ნაყოფიერი სემინარი

ევროპის ძიუდოს ფედერაციის ვიცე-პრეზიდენტმა, რუმინელმა დანიელ ლასკაუმ მწვრთნელთა სამდღიანი სემინარი ჩაატარა ევროპის ძიუდოს ფედერაციის ვიცე-პრეზიდენტმა, რუმინელმა დანიელ ლასკაუმ დაამთავრა მწვრთნელთა სამდღიანი სემინარი, რომელსაც ძიუდოს აკადემიამ უმასპინძლა.სემინარმა დიდი ინტერესი გამოიწვია. განსაკუთრებით - პრაქტიკულმა მეცადინეობებმა, თუმცა მსმენელი არც თეორიულ ნაწილს აკლდა. ლასკაუ კარგი მასწავლებელიც ჩანს - დაწვრილებით, ამომწურავად და მიმზიდველად განმარტავდა ნებისმიერ ნიუანსს - როგორ მონაწილეობს მთელი სხეული ილეთის შესრულებაში; როგორ უნდა მიიღო მომგებიანი პოზიცია შეტევისას; მეტოქის სტილიდან გამომდინარე, როგორ უნდა იჭიდაო სწრაფ მოგებაზე და სხვა...ჩვენებისთვის განსაკუთრებით საინტერესო ჩოქბჯენში ჭიდაობის და სხვა ისეთი ელემენტების შესწავლა იყო, რაშიც სერიოზულად მოვიკოჭლებთ. საბედნიეროდ, სემინარი იმდენად ნაყოფიერი აღმოჩნდა, ცნობილმა მწვრთთნელებმაც კი განაცხადეს, ბევრი ისეთი რამე ვისწავლეთ, რაც გვეგონა, რომ აქამდეც ვიცოდითო.კმაყოფილი სტუმარიც იყო - დამსწრე კონტიგენტითაც და განსაკუთრებით ქართული სტუმარ-მასპინძლობით. ამიტომ არცაა გასაკვირი, ოქტომბერში განმეორებით სტუმრობის სურვილი რომ გამოთქვა.მსგავსი მეცადინეობები მართლაც გვჭირდება. ქართული ძიუდო, ზოგადად ქართული სპორტი ხომ საკუთარ წვენში იხარშება, ეს კი პროგრესს აფერხებს. ფაქტია - სპორტული წარმატებების მიუხედავად, წვრთნისა და ვარჯიშის თანამედროვე სტანდარტებს ჩამოვრჩებით, ეს კი სამომავლოდ შედეგებსაც აუცილებლად დაეტყობა. ამიტომაა სასურველი, რომ მსგავსი სემინარები სხვა ფედერაციებმაც ჩაატარონ. ეს განსაკუთრებით კარგი სამსახური რეგიონებში მომუშავეებისთვის იქნება - ამ სემინარზეც ბლომად იყვნენ რაიონების წარმომადგენლები და ვიდეოკასეტებზეც დიდი მოთხოვნილებაა.სემინარის ბოლო დღეს ვარჯიშებს სპორტისა და ახალგაზრდულ საქმეთა მინისტრი ვლადიმერ ვარძელაშვილიც დაესწრო - ლასკაუს ჩამოსვლა სამინისტრომ დააფინანსა. მინისტრმა ხაზი გაუსვა სემინარის მნიშვნელობას და გამოთქვა სურვილი, მსგავსი მეცადინეობა მომავალშიც ჩატარდეს.დანიელ ლასკაუ: მადლობა თქვენს ფედერაციას და გიორგი ალექსიძეს სემინარის ორგანიზებისა და ჩემი მოწვევისთვის. როცა რაღაცის განვითარება გინდა, სხვების მოწვევა დასახმარებლად აუცილებელია. აქ ჩამოსვლისას დავინახე, რომ ძიუდოს განვითარება ძალიან უნდათ. სემინარზე ბევრი საინტერესო კითხვა დამისვეს, ეს პირველი ნაბიჯი იყო თქვენი მწვრთნელებისთვის, მაგრამ მსგავსი მეცადინეობები მომავალშიც გაგრძელდება, მერე კი სკოლის ჩამოყალიბებასაც ვეცდებით. პროცედურები სპორტსმენმაც უნდა შეისწავლოს, რათა წარმატებული გახდეს. ძალიან მომეწონა აქაურობა, უშუალო და გულღია ხალხი ხართ, დიდ წარმატებებს გისურვებთ მომავალ შეჯიბრებებში.ლუდმილა ფერაძე (თბილისი): - ასეთი სემინარი პირველი იყო. ბევრად გავიზარდე, როგორც მწვრთნელი. გამოცდილებას ჩემს გოგოებს გავუზიარებ. ასეთი სემინარები ხშირად უნდა ჩატარდეს.ზაზა მახათაძე (ზესტაფონი): - მადლობის მეტი არაფერი გვეთქმის. გამოვარჩევ დღევანდელ პრაქტიკულ მეცადინეობებს ჩოქბჯენში. ქართული ძიუდო გადავლებაზეა დამყარებული, მაგრამ ჩოქბჯენიც უმნიშვნელოვანესია.დემურ კევლიშვილი (მესხეთ-ჯავახეთის ძიუდოს ფედერაციის პრეზიდენტი, რეგიონის ნაკრების მთავარი მწვრთნელი) - მე ასე ვიტყვი – ეს სემინარი ერთ-ერთი წამალი იყო ჩვენი ძიუდოსთვის, რაც აუცილებლად წაგვადგება. ბევრი ისეთი რამე ვისწავლეთ, რაც თითქმის არ ვიცოდით.გოჩა ბუტაშვილი (ახმეტა): - ძალიან კარგად გვიხსნიდნენ. ბევრი დავიწყებული რამეც გავიხსენეთ და ახლა ვარჯიშები ბევრად უფრო გეგმიურად წავა. ეს ყველაფერი კი ბავშვებს გამოადგებათ.შერმადინ დადვანი (ბოლნისი): - ნამდვილად დიდი საქმე გაკეთდა ასეთი მაღალი დინის სპეციალისტის ჩამოყვანით. აქ ნასწავლი ძალიან წაგვადგება საქმეში.რამინ ჯოხაძე (ქობულეთი): -კარგი საქმე გაკეთდა. წამყვანი ილეთები პრაქტიკულადაც შევასრულეთ. სემინარი გათვლილი იყო როგორც ბავშვებზე, ასევე უფროსებზე. მადლობა ორგანიზატორებს. მწვრთნელებს ყოველთვის არ გვაქვს სწავლის ასეთი შესაძლებლობა.ია ზღულაძე (საერთაშორისო კატეგორიის მსაჯი): - იქნებ ეს ილეთები ისედაც ვიცოდი, მაგრამ აქ სულ სხვანაირად დავინახე, როგორც მსაჯმა. აქ ვისწავლე, როგორ უნდა გააარჩიო ერთმანეთისგან ნამდვილი და ცრუ შეტევა. მოკლედ, საჭირო სემინარი იყო.

"წინასწარ მაფრთხილებდნენ: "ხომ მართლა იქნები ბაკურიანში შეკრებაზე?". დავეჭვდი, ასე რატომ მაფრთხილებენ-თქო" - ბექა ღვინიაშვილმა ძიუდოს კარიერის დასრულების მიზეზზე ისაუბრა

[VIDEO] შავდათუაშვილი და დვალაშვილი ბრინჯაოს მედლებისთვის ბრძოლაში დამარცხდნენ - ტოკიოს გრანდ სლემის მეორე დღე

[VIDEO] მასპინძელი იაპონელი იპონით დაამარცხა! - ილია სულამანიძე ტოკიოს გრანდ სლემის გამარჯვებულია

"მანჩესტერ იუნაიტედს" ახალი მწვრთნელი ჰყავს

ზურაბ საკანდელიძისა და მიხეილ ქორქიას მემორიალის ფინალში თსუ "ქუთაისს" შეხვდება

"პაუზა არ ნიშნავს დანებებებას" - არაუხოს ემოციური სერილი "რეალთან" გამარჯვების შემდეგ

"თასიდან გამოვარდნა სერიოზული დარტყმაა" - ზაბარნიმ "პარიზთან" მარცხის შემდეგ ისაუბრა

ლუის ენრიკემ "პარიზთან" მატჩში შემადგენლობა დაასახელა

მამარდაშვილი "ბარნსლისთან" მატჩის სასტარტოშია

"რეალმა" ჩაბი ალონსო გადააყენა და მის ნაცვლად არბელოა დანიშნა

"შავი ლომი" | "მონტობანთან" ისტორიული გამარჯვების შეფასება - ილია მაისურაძე და მიხეილ ბაბუნაშვილი

"დინამო თბილისი" 8 ფეხბურთელს დაემშვიდობა

ბასილაშვილი ავსტრალიის ღია პირველობას საკვალიფიკაციო ეტაპიდანვე დაემშვიდობა

იუნაიტედი FA თასზე მესამე წრიდან გამოვარდა

იანისის სუპერმატჩი საკმარისი არ აღმოჩნდა... ლიდერების გარეშე დარჩენილმა "დენვერმა" "ბაქსი" დაამარცხა

[VIDEO] სანდროს კარგი მატჩი არ გამოუვიდა... "რეპტორსმა" 12 წამით ადრე 4 ქულა ამოიღო და ოვერტაიმში მოიგო

ნინო ბაციაშვილი სწრაფ ჭადრაკში ევროპის ჩემპიონი გახდა!

ზურაბ საკანდილიძისა და მიხეილ ქორქიას მემორიალზე ნახევარფინალისტები დაწყვილდნენ

"რომ არა ის, "ბარსელონას" აუცილებლად დავტოვებდი, მან ჩემი ცხოვრება შეცვალა" - რაფინია

[VIDEO] "ტაშს ნუ უკრავთ!" - მბაპეს ამ ქმედებას დიდი კრიტიკა მოჰყვა

სულშერი ფავორიტი აღარაა - "მანჩესტერ იუნაიტედის" ხელმძღვანელობა მწვრთნელის პოსტზე ორ კანდიდატს განიხილავს

[VIDEO] ბითაძის სეზონის საუკეთესო მატჩი - "ორლანდომ" "ნიუ ორლეანი" დაამარცხა

"არსენალს" რეკორდსმენი აუტების მწვრთნელი ეყოლება