<p><p><p>რუმინეთი-საქართველოს (1:2) მატჩის შემდეგ გთავაზობთ საქართველოს ნაკრების ფეხბურთელებისა და მთავარი მწვრთნელის შეფასებებს:</p></p></p><p><p><p><strong>ლაზარე კუპატაძე </strong>(6.0) - ბათუმის "დინამოს" კიპერის ანგარიშზე მართლაც დასამახსოვრებელი სეივი იყო, რომელმაც მატჩის მიმდინარეობასა და შედეგზე დიდი გავლენა მოახდინა.</p></p></p><p><p><p>გაშვებული გოლის დროს შეცდომები კომპლექსური იყო, მაგრამ კუპატაძეს ბურთი ახლო კუთხეში გაუტანეს, ეს კი, როგორც წესი, მეკარეს ბრალდება. ლაზარე ერთხელ გამოსვლაზეც შეცდა და კარი დაკარგა, მაგრამ გოლს გადავურჩით.</p></p></p><p><p><p><strong>გრიგოლ ჩაბრაძე</strong> (6.0) - მარჯვენა მცველი, ტრადიციულად, ენერგიული იყო, თუმცა რუმინელები ფლანგებიდან აქტიურობდნენ და ჩაბრაძეზე დიდი დატვირთვა მოდიოდა. ამის გამო შეტევაში ნაკლებად პროდუქტიული იყო. ბათუმის "დინამოს" მცველმა მეტოქეს წითელი ბარათი აჰკიდა და მეორე საგოლე შეტევაც მან წამოიწყო.</p></p></p><p><p><p><strong>საბა კვირკველია </strong>(4.0) - "როტორის" მცველი ოპტიმალური ფორმისგან აშკარად შორსაა. მან რამდენიმე პოზიციური შეცდომა დაუშვა და არაზუსტი გადაცემებიც გააკეთა. მოგვიანებით კი მის დარღვევას ჩვენს კარში დანიშნული პენალტი და მცველის გაძევება მოჰყვა.</p></p></p><p><p><p><strong>დავით ხოჭოლავა </strong>(5.5) - ეს შეხვედრა ცენტრალური მცველების აქტივში ნაკლებად ჩაეწერება. ხოჭოლავამაც რამდენიმე პოზიციური შეცდომა დაუშვა, თუნდაც გაშვებული გოლის ეპიზოდში. "შახტარის" მცველმა საკუთარ კარს ხიფათი რამდენჯერმე აარიდა.</p></p></p><p><p><p><strong>ირაკლი აზაროვი </strong>(5.5) - ახალგაზრდა დებიუტანტმა მიქაუტაძის გოლის ეპიზოდში კიტეიშვილის მისამართით მშვენიერი გრძელი პასი გაკეთა. შეტევით ფაზაში ცუდად არ გამოიყურებოდა, დაცვაში თამაშისას კი შეცდომები დაუშვა. გაშვებული გოლის დროსაც, შეტევა მარცხენა ფლანგიდან განვითარდა.</p></p></p><p><p><p><strong>ბუბა დაუშვილი </strong>(5.5) - საქართველოს ნაკრების საყრდენს ბევრი საქმე ჰქონდა და დაუღალავად მუშაობდა. შესაძლოა, ბუბა თამაშს ნაკლებად ამწვავებდა, მაგრამ ის ხელს უშლიდა მეტოქის შეტევებს და მისი დამსახურებაა, პირველ ტაიმში მეტოქემ გამუდმებული ბურთის ფლობით სასურველ შედეგს რომ ვერ მიაღწია.</p></p></p><p><p><p><strong>ნიკა კვეკვესკირი</strong> (5.0) - ისე მოხდა, საქართველოს ნაკრები კიტეიშვილს შემოსვლის შემდეგ ბევრად უკეთ ათამაშდა, ოთარმა კი სწორედ კვეკვესკირი ჩაანაცვლა. ნიკას ცდა არ დაუკლია, მაგრამ ნაკლებად აქტიური იყო და გამამწვავებელი პასი, ფაქტობრივად, არ ჰქონია.</p></p></p><p><p><p><strong>გიორგი აბურჯანია</strong> (6.5) - ნახევარმცველს მშვენიერი შეხვედრა გამოუვიდა, გოლის დროს საბა ლობჟანიძესთან კარგი კომბინაცია გოლით დააგვირგვინა. გიორგიც ბევრად უკეთ მაშინ ათამაშდა, როცა მოედანზე ოთარ კიტეიშვილი გამოჩნდა.</p></p></p><p><p><p><strong>თორნიკე ოქრიაშვილი </strong>(5.5) ნაკრების ერთ-ერთი ლიდერი ნაკლებად ახერხებდა შეტევის გამწვავებასა და სახიფათო მომენტების შექმნას. ერთხელ მაკრატელათი სცადა გატანა, მაგრამ მცირედი დააკლდა. თორნიკე ცდილობდა, მეტოქის დაცვაში ნაპრალები ეპოვა, თუმცა ძნელად ახერხებდა.</p></p></p><p><p><p><strong>ლევან შენგელია </strong>(5.0) - ლევანი აშკარად არ ჩანს სათანადო ფორმაში. მისგან ჩვეულნი ვართ სიმწვავეს, ბურთთან ერთად მინდვრის ცენტრშისკენ შეწევასა და ხიფათის შექმნას, რაც ვერ ვიხილეთ.</p></p></p><p><p><p><strong>გიორგი მიქაუტაძ</strong>ე (7.0) - საქართველოს ნაკრების ახალბედა ფორვარდთან თუკი ბურთი მიდიოდა, ის მომენტალურად სიმწვავეს ქმნიდა. გოლი მშვენიერი გამოუვიდა - იდეალურად შეაფასა ვითარება და ტერფის გარეთა ნაწილით გაიტანა.</p></p></p><p><p><p><strong>ოთარ კიტეიშვილი</strong> (6.5) - "შტურმის" ნახევარმცველმა შემოსვლისთანავე გაამწვავა თამაში, საგოლე პასი კი ბრწყინვალე ჰქონდა, რამდენიმე მეტოქეს გაუსწორდა და მიქაუტაძეს ქუსლით უპასა.</p></p></p><p><p><p>გოლიდან რამდენიმე წუთში კიტეიშვილმა მოულოდნელად პასს კარში დარტყმა არჩია. არადა, სახიფათო შეტევა შეიძლებოდა გამოგვსვლოდა, საპასუხოდ კი მეტოქემ პენალტის დარტყმის უფლება მოიპოვა.</p></p></p><p><p><p>გოლის გაშვების დროსაც ოთარმა კარგად ვერ მოახერხა ვიზავის გადაკეტვა, თუმცა ცენტრალური მცველები პასიურად მოქმედებდნენ.</p></p></p><p><p><p><strong>საბა ლობჟანიძე </strong>(6.5) - ის შეხვედრაში, ტრადიციულად, აქტიურად ჩაერთო, გოლის ეპიზოდში კი აბურჯანიას მშვენიერი კედელი გაუთამაშა. საბა აშკარად კარგად უღებს ალღოს სანიოლის დარიგებებს და ნაკრების ერთ-ერთ ყველაზე საჭირო ფიგურად ყალიბდება.</p></p></p><p><p><p><strong>გურამ კაშია</strong> - კვირკველიას გაძევებისა და მეორე გოლის გატანის შემდეგ რუმინელების მხრიდან ზეწოლა გაიზარდა და სანიოლმა კაშიას შემოყვანა გადაწყვიტა. მეტოქის მხრიდან წნეხი გაძლიერდა. დაცვა ამას წარმატებით ვერ უმკლავდებოდა, თუმცა კაშიას მხარეს (მარჯვნივ) მეტი სიმშვიდე იყო.</p></p></p><p><p><p><strong>ვაკო გვილია</strong> - ცოტა დრო მიეცა. ერთხელ ბუდუ ზივზივძეს მშვენიერი პასი გაუკეთა.</p></p></p><p><p><p><strong>ბუდუ ზივზივაძე</strong> - "ფეჰერვარის" შემტევს დასკვნითი დროის დაახლოებით ათი წუთი მიეცა, თუმცა მას არაფერი გამოუვიდა - ვერც კარში დაარტყა, არც კარგი პასი გამოსვლია.</p></p></p><p><p><p><strong>ვილი სანიოლი</strong> (7.0) - საქართველოს ნაკრების მთავარმა მწვრთნელმა და მისმა გუნდმა მატჩის პირველი ნახევარი სრულად ჩააგდეს. ფრანგმა სპეციალისტმა მეორე ტაიმში გუნდი კარგად გადააწყო და აათამაშა, ცვლილებებიც იღბლიანი გამოუვიდა.</p></p></p><p><p><p><p><br></p>
hhh
ეს დისლაიკები ნაკრების კრიტიკას კი არ გამოუწვევია არამედ იმ სისულელის დარეხვებას, რომ თურმე ლეგიონერები არ გვინდა და ჩვენი დოღლიგის ხალხით უნდა ვითამაშოთ თურმე.
jango
ესე იგი რა გამოიდს 24-მა ადამიანმა უყურა თამაშს და მოეწონა ის კარდებალეტი რაც დაინახა? ასეთი ხართ იბიექტური "ბალელშიკები სიმონ" მაშინ როცა თვით სანიოლი იყო გაოგნებული ამ უმსგავსო თამაშით? მათთვის პერსპექტივა მხოლოდ შემთხვევით გამარჯევბაშია და არა მაღალ ხარისხში რომელიც უნდა გახდეს მომავალი გამარჯვებეის გარანტია? ვამაყობ რომ უმცირესობაში ვარ!
გენა
ვაჟა მინდაძე უფრო კარგად წერს.
jango
უმსგავსო თამაში მთელი გუნდის მხრიდან. ყოჩაღ სანიოლს რომ ამდენ უხეიროს უძლებს. არა ლეგიონერებს ნაკრებში, მხოლოდ საკუთარი ჩემპიონატის ლიგების ფეხბურთელები ნაკრებში.
jango
სადაა ჩემი კომენტარი? რითი არ მოგეწონა ცენზორო?
სიმართლე
სიღმისეული ანალიზი და ობიექტური მსჯელობა. აღფრთოვანებული ვარ ღვთისავარ თქვენი სტატიებით. დილით მამლის ყივილამდე ვიღვიძებ, რათა თქვენი აკრეფილი ტექსტის წაკითხვა ყველას დავასწრო. მომწონხართ და გგულშემატკივრობთ.
"ბარსელონას" იამალის საქართველოს ნაკრებთან სათამაშოდ გაშვება არ უნდა
"საქართველოს ნაკრები სამაგალითოა" - ამბობს სომხეთის ეროვნული გუნდის ყოფილი კაპიტანი
თბილისური მატჩი ბოლო აღმოჩნდა - ილიევს ბულგარეთის ნაკრებიდან უშვებენ
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
შოკირებული იყო და შეხვედრა განაწყენებულმა დატოვა - ამორიმს "მანჩესტერ იუნაიტედის" ხელმძღვანელობამ მოთხოვნა წაუყენა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
პსჟ-ს მეკარე: ძნელია მოტივაციის შენარჩუნება
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
"თუ სხვა რამის გამო გაბრაზდა, არასწორი ადამიანი აირჩია" - დე ბრუინსა და კონტეს შორის დაპირისპირება მწიფდება? [PHOTO]
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
დუდუ დადიანის მემორიალზე ნახევარფინალისტები დაწყვილდნენ
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა