ჰიოვედესი კაპიტნად? ფარფანი უნდა დარჩეს!

პროფესორ რანგნიკის განხორციელებული და გასახორციელებელი გეგმები ბუნდესლიგის ახალი სეზონის დაწყებამდე ჯერ თვეზე მეტია დარჩენილი, მაგრამ გერმანული კლუბები უკვე გამალებულ მზადებაში არიან. ყველაზე ბევრი რამ ამ ეტაპზე „შალკეში“ ხდება – გუნდის ახალი მწვრთნელი რალფ რანგნიკი სერიოზულ რეორგანიზაციას ატარებს. მან უკვე გაუშვა 13 ფეხბურთელი და ამბობს, წმენდა კიდევ გაგრძელდება, რადგან ფელიქს მაგათს ზედმეტად ბევრი მოთამაშე ჰყავდა, მე კი ამხელა განაცხადი არ მჭირდებაო. ამასთან, „შალკეში“ ახალ ფეხბურთელებზეც ფიქრობენ. გარდა ამისა, ჯერაც გაურკვეველია, ვინ იქნება გუნდის ახალი კაპიტანი მას მერე, რაც მანუელ ნოიერი „ბაიერნში“ გადავიდა.გერმანიის თასის მფლობელი „შალკე“ ახალი სეზონისთვის ორშაბათის შემდეგ ემზადება. ტაქტიკისა თუ ფიზიკური კონდიციების აღდგენის გარდა, მთავარ მწვრთნელ რალფ რანგნიკსა და მენეჯერ ჰორსტ ჰელდტს საკადრო სამუშაოების მხრივაც ძალიან ბევრი საქმე აქვთ. მათ უკვე დაითხოვეს 13 ფეხბურთელი (ამაზე რამდენიმე დღის წინაც ვწერდით და ახლა აღარ დავკონკრეტდებით) და კიდევ რამდენიმე მოთამაშესთან გამოთხოვებას გეგმავენ, რადგან „პროფესორ რალფს“ განაცხადში 24-25 ფეხბურთელზე მეტი არ სჭირდება.წასვლის ერთ-ერთი უმთავრესი კანდიდატი საყრდენი ნახევარმცველი ჯერმეინ ჯონსია, რომელიც რანგნიკის წინამორბედმა მაგათმა მოკვეთა და აშშ-ის ნაკრების ფეხბურთელმა გასული სეზონი არენდით „ბლექბერნში“ გაატარა. „შპორტ ბილდისთვის“ მიცემულ ინტერვიუში რანგნიკი ამბობს, ჯონსმა მითხრა, რომ ინგლისში თავს ძალიან კარგად გრძნობდა და იქ დარჩენა უნდაო. ახლა მთავარი ისაა, რომ „ბლექბერნმა“ „შალკეს“ კონკრეტული წინადადებით მიმართოს.ჯონსისგან განსხვავებით, რანგნიკს აბსოლუტურად საპირისპირო მოსაზრება ჯეფერსონ ფარფანთან დაკავშირებით. პერუელ გარემარბს გელზენკირხენულ კლუბთან კონტრაქტი 2012 წლამდე აქვს გაფორმებული, რანგნიკს და ჰელდტს კი უნდათ, რომ ხელშეკრულება ახლავე გაუგრძელონ – 2015 წლამდე. მათ 26 წლის ფეხბურთელს უკვე მიმართეს კონკრეტული წინადადებით, ფარფანმა კი მოსაფიქრებლად დრო ითხოვა. „ფარფანს არაფრისდიდებით არ დავთმობთ, მე ის ძალიან მჭირდება,“ - აცხადებს რანგნიკი.მასთან ერთად, შეუცვლელი ფიგურაა ცენტრალური მცველი ბენედიქტ ჰიოვედესიც. მეტიც: დიდია იმის შანსი, რომ ეს უკანასკნელი სულაც გუნდის კაპიტანი გახდეს. „გადაწყვეტილება ჯერ არ მიმიღია, მაგრამ არ დაგიმალავთ, რომ ჰიოვედესზე სერიოზულად ვფიქრობ, - ამბობს რანგნიკი „შპორტ ბილდისთვის“ მიცემულ ინტერვიუში, - მას ყველაფერი აქვს საიმისოდ, რომ გუნდის თავი გახდეს, ბენედიქტი ყველა მოთხოვნას აკმაყოფილებს.“ჰოლტბი მე-10 ნომრით ითამაშებს„შალკეს“ ყოფილ თავკაც ფელიქს მაგათს ექსპერტებმა ერთ-ერთ უდიდეს შეცდომად ლუის ჰოლტბის „მაინცში“ განათხოვრება ჩაუთვალეს, რადგან 20 წლის შემტევმა ნახევარმცველმა გასული სეზონი „მაინცის“ რიგებში უმაღლეს დონეზე ჩაატარა და გერმანიის ჩემპიონატის ერთ-ერთი უმთავრესი აღმოჩენა გახდა. ახლა კი, ჰოლტბი ისევ „შალკეში“ დაბრუნდა და რაც ყველაზე საინტერესოა, ლევან ყენიას კლუბში მე-10 ნომრით ითამაშებს, რაც მის პასუხისმგებლობას აორმაგებს.„შალკეში“ ჩემი მიზანი ის არის, რომ რეგულარულად ვითამაშო და გუნდს მინიმუმ ევროპის ლიგის საგზურის მოპოვებაში დავეხმარო. 10-ნომრიანი მაისურა არ მითხოვა, მწვრთნელმა და ხელმძღვანელებმა თავიანთი ინიციატივით გადმომცეს და ეს ჩემთვის უდიდესი სიურპრიზი იყო. მართალია, საბოლოო ჯამში სულერთია, რომელი ნომრით ვითამაშებ, მაგრამ „ათიანის“ მნიშვნელობა კარგად მესმის,“ - აცხადებს ჰოლტბი, რომელსაც გერმანიის ნაკრებში უკვე ორი თამაში აქვს ჩატარებული.„პროფესორი რალფი“ კი ახალი ფეხბურთელების შეძენაზეც ფიქრობს. „შალკეში“ გადასვლის ერთ-ერთი კანდიდატი „ბრესტის“ ფეხბურთელი ნოლან რუა, რომელმაც „ბილდისთვის“ მიცემულ ინტერვიუში დაადასტურა, რომ გელზენკირხენში ეპატიჟებიან. აღსანიშნავია, რომ „ბრესტი“ 23 წლის თავდამსხმელში 8 მილიონ ევროს ითხოვს.მეკარის საკითხი მოიცდისჯერ კიდევ გაურკვევლობაა მეკარის საკითხთან დაკავშირებით და როგორც იცით, ეს საკითხი მანუელ ნოიერის „ბაიერნში“ გადასვლის შემდეგ გახდა აქტუალური. ფაქტია, რომ ვეტერანი იენს ლემანი „შალკეში“ არ ითამაშებს და ამის შესახებ დაწვრილებით უკვე ვწერდით. ამ ეტაპზე რანგნიკი ახალწვეულ რალფ ფერმანს ენდობა, მეორე მეკარე კი გამოცდილი მათიას შობერია. თუმცა თუ მოსამზადებელი შეკრების შემდეგ „პროფესორი რალფი“ დარწმუნდება, რომ ფერმანი პირველობას თავს ვერ გაართმევს, აუცილებლად იფიქრებს ახალ მეკარეზე.ყოველდღიური სპორტული გაზეთი "ლელო"

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

"ფენერბაჰჩეს" მოურინიოს შესაძლო შემცვლელებს შორის ორი კანდიდატი ჰყავს

უარი ხავისგან - "ლევერკუზენი" ახალი მწვრთნელის ძიებაშია

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

როდრიმ მისი აზრით "ოქროს ბურთის" ორი ფავორიტი დაასახელა

"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

ქოჩორაშვილი: აქამდე სწორედ იმიტომ მოვედით, რომ არასდროს ვნებდებით

ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა

"შავი ლომი" "ძებრესთან" დამარცხდა

ლუქსემბურგის ახალგაზრდული ნაკრების ავტობუსი გზაში გადატრიალდა

გატუზო თავის სტიქიაშია - ზოგს წაუთაქა, ზოგს სილა გააწნა

დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?

ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა

დავითაშვილი: ასეთები ხდება, მთავარია, ახლა არ გავიმეოროთ

სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ

ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!