შაჰინი პირველია, გიოტცე მეორე

დორტმუნდიდან მადრიდში გადასული თურქი ნახევარმცველი კოლეგებმა სეზონის ფეხბურთელად დაასახელეს ყოველი სეზონის დასრულების შემდეგ, ბუნდესლიგის ფეხბურთელთა გაერთიანება პირველ, მეორე და მესამე ბუნდესლიგების მოთამაშეებს შორის მასშტაბურ გამოკითხვას ატარებს და სეზონის საუკეთესო ფეხბურთელს ავლენს ხოლმე.ტრადიცია არც ამჯერად დარღვეულა და გამარჯვებულიც გამოვლინდა: გერმანიაში მოთამაშე ფეხბურთელებმა 2010/2011 წლების სეზონის საუკეთესო ფეხბურთელად დორტმუნდის „ბორუსიას“ თურქი ნახევარმცველი ნური შაჰინი დაასახელეს - როგორც იცით, ეს უკანასკნელი ახლახან მადრიდის „რეალში“ გადავიდა და მომავალი სეზონიდან სწორედ „სამეფო გუნდში“ ითამაშებს.შაჰინმა, რომელიც თურქეთის ნაკრების ლიდერია, ხმების 30.3 პროცენტი მიიღო. მეორე ადგილზე კი მისი თანაკლუბელი და გასული სეზონის მთავარი აღმოჩენა, „ბორუსიას“ 19 წლის ნახევარმცველი, გერმანული ფეხბურთის ამომავალ ვარსკვლავად შერაცხული მარიო გიოტცე გავიდა, რომელსაც ხმათა 16.1 პროცენტი ერგო. მესამე ადგილი კი „ბაიერნისა“ და გერმანიის ნაკრების თავდამსხმელმა, ბუნდესლიგის გასული სეზონის საუკეთესო ბომბარდირმა მარიო გომესმა დაიკავა (12.9%).გამოკითხვა მხოლოდ სეზონის საუკეთესო ფეხბურთელის გამოვლენას როდი ისახავდა მიზნად. გერმანიის ჩემპიონატში მოასპარეზე ფეხბურთელებმა წლის მთავარ აღმოჩენად, როგორც მოსალოდნელი იყო, მარიო გიოტცე დაასახელეს, რომელმაც ეს სტატუსი უდიდესი უპირატესობით მოიპოვა - გიოტცემ ამ კატეგორიაში ხმების 83.6 პროცენტი მიიღო. მეორე ადგილზე „მაინცისა“ და გერმანიის ნაკრების შემტევი ნახევარმცველი ანდრე შიურლე გავიდა, რომელმაც ხმების მხოლოდ 3.1 პროცენტი მიიღო, მესამეზე კი „ნიურნბერგის“ ყოფილი ნახევარმცველი ილქაი გიუნდოგანი (2.5%), რომელიც დორტმუნდში გადავიდა და იქ ნური შაჰინს შეცვლის.რაც შეეხება სეზონის საუკეთესო მწვრთნელს: ცხადია, ეს წოდება „ბორუსიას“ თავკაცმა იურგენ კლოპმა ასევე უდიდესი უპირატესობით მიიღო (70.4%). მეორე ადგილზე „ჰანოვერის“ მწვრთნელი მირკო სლომკა გავიდა (11.3%), მესამეზე კი „მაინცის“ დამრიგებელი თომას ტუხელი (5.0%).გამოკითხვის შედეგად შედგა სეზონის სიმბოლური ნაკრებიც, რომელიც კლასიკური 4-4-2 ტაქტიკური სქემით ასე გამოიყურება: მანუელ ნოიერი (შალკე) - ფილიპ ლამი (ბაიერნი), ნევენ სუბოტიჩი (ბორუსია დ), მარსელ შმელცერი (ბორუსია დ) - არიენ რობენი (ბაიერნი), ნური შაჰინი (ბორუსია დ), არტურო ვიდალი (ლევერკუზენი), მარიო გიოტცე (ბორუსია დ) - მარიო გომესი (ბაიერნი), პაპის დემბა სისე (ფრაიბურგი).რეკორდი: 42 000 მაყურებელი საშუალოდ ერთ მატჩზე!ამასობაში, ბუნდესლიგა მაყურებლების რაოდენობის მხრივ რეკორდებს რეკორდებზე ამყარებს. გასული სეზონის მონაცემებით, გერმანიის ჩემპიონატმა საშუალოდ ერთ მატჩზე დასწრების მხრივ, თავისივე რეკორდი კიდევ უფრო გააუმჯობესა. გერმანიის საფეხბურთო ლიგის ოფიციალური სტატისტიკის მიხედვით, ბუნდესლიგის გასულ სეზონში საშუალოდ ერთ მატჩს 42 101 მაყურებელი ესწრებოდა, რაც საუკეთესო მაჩვენებელია ევროპის მასშტაბით. რეკორდსმენი შარშანაც ბუნდესლიგა იყო, ოღონდ შედარებით უარესი მაჩვენებლით: საშუალოდ 41 905 მაყურებელი ერთ მატჩზე.საერთო ჯამში, გერმანიის საფეხბურთო ლიგამ პირველი ბუნდესლიგის მასშტაბით 12.88 მილიონი მაყურებელი დაითვალა. შარშან ეს მაჩვენებელი 12.79 მილიონი იყო, რაც 0.7-პროცენტიან ზრდას ნიშნავს. გაუმჯობესდა სეზონური აბონემენტების გაყიდვების რაოდენობაც - 58-დან 60 პროცენტამდე. აქვე იმასაც ვიტყვით, რომ ბუნდესლიგის მატჩზე დასასწრები ერთი ბილეთის საშუალო ფასი 22.75 ევროა.„ბოლო ათ წელიწადში ეს უკვე მე-9 შემთხვევაა, როცა ბუნდესლიგას მთელი ევროპის მასშტაბით ყველაზე მეტი მაყურებელი ესწრება. ეს კიდევ ერთხელ უსვამს ხაზს გერმანიის ჩემპიონატის პროგრესს და იმ ბუმს, რომელიც ბუნდესლიგაში უკვე წლებია შეინიშნება. ეს კიდევ ერთი დასტურია იმისა, რომ ჩვენი სტადიონები და ინფრასტრუქტურა საუკეთესოა ევროპაში და რომ ბუნდესლიგა საუკეთესო სანახაობის გარანტიაა,“ - აცხადებს გერმანიის საფეხბურთო ლიგის თავმჯდომარე კრისტიან ზაიფერტი და იქვე დასძენს, ბუნდესლიგაში 94-პროცენტიანი დასწრებაა, რაც უდავოდ იდეალური შედეგიაო.

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

[VIDEO] 2 წითელი ბარათი და 3 გაუქმებული გოლი - "ლევერკუზენმა" 9-კაციანი "ბაიერნი" ვერ დაამარცხა

თუ კეინი წავა - "ბაიერნი" ოსიმენის დამატებას შეეცდება

17-წლამდე ვაჟთა ნაკრები სან მარინოში მიემგზავრება

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

ქართველების "მეცი" "ნანტთან" ფრეს დასჯერდა

კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა

[VIDEOS] გულიაშვილმა ესპანეთში დუბლი შეასრულა

ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა