ლევან ყენია აგვისტოში დაბრუნდება

შესაძლოა, ლევანი საქართველოს ნაკრებს 11 ოქტომბერს, ევრო 2012-ის ბოლო ჯგუფურ მატჩში, საბერძნეთთან დაეხმაროს ლევან ყენია აგვისტოში მოედანს დაუბრუნდება. ეს სასიხარულო ამბავი საქართველოს ნაკრებისა და გელზენკირხენის "შალკეს" შემტევ ნახევარმცველზე ბიძამისმა, ქუთაისის "ტორპედოს" მთავარმა მწვრთნელმა გიორგი კიკნაძემ გვითხრა."ლევანი უკვე ჩვეულებრივად დადის, რეაბილიტაციის პროცესშია და ველოსიპედზე ვარჯიშობს. ექიმებმა უთხრეს, რომ აგვისტოში მოედანს აუცილებლად დაუბრუნდება", - გვითხრა კიკნაძემ.აგვისტოში ექვსი თვე შესრულდება მას შემდეგ, რაც ყენიამ ფრანკფურტში კოჭის ოპერაცია იმ ექიმთან გაიკეთა, რომელმაც გამოჯანმრთელების გარანტია მისცა.გელზენკირხენის "შალკეს" 20 წლის ქართველ ლეგიონერს ორ წელზე მეტია, არ უთამაშია. წოლითი რეჟიმის შემდეგ სპეციალური ფეხსაცმლით სიარულის უფლება მისცეს და როდესაც წყლის პროცედურები დაასრულა, ტრენაჟორებზე ვარჯიშსაც შეუდგა. ახლა კი ეს დამაიმედებელი ამბავიც შევიტყვეთ."შალკეს" ექიმი ამბობს, რომ ამგვარი ტრავმა ფეხბურთელებში უჩვეულო მოვლენა არ არის და ქართველს მოურჩენელი არაფერი სჭირს. წესით, ლევანი აგვისტოში ვარჯიშს შეძლებს, ოქტომბერ-ნოემბრიდან კი - თამაშსაც.როგორც ექიმმა დაასკვნა, ყენიას ხშირი ტრავმიანობის მიზეზი "შალკეს" ყოფილი დამრიგებლის, "დესპოტად" მონათლული ფელიქს მაგათის მეტისმეტად მკაცრი მოთხოვნები იყო, რომელსაც ამის გამო ბევრი ცნობილი ფეხბურთელი გაექცა. მაგათის მოთხოვნები ადამიანური შესაძლებლობების ზღვარზე გადის და მოთამაშეთა ინდივიდუალურ მდგომარეობას არ ითვალისწინებს.ასე, მაგალითად: ლევანს 2010 წლის ზაფხულში ოპერაცია იმიტომ დასჭირდა, რომ ვარჯიში ნაადრევად დააწყებინეს. იგივე განმეორდა 2011 წლის იანვარში, როდესაც მაგათმა ყენია თურქულ შეკრებაზე გუნდთან ერთად ავარჯიშა და ტრავმა კიდევ ერთხელ გაუმიზეზდა - კოჭი ოთხ ადგილას ჰქონდა დაზიანებული. ნაადრევი ვარჯიშისა და არასწორი რეაბილიტაციის შედეგმა მალე იჩინა თავი და იანვრის შუა რიცხვებში მორიგი ტრავმა მიიღო.მხოლოდ ამის შემდეგ გადაწყვიტა "შალკეს" ქართველმა - რაც უნდა მოეთხოვა მაგათს, დაუჯერებდა მხოლოდ ექიმის რეკომენდაციას. საბედნიეროდ, გელზენკირხენელებმა მაგათი მოხსნეს და ყენიას აღარ აჩქარებენ.არადა, ფეხბურთელი, რომელიც შარშან იტალიურმა "გუერინ სპორტივომ" მსოფლიოს რჩეული ტალანტების ტოპ-ოცეულში დაასახელა და მდიდარი ევროპული თუ რუსული კლუბები ("ზენიტი", "ტრაბზონი" და სხვანი) იწვევდნენ, კარიერის დასრულებას აპირებდა. რალფ რანგნიკმა, რომელიც "შალკეს" მწვრთნელად მაგათის ნაცვლად დანიშნეს, ყენია გაამხნევა.ჩვენთვის ყენიას მოედანზე დაბრუნება დიდი იმედია. ყველაფერი კარგად თუ წარიმართა, იქნებ საქართველოს ნაკრებს ევრო 2012-ის ბოლო ჯგუფურ მატჩში, თბილისში 11 ოქტომბერს საბერძნეთთან დაეხმაროს. 2 სექტემბერს თბილისში ლატვიასთან და 6 სექტემბერს გასვლაზე მალტასთან კი, სავარაუდოდ, ლევანის თამაში გამორიცხული უნდა იყოს.ყენიას მსგავსი ფეხბურთელი საქართველოს ნაკრებს ჰაერივით სჭირდება. ყენია, ლევან მჭედლიძე, გიორგი ჭანტურია, ჯანო ანანიძე ("გუერინ სპორტივოსთან" ერთად, ანანიძე მსოფლიოს რჩეული ტალანტების სიაში ესპანურმა "დონ ბალონმაც" დაასახელა) ის ფეხბურთელები არიან, ფერმკრთალ ნაკრებს ელფერსა და ქართულ სტილს რომ დაუბრუნებენ. ასე რომ, გვქონდეს ყენიას სევდიანი ისტორიის კეთილად დასრულების იმედი.

levani

როგორც იქნა! სასიხარულო ამბავი შევიტყვეთ ყენიას შესახებ. ნეტა მალე ჩადგეს ფორმაში. მაგრად გვჭირდება ლევანის ნაირი ფეხბურთელები...
lali

ყენია უძლიერესია
Tornike

ეს ბიჭები ერთად, ერთ გუნდში შეკრებილები და ერთ მუშტად შეკრულები, როცა საუკეთესო ფორმაში არიან, უდიდესი ძალაა! ასეთი გუნდი მსოხლიოს ნებისმიერ ნაკრებს დაამარცხებს თუ ძალიან მოინდომებს. ნეტავ რაც შეიძლება მალე მოხდეს ეს.
Giorgipirweli

გეთანხმები, თორნიკე. მაგ გვარებს დაამატე ძალამიძე, ჭანტურია, ბარაბაძე და მაგარი შემტევი ნაკრები გამოვა
zhilinia

ნამდვილად სასიხარულო ფაქტია ლევანის გამოჯანმრთელება და მე ორმაგად მიხარია რომ არ დანებდა და კარიერა არ დაასრულა. დარწმუნებული ვარ მასთან ერთად ნაკრებიც გამოჯანმრთელდება და ისეთ ფეხბურთს ითამაშებენ როგორიც ქართველებს ეკუთვნით!
Tornike

თუ ყველაფერი სწორად წარიმართა, 1-2 წელიწადში უძლიერესი ნაკრები გვეყოლება! ამის დასამტკიცებლად მარტო ამ ბიჭების გვარების წაკითხვა კმარა, ამ სტატიის ბოლოს რომ არიან ნახსენები.
aleqsa

ძალიან სასიხარულოა. წარმატებები ყენიას. საქართველოს ძალიან სჭირდება ყენიასნაირი ბიჭები.

აბურჯანია კარიერას საუდის არაბეთში გააგრძელებს

ხარატიშვილი ჩეხურ კლუბში გადავიდა

გადრანი "კაირატიდან" "ბეითარში" გადავიდა

ნიკოლოზ ბასილაშვილი ჩინური ტურნირის პირველივე წრეში დამარცხდა

"მარტო უნდა დავტოვოთ" - სკალონის ჰკითხეს, ითამაშებს თუ არა მესი 2026 წლის მსოფლიო ჩემპიონატზე

"სამწუხაროდ, ესპანეთში მას არ აფასებენ" - დე ლა ფუენტემ საკუთარი გუნდის ფეხბურთელი გამოარჩია

„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე

პსჟ ბარკოლასთან კონტრაქტის გაგრძელებაზე მოლაპარაკებას აწარმოებს

რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს

"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი

მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია

[PHOTO] არდა გიულერის ემოციები ესპანეთთან განადგურების შემდეგ

[VIDEO] შერჩათ თურქებს იამალი? - ესპანელი კურიოზულ სიტუაციაში აღმოჩნდა

"წავაგეთ ნაკრებთან, რომელმაც კალათბურთის თამაში 12 თვის წინ დაიწყო" - რას წერენ ფრანგი გულშემატკივრები საქართველოსთან მარცხის შემდეგ?

შენგელია: გასაკვირია ჯიკიჩი ევროლიგის გუნდს რომ არ წვრთნის

[VIDEO] ესპანეთმა თურქეთი გააბითურა - საქართველოს ნაკრები მეორე ადგილზეა

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით

[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება

ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს