საქართველოს ნაკრებმა ჩრდილოეთ მაკედონიას ისევ სძლია [VIDEO]

მსოფლიოს 2023 წლის ჩემპიონატის საკვალიფიკაციო ტურნირზე საქართველოს ნაკრებმა გასვლაზე ჩრდილოეთი მაკედონია 79:65 დაამარცხა.მატჩის წინ საქართველოს ძველი ჰიმნი (დიდება) გაჟღერდა და ქართველმა კალათბურთელებმა გაკვირვება ვერ დამალეს. ილია ზუროსმა იგივე სასტარტო ხუთეული გაიყვანა - მაკფადენი, სანაძე, ბოქოლიშვილი, ბერიაშვილი, შერმადინი. თავიდან მასპინძლები დაწინაურდნენ. მათ რიგებში დიმიტრიევიჩი გამოირჩეოდა, რომელსაც თბილისურ შეხვედრაში მონაწილეობა არ მიუღია. პირველი მეოთხედი 18:21 წავაგეთ.მეორე პირიოდის დასაწყისში ჩვენი გუნდი პირველად გავიდა წინ (22:21) და თამაში ქულა-ქულაში წავიდა. მერე საქართველოს ნაკრები დაცვაშიც უკეთ გაისარჯა და შეტევაშიც და პირველი ტაიმი 43:35 მოვიგეთ.მესამე მეოთხედში ორივე გუნდმა უამრავი შეცდომა დაუშვა. მოწინააღმდეგემ ანგარიშის სხვაობის შემცირება შეძლო. ყურადღებით მეურვეობდნენ შერმადინს, რომელიც ჩვეულად შედეგიანი ვერ იყო. თამაში არ წაუვიდა სანაძეს, სამაგიეროდ, ბოქოლიშვილი აქტიურობდა, ბერიშვილიც; ჯინჭარაძე ბოლომდე იბრძოდა, მაკფადენი კი შეუჩერებელი იყო და საქართველოს ეროვნულმა გუნდმა ჩრდილოეთ მაკედონიას კვლავ სძლია.24 ქულით ჩვენი გუნდიდან ყველაზე შედეგიანი მაკფადენი იყო, 13 ქულა შერმადინმა ჩააგდო (პლუს 8 მოხსნა და 3 პასი), 11 ბოქილიშვილმა, 10 სანაძემ, 8 ჯინჭარაძემ, 3 ბექაურმა და 2 ლონდარიძემ. მატჩის ყველაზე შედეგიანი მოთამაშე 25 ქულით დიმიტრიევიჩი გახდა, ხოლო ყველაზე მაღალი სარგებლიანობის კოეფიციენტი ვაილის ჰქონდა - 22.

tngh

ამ წყეულმა ომმა სრულად გადამავიწყა ეს თამაში. გილოცავთ ბიჭებო, და მთელს საქართველოს!!!
gogia

გენაცვალეთ თქვენ,მაგრები ხართ! წარმატებები!!!!
ნიკო

ასე განაგრძეთ ბიჭებო!!!...
გაიოზ გოშაძე

მადლობა ბიჭებს და ილია ზუროს. სულ წარმატებებით გევლოთ!
გაიოზი

გაიხარეთ ბიჭებო, მეამაყებით! მაგრა გამიხარდა ჯინჭარაძის უაღრესად თავდადებული თამაში, ძველ გულშემატკივრებს მაღალაშვილი გაახსენდებოდა. რომელიც ბოლო მომენტამდე იბრძოდა ყველა შემთხვევაში.
სოსო

დიდი მადლობა ბიჭებო!როცა არაფერი გამოგდის და მაინც ახერხებ გამარჯვებას,მაგას ხასიათი ჰქვია.ჩვენმა ნებისყოფამ გატეხა მასპინძლები.წინა თამაშივით,აქაც დიდებულად გაისარჯნენ ჩვენი,ადგილობრივი ბიჭები,საქართველოს ჩემპიონატში რომ თამაშობენ და ნიშანდობლივია,რომ წინ მაშინ გავედით,როცა მოედანზე,მთლიანად საქართველოს ჩემპიონატში მოთამაშე ბიჭების ხუთეული იდგა.ჩვენ ლეგიონერებს ძალიან მჭიდროდ ეთამაშებოდნენ და როცა საჭირო იყო,ისევ აქ მოთამაშე ბიჭები ჰყრიდნენ საჭირო ქულებს.ქება და დიდება კახა ჯინჭარაძეს,რომელმაც წინა თამაშშიც ძალიან მაგრად ითამაშა,აქ კი,მართლაც დევივით იბრძოლა დაცვაშიც და შეტევაშიც.დიდი იმედი მაქვს,რომ ამ თამაშების ნახვის შემდეგ,მისით ევროპული კლუბებიც დაინტერესდებიან.ვინც გამოვიდა,ყველამ მთელი გულით იბრძოლა,ილიას ზუროსმა კი,მთელი გულით იყვირა და შესძლო ჩვენი ბიჭების გაღვიძება.არც ტედ მაკ ფადენს მისდიოდა თამაში,მაგრამ როცა გაჭირდა,თამაში საკუთარ თავზე აიღო,გასაკეთებელიც გააკეთა გამარჯვებამდეც მიგვიყვანა,მადლობა დუდა სანაძესაც,რომელიც თითქოს ვერ იყი ისეთი ზუსტი,მაგრამ მთელი თამაში კოჭლობით ითამაშა და ქულების საკუთარი წილი,პერიმეტრიდან თუ არა,ფარქვეშგასვლებით მაინც დააგროვა.მიხარია რომ ტრავმას გადაურჩა გიო შერმადინიც,სამი კაცი მუდმივად მას იჭერდა და მსროლელებს სივრცე უთავისუფლდებოდათ.უფრო მეტს ველოდით ბექაურისაგან,აშკარად ეტყობოდა დაძაბულობა.მეტს ველოდით ბაქრაძისგანაც,უკანა ხაზელს,სროლის მეტი სიზუსტე მოეთხოვება და გივისაგან ეს არაერთხელ გვინახავს.ლეგიონერებზე აღარაფერს ვიტყვი,მართლაც ძალიან მაგრები არიან,მაგრამ აქაურებიც გვიმტკიცებენ,რომ თუ უცხოეთში გავლენ,არსად არ შეირცხვენენ თავს.მათ მხოლოდ გამოცდილება და მაღალ ტემპთან შეჩვევა სჭირდებათ.ვულოცავ ბიჭებს,ჯგუფიდან გასვლის განაღდებას და იმედს გამოვთქვამ,მშენებარე დარბაზი იმდენად არ დაზიანებულა,რომ აშენება ვერ მოესწროს.არ მესმის როგორ შეიძლება ასეთი დაუდევრობა,რომ ამხელა კომპლექსი,აშენებამდე იწვება.ან დაუდევრობაა და შესაძლოა შეგნებულადაც იყოს გაკეთებული.ისეა ქვეყანა არეული,ყველაფერია დასაშვები
გიზოგ

მადლობა ბიჭებო, არა დიდი მადლობა, რომ მიუჩინეთ თავის ადგილი ვიღაც პანდემიებს. ძალიან ამაყი ვარ ამ ღამეს და ამავე დროს უაღრესად მწყდება გული 2020 წლის 18 ნოემბრის გამო, მაშინაც, რომ გამოჩენილიყო იმ 11 ფეხბურთელს შორის, თუნდაც ერთი დღევანდელი ჯინჭარაძის ნაირი თავდადებული, ჩვენ უკვე ევროპაზე ნათამაშები ქვეყანა ვიქნებოდით. კიდევ ერთხელ დიდი მადლობა ღირსეულ ბიჭებს, რომელთაც გარკვეულწილად ჯვარი ამოგვყარეს და შეგვიმსუბუქეს სირცხვილი.
123

მაკ ფადენი პრეზიდენტად! :)

საქართველო - ფინეთი. ორივე ნაკრების გულშემატკივართა დესანტი რიგისაკენ მიემართება

"ჩვენ დავბრუნდებით" - ფრანგების მწვრთნელმა საქართველოსთან მარცხის მიზეზი განმარტა

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე

პსჟ ბარკოლასთან კონტრაქტის გაგრძელებაზე მოლაპარაკებას აწარმოებს

"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა

"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს

"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი

მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით

[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება

ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო

ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს

როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?

"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]

[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!

[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

შენგელიას გარეშე - საქართველოს ნაკრებმა პოლონეთში ივარჯიშა

ანდრონიკაშვილის ტრავმა სერიოზული არ აღმოჩნდა

საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს

ცნობილი გახდა თორნიკე შენგელიას ნაკრებში არყოფნის მიზეზი

საქართველოს ნაკრები ჩეხეთან 20 ქულით დამარცხდა

[VIDEO] უკვე უკეთ, მაგრამ მაინც წავაგეთ. პოლონეთი - საქართველო 94:89