<p>"ვიტ ჯორჯიას" ახალგაზრდა ფეხბურთელები კვალიფიკაციას სკანდინავიურ ტურნირებზე წლეულსაც აიმაღლებენ <br> "ვიტ ჯორჯიას" სასელექციო პოლიტიკა ყველასთვის ცნობილია - გუნდი თავის აღზრდილებსა და გონივრული სკაუტური სისტემის საფუძველზე ახერხებს შევსებას, სატურნირო ცხრილში კი მუდმივად მაღალ პოზიციას ინარჩუნებს.</p><p>ამის ერთ-ერთი მიზეზი ისიც არის, რომ კლუბის ახალგაზრდული გუნდები (სხვა სკოლების ფეხბურთელების დამატებით) ყოველ წელიწადს ჩრდილოეთ ევროპაში მოგზაურობენ და ახალგაზრდა ფეხბურთელები სკანდინავიურ ტურნირებზე კვალიფიკაციას იმაღლებენ.</p><p>გამორიცხულია, ასეთი ტურნირი ნიჭიერ მოზარდს სასიკეთოდ არ წაადგეს.. საქართველოს ფეხბურთის ფედერაციამაც კურსი აქეთკენ აიღო და ჩვენმა ჭაბუკთა ნაკრებებმა უკვე რამდენჯერმე მიიღეს მონაწილეობა სკანდინავიურ თუ სხვა ქვეყნების ტურნირებში.</p><p>სასიკეთო მაგალითების მოყვანა მრავლად შეგვიძლია, დღეს კი იქ წარმოჩენილთა რამდენიმე გვარს დავასახელებთ - ზურაბ მენთეშაშვილი, ძმები დათუნაიშვილები, გოჩა ხოჯავა, რეზო გეწაძე, ირაკლი ლილუაშვილი, ილია პავლიაშვილი, მიხეილ ბარაბაძე, გიორგი ჭანტურია…და კიდევ ბევრი სხვა, მათ დანიურ "დანა ქაფსა" და შვედურ "გოთია ქაფზე" უასპარეზიათ, ხოჯავა და ჭანტურია ტურნირის საუკეთესო მოთამაშეებიც გამხდარან.</p><p>შარშან კი დანიაში სულაც ქართული ფინალი შედგა - 1997 წლიანებში ერთმანეთს ქართული გუნდები შეხვდნენ (ორივე "ვაკე-91"-ის სახელით ასპარეზობდა), მანამდე კი ერთმა მათგანმა ლონდონის "არსენალი" ნახევარფინალში 7:2 გაანადგურა და შვიდივე გოლი (!) ირაკლი ბიძინაშვილმა გაიტანა, ტურნირის საუკეთესო მოთამაშედაც ირაკლი დაასახელეს და ორივე თასიც ჩვენებმა ჩამოიტანეს (მწვრთნელები ზაზა დიდებაშვილი, ნოდარ ჭელიძე, ვოვა მუსერიძე), მეტიც, ბიძინაშვილის გარდა, "არსენალის" სკაუტებს რატი არდაზიშვილი და სანდრო ალთუნაშვილიც მოეწონათ და მათზე დაკვირვებას დღემდე განაგრძობენ...</p><p>"ვიტ ჯორჯიას" ახალგაზრდები წლეულსაც თბილისის რამდენიმე კლუბის ფეხბურთელებით გაძლიერდნენ და ორ ასაკში მიიღებენ მონაწილეობას - 1994 და 1995 წლიანებში. ზაზა დიდებაშვილი, რომელსაც სკანდინავიური ტურნირების 17 წლიანი გამოცდილება აქვს, წლეულსაც შეეცდება, რომელიმე თასი მოიგოს. დიდებაშვილს ამ ხნის განმავლობაში 7 ოქროს, 9 ვერცხლისა და 4 ბრინჯაოს მედლები დაუგროვდა და ეს, ფაქტობრივად, ერთი სკოლის აღსაზრდელებისგან!</p><p>როგორც მან გვითხრა, წლეულს სიახლე ის იქნება, რომ ახალგაზრდა ქართველებზე დასაკვირვებლად დანიური "ორჰუსის" სკაუტებიც ჩავლენ, შესაძლოა, მათ რიგებს კლუბის სპორტული დირექტორი, წარსულში ცნობილი დანიელი ფეხბურთელი ბრიან სტინ ნილსენიც დაემატოს, რომელსაც დავით დევდარიანმა ქართველები ისე შეაყვარა, ახალ სეზონში უკვე ოთხი ქართველით დაიწყებენ "ორჰუსის" მთავარი და ახალგაზრდული გუნებდი დანიის ჩემპიონატს.</p><p>დიდებაშვილის თქმით, ტურნირზე კვლავაც ჩადიან "არსენალის" სკაუტები და კიდევ ერთი დანიური გუნდის, "ესბერგის" წარმომადგენლები.</p><p>შვედეთის ქალაქ გეტებორგში ტურნირი 17-23 ივლისს ტარდება. ეს ტურნირი მსოფლიოში უდიდესია და მასში 1600 (!) გუნდი მონაწილეობს. მას მოსდევს დანიის ქალაქ ჰიორინგის "დანა ქაფი", რომელიც 25-31 ივლისს გაიმართება და 850 გუნდი ითამაშებს.</p>
დეკემბერში პსჟ-ს საუკეთესო ფეხბურთელად საფონოვი დაასახელეს
დამძიმებული ფეხებით - ჩაკვეტაძემ "ლესტერთან" მატჩამდე ისაუბრა
"ფრთებგაშლილი ნერესი ფენომენალური "კვარას" დამამძიმებელი აჩრდილისგან გათავისუფლებას ლამობს" - იტალიური მედია
რასპადორი მალე შეიძლება "რომაში" გადავიდეს
ზამთრის სერიებისა და წლის ბოლო 3×3 საკალათბურთო ტურნირის გამარჯვებული არგო გახდა
იმედები ვერ გაამართლა - "ატლეტიკო" სორლოტის გაყიდვას ეცდება
დეკემბერში პსჟ-ს საუკეთესო ფეხბურთელად საფონოვი დაასახელეს
"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის
ფუტსალი | საქართველოს ნაკრები სომხეთთან დამარცხდა
"რა კრიზისზე საუბრობთ? მათ ხომ კონტე ჰყავთ" - კაპელომ "ნაპოლიზე" ისაუბრა
ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის
კარგი ამბავი - ბათუმის "დინამოს" ახალი მფლობელი ჰყავს
უარი "ჩელსის, "ლივერპულსა" და "მანჩესტერ იუნაიტედს" - სემენიომ არჩევანი სხვა ინგლისურ გრანდზე შეაჩერა
[VIDEO] ახალწვეული კუპერ ფლეგისა და ენტონი დევისის ბრწყინვალე მატჩი - "დალასმა" ნიკოლა იოკიჩის "დენვერი" დაამარცხა
[VIDEO] მამუკელაშვილის 4 სამქულიანი და კარგი მატჩი - სანდრომ "ტორონტოს" ძირითად შემადგენლობაში ითამაშა
საზონოვს მალე, ალბათ, "ტორინოს" დატოვება მოუწევს
დასაევი: საფონოვი რა, ასეთი დიადია?
სანდრო ალთუნაშვილი "ჰაპოელის" ფეხბურთელი გახდა
ოფიციალურად - "ლიონმა" "რეალისგან" ენდრიკი ინათხოვრა
სპორტის სამინისტრომ 2025 წლის საუკეთესო სპორტსმენები დაასახელა
პსჟ-ს ტრავმის გამო შემტევი გამოაკლდა
ლევან კობიაშვილმა ფიფას კომიტეტის სხდომას უხელმძღვანელა
ტიკნიზიანი: სომხეთის დედაქალაქი მაიამია - ყოველ სომეხს აშშ-ს პასპორტი უნდა ჰქონდეს