- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ფერდა ზაზაზე
<p>საქართველოს ნაკრების ცენტრმა ზაზა ფაჩულიამ გულიანი თამაშით "ატლანტას" ჟურნალ "360"-ის თავფურცელზე მთავარი ადგილი დაიმსახურა <br> საქართველოს ნაკრების ცენტრი ზაზა ფაჩულია ყურადღების ცენტრში 2010-11 წლების NBA-ს პლეი ოფებისასაც მოექცა. მისი დახმარებით "ატლანტა ჰოქსმა" მერვედფინალიდან დუაით ჰოვარდის "ორლანდო მეჯიქი" გამოაგდო, ხოლო მომდევნო ეტაპზე "ჩიკაგო ბულსთან" ღირსეულად დამარცხდა.</p><p>ზაზამ გულიანი თამაშით "ატლანტას" ჟურნალ "360"-ის თავფურცელზე მთავარი ადგილი დაიმსახურა (თუმცა მწვრთნელ ლარი დრიუს ვერ დააჯერა რომ, სასტარტო ხუთეულშიც იმსახურებდა ადგილს). ჟურნალის მე-18 გვერდზე ფაჩულიას შესახებ საინტერესო სტატიაა, რომლის ავტორი ტომ ფერდა შორიდან უვლის...</p><p>"თბილისი მე-5 საუკუნეში დაარსდა. იგი საქართველოს დედაქალაქია, უძველესი ისტორიისა და მდიდარი კულტურის მქონე ქვეყნისა, რომლის მოსახლეობა ცნობილია თავისი მტკიცე ხასიათით. ამ მშვენიერ, მთაგორიან რეგიონში, რომელიც სსრ კავშირის ნაწილი იყო, დაიბადა "ატლანტა ჰოქსის" ცენტრი ზაზა ფაჩულია.</p><p>საინტერესოა, როგორ იქცა საქართველოში გაზრდილი ფაჩულია ატლანტაში ერთ-ერთ ყველაზე ცნობილ სპორტსმენად? ან როგორ გადააბიჯა თბილისის ქვებით მოკირწყლული ქუჩებიდან საკალათბურთო მოედანზე?</p><p>ამერიკელი ახალგაზრდები კოლეჯების ლიგაში თავის გამოჩენით ცდილობენ NBA-ს გუნდების ყურადღების მიპყრობას. ზაზამ სხვა გზით იარა.</p><p>- თბილისში, თურქულ სკოლაში ვსწავლობდი, როცა თურქეთის ნაკრები ჩვენს ეროვნულ გუნდთან სათამაშოდ ჩამოვიდა და ჩემს სასწავლებელსაც ეწვია. 14 წლისა ვიყავი, სკოლის ეზოში კალათბურთს ვთამაშობდი. თურქი მწვრთნელები დაინტერესდნენ და სასწავლებლის დირექტორს ჩემი ვინაობა გამოჰკითხეს. შემდეგ ჩემთანაც მოვიდნენ და თურქეთში სათამაშოდ გადასვლა შემომთავაზეს, - იხსენებს ზაზა.</p><p>საქმის მშობლებთან განხილვის შემდეგ ზაზამ გადაწყვიტა, რომ დრო იყო მეგობრებს გამომშვიდობებოდა და პროფესიული კარიერისთვის სერიოზულად მიეხედა, რაც ოცნების ახდენისკენ გადადგმული პირველი ნაბიჯი უნდა ყოფილიყო.</p><p>- ზუსტად ერთ კვირაში, 1998 წლის თებერვალში სტამბოლში ჩავედი, - განაგრძობს ზაზა, - ჩემი მშობლები ყოველთვის დიდ ყურადღებას აქცევდნენ განათლებას. ამიტომ, თურქეთშიც კარგად ვსწავლობდი, თუმცა ამ ქვეყანაში ჩასვლის მთავარი მიზანი კალათბურთი იყო.</p><p>3,5 მილიონიანი საქართველოდან 8-მილიონიან სტამბოლში გადასვლამ ახალგაზრდა ფაჩულიას ცნობიერებაში ერთგვარი კულტურული შოკი გამოიწვია, თუმცა სხვა გზა არ იყო, ახალ გარემოსაც უნდა შეგუებოდა, ენაც უნდა დაეხვეწა და ხალხთან ურთიერთობებიც სათანადოდ აეწყო.</p><p>მალე იგი "ულქერში" ჩაირიცხა. უფროსი ასაკის კალათბურთელებთან უწევდა გამოსვლა, იდაყვების მოშველიებითა და მეტისმეტი მონდომების წყალობით კარგად უმკლავდებოდა მათ. სათამაშო დროის მატებასთან ერთად ზაზა კვალიფიკაციასაც იმაღლებდა და სტატისტიკასაც დღითი-დღე იუმჯობესებდა. მან "ულქერის" მაისურა ადრეულ ასაკში მოირგო და სტამბოლელებს 4 წელი ემსახურა. ქართველმა "ულქერში" 73 მატჩი ჩაატარა და გუნდს პრეზიდენტის თასის მოგებაში ორჯერ დაეხმარა (2001 და 2002 წლებში).</p><p>ზაზას ყოველთვის გვერდში ედგა დედა, მარინა.</p><p>- დედაჩემიც კალათბურთელი იყო. ამიტომ, სპორტის ამ სახეობას ჩვენი ოჯახი დიდ პატივს სცემდა. მის გარდა კიდევ არაერთი ადამიანი იყო, ვინც პატარაობიდან მეხმარებოდა.</p><p>საქართველო პატარა ქვეყანაა, სადაც სპორტის #1 სახეობა ფეხბურთია. თუმცა, როცა სხვა თანატოლებზე ერთი თავით მაღალი ხარ და შენს გენებში კალათბურთია, ფეხბურთზე წინ სპორტის "ტანმაღალ სახეობას" დააყენებ, როგორც ეს ზაზამ გააკეთა. მაგრამ მხოლოდ მის ოჯახში როდი იყო კალათბურთი პოპულარული - საქართველოს ხომ მდიდარი საკალათბურთო ტრადიციები აქვს:</p><p>- სპორტის ეს სახეობა საქართველოში ყოველთვის დიდი პოპულარობით სარგებლობდა. 60-იან წლებში თბილისის "დინამოს" დიდი წარმატებები ჰქონდა, ხოლო სსრ კავშირის ნაკრებში არაერთი ქართველი ასპარეზობდა, რომლებიც ყოველწლიურად სხვადასხვა სიმაღლეს იპყრობდნენ, - მოკლე ისტორიული ექსკურსის ავტორიც ფაჩულიაა.</p><p>13 წლის ზაზა 2 მეტრი სიმაღლისა იყო. ამჟამად 212 სმ-ია. საინტერესოა, რა ასაკში მოიმატა ყველაზე მეტად?</p><p>- არ მქონია პერიოდი, სიმაღლეში სწრაფად მომემატებინოს. ნელ-ნელა ვიზრდებოდი, თუმცა ყოველთვის სხვა თანატოლებზე მაღალი ვიყავი. სიმაღლე გენეტიკურად მაქვს, მშობლებისგან.</p><p>ჰოდა, ტანმაღალი ქართველი NBA-ს სკაუტებმა ადრეულ ასაკში შენიშნეს. ისინი ამბობდნენ: თურქეთში თამაშობს ნიჭიერი ახალგაზრდა, რომელსაც გამოარჩევს თამაშის აგრესუილი სტილი, ფიზიკური სიძლიერე და ფარქვეშიდან სროლის სიზუსტე ("ულქერში" 2002-03 წლების სეზონში საშუალოდ 9.4 ქულას აგროვებდა, თამაშიდან 57.5 პროცენტიანი სიზუსტით ისროდა). სკაუტთა შეფასებებზე დაყრდნობით 2003 წლის დრაფტზე ფაჩულია "ორლანდო მეჯიქმა" 42-ე ნომრად აიყვანა. შედეგად 19 წლის ზაზა საქართველოში დაბადებული მეოთხე კალათბურთელი იყო, ვინც NBA-მდე მიაღწია (სტეფანიას, ცაკალიდისისა და ცქიტიშვილის შემდეგ).</p><p>"ორლანდოსა" და "მილუოკიში" გატარებული არცთუ ეფექტური ორი სეზონის შემდეგ ზაზა "ატლანტაში" ჩაირიცხა და პირველივე სეზონში სასტარტო ცენტრად იქცა. 2005-06 წლების სეზონში იგი საშუალოდ 11.7 ქულასა და 7.9 მოხსნას აგროვებდა (78 მატჩში). ჯორჯიის შტატში გატარებული 5 წლის განმავლობაში ზაზამ ფანებში დიდი პატივისცემა, ხოლო თანაგუნდელებში მებრძოლის რეპუტაცია დაიმსახურა. მის შეუპოვრობას არაერთხელ აღუფრთოვანებია "ატლატას" ქომაგი, ისე როგორც 2008 წლის პლეი ოფში - ფაჩულიამ ბოსტონელ კევინ გარნეტთან რომ იჩხუბა.</p><p>მომდევნო წელს, თვალჩალურჯებულმა ქართველმა "ჰოქსის" რეკორდი დაამყარა: "მაიამისთან" 12 ქულა და 18 მოხსნა მოაგროვა და "ატლანტას" გასვლით საპლეიოფო მატჩებში 12-წლიანი წაგებათა სერია შეაწყვეტინა. მისი ბრძოლოსუნარიანობა თანაგუნდელებსაც გადაედოთ და "ატლანტამ" "მაიამის" ბარიერი დაძლია.</p><p>ზაზა მოედნის მიღმაც საინტერესოა. ცნობილია მისი მისწრაფება გემრიელი კერძებისა და მოდისადმი. ამ საკითხებში ღრმად ჩახედულობის გამო ზაზა ჟურნალ "ჰუპსის" სტილისტ-რედაქტორად მიიწვიეს. იგი რესტორნის მფლობელიცაა: დაწესებულებას, რომელიც გემრიელი კერძებითაა ცნობილი, თავიდან "ენო" ერქვა, თუმცა ზაზამ სახელი შეუცვალა - "5<sup>th</sup> Street Cafe".</p><p>ზაზა ფაჩულია</p><p>დაიბადა: 10.02.1984</p><p>სიმაღლე: 211 სმ.</p><p>წონა: 127 კგ.</p><p>კარიერა</p><p>1999-2003 ულქერი (თურქეთი)</p><p>2003-04 ორლანდო (NBA, 42 ნომერი დრაფტზე)</p><p>2004-05 მილუოკი (NBA)</p><p>2005-11 ატლანტა (NBA)</p>
-
რუსი
უმრავლოს საქართველოს ზაზა ფაჩულიასნაირი სასახელო, ვაჟკაცი სულის მქონე კალათბურთელები!!!
საქართველოს ნაკრების კალათბურთელმა "ბაიერნში" გადასვლის შემდეგ განცხადება გააკეთა: ევრობასკეტზე ჯგუფური ეტაპი უნდა დავძლიოთ და შემდეგ ყველაფერია შესაძლებელი
საქართველოს ნაკრების მოთამაშე კარიერას "ბაიერნში" გააგრძელებს
მამუკელაშვილმა "ტორონტო რეპტორზთან" ორწლიანი კონტრაქტი გააფორმა
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია