<p>30 000-მა ფანმა მანუელს ტაში დაუკრა</p><p><br> გახსოვთ, როგორ აპროტესტებდნენ „ბაიერნის“ გულშემატკივრები მანუელ ნოიერის მოსალოდნელ ტრანსფერს? გასული სეზონის ბოლო მატჩებში მათ არაერთხელ გადმოფინეს ტრანსფარანტები, სადაც წერდნენ, მანუელ, მიუნხენი შენი სახლი არასდროს იქნებაო.</p><p>ვერ ვიტყვით, რომ მიზეზი არ ჰქონდათ, თუმცა თითიდან იყო გამოწოვილი: ორი წლის წინ, ნოიერმა „ალიანს არენაზე“ ნებისმიერი ბავარიელისთვის დიდად პატივსაცემი პიროვნება, თვით ოლივერ კანი გააჯავრა და მიუნხენური პუბლიკა ნოიერს მას მერე ვერ იტანდა.</p><p>არ გასულა ორ თვეზე მეტი, „ბაიერნის“ ხელმძღვანელებმა მანუელ ნოიერი მაინც იყიდეს და ახლა უკვე რადიკალურად განსხვავებული სიტუაციაა. მართალია, ჯერ კიდევ იარსებებენ „ბაიერნის“ ისეთი ფანები, რომლებსაც ძალიან არ მოსწონთ, რეკორდმაისტერმა მანუელი რომ იყიდა, მაგრამ ფაქტია, რომ უმეტესობა ნოიერს შეურიგდა. ამის დასტური იყო ახალი სეზონის ოფიციალური გახსნა „ალიანს არენაზე“, რომელსაც 30 000 მაყურებელი დაესწრო. გულშემატკივრებმა ნოიერს ტაში დაუკრეს და ოვაციებით შეხვდნენ.</p><p>„ამ სეზონში ჩვენი მთავარი მიზანი გერმანიის ჩემპიონობის დაბრუნება იქნება. წინა სეზონში თავი შევირცხვინეთ, ახლა კი, პირველივე ტურში უნდა დავამტკიცოთ, რომ „ბაიერნი“ საუკეთესო გერმანული კლუბია,“ - ასე მიმართა 30 000-იან პუბლიკას რეკორდმაისტერის ვიცე-პრეზიდენტმა კარლ-ჰაინც რუმენიგემ.</p><p>მიუნხენელები ფიქრობენ, რომ ნოიერის, რაფინიას (ჯენოადან) და ნილს პეტერსენის ტრანსფერებით გუნდი ჯეროვნად გააძლიერეს, ხელმძღვანელები კი ყველაზე კმაყოფილები იმით ჩანან, რომ მთავარ მწვრთნელად იუპ ჰაინკესი დანიშნეს. რუმენიგე: „იუპი არის იდეალური კაცი, იდეალურ დროს, იდეალურ ადგილზე. დარწმუნებული ვარ, რომ „ბაიერნი“ მასთან ერთად დიდ წარმატებებს მიაღწევს.“</p><p>ისაუბრა ჰაინკესმაც და კიდევ ერთხელ, ვინ მოთვლის, უკვე მერამდენედ გაიმეორა, რომ „ბაიერნში“ მესამედ დაბრუნება მისთვის დიდი გამოწვევაა, რომ მიუნხენური კლუბი მას ყოველთვის „გულში ჰყავდა“ და რომ თვითონაც დარწმუნებულია, რომ რეკორდმაისტერთან ერთად წარმატებებს მიაღწევს.</p><p>მართალია, „ბაიერნს“ ჯერ კიდევ არ უყიდია კიდევ ორი სასურველი მოთამაშე (ჟერომ ბოატენგი და არტურო ვიდალი), მაგრამ რუმენიგე და კომპანია მიიჩნევენ, რომ ამ ტრანსფერების შემთხვევაში საჩქარო არაფერია. „კალე“ ფიქრობს, რომ რეკორდმაისტერის ვიდალისა და ბოატენგის გარეშეც უმაღლესი კლასის გუნდია. სპორტული დირექტორის, კრისტიან ნერლინგერის თქმით, „ბაიერნი“ ბოატენგსა და ვიდალში ასტრონომიული თანხების გადახდას არ აპირებს.</p><p>„თუ „მანჩესტერ სიტი“ ბოატენგს იმ თანხის სანაცვლოდ არ მოგვყიდის, რაც ჩვენ შევთავაზეთ, მიზანს ალტერნატივებისკენ მივმართავთ, რადგან ვფიქრობთ, რომ ბოატენგში მეტის გადახდა არ შეიძლება, - ამბობს რუმენიგე და რაც შეეხება ვიდალს, - „ლევერკუზენს“ ვერ გავამდიდრებთ. თუ ახლა არაფერი გამოვა, ვიდალს ხელში გაისად ჩავიდგებთ და სხვათა შორის, უფასოდ!“</p><p>გუშინ, რეკორდმაისტერმა გეზი იტალიისკენ, კერძოდ რივა დელ გარდასკენ აიღო, სადაც ჰაინკესი შეგირდებს ახალი სეზონისთვის მოამზადებს. „დინ იუპის“ თქმით, მოსამზადებელი შეკრების მთავარი მიზანი ის არის, რომ დაცვით და შემტევ ფეხბურთს შორის იდეალური ბალანსი დაიჭიროს.</p><p><strong>ყოველდღიური სპორტული გაზეთი "ლელო"</strong></p>
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
"ფენერბაჰჩეს" მოურინიოს შესაძლო შემცვლელებს შორის ორი კანდიდატი ჰყავს
უარი ხავისგან - "ლევერკუზენი" ახალი მწვრთნელის ძიებაშია
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია