<p><p><p>ტურინში შემაჯამებელი ტურნირის მე-3 დღის შეხვედრები გაიმართა. გულშემატკივარმა კორტზე "წითელი ჯგუფის" სპორტსმენები იხილა.</p></p></p><p><p><p>დანილ მედვედევი (რუსეთი) ალექსანდრ ზვერევს (გერმანია) დაუპირისპირდა და 6:3 6:7 7:6 დაამარცხა.</p></p></p><p><p><p>1-ელ სეტში რუსმა მეტოქის მოწოდება მე-2 გემში მოიგო და დაწყებული საქმე ბოლომდე მიიყვანა.</p></p></p><p><p><p>მე-2 სეტში ორივე ჩოგბურთელი ბრწყინვალედ აწვდიდა, საქმე კი ლოგიკურ ტაიბრეიკამდე მივიდა, სადაც გერმანელმა 7:3 იმარჯვა და წონასწორობა აღადგინა.</p></p></p><p><p><p>მე-3 სეტის სცენარიც ზუსტად ისევე წარიმართა, სპორტსმენები საკუთარ ჩაწოდებაზე შესანიშნავად გამოიყურებოდნენ, ტაიბრეიკი კი დრამატული გამოდგა... ზვერევი თავდაპირველად 4:2 დაწინაურდა, შემდეგ რუსმა ზედიზედ 4 ქულის მოგება მოახერხა და ორმაგი მატჩ-ბოლი მიიღო, თუმცა გერმანელი დანებებას არ აპირებდა... ანგარიშის გათანაბრების შემდეგ კი რუსმა უპირატესობა მოიპოვა, 8:6 მოიგო, რითაც შემაჯამებელ ტურნირზე მეორე გამარჯვება იზეიმა.</p></p></p><p><p><p><img src="pictures/artimages/original/1aa69a3658c3af61d81ade53d19b029c.jpg" border="0" alt="Sportall.Ge" title="სინერმა იტალია გაახარა - თინეიჯერმა თანამემამულე ღირსეულად ჩაანაცვლა [VIDEO]" width="712" height="400" style="border: 0px none;" /></p></p></p><p><p><p>მოგეხსენებათ, 1-ელ შეხვედრაში ტრავმირებული მატეო ბერეტინი თანამემამულე იანიკ სინერმა ჩაანაცვლა. საინტერესო იყო, თუ როგორ ჩაებმებოდა თინეიჯერი გათამაშებაში.</p></p></p><p><p><p>20 წლის იტალიელი ჰუმბერ ჰურკაჩს (პოლონეთი) დაუპირისპირდა და 6:2 6:2 დაამარცხა.</p></p></p><p><p><p>იანიკმა მრისხანე მეტოქეს თითოეულ სეტში მოწოდება ორ-ორჯერ მოუგო და მატჩიც თავის სასიკეთოდ დაასრულა.</p></p></p><p><p><p>ამრიგად, "წითელ ჯგუფს" დანილ მედვედევი (4:2) ლიდერობს. მე-2 ადგილზე მოგებული და წაგებული სეტის უკეთესი სხვაობით სინერი იმყოფება (2:0), მე-3 ადგილს ზვერევი (2:2) იკავებს, ბოლოს კი - ჰურკაჩი (1:4).</p></p></p><p><p><p>ზვერევი მომდევნო შეხვედრას 18 ნოემბერს, თბილისის დროით 17:00 საათზე ჰუმბერ ჰურკაჩის წინააღმდეგ ჩაატარებს, დანილი და იანიკი კი ერთმანეთს 19 ნოემბერს (00:00 საათზე) დაუპირისპირდებიან.</p></p></p><p><p><p>რაც შეეხება დღევანდელ მატჩებს ("მწვანე ჯგუფი") - ნოვაკ ჯოკოვიჩი (სერბეთი) ალექსანდრ რუბლევს (რუსეთი) შეხვდება (17:00). სტეფანოს ციციპასისა (საბერძნეთი) და კასპერ რუდის (ნორვეგია) მატჩი ხვალ, თბილისის დროით 00:00 საათზე გაიმართება.</p></p></p><p><p><p> <p></p></p><br></p>
[PHOTO] პირველი ქალი ჩოგბურთელი, რომელმაც მკერდი გაიდიდა - ფრანგმა გოგონამ მიზეზი ახსნა
სენსაციებით დატვირთული დღე შანხაიში - ტურნირს რამდენიმე ვარსკვლავი ერთიანად გამოეთიშა
ბასილაშვილი ჩილიჩთან დამარცხდა და ჯოკოვიჩთან კიდევ ერთხელ დაპირისპირების შანსი დაკარგა
"მანჩესტერ იუნაიტედთან" მატჩში "ლივერპულის" შემადგენლობა ცნობილია
"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ
"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე
"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი
"საფონოვი მოთმინებას კარგავს" - რას წერს ფრანგული გამოცემა რუს მეკარეზე?
[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა
[VIDEO] აქ სიტყვები ზედმეტია - მესის ჰეთ-თრიქი და საგოლე პასი "ნეშვილთან"
[VIDEO] 40 წლის კრიშტიანო რონალდოს ფანტასტიკური გოლი საუდის არაბეთში
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
[VIDEO] ვენდეტა არგენტინულად - სიმეონემ "ტორინოს" "ნაპოლისთან" გამარჯვება მოუპოვა
მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა
საქართველო 3:2 ყირგიზეთი
გოჩოლეიშვილს სახეზე 6 ნაკერი დაადეს - "ჰამბურგი" "ლაიფციგთან" დამარცხდა
კვერნაძე შეცვლაზე შევიდა - "ფროზინონე" "მონცასთან" დამარცხდა
39 დღე გაძლო - "ნოტინგემმა" პოსტეკოღლუ გაათავისუფლა
ზივზივაძე დაბრუნდა - "ჰაიდენჰაიმი" "ვერდერს" ფრედ ეთამაშა
გვარდიოლამ გაამხილა, როდის იფიქრებს მწვრთნელის კარიერის დასრულებაზე
კანტე ევროპაში ბრუნდება? - ფრანგს სერიოზული მსურველი ჰყავს