- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
მიურეის მოგება დაავიწყდა
<p>მამაკაცებმა ამერიკული ტურნირების სერია ლოს ანჯელესში განაგრძეს. თავდაპირველად აქ მთავარი ვარსკვლავი ნოვაკ ჯოკოვიჩი უნდა ყოფილიყო...</p><p><br> მამაკაცებმა ამერიკული ტურნირების სერია ლოს ანჯელესში განაგრძეს. თავდაპირველად აქ მთავარი ვარსკვლავი ნოვაკ ჯოკოვიჩი უნდა ყოფილიყო, მაგრამ ბოლო მომენტში სერბმა პირადი მიზეზებით თქვა უარი თამაშზე. ორგანაზიტორებმა მსოფლიოს მეორე ჩოგანს შემცვლელი მოუნახეს - სპეციალური მიწვევა გაუგზავნეს ენდი მიურეის, რომლისთვისაც ეს პირველი ტურნირი იყო უიმბლდონის შემდეგ.</p><p>ბრიტანელმა პირველი მატჩი ვინმე ტიმ სმიჩეკთან ითამაშა. ენდიმ სრულიად უცნობ ამერიკელთან სენსაციურად წააგო მეორე სეტი, თუმცა შეხვედრის მოგება მაინც მოახერხა.</p><p>ბრიტანელთა პირველი ნომრის შემდეგი მეტოქე კოლუმბიელი ალეხანდრო ფალა გახდა, რომელმაც მანამდე ლატვიელი ერნესტ გულბისი გამოთიშა ბრძოლას (ბოლო სეტის ტაი-ბრეიკი 10:8 დასრულდა). ბალტიისპირელისთვის ეს იყო პირველი ტურნირი ტრავმით გამოწვეული ორთვიანი შესვენების შემდეგ. ენდიმ ფალა ორ პარტიაში დაამარცხა. ნახევარფინალური მატჩი ფელისიანო ლოპესთან ქალთა ჩოგბურთს უფრო ჰგავდა - 6:0, 1:6, 6:4. მიურეი იანვრის შემდეგ პირველად გავიდა ფინალში - მაშინ ავსტრალიის ღია პირველობაზე მოიპოვა იგივე სტადიაზე თამაშის უფლება.</p><p>ბადის მეორე მხრიდან ფინალს US Open Series-2009-ის გამარჯვებულმა და ლოს ანჯელესის ტურნირის მოქმედმა ჩემპიონმა სემ კუერიმ მიაღწია. ამერიკელი ყოველ მატჩში პატარა თრილერს სთავაზობდა მაყურებელს და სამ სეტზე ნაკლებს არც ერთ შეხვედრაში არ თამაშობდა. მაგალითად, მეოთხედფინალში რაინერ შუტლერი მატჩზე აწვდიდა და კუერიმ ბოლოს ტაი-ბრეიკზე მოიგო გადამწყვეტი სეტი. შემდეგ მატჩში იანკო ტიპსარევიჩთან კიდევ უფრო გაუჭირდა - წააგო პირველი სეტი, მეორე პარტიის ტაი-ბრეიკზე კი 1:5-ს აგებდა. ერთი მატჩბოლის მოგერიების შემდეგ, ამერიკელი ამჯერადაც მშრალი ამოვიდა წყლიდან.</p><p>კუერიმ არც ფინალში უღალატა ტრადიციას და მორიგი სამსეტიანი მატჩი შესთავაზა მაყურებელს. პირველ პარტიაში ბრიტანელი კარგად მოქმედებდა, მაგრამ შემდეგ მისი თამაში არასტაბილური გახდა. მიუხედავად ამისა, მიურეიმ პირველი სეტი მოიგო, მეორეში კი მეტოქის გეიმზე მატჩბოლი მიიღო. ხანგრძლივ გათამაშებაში კუერიმ საფრთხე მოიგერია, ტაი-ბრეიკში კი დამაჯერებელ უპირატესობას ფლობდა - 7:2. გადამწყვეტ სეტში ამერიკელმა კიდევ უფრო მოუმატა თამაშს და ტიტული შეინარჩუნა - 6:3. აქამდე ლოს ანჯელესში ზედიზედ ორჯერ ანდრე აგასის გაემარჯვა - 2000 და 2001 წლებში. სემისთვის ეს არის მეექვსე ტიტული კარიერაში, თანაც ოთხ გამარჯვებას მან წელს მიაღწია, მიურეის კი, რაოდენ გასაოცარიც არ უნდა იყოს, 2010 წელს ტურნირი არ მოუგია.</p><p>ლოს ანჯელესში წყვილთა თანრიგი ტყუპმა ძმებმა - ბობ და მაიკ ბრაიანებმა მოიგეს და ATP-ის აბსოლუტური რეკორდის მფლობელები გახდნენ. ეს იყო ამერიკელთა 62-ე ტრიუმფი პროფესიულ დონეზე. წინა რეკორდი ლეგენდარულ ავსტრალიელებს - ტოდ ვუდბრიჯსა და მარკ ვუდფორდს ეკუთვნოდათ, რომლებმაც კარიერაში 61 ტიტული მიითვალეს.</p><p>* * *</p><p>ამერიკის კონტინენტზე გასამართ მასტერსებამდე ორი კვირა დარჩა, მანამდე კი ზოგიერთმა ევროპელმა ჩოგბურთელმა ხორვატული უმაგისა და შვეიცარიული გშტაადის გრუნტზე თამაში გადაწყვიტა.</p><p>გშტაადში პირველ ნომრად რუსი მიხაილ იუჟნი იყო განთესილი, რომლისთვისაც მეოთხედფინალი აღმოჩნდა გადაულახავი ბარიერი - ის ტურნირიდან ყაზახეთის წარმომადგენელმა იური შჩუკინმა გამოთიშა - 4:6, 6:2, 5:7. შჩუკინი ძირითად ბადეში კვალიფიკაციის გავლით მოხვდა და 31 წლის ასაკში პირველად გავიდა ATP-ის ტურნირის ნახევარფინალში, თუმცა იქ ფრანგ რიშარ გასკესთან წააგო.</p><p>გასკე სეზონში მესამე ფინალს თამაშობდა. მისი მეტოქე გადამწყვეტ მატჩში ნიკოლას ალმაგრო იყო. ესპანელმა ორი კვირის წინ ბაშტადის ფინალში ითამაშა და მთავარი პრიზი მოიპოვა. ამჯერადაც გამარჯვებული ალმაგრო გამოვიდა - 7:5, 6:1, თუმცა სამართლიანობა მოითხოვს აღინიშნოს, რომ გასკე ამ მატჩისთვის ფიზიკურად არ იყო მომზადებული.</p><p>უმაგის ტურნირის პირველი ნომერიც რუსი იყო - ნიკოლაი დავიდენკო და ამჯერადაც მან სუსტი მომზადება აჩვენა. უკვე მეორე წრეში რუსმა პირწმინდად დათმო შეხვედრა ხუან-იგნასიო ჩელასთან - 2:6, 1:6. სხვათა შორის, ეს იყო მათი მეშვიდე შეხვედრა და არგენტინელმა მეექვსედ მოუგო რუსს.</p><p>ჩელამ თავის მხრივ, ნახევარფინალი დათმო პოტიტო სტარაჩესთან. იტალიელი ბოლო სამი წლის განმავლობაში პირველად გავიდა AთP-ის ფინალში, მაგრამ ისევე როგორც წინა ორ შემთხვევაში, ამჯერადაც დამარცხებულმა დატოვა კორტი. ესპანელ ხუან-კარლოს ფერეროს უმაგში მხოლოდ ერთ მატჩში შეექმნა პრობლემები, როცა პაბლო კუევასის წინააღმდეგ თამაშობდა. ურუგვაელი ერთადერთი აღმოჩნდა, ვინც როლან გაროსის ყოფილ ჩემპიონს სეტი აართვა, დანარჩენ შემთხვევებში კი ესპანელმა იოლ გამარჯვებებს მიაღწია.</p><p><p align="center">ATP. Farmers Classic</p> ლოს ანჯელესი (აშშ). ჰარდი</p><p>საპრიზო ფონდი: 619 500 დოლარი</p><p>ფინალი</p><p>სემ კუერი (აშშ, 2)-ენდი მიურეი (ბრიტ, 1) 5:7, 7:6(2), 6:3.</p><p><p align="center">Croatia Open</p> უმაგი (ხორვატია). გრუნტი</p><p>საპრიზო ფონდი: 580 000 დოლარი</p><p>ფინალი</p><p>ხუან კარლოს ფერერო (ესპ, 4)-პოტიტო სტარაჩე (იტა) 6:4, 6:4.</p><p><p align="center">Suisse Open</p> გშტაადი (შვეიცარია). გრუნტი</p><p>საპრიზო ფონდი: 580 000 დოლარი</p><p>ფინალი</p><p>ნიკოლას ალმაგრო (ესპ, 2)-რიშარ გასკე (საფ, 7) 7:5 6:1.</p>
ბასილაშვილი ავსტრალიის ღია პირველობას საკვალიფიკაციო ეტაპიდანვე დაემშვიდობა
"შავი ლომი" ირლანდიაში 0:52 დამარცხდა
[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ
[VIDEO] ეგოიანის გოლი და წაგებას გადარჩენილი "ექსელსიორი"
[VIDEO] მიქაუტაძის სრული მატჩი და კაცნაკლული "ვილიარეალის" მარცხი "ბეტისთან"
ევრო 2026 | ფუტსალის ნაკრებმა თბილისური შეკრება დაასრულა
სამი ფრის შემდეგ - ლობოტკამ "ნაპოლის" გამარჯვება მოუპოვა
"გუნდი არ არის, ისინი უბრალოდ სამსახურში დადიან" - პერკინსმა "ლეიკერსი" გააკრიტიკა
"გრიფინმა" სუპერლიგის გუნდს ისევ მოუგო | თასის გათამაშების "კერკეტი" გუნდი კასპიდან
მე-14 ტრანსფერი ბოლო 1 წელიწადში - "სიტიმ" გეჰი შეიძინა
[VIDEO] მამუკელაშვილი დაბრუნდა - "ტორონტო" "კლიპერსთან" დამარცხდა
ქოჩორაშვილი შეცვლაზე შევიდა - "სპორტინგმა" გაიმარჯვა
როგორი შეფასებები მიიღეს პსჟ-ს ფეხბურთელებმა "ლილთან" მატჩში?
[VIDEO] ხვიჩა შეცვალეს - დემბელეს შედევრი და პსჟ-ს გამარჯვება
[VIDEO] შენგელიას 10 ქულა - "ბარსელონა" "ელ კლასიკოში" განადგურდა
ლუის ენრიკემ "ლილთან" მატჩში შემადგენლობა დაასახელა
ზურაბ საკანდელიძის და მიხეილ ქორქიას 21-ე მემორიალური ტურნირი "ქუთაისმა" მოიგო
კონფერენს ლიგის პლეი-ოფის წყვილები გაირკვა
პსჟ პერსპექტიულ შემტევს ხელშეკრულებას გაუგრძელებს
ჩელენჯ თასი | საბრძოლო რაზმით "ძებრესთან"
იჯარა გამოსყიდვის უფლებით - "რომა" შეტევის ხაზში გაძლიერდა
ჯეკო გუნდის შეცვლასთან ახლოსაა - ვეტერან ბოსნიელს საფრანგეთში იწვევენ
პაკეტა სამშობლოში დაბრუნებასთან ახლოსაა - პირადი კონტრაქტი უკვე შეთანხმებულია