როგორ ასრულებდნენ საჯარიმოებს რონალდინიო და კოუტინიო. რიოში მთელ საღამოებს მოედანზე ვატარებდი. კარის კუთხეებში გადასაცმელ მაისურებს ვკიდებდი და მათ ჩამოგდებას ვცდილობდი.</p></p></p><p><p><p> <p></p></p><br></p>
Dato
ჟოდინოში რა კლასი უნდა აიმაღლოს, ალბათ ხელფასი შესთავაზეს უკეთესი.
ჩაქრნენ ვარსკვლავნი, ზეცა იცლება - პელე 3 წლის წინ მონათესავე სულებს შეუერთდა, იქ ფეხბურთი არის?!
ერევნის ტურნირზე საქართველოს ნაკრებმა მოლდოვას დიდი ანგარიშით სძლია
"რომა" "იუვენტუსს" სწორედ ამიტომ ვარჩიე" - გასპერინი
სუპერლიგის პირველი წრე დრამატული მატჩით დასრულდა – ორბმა რუსთავი ოვერტაიმში დაამარცხა
ხორდი კრუიფი "აიაქსის" სპორტულ დირექტორად დაინიშნა
"გერმანია და ბრაზილია ტოპ 5-ში არ არიან" - კროოსმა მსოფლიო ჩემპიონატის ფავორიტები დაასახელა
ედინსონ კავანიმ ფეხბურთელის კარიერა დაასრულა
[VIDEO] მამუკელაშვილის 22 წუთი და ბარნსის საოცარი მატჩი - "ტორონტომ" "გოლდენ სტეიტი" ოვერტაიმში დაამარცხა
ქოჩორაშვილი შეცვლაზე შევიდა - "სპორტინგმა" ადვილად გაიმარჯვა
"ინშალა". გოლი ყოველ 5 წუთში "რეალის" კარში - ლაპორტამ თქვა, რა არის სამოთხე
Globe Soccer Awards. საუკეთესო ფეხბურთელი დემბელე გახდა - კვარაცხელია თავდამსხმელებში ნომინანტებს შორის იყო
ჰოილუნის ლიდერობით - "ნაპოლიმ" "კრემონეზეს" მოუგო
"ნაპოლი" აღარ ხუმრობს - მზადაა "რეალის" 18 წლის შემტევი 50 მილიონად შეიძინოს
"მანჩესტერ იუნაიტედი" "რომას" ნახევარმცველის შეძენასთან ახლოსაა
"თუ გორდონი 100 მილიონი ღირს, მაშინ ჩემი ფასი 200 მილიონი იქნებოდა"- ანდრეი არშავინი
"მომატებული 5 კილოგრამი ასე დავიკელი" - პეპ გვარდიოლა
"გუნდი არ ვიყავით, ყველა თავისთვის თამაშობდა" - ვიტინიამ მესი-ნეიმართან ერთად თამაშის პერიოდი გაიხსენა
"დაკარგული ჯერ არაფერია. "ლივერპულმა" "მანჩესტერ სიტის მსგავსად უნდა იმოქმედოს" - ჯეიმი კარაგერმა მერსისაიდელებს რჩევა მისცა
[VIDEO] პსჟ-ს ფეხბურთელებმა დემბელეს დასცინეს
საქართველოს ხელბურთის ეროვნულმა ფედერაციამ 2025 წელი შეაჯამა
GFF Awards 2025 - საუკეთესო ფეხბურთელად კვარაცხელია დაასახელეს
[VIDEO] ემერიმ "სტემფორდ ბრიჯზეც" მოიგო - "ასტონ ვილას" ბრწყინვალე სერია და უოტკინსის უნიკალური რეკორდი!
გოგლიჩიძე განაცხადში არ იყო - "უდინეზე" წაგებას გადაურჩა