- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
შაჩირის გასროლით
<p>ევროპის ჩემპიონატი. U-21: ფავორიტების საომარი ფრე <br> დანიის ოთხ ქალაქში დაიწყო ევროპის ახალგაზრდული პირველობა. პირველმა ტურმა დაგვანახა, რომ განსაკუთრებით საინტერესო ამბებს B ჯგუფში უნდა ველოდოთ, სადაც გუშინ ინგლისი-ესპანეთის საინტერესო დაპირისპირება შედგა.</p><p><span style="color: #ff0000;"><strong>A ჯგუფი</strong></span></p><p><em><strong>ბელარუსი-ისლანდია 2:0</strong></em></p><p>ბელარუსი (4-4-2): გუტორი - ვერეტილო, ფილიპენკო, პოლიტევიჩი, პოლიაკოვი - ბაგა (75. რეკიში), ბუკატკინი, სივაკოვი, პერეპეჩკო (91. ხვორშჩინსკი) - დრაგუნი, ვორონკოვი (78. სკავიში).</p><p>ისლანდია (4-5-1): ბიორნსონი - იონსონი, ეიოლფსონი, ფიულუსონი, ვალგარდსონი - სმარასონი (61. გისლასონი), ვიდარსონი (83. ბიარნასონი), ა. გუნარსონი, გ. სიგურდსონი, გუდმუნდსონი (32. ფინბოგასონი) - სიგტორსონი.</p><p>გოლები: 1:0 ვორონკოვი (77-პენ), 2:0 სკავიში (87)</p><p>გაძევება: გუნარსონი (76)</p><p>ევროპის ჩემპიონატის პირველი გოლი პენალტის ნიშნულიდან გავიდა, რომელიც ისლანდიელთა კარში ბელარუსის ახალგაზრდული ნაკრების ფორვარდმა ანდრეი ვორონკოვმა გაიტანა, რომელსაც 10 წუთში მეორე მაქსიმ სკავიშმა დაუმატა და გეორგი კონდრატიევის გუნდმა დებიუტანტებთან 2:0 მოიგო.</p><p>არადა, ყველაფერი შეიძლებოდა სხვანაირად წარმართულიყო ისლანდიელთა ეულ ფორვარდ კოლბეინ სიგტორსონს სამი კარგი შანსიდან ერთი მაინც რომ გამოეყენებინა, მაგრამ ორჯერ ბელარუსთა მეკარე ალექსანდრ გუტორმა იყოჩაღა, ერთხელ კი თავად ისლანდიელმა ვერ ივარგა.</p><p>მატჩში გადამწყვეტი 76-ე წუთი გამოდგა - ბელარუსი სტანისლავ დრაგუნი საჯარიმოში შეიჭრა და მისი გაჩერება არონ გუნარსონმა მხოლოდ წესების დარღვევით შეძლო. მსაჯმა ისლანდიელი მოედნიდან მიაბრძანა და კუნძულელთა კარში პენალტი დანიშნა, რომელიც ვორონკოვმა გამოიყენა. 10 წუთის შემდეგ შეცვლაზე შემოსული მაქსიმ სკავიშის სწრაფი კონტრშეტევა შედეგიანი გამოდგა, მას ფეხებში მეკარე ბიორნსონი ჩაუხტა და ალბათ კიდევ ერთ პენალტს ვიხილავდით, სკავიშის დარტყმული კარში რომ არ წასულიყო.</p><p>გეორგი კონდრატიევი (ბელარუსის მწვრთნელი): "როგორც ვფიქრობდი, ძალიან მძიმე მატჩი გამოდგა. ბიჭები ძალიან ნერვიულობდნენ I ტაიმში. მართალია, დაცვაში დამაჯერებლად ვთამაშობდით, მაგრამ ჩვენი შუახაზი პასიურობდა. ამიტომაც, შესვენებაზე მათ მეტი აქტიურობა და შუახაზის გაკონტროლება მოვთხოვე. ძალიან გახარებული ვარ, რომ ბიჭებმა დავალება შეასრულეს და ძალიან მნიშვნელოვანი გამარჯვება მოიპოვეს. მეტოქემ დიდი სიმპათია დაიმსახურა".</p><p>ეიოლფურ სვერისონი (ისლანდიის მწვრთნელი): "ჩვენ უკეთესი შანსები გვქონდა და იმის გამო დავისაჯეთ, რომ ეს შანსები ვერ გამოვიყენეთ. ასეთ ტურნირზე კი ეს დაუშვებელია. არადა, მართლა ძალიან კარგად ვითამაშეთ და ასეთი მარცხი უფრო დასანანია. ბურთს ჩვენ ვაკონტროლებდით, მაგრამ პენალტისა და გაძევების შემდეგ, შანსი აღარ გვქონდა".