- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
მირო და რომი, თავგადასავალი იწყება
<p>ბოლო ათწლეულის საუკეთესო გერმანელმა ფორვარდი, 33 წლის მიროსლავ კლოზე იტალიური ორომტრიალისთვის მზადაა <br> იტალიური თავგადასავალი იწყება: გერმანიის ნაკრების თავდამსხმელი მიროსლავ კლოზე მომავალი სეზონიდან რომის „ლაციოს“ ღირსებას დაიცავს. ბოლო ათწლეულის საუკეთესო გერმანელმა ფორვარდმა საკმაოდ გვიან, 33 წლის ასაკში გარისკა გერმანიის დატოვება, რასაც ექსპერტების საკმაოდ დიდი ნაწილი სკეპტიკურად შეხვდა, მაგრამ თვითონ მირო ამბობს, რომ რომაული თავგადასავლებისთვის მზადაა.</p><p>„ლაციოსთან“ ერთად, კლოზეს ხელში ჩასაგდებად „ვალენსია“, „ვილიარეალი“, „ტოტენჰემი“ და „გალათასარაი“ იბრძოდნენ, გერმანელი ექსპერტები კი მიიჩნევენ, რომ ამ კომპანიიდან რომის „ლაციო“ საუკეთესო არჩევანი არ იყო, რასაც კლოზე არ ეთანხმება. მირო ფიქრობს, რომ „ლაციოში“ გადასვლით აბსოლუტურად სწორი ნაბიჯი გადადგა.</p><p>„რომში გულშემატკივრებმა გრანდიოზული დახვედრა მომიწყვეს. ვიცოდი, რომ „ლაციოს“ შესანიშნავი ფანები ჰყავდა, მაგრამ ასეთ დახვედრას, ასეთ სითბოს ნამდვილად არ ველოდი. ახლა კი ისღა დამრჩენია, ვიმედოვნო, რომ ამ გუნდის ფორმას ღირსეულად ვატარებ, შეუცვლელი ფიგურა გავხდები და ჩემი გოლები რომაულ კლუბს დასახულ მიზნებს მიაღწევინებს. ჩამოვედი თუ არა, პირველივე დღეს დავრწმუნდი, რომ „ლაციო“ დამშეული გუნდია და რაკი მეც ასეთ მდგომარეობაში ვარ, გადაწყვეტილებაში, რომელიც დიდი ხნის ფიქრის შემდეგ მივიღე, ასი პროცენტით დარწმუნებული ვარ,“ - აცხადებს კლოზე „კიკერისთვის“ მიცემულ ინტერვიუში.</p><p><strong>აუფ ვიდერზეენ ბუნდესლიგა</p><p></strong>მირომ „ლაციოსთან“ სამწლიანი კონტრაქტი გააფორმა, რაც იმას ნიშნავს, რომ ბუნდესლიგა 307 მატჩისა და 121 გოლის შემდეგ დატოვა. მირო პირდაპირ ამბობს, „ლაციო“ არ არის სუპერკლუბი, „ლაციალესთვის“ ჩემპიონთა ლიგაც კი სანატრელია, მაგრამ რომი იმდენად გენიალური ქალაქია, რომ ყველაფრის გათვალისწინებით, ამ წინადადებაზე უარის თქმა არ შემეძლოო. „მინდა, რომ „ლაციოსთან“ ერთად მაქსიმალურად კარგ მიზნებს მივაღწიო და ამისათვის თავს არ დავზოგავ,“ - ამბობს კლოზე.</p><p>„კიკერის“ ჟურნალისტმა მიროს ერთი „ჩამჭრელი კითხვაც“ დაუსვა იმის შესახებ, თუ რას ფიქრობს გერმანიის ნაკრების გამოცდილი გოლეადორი იმაზე, რომ „ლაციო“ ყურადღების ცენტრში ბოლო დროს მხოლოდ ნეგატიური ამბებით ექცევა - მაგალითად ამ კლუბის ქომაგების რასისტული განწყობით. კლოზეს პასუხი: „მე ყველაფერს გავაკეთებ იმისათვის, რომ „ლაციოს“ შესახებ მომავალ სეზონში მხოლოდ დადებითი სტატიები დაიწეროს.“</p><p>რომაული კლუბი მომავალ სეზონში ევროპის ლიგაში ითამაშებს, რაც კლოზესთვის ნამდვილად არ არის საოცნებო ამბავი - მირო ხომ ჩემპიონთა ლიგაში თამაშსაა მიჩვეული, მაგრამ ხსენებულ ინტერვიუში ამბობს, ჩვენი მიზანი სიტუაციის გამოსწორება, ამ სეზონში „ლაციოს“ ჩემპიონთა ლიგამდე ძალიან ცოტა დააკლდა და იმედია, გაისად ევროპის ელიტარული საკლუბო ლიგის საგზურს მოვიპოვებთო.</p><p>ევროპის ლიგაში კი კლოზემ ბოლოს 2007 წელს, მიუნხენის „ბაიერნთან“ ერთად იასპარეზა და სხვათა შორის, როცა „ვერდერიდან“ რეკორდმაისტერში გადავიდა, პირველივე სეზონი ევროპის ლიგაში გაატარა. იმ სეზონში „ბაიერნმა“ მეორეხარისხოვანი ევროტურნირის ნახევარფინალამდე მიაღწია, სადაც ყველასათვის მოულოდნელად, სანკტ პეტერბურგის „ზენიტთან“ განადგურდა (1:1, 0:4).</p><p>„იმედი მაქვს, რომ 2011/2012 წლების სეზონში ევროპის ლიგა საინტერესო და დაძაბული ტურნირი იქნება,“ - აცხადებს კლოზე. გამორიცხული არც ისაა, რომ მომავალ სეზონში კლოზე „ლაციოსთან“ ერთად, ევროპის ლიგაში „ბაიერნს“ გადაეყაროს - ამის შანსი ახლა მიზერულია, თუმცა თუ ბავარიელები ჩემპიონთა ლიგის საკვალიფიკაციო ეტაპს ვერ გადალახავენ, შანსი გაიზრდება. თუმცა კლოზე თავის ყოფილ კლუბს, სადაც კმაყოფილი არ იყო, ასეთ წარუმატებლობას არ უსურვებს.</p><p>„მიუხედავად იმისა, რომ „ბაიერნში“ თავს იდეალურად არ ვგრძნობდი, მიმაჩნია, რომ რეკორდმაისტერში გატარებული წლები პოზიტიური იყო. ახლა კი უბრალოდ კარიერის სხვაგან გაგრძელება გადავწყვიტე. მიუნხენში კი მხოლოდ ბოლო წელიწადნახევრით ვიყავი უკმაყოფილო, მას მერე, რაც გუნდს ლუის ვან გაალი წვრთნიდა,“ - ამბობს კლოზე.</p><p>ჰოლანდიელი სპეციალისტის ხელში, გასულ სეზონში მან მხოლოდ 20 მატჩში მიიღო მონაწილეობა და ერთადერთი გოლის გატანა შეძლო, „ლაციოში“ კი ძირითად შემადგენლობაში თამაშის გარანტიას აძლევენ. და დღეს მიროს ყველაზე მეტად სწორედ სათამაშო პრაქტიკა სჭირდება, რადგან წინ ევროპის ჩემპიონატია და ძალიან უნდა, რომ გერმანიის ნაკრების სასტარტოში ადგილი არ დაკარგოს.</p><p><strong>კონკურენცია გომესთან</p><p></strong>„ბაიერნში“ კლოზეს სასტარტო შემადგენლობაში ადგილი მარიო გომესმა წაართვა, რომელმაც გასულ სეზონში 28 გოლის გატანა შეძლო და ბუნდესლიგის საუკეთესო ბომბარდირი გახდა. შესაბამისად, კლოზეს გერმანიის ნაკრების ძირითადშიც ემუქრება ადგილის დაკარგვის საფრთხე. კლოზეს ტრავმამ გომესს მისცა იმის საშუალება, რომ ბუნდესგუნდში რეგულარულად ეთამაშა და ძალიან კარგი შთაბეჭდილებაც დატოვა.</p><p>დღესდღეობით გომესი მიროზე უკეთეს ფორმაშია და თუ მომავალ სეზონში მირო „ლაციოსთვის“ ბევრ გოლს არ გაიტანს, დიდი შანსია, რომ გერმანიის ნაკრების თავკაცმა იოახიმ ლიოვმა ევროპის ჩემპიონატზე კლოზე სათადარიგოთა სკამზე დასვას. არადა, მიროს ბუნდესგუნდის 109 მატჩში 61 გოლი აქვს გატანილი...</p><p><strong>ყოველდღიური სპორტული გაზეთი</p><p>"ლელო"</strong></p>
რატომ არ შედგა "ბაიერნში" ოსიმენის ტრანსფერი?
"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის
შესაძლოა, შეთავაზება ზამთარშივე გააკეთონ - “ბაიერნს” კოსოვოელი ფორვარდი სურს
ზივზივაზემ ისევ ვერ ითამაშა - გოჩოლეიშვილის "ჰამბურგის" მატჩი გადაიდო
"მანჩესტერ იუნაიტედს" ახალი მწვრთნელი ჰყავს
ზურაბ საკანდელიძისა და მიხეილ ქორქიას მემორიალის ფინალში თსუ "ქუთაისს" შეხვდება
"პაუზა არ ნიშნავს დანებებებას" - არაუხოს ემოციური სერილი "რეალთან" გამარჯვების შემდეგ
"თასიდან გამოვარდნა სერიოზული დარტყმაა" - ზაბარნიმ "პარიზთან" მარცხის შემდეგ ისაუბრა
ლუის ენრიკემ "პარიზთან" მატჩში შემადგენლობა დაასახელა
მამარდაშვილი "ბარნსლისთან" მატჩის სასტარტოშია
"რეალმა" ჩაბი ალონსო გადააყენა და მის ნაცვლად არბელოა დანიშნა
"შავი ლომი" | "მონტობანთან" ისტორიული გამარჯვების შეფასება - ილია მაისურაძე და მიხეილ ბაბუნაშვილი
"დინამო თბილისი" 8 ფეხბურთელს დაემშვიდობა
ბასილაშვილი ავსტრალიის ღია პირველობას საკვალიფიკაციო ეტაპიდანვე დაემშვიდობა
იუნაიტედი FA თასზე მესამე წრიდან გამოვარდა
იანისის სუპერმატჩი საკმარისი არ აღმოჩნდა... ლიდერების გარეშე დარჩენილმა "დენვერმა" "ბაქსი" დაამარცხა
[VIDEO] სანდროს კარგი მატჩი არ გამოუვიდა... "რეპტორსმა" 12 წამით ადრე 4 ქულა ამოიღო და ოვერტაიმში მოიგო
ნინო ბაციაშვილი სწრაფ ჭადრაკში ევროპის ჩემპიონი გახდა!
ზურაბ საკანდილიძისა და მიხეილ ქორქიას მემორიალზე ნახევარფინალისტები დაწყვილდნენ
"რომ არა ის, "ბარსელონას" აუცილებლად დავტოვებდი, მან ჩემი ცხოვრება შეცვალა" - რაფინია
[VIDEO] "ტაშს ნუ უკრავთ!" - მბაპეს ამ ქმედებას დიდი კრიტიკა მოჰყვა
სულშერი ფავორიტი აღარაა - "მანჩესტერ იუნაიტედის" ხელმძღვანელობა მწვრთნელის პოსტზე ორ კანდიდატს განიხილავს
"არსენალს" რეკორდსმენი აუტების მწვრთნელი ეყოლება