<p>"ბორჯღალოსნების" სამწვრთნელო შტაბმა ის 32 მორაგბე შეარჩია, რომლებიც 2021 წლის რაგბი ევროპის ჩემპიონატის პირველი ოთხი თამაშისთვის მოემზადება.</p><p>„ეს შემადგენლობა ოთხივე თამაშისთვის მოიაზრება, თუმცა შესაძლოა იყოს მცირე ცვლილებები. ესპანეთთან მატჩისთვის შემოგვიერთდება მიხეილ ნარიაშვილი. წლევანდელი რაგბი ევროპის ჩემპიონატი მსოფლიო თასის შესარჩევი ეტაპიცაა და ვცდილობთ მაქსიმალურად ოპტიმალური შემადგენლობა გვყავდეს. ფრანგულ კლუბებთან მიმართებაში არის მცირე პრობლემები, არავის უნდა მოთამაშის ნაკრებში გაშვება. რადგან ოფიციალური ფანჯარაა, არავის აქვს მოთამაშის დაკავების უფლება, მაგრამ ხისტი მიდგომა სამომავლოდ ისევ ჩვენს მორაგბეებს აზარალებს და ვცდილობთ ლავირებას, რათა ეს თავიდან ავიცილოთ“ – განაცხადა ბორჯღალოსნების მთავარმა მწვრთნელმა ლევან მაისაშვილმა.</p><p>შეგახსენებთ, 2021-2022 წლების რაგბი ევროპის ჩემპიონატების ჯამის შედეგად, ორი მოწინავე გუნდი 2023 წლის მსოფლიო თასის საგზურს მიიღებს, მესამე გუნდი კი საკონტინენტთაშორისო ფლეი-ოფში ჩაერთვება.</p><p>ბორჯღალოსნები პირველ ოთხ შეხვედრას მარტში გამართავენ და მათგან სამს სტუმრად – 6 მარტს, საქართველოს დროით 19 საათზე პორტუგალიას ლისაბონში ვერკინებით; 14 მარტს 15:45 საათზე ესპანეთს მადრიდში ვეწვევით; 20 მარტს 15 საათზე რუსეთს კალინინგრადში ვეთამაშებით; 27, ან 28 მარტს რუმინეთს ვუმასპინძლებთ, ხოლო ტურნირის დასკვნით მატჩს 26 ან 27 ივნისს ასევე შინ, ბელგიასა და ჰოლანდიას შორის გამარჯვებულთან გავმართავთ.</p><p><strong>თბილისის ჯგუფი „შევარდენზე“ ემზადება</strong></p><p>საერთო შეკრების დაწყებამდე, ტრადიციულად, ადგილობრივი ჯგუფი „შევარდენის“ სანაკრებო ბაზაზე შეიკრიბა და ერთი კვირაა ფიზიკური და ტექნიკური კონდიციების გაუმჯობესებაზე მუშაობს. შეკრებაზე ჯერ არ არიან ‘ბათუმისა’ და ‘აიას’ მოთამაშეები, რომლებიც მე-10 ტურის შეხვედრას ხვალ გამართავენ და ნაკრების კანდიდატები შეკრებაზე ამის შემდეგ გამოცხადდებიან.</p><p>„ჩვენთვის მნიშვნელოვანია, რომ სათამაშო კვირაში მოთამაშეების ფიზიკური კონდიციები სასურველ დონეზე იყოს და ეს შეკრება ამას ემსახურება. კვირას ‘აიასა’ და ‘ბათუმის’ მორაგბეები შემოგვიერთდებიან და ორშაბათ გამთენიისას პორტუგალიაში მივემგზავრებით“ – ამბობს მაისაშვილი და განაგრძობს:</p><p>„პორტუგალიასთან მატჩის შემდეგ ადგილზე დავრჩებით და ესპანეთთან თამაშისთვის მოვემზადებით. ესპანეთს კვირას ვეთამაშებით, რის შემდეგაც თბილისში ვბრუნდებით, ერთი სრულფასოვანი ვარჯიში გვექნება და პარასკევს კალინინგრადში მივფრინავთ, სადაც შაბათს რუსეთს შევხდებით. ეს გარკვეულ სირთულეებს ქმნის, თუმცა ამ ეტაპზე უმჯობესია ოთხი თამაში მიყოლებით გვქონდეს, ვიდრე მოთამაშეები ერთი კვირით კლუბებში გავუშვათ და დამატებითი პრობლემები შევქმნათ“.</p><p><strong>ოთხი უკეპო</strong></p><p>გაფართოებულ შემადგენლობაში ოთხი უკეპო მოთამაშეა. მათგან ორი ბურჯია – ‘რასინგ 92’-იდან გია ხარაიშვილი და ბოლნისის ‘ყოჩებიდან’ ნიკა აბულაძე. შეკრებაზე ადრეც ყოფილან, თუმცა სანაკრებო კვართით ჯერ არ უთამაშიათ ‘ბრივის’ მესამეხაზელ ირაკლი ცხადაძეს და ‘აიას’ მგეზავ გიორგი ბაბუნაშვილს.</p><p>მთავარი მწვრთნელი ამბობს, რომ ეცდება სათამაშო დრო ყველა მორაგბეს მისცეს:</p><p>„ხარაიშვილს 20-წლამდელთა ნაკრებიდან კარგად ვიცნობთ. ის ძალიან კარგ ფიზიკურ ფორმაშია და მისი საქმეში ხილვა საინტერესო იქნება“.</p><p>„რატომღაც ისე მოხდა, რომ პირველი ნომრის პოზიციაზე დიდი სიღრმეები და არჩევანი არ გვაქვს. ნიკა აბულაძეს უკვე დიდი ხანია ვაკვირდები და ამ სეზონში მისი ყველა თამაში ვნახე. ისიც კარგ ფიზიკურ ფორმაშია, გამოირჩევა კუნთის მასით და ძალით, კარგად დგას შერკინებაში, ასევე კარგად მიაქვს ბურთი დინამიკაში და ძლიერია ბოჭვებსა და მოლში. ერთადერთი ისაა, რომ არ აქვს არანაირი საერთაშორისო გამოცდილება და ვეცდებით მას ამის შესაძლებლობა მივცეთ. ის დიდ 10-ში თავის პოზიციაზე უდაოდ საუკეთესოა, თუმცა ჩვენი ჩემპიონატისა და საერთაშორისო მატჩების ტემპი განსხვავდება და ვეცდებით ვარჯიშებზე მისი საერთო ფიზიკური კონდიციების ამოწევას“.</p><p>„ბაბუნაშვილი ნაკრებში მილტონ ჰეიგის დროსაც რამდენჯერმე გვყავდა გამოძახებული, მაგრამ ტრავმებმა თავის წარმოჩენის შესაძლებლობა არ მისცა. ის დიდ 10-ში გამორჩეული მგეზავია, ძალიან კარგ ფორმაშია და თუ საშუალება მოგვეცემა, თამაშის საშუალება აუცილებლად ექნება. წინა შეკრების შემდეგ მან ყველა იმ დავალებაზე იმუშავა, რაც მიცემული ჰქონდა და შანსს აუცილებლად იმსახურებს“.</p><p>„20-წლამდელთა ნაკრებიდან ვიცნობთ ირაკლი ცხადაძეს. ტრავმებმა ისიც გააწამა, მაგრამ ძალიან მშრომელი ბიჭია და რომელიმე თამაშში შანსი აუცილებლად ექნება“.</p><p><strong>„პორტუგალიას შანსი არ უნდა მივცეთ“</strong></p><p>2020 წლის რაგბი ევროპის ჩემპიონატზე, პორტუგალიას პარიზში ვეთამაშეთ და მისგან ყველაზე მეტი, 24 ქულა მივიღეთ, საბოლოოდ კი 39:24 ვიმარჯვეთ. მაისაშვილი ამბობს, რომ მომავალი თამაშისთვის გუნდი წარსულ გამოცდილებას გაითვალისწინებს:</p><p>„პორტუგალია სწრაფი გუნდია და მოწინააღმდეგის შეცდომებზე სწრაფად რეაგირებს. პარიზში გამართული თამაშის დროს ეს უშუალოდ ჩვენს თავზე გამოვცადეთ და გარკვეული პრობლემები შეგვექმნა. ეს კარგი გაკვეთილი იყო და ამისათვის მზად ვიქნებით. ჩვენ რაგბი ევროპის ჩემპიონატზე საუკეთესო გუნდი ვართ და ეს აუცილებლად უნდა გამოვიყენოთ“.</p><p><p><p><strong>გაფართოებული შემადგენლობა მარტის თამაშებისთვის</strong></p></p></p><p><p><p><strong>შერკინება</strong></p><p><strong>ბურჯები:</strong> გურამ გოგიჩაშვილი (18 კეპი, 5 ქულა), ბექა გიგაშვილი (19 კეპი, 5 ქულა), გია ხარაიშვილი (უკეპო), გიორგი მელიქიძე (23 კეპი, 10 ქულა), ნიკა აბულაძე (უკეპო);</p><p><strong>კვაჭები: </strong>შალვა მამუკაშვილი (79 კეპი, 50 ქულა), ჯაბა ბრეგვაძე (62 კეპი, 15 ქულა), გიორგი ჭყოიძე (14 კეპი, 5 ქულა);</p><p><strong>მეორე ხაზი: </strong>ნოდარ ჭეიშვილი (27 კეპი), ლაშა ჯაიანი (7 კეპი), გიორგი ჯავახია (5 კეპი), დავით გიგაური (7 კეპი, 5 ქულა);</p><p><strong>მესამე ხაზი:</strong> გიორგი თხილაიშვილი (61 კეპი, 60 ქულა), ბექა საღინაძე (18 კეპი, 15 ქულა), ირაკლი ცხადაძე (უკეპო), მიხეილ გაჩეჩილაძე (13 კეპი, 10 ქულა), თორნიკე ჯალაღონია (5 კეპი);</p><p><strong>ღერძი</strong></p><p>ვასილ ლობჟანიძე (57 კეპი, 45 ქულა), გელა აფრასიძე (30 კეპი, 24 ქულა), მიხეილ ალანია (1 კეპი); თედო აბჟანდაძე (21 კეპი, 129 ქულა), გიორგი ბაბუნაშვილი (უკეპო), ლაშა ხმალაძე (85 კეპი, 53 ქულა);</p><p>ხაზი: მერაბ შარიქაძე (72 კეპი, 60 ქულა), აკა ტაბუცაძე (8 კეპი, 30 ქულა), დემე თაფლაძე (6 კეპი, 5 ქულა), მირიან მოდებაძე (14 კეპი, 30 ქულა), გიორგი კვესელაძე (29 კეპი, 25 ქულა), სანდრო თოდუა (89 კეპი, 65 ქულა), სანდრო სვანიძე (1 კეპი), სოსო მათიაშვილი (30 კეპი, 152 ქულა), დავით ნინიაშვილი (3 კეპი).</p></p></p><p><p><p><strong>rugby.ge</strong></p></p></p><p><p><p> <p></p></p><br></p>
BOSS
გაიტანეთ გრელანდია(მაისაშვილი-მათიაშვილი)!გაიტანეთ!!!
BOSS
ეს ციკლიც მაისაშვილს უნდა გავანიავებინოთ სამწუხაროდ. იმედია ყრილობა დროზე ჩატარდება და ახალი პრეზიდენტი ახალ მთ მწვრთნელს მოიყვანს...
კახი
უეჟველი კატასტოფა გველის გასვლებზე,რუსეთთან განსაკუთრებით.სანამ მწვრთნელი არ შეიცვლება და თან "ფიჯელების რისხვა"-მათიაშვილი არ მიჰყვება პროგრესი არ იქნება!
გიორგი
ისეთი პირი უჩანს, რომ მათიაშვილს ვერ მოვიშორებთ მანამ, სანამ მაისაშვილი იქნება მწვრთნელად. ახალი მწვრთნელი რაგბის კავშირმა უნდა ჩამოიყვანოს, მაგრამ ამათ რაგბისთვის არ სცალიათ.
Supporter
კარკაძე, რომ აღარ ჩანს ბოლო პერიოდი, ტრავმა აქვს, თუ პროგრესი შეწყვიტა?
გორდა
რამდენადაც ვიცი იაშაღაშვილი ბაიონას ესპუარებშია და წელს უფროსებში არ უთამაშია. იმედია 1-2 წელიწადში დიდების გუნდში მოიპოვებს ადგილს.
emigranti
რამოდენიმეჯერ ვიკითხე იაშაღაშვილი სად გაქრა თქო და ნუთუ საიდუმლოა...არავინ იცის?
tariiel
ფრთაზე ან 15-ზე გოგოლაძეზე უკეთესი რომელი გყავთ? კაცი პროდ2ში თამაშობს და არ იძახებთ, თან ორიაკის ძირითადშია სულ. წარმატებები ნაკრებს, მაგრამ ასეთი ბიჭები არ უნდა იჩაგრებოდნენ
გიორგი
ასე მგონია, რომ ბურჯების ბრალი არ არის სუსტი შერკინება. ამ რვა მორაგბეს რატომღაც აკლია დუღაბი. არადა, ცაკცალკე მშვენიერი მორაგბეებია. თედოც აღარ იზრდება თითქოს, უკანა ხაზს მწვავე პასები აკლია. ბურთი სიღრმიდან აკრეფილ ფრთებთან იშვიათად მიდის. არადა თედოზე უკეთეს 10 ვერ ვხედავ.
გვაქვს თუ არა რეგრესი? - "ბორჯღალოსნების" მიერ გამართული ივლისის ტესტების შეჯამება
მეცხრე ადგილი მსოფლიო ჩემპიონატზე - საქართველომ შოტლანდია დაამარცხა
მარცხი მოსალოდნელი შედეგით - საქართველოს ნაკრები სამხრეთ აფრიკასთან დამარცხდა
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა
"ეს ერთადერთი რამაა, რისიც მეშინია" - ერლინ ჰოლანის გულახდილი ინტერვიუ
"სიმართლე ისაა, რომ პსჟ დიდებული გუნდია" - ფლიკი მოულოდნელი მარცხის შემდეგ
"ჯერ კიდევ ვერ ვიჯერებ, რომ ჩვენთან თამაშობს" - როგორ ეხმაურებიან მიქაუტაძის თამაშს სოციალურ ქსელში?
ქოჩორაშვილი არ ათამაშეს - "სპორტინგი" "ნაპოლისთან" დამარცხდა
[VIDEO] მიქაუტაძემ "იუვენტუსს" გაუტანა - "ვილიარეალმა" და "იუვემ" ქულები გაიყვეს
[VIDEO] აი, გუნდი - პსჟ-მ ლიდერების გარეშეც კი მოუგო სტუმრად "ბარსელონას"!
[VIDEO] თბილისის "დინამოს" ახალგაზრდული გუნდი ჩემპიონთა ლიგის მეორე ეტაპზე გავიდა
[VIDEO] სადებიუტო გოლი ჩემპიონთა ლიგაზე - მიქაუტაძემ "იუვენტუსს" გაუტანა!
ეს მოხდა ბაქოში - "ყარაბაღმა" ისევ გაიმარჯვა და ჩემპიონთა ლიგის ლიდერებშია
ჩემპიონთა ლიგა: მიქაუტაძე სასტარტოშია - ქოჩორაშვილი სათადარიგოა
"ბორჯღალოსნები" | მომავალი მეტოქე - "ჩიტასი"
"ბორჯღალოსნები" | მომავალი მეტოქე - მსოფლიოს 4-გზის ჩემპიონი და რეიტინგ-ლიდერი სამხრეთ აფრიკა
"ბორჯღალოსნები" | შეცვლილი შემადგენლობით და დებიუტანტებით "ჩიტასთან"
როგორ განწყობაზეა ჩვენი მეტოქე? - "ჩიტასის" შემადგენლობა
ბოლო წუთებამდე ბრძოლაში - "ბორჯღალოსნები" "ჩიტასთან" დამარცხდნენ
გვაქვს თუ არა რეგრესი? - "ბორჯღალოსნების" მიერ გამართული ივლისის ტესტების შეჯამება