- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ოთარ გაბელია: ხორვატია დავივიწყოთ, წინ ესპანეთია
<p>ინტერვიუ ხორვარტიიდან სამი ქულით დაბრუნებული საქართველოს ახალგაზრდული ნაკრების თავკაცთან <br> ოთარ გაბელია ხორვატიიდან გახარებული დაბრუნდა. მისმა გაწვრთნილმა საქართველოს ახალგაზრდულმა ნაკრებმა ევრო 2013-ის შესარჩევი ციკლი სენსაციური გამარჯვებით (1:0) დაიწყო.</p><p>რა დასამალია, წინასთან შედარებით, ეს თაობა და ნაკრები დაუბალანსებელი ჩანდა და მოგებას ვინ ჩივის, გულშემატკივარი ნერვიულობდა, დიდი ანგარიშით არ წავაგოთო. თუმცა ახალგაზრდებმა სამი ქულა მოიპოვეს და დიდი სიხარული მოგვანიჭეს.</p><p>ნაკრების მთავარი მწვრთნელი ოთარ გაბელია გველაპარაკება დუგოპოლიეს "ჰრვატსკი ვიტეზოვის" სტადიონზე გადატანილ ბრძოლაზე, ფეხბურთელებზე, მასპინძელთა მთავარი მწვრთნელის ღირსეულ საქციელზე...</p><p><strong>- უპირველესად, საინტერესო იქნება ხორვატიასთან მატჩის თქვენეული შეფასება. </strong></p><p>- სტადიონზე მივდიოდით, როდესაც წვიმა წამოვიდა, ასეთ ამინდში თამაშმა კი, შესაძლოა, მწვრთნელის ჩანაფიქრი თავდაყირა დააყენოს. ძლიერი მეტოქე გველოდა და, ცხადია, ვფრთხილობდი.</p><p>ხორვატების ბოლო ორი მატჩის ჩანაწერი კი ვნახეთ, მაგრამ მათმა მთავარმა მწვრთნელმა ივო შუშაკმა ოთხი ახალი მოთამაშე დაიმატა და გუნდი მნიშვნელოვნად განაახლა. რადგან შეუთამაშებელნი ვიყავით, ბევრი ჩვენიანი ნაკრებში პირველ ოფიციალურ შეხვედრას ატარებდა, თან ასეთ ძლიერ მეტოქეს ვსტუმრობდით, იცით ოქრიაშვილისა და ჭანტურიას ამბებიც, ისიც, რომ ვერც ყენია და ანანიძე გვეხმარებოდნენ, ამიტომ მეორე ნომრად თამაში გადავწყვიტეთ.</p><p>ხორვატებს სწრაფი, ტექნიკური და ფიზიკურად ძლიერი ახალგაზრდები ჰყავთ და ჩვენი ამოცანა მათთვის სათამაშო სივრცის მაქსიმალურად შეზღუდვა იყო. მიხარია, რომ მძიმე ბრძოლაში მასპინძლებს არაფერი დავუთმეთ, შემიძლია ვთქვა, რომ ორთაბრძოლებში არანაკლებ დამაჯერებლადაც გამოვიყურებოდით. ბიჭებს დავავალეთ, რომ ხორვატებს მოედნის ცენტრში დახვედროდნენ, ზონები გადაეკეტათ, წინ კი ტექნიკური ბიჭები დავაყენე, შეტევები სწრაფად რომ წამოეწყოთ. მთავარი სათამაში დისციპლინის დაცვა იყო. შეცდომები როგორ არ გვქონდა, მაგრამ ბიჭებმა დავალებები მაინც ხუთიანზე შეასრულეს.</p><p><strong>- მატჩამდე მაინც ვერავინ წარმოიდგენდა, ხორვატიიდან სამი ქულით თუ დაბრუნდებოდით.</strong></p><p>- მატჩამდე ბიჭებს ამაზეც ველაპარაკე. შარშან ხორვატიამ ესპანეთთან ევროპის ჩემპიონატის პლეი ოფის მატჩი წააგო, თუმცა, ცხადია, ძლიერი გუნდი იყო, მაგრამ მერე თაობა შეიცვალა. წინასწარ თუ შეუშინდი, ფარერებიც მოგიგებს. აქვე ვიტყვი, რომ ფედერაცია და ქეცბაია ძალიან დაგვეხმარნენ. ფედერაციამ ავსტრიულ ტურნირზე გაგვიშვა, სადაც სამი მატჩი გავმართეთ, თემურმა კი ეროვნულთან თამაში შემოგვთავაზა. ამას დაემატა ათდღიანი შეკრებაც. ამ ოთხ შეხვედრაში და შეკრების დროს სასარგებლო დასკვნები გავაკეთეთ და შემადგენლობაში ცვლილებები გამოვიცანით. არადა, თავიდან ხორვატებთან სხვა შემადგენლობის დაყენებას ვაპირებდით.</p><p><strong>- რომელიმე ფეხბურთელს თუ გამოარჩევთ?</strong></p><p>- ყველამ იბრძოლა და გამარჯვებაში თავისი წვლილი შეიტანა, მეკარით დაწყებული, თავდამსხმელებით დამთავრებული. ასე რომ, გამორჩევით ვერავის დავასახელებ.</p><p><strong>- ეპიზოდების სიმრავლიდან უნდა დავასკვნათ, რომ ნაკრების ლიდერი ლევან მჭედლიძე იყო. </strong></p><p>- ლევანი მართლაც კარგად გამოიყურებოდა, აქტიური და მონდომებული იყო. საერთოდ, საქმეს სერიოზულად უდგება, გუნდური ინტერესები საკუთარზე წინ დააყენა, რაც ძალიან მახარებს.</p><p><strong>- მატჩამდე თქვით, რომ ხორვატიას სუსტი დაცვა ჰყავდა. ეს ვარაუდი გამართლდა?</strong></p><p>- სუსტი იყო დანარჩენ რგოლებთან შედარებით. მეტოქეში რაღაც მინუსი უნდა დაინახო. ასე იყო თურქებთანაც - ზესტაფონის მატჩამდე შევნიშნე, რომ მოუქნელი მცველები ჰყავდათ. ასეთივე ნაკლი ეტყობოდათ ხორვატ ცენტრალურ მცველებსაც და მათი ნაკლის გამოყენება ვცადეთ. ამას მოგების გამო არ ვამბობ.</p><p><strong>- ძნელი წარმოსადგენი არ არის, სადებიუტო შეხვედრის წაგება ივო შუშაკს რა ხასიათზე დააყენებდა.</strong></p><p>- კაცს ფერი არ ედო, მაგრამ ღირსება არ დაკარგა, პრესკონფერენციაზე საქართველოზე თბილად ილაპარაკა, გამარჯვება მოგვილოცა და წარმოიდგინეთ, საშინელი განწყობის მიუხედავად, ოჯახის წევრებთან მოკითხვა დამაბარა. ჩვენი მეგობარია, ნაკრებში ერთად გვიმუშავია, 13 მაისსაც გვესტუმრა და მისგან ღირსეული საქციელი არ გამკვირვებია.</p><p><strong>- მატჩის შემდეგ როგორი იყო ხორვატების რეაქცია?</strong></p><p>- არ ვიცი, რადგან მატჩის შემდეგ სპლიტში გვეჩქარებოდა და სტადიონი სწრაფად დავტოვეთ, თუმცა თამაშზე მაინც დავიგვინეთ. ისე, როგორც კი სტადიონზე შევედით, კანკავამ ხორვატებს გოლი გაუტანა.</p><p><strong>- თქვენი აზრით, ამ შეხვედრის შემდეგ ქართველი ახალგაზრდებით ევროპული კლუბები დაინტერესდებიან?</strong></p><p>- მჯერა, რომ ასე მოხდება. თუმცა სერიოზულ კლუბში ფეხბურთელს ერთი თამაშის შთაბეჭდილებით არ იწვევენ. მთავარია, ასევე გააგრძელონ. პირადად მე, რაც უნდა მადლიერი ვიყო ხორვატიასთან ფეხბურთელის გარჯით, ვინც ფორმაში არ იქნება, შემდეგ მატჩში არ გამოვიძახებ. თამაშის შემდეგ ფეხბურთელებს ვუთხარი, მოგებისთვის მადლობა, მაგრამ ამაზე ფიქრი დღესვე დაასრულეთ და ესპანეთთან მატჩებისთვის მოემზადეთ-მეთქი. ჩვენ მუდამ შემართული, მებრძოლი და ფორმაში მყოფი ფეხბურთელები გვჭირდება, თორემ კმაყოფილი ადამიანი ვერაფერს მიაღწევს.</p><p><strong>- სექტემბერში ორჯერ ვხვდებით ესპანეთს. მანამადე ამხანაგური შეხვედრა თუ დაგეგმეთ?</strong></p><p>- აგვისტოში მოლდოვას შევხვდებით, 8-ში ან 10-ში ვითამაშებთ. შესაძლოა, მანამდე ნაკრების კანდიდატთა ორმხრივი თამაში ჩავატაროთ. ბევრი კანდიდატი გვყავს და არ გვინდა, რომელიმე გამოგვრჩეს.</p><p>თუმცა ხორვატიიდან მაინც ცუდ ხასიათზე წამოვედით, ეროვნული ნაკრების წაგებამ გული დაგვიწვა, ბიჭებმა ბოლომდე იბრძოლეს, მაგრამ ორი ბავშვური შეცდომის გამო ქულაც ვერ წამოვიღეთ. მაგრამ დარწმუნებული ვარ, დარჩენილ სამ შეხვედრას ეროვნული აუცილებლად მოიგებს.</p><p><strong>- თქვენი გუნდის გაძლიერების რესურსს თუ ხედავთ?</strong></p><p>- რა თქმა უნდა, ოქრიაშვილი დაგვიბრუნდება, ეროვნულს თუ არ დასჭირდებიან, ყენიასა და ანანიძეს დავიმატებთ და ჭანტურიასთვისაც არ გადამისვამს ხაზი. ესპანეთთან ბევრად მძიმე შეხვედრა გველის და განსაკუთრებული მონდომებით უნდა ვითამაშოთ.</p><p><strong>- ხორვატიაში ნაკრებს მოედანზე ლევან კაკუბავა გაუძღვა. მისი კაპიტნობა გადაწყვეტილი ამბავია?</strong></p><p>- დიახ, ლევანი კაპიტნად დავნიშნე, რადგან წინა ციკლში ითამაშა, სანაკრებო და საკლუბო დონეზე საკმაო საერთაშორისო გამოცდილება აქვს და პიროვნულადაც მოწესრიგებული ბიჭია.</p>
19-წლამდელების შემადგენლობა საკვალიფიკაციო რაუნდის მატჩებისთვის
16-წლამდე ვაჟთა ნაკრები მოლდოვას დაუპირისპირდება
U17. საქართველოს ნაკრები საბერძნეთთანაც დამარცხდა და ჯგუფში ჩარჩა
საქართველო 10:1 ესტონეთი
"ბორჯღალოსნები" | ნამატით კანადასთან
"ვან დეიკის გოლი უნდა ჩათვლილიყო" - რუნი მსაჯების გადაწყვეტილებას არ ეთანხმება
მეორე ვადით - "ბენფიკას" პრეზიდენტად კვლავ რუი კოშტა აირჩიეს
"ბარსელონას" მთავარი მწვრთნელი გაათავისუფლეს - შენგელიას გუნდი "ზენიტის" ყოფილ თავკაცს დაუკავშირდა
იურიჩს მოხსნას უპირებენ - "ატალანტას" სეზონის ძალიან ცუდი სტარტი გამოუვიდა
"სევილია" შესაძლოა, მალე გაიყიდოს - ახალ მფლობელებს კლუბში დიდი ვალი დახვდებათ
ტენ ჰაგი პრემიერ ლიგაში არ დაბრუნდება - ვულვზმა მწვრთნელად სხვა დამრიგებელი აირჩია
[VIDEO] ბითაძის 3 დაფარება 14 წუთში - "ორლანდო მეჯიქი" "ბოსტონ სელტიქსთან" დამარცხდა
[VIDEO] ლუკა გაგნიძის მეორე საგოლე პასი ესპანეთში
საქართველო 5:0 ესტონეთი
ბურჯანაძის "გრანადამ" ლიდერი "ვალენსია" დაამარცხა, შენგელიას "ბარსა" კი "ხირონასთან" დამარცხდა
[VIDEO] პირველი გოლი ლიგა 1-ის ახალ სეზონში - "კვარამ" "ლიონს" გაუტანა
კიტეიშვილის მაღალი შეფასებები და "შტურმის" ფრე "ზალცბურგთან"
"ლიონთან" მატჩში პსჟ-ს შემადგენლობა ცნობილია
წიტაიშვილმა შეუცვლელად ითამაშა - "მეცმა" ზედიზედ მესამე გამარჯვება იზეიმა
პენალტის მოგერიება არ დაუფასდა - როგორი შეფასებები მიიღო გიორგი მამარდაშვილმა "მანჩესტერ სიტისთან" მატჩში?
[VIDEO] გიორგი მამარდაშვილმა ერლინ ჰოლანის დარტყმული პენალტი მოიგერია
[VIDEO] "ნაპოლის" მესამე უგოლო მატჩი და მარცხი "ბოლონიასთან"
"რათა შეცდომები არ განმეორდეს" - რა ითქვა აშშ-სთან მატჩის შემდეგ