<p>თვის მნიშვნელოვანი მოვლენები ქართულ სპორტში <br> 1. ფეხბურთი. თბილისის "დინამომ" ოფიციალურად წარადგინა ახალი მთავარი მწვრთნელი, ესპანელი ალექს გარსია.</p><p>1. რაგბი. მსოფლიოს ალაფის ჯგუფურ მატჩში საქართველოს ნაკრებმა (20 წლამდელები) 14:29 წააგო იაპონიასთან.</p><p>3. ფეხბურთი. საქართველოს ახალგაზრდულმა ნაკრებმა ევროპის ჩემპიონატის შესარჩევ მატჩში ხორვატიაში ადგილობრივი ნაკრები 1:0 დაამარცხა.</p><p>3. ფეხბურთი. ევრო 2012-ის შესარჩევ მატჩში საქართველოს ნაკრები ხორვატიასთან 1:2 დამარცხდა.</p><p>3-4. ძიუდო. ბუქარესტის მსოფლიო თასზე ქართველებმა 4 მედალი მოიხვეჭეს. ჩემპიონები ბეთქილ შუკვანი, ავთანდილ ჭრიკიშვილი და ზვიად გოგოჭური გახდნენ, ზვიად ხანჯალიაშვილმა კი ვერცხლის მედალი მოიპოვა.</p><p>5. რაგბი. თბილისში მიმდინარე "მსოფლიო ალაფზე" საქართველოს 20 წლამდელთა ნაკრებმა მე-3 ადგილი დაიკავა, მას მერე, რაც ურუგვაი 20:15 დაამარცხა. ჩემპიონი სამოა გახდა, მეორე ადგილი იაპონიის ნაკრებს დარჩა.</p><p>10. რაგბი. ირბ-ის ერთა თასზე საქართველო სამხრეთ აფრიკის "კინგსთან" 17:31 დამარცხდა.</p><p>10-12. ჭიდაობა. თბილისმა "ოქროს გრან-პრის" (გივი კარტოზიასა და ვახტანგ ბალავაძის სახელობის) უმასპინძლა.</p><p>12. წყალში ხტომა. ქართულმა წყვილმა (ჭოლა ჭანტურია, შოთა კორახაშვილი) იტალიის გრან-პრიზე მე-5 ადგილი დაიკავა.</p><p>12. ფეხბურთი. ქუთაისის "ტორპედოში" ზაზა ზამთარაძისა და გიორგი კიკნაძის მწვრთნელთა დუეტი დაინიშნა.</p><p>13. პროფესიული კრივი. ავთანდილ ხურციძემ იბო-ს ვერსიით მსოფლიოს ჩემპიონის ტიტული დაიცვა, დიონისიო მირანდა ნოკაუტით დაამარცხა.</p><p>13. რაგბი. ფრანგულმა "ეკიპმა" მამუკა გორგოძე საფრანგეთის ჩემპიონატის საუკეთესო ლეგიონერად დაასახელა.</p><p>15. ფეხბურთი. ზურაბ ხიზანიშვილი ინგლისური "რედინგიდან" თურქულ "კაისერისპორში" გადავიდა.</p><p>15. რაგბი. ირბო-ის ერთა თასზე საქართველომ არგენტინის ა ნაკრებს 14:13 მოუგო.</p><p>17. ფეხბურთი. თბილისში მადრიდის "ატლეტიკოს" პრეზიდენტი ენრიკე სერესო იყო, რომელმაც თბილისის "დინამოსთან" საქმიანი ურთიერთობა გააფორმა.</p><p>19. რაგბი. ლიონის შვიდკაცაზე საქართველოს ნაკრებმა მე-7 ადგილი დაიკავა.</p><p>19. რაგბი. ირბ-ის ერთა თასზე რუმინეთში საქართველოს ნაკრებმა ნამიბიას 23:18 მოუგო და საბოლოოდ ტურნირი მე-2 ადგილზე დაასრულა.</p><p>19-24. კრივი. ანკარაში ევროპის ჩემპიონატზე საქართველოს ნაკრებმა სამი ბრინჯაო (ზაალ კვაჭატაძე, ჯაბა ხოსიტაშვილი და მიხეილ ბახტაძე) მოიპოვა.</p><p>20. ჩოგბურთი. ანა ტატიშვილმა პირველი მატჩი მოიგო კარიერაში "დიდი სლემის" ტურნირებზე, მან უიმბლდონის პირველ წრეში რუსი ანასტასია პივოვაროვა დაამარცხა.</p><p>20. ფეხბურთი. გაიმართა ევროთასების კენჭისყრა: ჩემპიონთა ლიგაზე "ზესტაფონის" მეტოქე მოლდოვური "დაჩია" გახდა, ევროპალიგაზე "დინამოს" მოლდოვური "მილსამი" დაუპირისპირდა, "მეტალურგს" - სომხური "ბანანცი", "გაგრას" - კვიპროსული "ანორთოსისი".</p><p>21. კალათბურთი. "არმიას" ახალი თავკაცი კოტე ტუღუშია.