შერმადინი ესპანეთის ლიგის MVP გახდა და ქვეყნის უმაღლეს მწვერვალზე დააჯილდოვეს [VIDEO]

გიორგი შერმადინი ესპანეთის საკალათბურთო ჩემპიონატის საუკეთესო კალათბურთელია!საქართველოს სახელმწიფოს დამოუკიდებლობის დღეს ჩვენი ეროვნული გუნდის ლიდერი ევროპის ერთ-ერთი უძლიერესი საკალათბურთო ლიგის MVP გახდა. “ტენერიფე ლენოვოს” ქართველი ლეგიონერი, რომელმაც 3 დღის წინ დასრულებული ესპანური ლიგის რეგულარული ჩემპიონატი უძლიერესად ჩაატარა, საუკეთესო მოთამაშედ დაასახელეს.ლიგაში, სადაც ნბა-ს ახლო წარსულის ვარსკვლავები – პაუ გასოლი, ნიკოლა მიროტიჩი, რუდი ფერნანდესი და მრავალი სხვა ექსტრაკლასის კალათბურთელი თამაშობს, გიორგი შერმადინი საუკეთესოდ დაასახელეს. ქართველმა ცენტრმა მიმდინარე სეზონში მატჩის, ტურისა და თვის იმდენი MVP-ის ტიტული მოიგო, სათვალავი შესაძლოა ბევრს აერია, მაგრამ ყველაზე მთავარი, ლიგა ენდესას (ესპანეთის უმაღლეს ლიგას ოფიციალურად ეს სახელწოდება აქვს) სეზონის MVP-ის ტიტული შერმადინმა დღეს, 26 მაისს დაისაკუთრა.ხსენებული MVP-ის ტიტულების გათვალისწინებითა და ესპანეთის ჩემპიონატის მიმდინარე ინდივიდუალური სტატისტიკით, შერმადინი ყველანაირად იმსახურებდა სეზონის საუკეთესო მოთამაშის პრიზს, თუმცა, არსებული წესებით, საუკეთესო გამოკითხვით უნდა გამოვლენილიყო. ლიგა ენდესას მესვეურებმა გამოსაკითხად 4 სეგმენტი – გულშემატკივრები, ჟურნალისტები და ესპანური ლიგის მწვრთნელები და მოთამაშეები შეარჩიეს. თითოეულს 25-პროცენტიანი ძალა ჰქონდა და შერმადინმა გულშემატკივართა გამოკითხვა, რომელიც Instagram-ით, Tweeter-ითა და ACB.COM-ის აპლიკაციით მიმდინარეობდა, დიდი უპირატესობით მოიგო. შერმადინმა 7200 ხმით აჯობა მეორე ადგილზე გასულ მადრიდის "რეალის" ცენტრ ედი ტავარეშს. ამით გიორგიმ MVP-ის ტიტულის მოსაგებად 25 პროცენტი დაისაკუთრა, ხოლო მწვრთნელების, მოთამაშეებისა და ჟურნალისტების გამოკითხვის შედეგები სოციალურ ქსელებსა და მედიაში დღემდე არ ქვეყნდებოდა. დღეს საბოლოო შედეგები ერთბაშად გამოაქვეყნა ესპანეთის ჩემპიონატის ოფიციალურმა ვებგვერდმა ACB.COM-მა.ცნობისთვის, შერმადინი ესპანური ლიგის 38 მატჩში საშუალოდ 23.19 წუთს თამაშობდა და 17.0 ქულით საუკეთესო ბომბარდირი გახლდათ. გიორგი ბომბარდირთა დავაში ბოლო ტურებში გალიდერდა, თუმცა მანამდე მთელი სეზონის განმავლობაში ლიდერობდა სარგებლიანობის ინდექსით, რაც მთელი დადებითი სტატისტიკური მაჩვენებლების ერთიანობას წარმოადგენს და რომლის მიხედვითაც ადგენენ კონკრეტული მატჩის MVP-ს. ყველაზე ღირებული სწორედ სარგებლიანობის ინდექსია, რაშიც შერმადინმა მეორეზე გასული ონდრეი ბალვინი მთელი 3 ერთეულით ჩამოიტოვა.გიორგი შერმადინი 22,5ონდრეი ბალვინი 19,5ედი ტავარეში 19,2დაჯილდოება ესპანეთის უმაღლეს წერტილში, მთა ტეიდეზე შედგა. აღნიშნული მთა ესპანეთში უმაღლესია და კანარის ერთ-ერთ კუნძულ ტენერიფეზე მდებარეობს. დაჯილდოების ცერემონიალის შემდეგ ესპანური ლიგის ქართველმა MVP-მ სპეციალურად საქართველოს კალათბურთის ფედერაციის ვებგვერდისთვის კომენტარი ჩაწერა. GBF.GE

fani

2005 წელი - ჯამლეტ ხუხაშვილი (თბილისის "მაკაბი"-ს მწვრთნელი): "ყოჩაღ, შერმადინი!" 2021 წელი - "ლიგა ენდესა" და ქართველი ქომაგი: "მართლაც ყოჩაღ შენ, გიო!"
გიორგი

ევროლიგის ორ გზის გამარჯვებული,პანათინაიკოსის და ოლიმპიაკოსის რიგებში,ესპანეთის ლიგის წლის საუკეთესო კალათბურთელი,მგონი ყველაზე ტიტულოვან ქართველი კალათბურთელია გიო,მალე ევრობასკეტის MVP_მოგველოცოს
სანდრო

ამ ინდივიდუალური მიღწევით, შერმადინი მგონი საქართველოს კალათბურთის ისტორიაში საუკეთესო კალათბურთელი გამოდის? არა? აბა ვინ მაშინ?
დიმა

გიორგი არის ნათელი მაგალითი რას შეიძლება მიაღწიო შრომისმოყვარეობით და მონდომებით.
შოთა

გილოცავ გიო და ასევე მთელს საქართველოს ვულოცავ! შენ გენაცვალე! ეს სასწაულია შეიძლება ითქვას. ნამდვილი ლომი ხარ!
irakli

შემთხვევით დავსვი დისლაიქი.ბოდიშI
ისიდორე

მაგარი სპორტსმენი ხომ არის , მაგრამ როგორც პიროვნება ბრწყინვალე ადამიანია. წარმატებები გიორგის
suares

iko dro bevri icinoda masze da baton jamletis natkvamze. axla xom sheignet vincaa giorgi shermadini! carmatebebi gio!
*გიორგი

ქართველებისგან,ყველაზე დაუფასებელი კალათბურთელი,ეხლა მაინც დავაფასოთ
zura

NBA-ს შემდეგ მსოფლიოს საუკეთესო ლიგაში რომ ყველას აჯობებ, თან შედარებით სუსტ გუნდში რომ თამაშობ და რეალის და ბარსას კალათბურთელებს კატლეტის ჩეკივით ჩამოიხევ, ესე იგი მართლა მხეცი ხარ! მთელი საქართველო ამაყობს შენით გიო!
ოზუზი

ესპანეთში ფეხი შედგა, "დიდმა მთებმა იწყეს დრეკა"!
გიორგი

ლიგაში სადაც,გასოლი,მიროტიჩი,ლული,ფერნანდესი და სხვა მაღალი დონის კალათბურთელები თამაშობენ,გახდე საუკეთესო თანაც ქართველი,უდიდესი მიღწევაა ქართული სპორტისთვის,მეამაყები გიო
მეგრელი

ესპანეთში ესეთი აღიარება არაა პატარა საქმე, გიო საღოლ!!!
giabar

მადლობა შენ, კარგო ადამიანო. სულ წარმატებით გევლოს
დავით

შენთან ერთად გვიხარია შენი წარმატება ! ღმერთის წყალობით და შენი მონდომებით კიდევ დიდხანს იყავი წარმატებული , როგორც სპორტსმენი ასევე როგორც კაცური ადამიანი, ნაღდი ქართველი !
შერმინატორის გულშემატკივარი

გიო გილოცავ მთელი სულითა და გულით! შენ იმსახურებ საუკეთესოობას და უფრო დიდ წარმატებებს გისურვებ საქართველოს ნაკრებთან ერთად!
ლუკა

გილოცავთ!!!! მთელს ქვეყანას!!!

გოგლიჩიძის გარეშე და ჩაკვეტაძის ერთი ტაიმი - "უოტფორდმა" სახლში "იფსვიჩთან" წააგო

ლუის ენრიკე: კვარაცხელია სრულიად განსხვავებული ფეხბურთელია

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა

[VIDEO] მიქაუტაძემ ამჯერად ვერ გაიტანა - "ვილიარეალმა" "ვალენსია" დაამარცხა

ზივზივაძის გარეშე - "ჰაიდენჰაიმმა" "შტუტგარტთან" ქულები გაიყო

გულიაშვილის 71 წუთი - "რასინგმა" მოიგო და ისევ ლიდერია

[VIDEO] შერმადინის უნიკალური მიღწევა - "ტენერიფე" "ბურგოსთან" დამარცხდა

[VIDEO] შერმადინის 11 ქულა და "ტენერიფეს" მეორე გამარჯვება ჩემპიონთა ლიგაში

[VIDEO] შერმადინი MVP გახდა - "ტენერიფემ" "ბარსელონას" დაუქამბექა

[VIDEO] შერმადინი ბრწყინვალეა - "ტენერიფემ" "ბრეოგანი" დაამარცხა

[VIDEO] შერმადინი მატჩში სათადარიგოთა სკამიდან ჩაერთო და საუკეთესო გახდა - "ტენერიფე" "გრან კანარიასთან" დამარცხდა

ესპანური ამბები: შერმადინის 14 და სანაძის 15 ქულა | შენგელია მურსიაში დამარცხდა, კორსანტიამ იმარჯვა