</p><p><em><strong>დანია-შვეიცარია 0:1</strong></em></p><p>დანია (4-1-4-1): ანდერსენი - ფენგერი, ზანკა, ბიელანდი, ბოილესენი (82. იუელსგაარდი) - პოვლსენი - ვასი (82. დალსგაარდი), ერიქსენი, იენსენი, კადრიი (57. ნ. იორგენსენი) - ნ. ნიელსენი.</p><p>შვეიცარია (4-1-4-1): ზომერი - კოხი, აფოლტერი, როსინი, ბერარდი - ლუშტენბერგერი - შაჩირი (93. კლოზე), ფრაი (70. ჰოხშტრასერი), ჩაკა, ემეგარა - მეჰმედი (85. კასამი).</p><p>გოლი: 0:1 შაჩირი (48)</p><p>ამ თამაშის ბედი შვეიცარიელთა ალბანური წარმოშობის ნახევარმცველის ჯერდან შაჩირის (ალბანურად მისი გვარ-სახელი ასე გამოითქმის) გაელვებამ გადაწყვიტა - მეორე ტაიმის დასაწყისში შაჩირიმ ოსტატურად დაარტყა მასპინძელთა კარში და დანიელებს ერთი უსიამოვნო ტრადიცია გაუგრძელა - ახალგაზრდულ დონეზე შვეიცარიელებმა დანიელებს 10 თამაშიდან მერვე მოუგეს.</p><p>ოლბორგში თამაში აქტიურად სწორედ სტუმრებმა დაიწყეს, მე-3 წუთზე მათმა სამმა ისეთმა მოთამაშემ მიიღო კომბინაციაში მონაწილეობა, რომელთაც დიდ ნაკრებშიც აქვთ უკვე ნათამაშები - შაჩირიმ პასი ადმირ მეჰმედისგან მიიღო და უმალვე მოძებნა ინოსენტ ემეგარა, რომლის დარტყმულიც მიკელ ანდერსენმა მოიგერია.</p><p>ამის შემდეგ საქმეში დანიელთა ლიდერი კრისტიან ერიქსენი ჩაერთო (რომელსაც ასევე უთამაშია დიდების ნაკრებში), მან მასპინძელთა ეულ ფორვარდ ნიკი ბილე ნიელსენთან გაითამაშა კედელი, მაგრამ ბურთი კარს ააცილა.</p><p>მოკლედ, 10 ათასამდე გულშემატკივრის თვალწინ ორი ლიდერის, ერიქსენისა და შაჩირის დუელი ვიხილეთ, რომელშიც უფრო ეფექტური შაჩირი გამოდგა. გეტყვით, რომ ერიქსენიცა და შაჩირიც 19-19 წლისანი არიან და მათ მომავალ ციკლშიც შეუძლიათ ახალგაზრდულ ნაკრებში თამაში.</p><p>გაშვებული ბურთის შემდეგ დანიელებმა იერიშები მოაწყვეს შვეიცარიელთა კართან, მაგრამ მეკარე ზომერი ბრწყინვალედ თამაშობდა, მან ნიელსენის თავური მოიგერია, აუღო შეცვლაზე შესულ დალსგაარდსაც. მატჩის მიწურულს "ვილიარეალში" მოთამაშე ნიელსენმა გაიტანა, მაგრამ გოლი თამაშგარე მდგომარეობის გამო გაუქმდა.</p><p>კელდ ბორდინგაარდი (დანიის მწვრთნელი): "პირველ ტაიმში ორივე გუნდი ფრთხილობდა, ჩვენც ვერ შევქმენით ბევრი საგოლე შანსი. ერთადერთი ვისი გამორჩევაც დღეს ორივე გუნდში შეიძლება, შაჩირია, ასეთ ფეხბურთელს სულ არ სჭირდება თავის გამოსაჩენად ბევრი შანსი, მას შეუძლია ერთიდან ერთი გამოიყენოს. ამ გოლის შემდეგ ძალიან ბევრს ვუტევდით, მაგრამ ახლა ზომერმა არ გაგვახარა. მოკლედ, თამაშის ბედ-იღბალი შაჩირიმ და ზომერმა გადაწყვიტეს. ახლა ნახევარფინალში გასვლა ძალიან რთულია, თუმცა არა შეუძლებელი. უკვე ვესაუბრე ფეხბურთელებს და დარწმუნებული ვარ, მათ სწორი დასკვნები გამოიტანეს და ყველაფერს გაიღებენ მიზნის მისაღწევად".</p><p>პიერლუიჯი ტამი (შვეიცარიის მწვრთნელი): "შედეგითა და ჩვენი თამაშის ხარისხით კმაყოფილი ვარ. დაახლოებით ერთი საათი ყველაფერს მოედანზე ჩვენ ვაკონტროლებდით. დაცვაშიც და შეტევაშიც კარგად ვთამაშობდით. ბოლო ნახევარი საათი კი ძალიან გაგვიჭირდა, სხვანაირად ვერც იქნებოდა, მასპინძელი გუნდი სავსე ტრიბუნების თვალწინ აგებდა. მეკარეს უნდა ვუმადლოდეთ, რომ გამარჯვება შევინარჩუნეთ. ჯერდან შაჩირი ძალიან კარგი პიროვნება და ფეხბურთელია. შაჩირიმ ექსტრაორდინალური გოლი გაიტანა".</p><p>თ მ ფ წ ბ ქ</p><p>1. ბელარუსი 1 1 0 0 2-0 3</p><p>2. შვეიცარია 1 1 0 0 1-0 3</p><p>3. დანია 1 0 0 1 0-1 0</p><p>4. ისლანდია 1 0 0 1 0-2 0</p><p><span style="color: #ff0000;"><strong>B ჯგუფი</strong></span></p><p><em><strong>ჩეხეთი-უკრაინა 2:1</strong></em></p><p>ჩეხეთი (4-1-4-1): ვაცლიკი - ჩელუსტკა, სუხი, მაზუხი, ლესიაკსი - გეცოვი - დოჩკალი, ჰორავა (46. მორავეკი), ვაჩა (92. მარაჩეკი), კოვარჟიკი (75. ჰლუშეკი) - პეკჰარტი.</p><p>უკრაინა (4-2-3-1): კანიბოლოცკი - ბუტკო, რაკიცკი, კრივცოვი, პუტივცევი - ჩესნაკოვი, სტეპანენკო (54. ფარცვანია) - მოროზიუკი (64. ბილიი), კონოპლიანკა, იარმოლენკო (87. კრავეცი) - ზოზულია.</p><p>გოლები: 1:0 დოჩკალი (49), 2:0 დოჩკალი (56), 2:1 ბილიი (87)</p><p>კაპიტან ბორჟეკ დოჩკალის დუბლის წყალობით სლავურ დერბიში ჩეხეთის ახალგაზრდულმა ნაკრებმა უკრაინა 2:1 დაამარცხა. დოჩკალმა პირველივე ტაიმში გამოაჩინა, რომ ჩეხთა ყველაზე სახიფათო ფეხბურთელი იყო, თუმცა გოლები მეორე ტაიმში გაიტანა. პირველად დოჩკალმა მარჯვენა მცველ ჩელუსტკას პასი გამოიყენა, მეორედ კი კაპიტანს პასი ვაჩამ გადააწოდა, დოჩკალმა კი 18 მეტრიდან შეარხია უკრაინის კარის ბადე. ამ ეპიზოდამდე ორი წუთით ადრე უკრაინელთა რიგებში თემურ ფარცვანია გამოჩნდა.</p><p>უკრაინელებმა გაიბრძოლეს და 87-ე წუთზე შეცვლაზე შესულებმა იყოჩაღეს, არტემ კრავეცმა მაქსიმ ბილიი მოძებნა - 2:1.</p><p><em><strong>ესპანეთი-ინგლისი 1:1</strong></em></p><p>ესპანეთი (4-3-3): დე ხეა - მონტოია, ბოტია, ა. დომინგესი, დიდაკ ვილა - ტიაგო ალკანტარა, ხავი მარტინესი, ანდერი (86. კაპელი) - მატა, ა. ლოპესი (72. პარეხო), ხეფრენი (80. კრკიჩი).</p><p>ინგლისი (4-2-3-1): ფილდინგი - უოლკერი, სმოლინგი, ჯონსი, ბერტრანდი - ჰენდერსონი, მანსიენი (67. როდველი) - კლევერლი (81. სინკლერი), უელბეკი, როუზი (67. ლენსბერი) - სტარიჯი.</p><p>გოლები: 1:0 ანდერი (14), 1:1 უელბეკი (88)</p><p>ანგარიში მე-14 წუთზე ანდერ ერერამ გახსნა, ტიაგო ალკანტარამ კუთხური მოაწოდა, ბურთს თავით მსოფლიოს ჩემპიონი ხავი მარტინესი შეწვდა და შორეულ ძელთან ბასკმა იყოჩაღა. ინგლისი მარცხისგან დენიელ უელბეკმა იხსნა, როცა თამაშის მიწურულს გაათანაბრა - ინგლისელთა ლიდერი გოლს მთლიანად კაილ უოლკერს უნდა უმადლოდეს, რომელმაც მთელი ფლანგი გაიარა და ჩაუწოდა მეგოლეს - 1:1.</p><p>თ მ ფ წ ბ ქ</p><p>1. ჩეხეთი 1 1 0 0 2-1 3</p><p>2. ინგლისი 1 0 1 0 1-1 1</p><p>3. ესპანეთი 1 0 1 0 1-1 1</p><p>4. უკრაინა 1 0 0 1 1-2 0</p>
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია