<p>საბერძნეთში მძიმე ეკონომიკური კრიზისი არა მარტო უბრალო მოქალაქეებზე, არამედ ქვეყნის უმდიდრეს სპორტულ კლუბებზეც აისახა <br> როგორც გახსოვთ, NBA-ის ახალ ჩემპიონს, "დალას მავერიქსს" დრაფტზე კალათბურთელი არ აუყვანია, თუმცა ერთი მნიშვნელოვანი ტრეიდი განახორციელა - "პორტლენდიდან" ესპანელი რუდი ფერნანდესი გადაიბირა. გაირკვა, რომ ამ გარიგების გამო დასრულდა დეშოუნ სტივენსონის დალასური კარიერა.</p><p>ამერიკული პრესის ინფორმაციით, "მავერიქსის" გენერალურმა მენეჯერმა დონი ნელსონმა გადაწყვიტა, არ გააგრძელოს კონტრაქტი მცველთან, რომელმაც წლევანდელ ფინალურ სერიაში თავი კარგად წარმოაჩინა.</p><p>თავად რუდი ფერნანდესს კი მშვენიერი პერიოდი უდგას. მან "ტვიტერზე" დაწერა, რომ თუ NBA-ში ლოკაუტის გამო სეზონი ჩაიშალა, უკვე აქვს ორი ევროპული გრანდისგან - "რეალისგან" და "ოლიმპიაკოსისგან" შეთავაზებები.</p><p>* * *</p><p>თუმცა დარწმუნებულები არ ვართ, რომ რუდისთვის სასარგებლოა კარიერის "ოლიმპიაკოსში" გაგრძელება. საბერძნეთში მძიმე ეკონომიკური კრიზისი არა მარტო უბრალო მოქალაქეებზე, არამედ ქვეყნის უმდიდრეს სპორტულ კლუბებზეც აისახა. ჯერ კიდევ ორი წლის წინ "ოლიმპიაკოსი" უდიდეს მონსტრად მოჩანდა, რომელსაც ნებისმიერ ფასად შეეძლო ნებისმიერი მოთამაშის შეძენა. მაგრამ ბერძნული პრესის ბოლო ინფორმაციის თანახმად, პირეული კლუბი კრიტიკულ სიტუაციაში იმყოფება.</p><p>როგორც ირკვევა, "ოლიმპიაკოსი" უკვე ოთხთვენახევარია მოთამაშეებს ხელფასს ვერ უხდის. მოთამაშეთა აგენტები იმუქრებიან - თუ უახლოეს ხანში დავალიანება გასტუმრებული არ იქნება, კალათბურთელები სხვა კლუბებთან გააფორმებენ კონტრაქტებს.</p><p>დალხენილი სიტუაცია არც "ოლიმპიაკოსის" მთავარ მეტოქეს - "პანათინაიკოსს" აქვს. საბერძნეთისა და ევროლიგის მოქმედი ჩემპიონის მფლობელები, ძმები იანაკოპულოსები კლუბის გაყიდვის ვარიანტზე ფიქრობენ.</p><p>საგულისხმოა ის ფაქტი, რომ ჯერ არც ერთ კლუბს არ გაუფორმებია ახალი კალათბურთელი, არადა, სეზონი უკვე კარგა ხანია დასრულდა.</p><p>* * *</p><p>NBA-ის დავუბრუნდეთ. დრაფტის შემდეგ "დეტროიტ პისტონზში" მცველების მოზღვავებაა. ნიჭიერ ახალბედას, ბრენდონ ნაითს კონკურენცია მოუწევს რიჩარდ ჰემილტონთან, ბენ გორდონთან, როდნი სტაკისთან და უილ ბინუმთან.</p><p>ვარაუდობენ, რომ "დეტროიტის" პრეზიდენტი ჯო დუმარსი აქცენტს ახალგაზრდებზე გააკეთებს და შესაბამისად, ეცდება ვეტერანი რიჩარდ ჰემილტონის გაცვლას. თუმცა ასეთი ტრეიდის გაჩარხვა ძალიან რთული იქნება, რადგან ჰემილტონს დიდი კონტრაქტი აქვს - მომდევნო ორ სეზონში მას 25 მილიონი დოლარი ეკუთვნის.</p><p>* * *</p><p>როგორც ცნობილია, "მინესოტა ტიმბერვულვზი" მწვრთნელის გარეშეა დარჩენილი - ხელმძღვანელობამ ცოტა ხნის წინ ცუდი შედეგების გამო პოსტიდან დაითხოვა კურტ რემბისი.</p><p>"მგლებმა" მის შემცვლელად დიუკის უნივერსიტეტისა და აშშ-ის ნაკრების მთავარი მწვრთნელი მაიკ კრჟიჟევსკი მიიწვიეს. ადრე ამ სპეციალისტს NBA-ის გრანდები - "ბოსტონი" და "ლეიკერსი" ეპატიჟებოდნენ, მაგრამ უარი მიიღეს. ახლა ჯერი "მინესოტაზე" მიდგა და ამ შემთხვევაშიც პასუხი იგივე აღმოჩნდა - გამოცდილმა სპეციალისტმა არ მოისურვა პროფესიონალებში გადასვლა.</p><p>* * *</p><p>"მაიამი ჰიტის" პრეზიდენტმა პატ რაილიმ იმედი გამოთქვა, რომ მისი გუნდის ორი სნაიპერი - ედი ჰაუსი და ჯეიმს ჯონსი ფლორიდულ კლუბთან კონტრაქტის ერთი წლით გაგრძელებას მოისურვებენ. სიმართლე ითქვას, გამოცდილი მწვრთნელის სურვილი ცოტათი გაუგებარია, რადგან მთელი პლეი ოფის განმავლობაში ეს კალათბურთელები ძირითადად სათადარიგოთა სკამზე ისხდნენ.</p><p>* * *</p><p>"დენვერ ნაგეტსის" ბრაზილიელმა ლეგიონერმა ნენე ილარიომ ოფიციალური განცხადება გააკეთა - მან უარი თქვა ამერიკის ჩემპიონატზე ბრაზილიის ნაკრების შემადგენლობაში თამაშზე. ეს პირველობა ლონდონის ოლიმპიური თამაშების საკვალიფიკაციო ტურნირი გახლავთ.</p><p>ბრაზილიის კალათბურთის ფედერაციის განცხადებით, "დენვერის" ცენტრის გადაწყვეტილება პირადი მიზეზებით არის ნაკარნახები. ტურნირი არგენტინაში 30 აგვისტოს დაიწყება.</p><p>გასულ სეზონში ნენემ 75 მატჩში მიიღო მონაწილეობა და საშუალოდ 14.5 ქულა და 7.6 მოხსნა დააგროვა.</p><p>სხვათა შორის, დღეს "დენვერის" მთავარი ამოცანა ბრაზილიელის შენარჩუნებაა. როგორც მოსალოდნელი იყო, ნენემ გამოიყენა კონტრაქტში არსებული პუნქტი და უარი თქვა ხელშეკრულების ბოლო წელიწადზე. ამით ცენტრი მაქსიმალური კონტრაქტის მიღებას ცდილობს.</p><p>"ნაგეტსის" ხელმძღვანელობა ყოველდღე უკავშირდება ბრაზილიელს და ხვდება მის აგენტებს. ასეთი მონდომება არ შეინიშნება სხვა თავისუფალ აგენტებთან - კენიონ მარტინთან და ჯეი არ სმიტთან მიმართებაში, რითაც შეიძლება ვივარაუდოთ, რომ "დენვერის" დატოვება ერთ-ერთ მათგანს (ან ორივეს) მოუწევს.</p><p><strong>ყოველდღიური სპორტული გაზეთი "ლელო"</strong></p>
გერმანიამ თურქეთი დრამატულ მატჩში დაამარცხა და მსოფლიო ჩემპიონატის შემდეგ ევრობასკეტიც მოიგო
თურქეთმა საბერძნეთი შეარცხვინა - სუპერ ფინალის მოლოდინში!
გერმანიამ ფინეთი მარტივად დაამარცხა და ევრობასკეტის ფინალში გავიდა
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