<p>ან იონ სეუნმა ოფიციალურად დაასახელა ქალთა გუნდის შემადგენლობა, რომელიც 3-10 ივლისს ტურინში მსოფლიოს ჩემპიონატზე იასპარეზებს <br> საქართველოს მშვილდოსანთა ნაკრების კორეელმა მწვრთნელმა ან იონ სეუნმა ოფიციალურად დაასახელა ქალთა გუნდის შემადგენლობა, რომელიც 3-10 ივლისს ტურინში მსოფლიოს ჩემპიონატზე იასპარეზებს: ხათუნა ნარიმანიძე, ქრისტინე ესებუა, ასმათ დიასამიძე. არსებითად, მან ეს სამეული ადრევე შეარჩია, მაგრამ ანთალიაში ჩატარებულ მსოფლიოს თასს მაინც დაელოდა.</p><p>იმის მიუხედავად, რომ იქ ლანა ვერულიძემ ურიგოდ არ იასპარეზა - შესარჩევში მხოლოდ ნარიმანიძეს ჩამორჩა, პლეი ოფში კი ერთადერთი იყო ჩვენი გუნდიდან, ვინაც ორი რაუნდი გაიარა, მწვრთნელმა ადრინდელ განაცხადში ცვლილება მაინც არ შეიტანა.</p><p>კორეელის გადაწყვეტილებით, ტურინში მხოლოდ ქალთა ნაკრები გამოვა, რადგან ვაჟების მაჩვენებლები იმდენად ჩამორჩება საერთაშორისო სტანდარტებს, მათ წაყვანა უაზრობაა. ტურინში ლონდონის 2012 წლის ოლიმპიადის ლიცენზიებიც თამაშდება, რისთვისაც მთავარია არა ადრინდელივით პირად პირველობაში, არამედ გუნდურში მოპოვებული წარმატება - აქ ნაკრებმა პლეი ოფში ერთი წრე მაინც უნდა გაიაროს ანუ რვა საუკეთესოს შორის მოხვდეს. ამ შემთხვევაში საგზური მის სამივე წევრს გადაეცემა.</p><p>შეგახსენებთ, რომ გუნდურ პირველობაში პლეი ოფში 16 საუკეთესო გუნდი გადის. ჩვენებს ამ სიაში მოხვედრა არ უნდა გაუჭირდეთ, მაგრამ საჭიროა, რაც შეიძლება მაღალი ადგილით შევიდეთ, პლეი ოფში უფრო სუსტ მეტოქეს რომ შევხვდეთ. თუ იმ რვა მოწინავე გუნდს შორის ბრიტანეთიც მოხვდება, რომელსაც მასპინძლობის გამო საგზურები ავტომატურად ეკუთვნის, მაშინ IX-XVI ადგილებზე გასული გუნდები დამატებით ცალკე ტურნირს ჩაატარებენ, მისი გამარჯვებული ნაკრები კი ასევე მიიღებს ლიცენზიას. დაგვეთანხმებით, ახლებური წესით საგზურის მოპოვება ბევრად გართულებულია ადრინდელთან შედარებით, როცა ლიცენზიას ჯერ პირად პირველობაში 64, მერე კი 44 მონაწილე იღებდა. ახლებური წესის ერთადერთი უპირატესობა ისაა, რომ ახლა თუ ამ ბარიერს დაძლევ, ერთბაშად სამ საგზურს იღებ, მაშინ კი ყველას ცალ-ცალკე უნდა მოეპოვებინა. ოლიმპიადაზე სამი მონაწილე იმას ნიშნავს, რომ იქაც შეგეძლება გამოსვლა გუნდურ პირველობაში. აქვე შეგახსენებთ, რომ მშვილდოსან ქალთა ნაკრები დღემდე ერთადერთია, ოლიმპიადაზე გუნდურ პირველობაში რომ გამოსულა - სიდნეიში.</p><p>ჩვენები იტალიაში 22 ივნისს გაფრინდებიან და ჩემპიონატის დაწყებამდე ტურინში შეკრებას გაივლიან. ოფიციალური ვარჯიში 3 ივლისსა დანიშნული, შესარჩევი ეტაპის შეხვედრები კი 4-5 ივლისს გაიმართება. თუმცა მანამდე - 1-2 ივლისს ტურინში მშვილდოსნობის საერთაშორისო ფედერაციის კონგრესი გაიმართება, რომელსაც ჩვენი ფედერაციის გენერალური მდივანი არტემ სანიშვილი დაესწრება.</p>
მშვილდოსნობაში 2023 წლის საქართველოს თასის პირველი ეტაპი გაიმართა - გამოვლინდნენ გამარჯვებულები
თეა წულუკიანი მშვილდოსნობის ფედერაციას შეხვდა
მშვილდოსნობა. მსოფლიოს ჩემპიონატი: დედა-შვილი ერთად იასპარეზებს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