</p><p>21-22. თავისუფალი ჭიდაობა. ევროპის ახალგაზრდულ ჩემპიონატზე საქართველომ 6 მედალი მოიპოვა: 2 ოქრო (ვლადიმერ ხინჩეგაშვილი, დავით მარსაგიშვილი), 1 ვერცხლი (ბექა პეტრიაშვილი) და 3 ბრინჯაო (თენგიზ ჩოჩიშვილი, თედორე ებანოიძე, გენო პეტრიაშვილი). დავით მარსაგიშვილი ტურნირის საუკეთესო მოჭიდავედ დაასახელეს, ნაკრებმა კი რუსეთთან პირველი ადგილი გაიყო.</p><p>24. რაგბი. ზურაბ ჟვანია ფრანგულ "სტად ფრანსეში" გადავიდა.</p><p>24-26. ძიუდო. კადეტთა ევროპის ჩემპიონატზე მალტაში საქართველოს ნაკრებმა 7 მედალი და მე-2 გუნდური ადგილი მოიპოვა.</p><p>24-26. წყალბურთი. თბილისში გაიმართა საერთაშორისო ტურნირი, რომელიც საქართველოს ნაკრებმა მოიგო.</p><p>25. ფეხბურთი. ჩატარდა სფფ-ის ყრილობა, სადაც აღმასკომის ახალი წევრები აირჩიეს.</p><p>25. რაგბი. მოსკოვის შვიდკაცაზე საქართველოს ნაკრებმა მე-4 ადგილი დაიკავა.</p><p>25. რაგბი. საქართველოს 17-წლამდელთა ნაკრებმა რუმინეთში "შავი ზღვის თასი" მოიგო. ფინალში ჩვენმა გუნდმა მასპინძლებს 27:8 მოუგო.</p><p>25-26. ბერძნულ-რომაული ჭიდაობა. ევროპის ახალგაზრდულ ჩემპიონატზე ჩვენმა ნაკრებმა 4 მედალი მოიპოვა, 2 ვერცხლი (ნიკა ცეცხლაძე, საჩინო დავითაია) და 2 ბრინჯაო (ზურაბ დათუნაშვილი, სანდრო დიხამინჯია).</p><p>27. სუმო. ტოჩინოშინი (ლევან გორგაძე) ოფიციალურად გახდა კომუსუბი.</p><p>29. ფეხბურთი. ოთარ მარცვალაძე ნიჟნი ნოვგოროდის "ვოლგადან" "კრასნოდარში" 3 წლით გადავიდა.</p><p>30. სამბო. ფედერაციის ახალი პრეზიდენტი თემურ გიორგაძეა.</p><p>30. ფეხბურთი. ევროპალიგის საკვალიფიკაციო მატჩში "დინამომ" "მილსამი" 2:0 დაამარცხა, ხოლო "მეტალურგმა" - "ბანანცი" - 1:0.</p><p><strong>ყოველდღიური სპორტული გაზეთი "ლელო"</strong></p>
"ბაიერნის" პრეზიდენტმა ჰარი კეინის მომავალზე ისაუბრა
ტერ შტეგენმა ვარჯიში დაიწყო - გერმანელი შესაძლოა, ზამთარში "ბარსელონადან" წავიდეს
გირასი წასვლაზე თანახმაა - ფეხბურთელი ევროპის ტოპ კლუბებს სურთ
"ახლა გუნდებს სჯერათ, რომ ჩვენთან დადებითი შედეგის მიღწევა შეუძლიათ" - სლოტმა "სანდერლენდთან" მატჩი შეაფასა
კიტეიშვილის "შტურმი" სახლში დამარცხდა და ვერ გალიდერდა
ფუტსალის ნაკრები საერთაშორისო ტურნირზე იასპარეზებს
[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა
პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა
[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ
[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ
სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან
"შავი ლომი" ჩელენჯ თასს "მონპელიეთი" იწყებს
[VIDEO] "ბარსელონამ" სახლში "ატლეტიკოს" მოუგო
20 წ. | დიდი სხვაობით "კუდუსთან"
"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს
"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა
მამის ნაკვალევზე - ისაგო სილვამ "ჩელსისთან" კონტრაქტი გააფორმა
"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა
იტალიაში საუკეთესოები აღიარეს - მაკტომინეი, "ნაპოლი", კონტე
რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს
"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა
"ბაიერნის" პრეზიდენტმა ჰარი კეინის მომავალზე ისაუბრა
დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს