<p><p><p>გუშინ, 27 მარტს, ფორმულა 1-ში საუდის არაბეთის გრან-პრი გაიმართა, ნიდერლანდელმა მოქმედმა ჩემპიონმა მაქს ფერსტაპენმა გაიმარჯვა და ბაჰრეინში განცდილი სრული კრახის რეაბილიტაცია დაიწყო. სანამ უშუალოდ რბოლაზე ვისაუბრებთ, ერთი-ორი სიტყვით კვალიფიკაციას და უდიდეს სენსაციას შევეხოთ.</p></p></p><p><p><p>რბოლის წინა დღეს კვალიფიკაცია ჩატარდა. გულშემატკივრების უმეტესობა "ფერარისა" და "რედ ბულის" დაპირისპირებაში "მერსედესის" ჩართვასაც ელოდა, თუმცა, თამამად შეგვიძლია ვთქვათ, რომ ყველანაირი იმედი მას შემდეგ გაქრა, რაც 7-გზის მსოფლიო ჩემპიონმა ლუის ჰამილტონმა საკუთარი შესაძლებლობები ვერ გამოავლინა და პირველი სეგმენტის ბარიერი ვერ გადალახა, რაც იმას ნიშნავდა, რომ ბრიტანელი ასპარეზობას მე-16 ადგილიდან დაიწყებდა.</p></p></p><p><p><p>რაც შეეხება 1-ელ ხუთეულს, მრბოლელები საწყის ნიშნულთან შემდეგი თანმიმდევრობით აღმოჩნდნენ: სერხიო პერესი ("რედ ბული"), შარლ ლეკლერი ("ფერარი"), კარლოს საინსი ("ფერარი"), მაქს ფერსტაპენი ("რედ ბული") და ესტებან ოკონი ("ალპინი").</p></p></p><p><p><p><img src="pictures/artimages/original/d023ffd482e4209b06d8873c8b81bcea.jpg" border="0" alt="Sportall.Ge" title="ლიდერების სასწაული დაპირისპირება და ჰამილტონის მორიგი კრახი - საუდის არაბეთის გრან-პრი დასრულდა [VIDEO]" width="712" height="400" style="border: 0px none;" /></p></p></p><p><p><p><strong>აღსანიშნავია, რომ პერესმა კარიერაში პირველად მოიგო პოულ-პოზიცია და გამარჯვების შემდეგ ემოციებიც არ დაიშურა. </strong></p></p></p><p><p><p>რაც შეეხება რბოლას, ლეკლერმა დაპირისპირების მიმდინარეობისას პირველი პოზიცია მოიპოვა, თუმცა ნიდერლანდელი მოქმედი ჩემპიონის შეკავება ვეღარ მოახერხა. რა თქმა უნდა, ბაჰრეინში ვერდასრულებული რბოლის შემდეგ ფერსტაპენი მზად იყო ყველაფერი ჩაედო, რათა სასიცოცხლოდ მნიშვნელოვანი პირველი ადგილი დაესაკუთრებინა და ასეც მოხდა. განსაკუთრებით ეპიკური გამოდგა ბოლო 8-9 წრე. მონეგასკი თავს თითქოსდა წარმატებით იცავდა, თუმცა ერთი შეხედვითაც ჩანდა, რომ "რედ ბულის" ბოლიდი მეტად სწრაფად გადაადგილდებოდა, ვიდრე "ფერარის". მესამე ადგილი დაიკავა კარლოს საინსმა ("ფერარი"), ხოლო მე-4 პოზიციას დასჯერდა "ჩეკო" პერესი "რედ ბულიდან".</p></p></p><p><p><p><img src="pictures/artimages/original/fc3fc17f40c834b6113282a2c688582e.jpg" border="0" alt="Sportall.Ge" title="ლიდერების სასწაული დაპირისპირება და ჰამილტონის მორიგი კრახი - საუდის არაბეთის გრან-პრი დასრულდა [VIDEO]" width="601" height="400" style="border: 0px none;" /></p></p></p><p><p><p>დღის სენსაციის ავტორი კვალავაც ლუის ჰამილტონი გახდა, ბრიტანელმა მრბოლელმა მე-10 ადგილი დაიკავა და საკუთარ გულშემატკივარს იმედი კიდევ ერთხელ გაუცრუა. აღსანიშნავია, რომ როცა სერ ლუისს უთხრეს, რომ მე-10 პოზიციაზე გავიდა, უცნაური კითხვა დასვა: "ამ პოზიციაზე ქულა იწერება?".</p></p></p><p><p><p>ასე თუ ისე, ბრიტანელი 7-გზის მსოფლიო ჩემპიონისგან გაცილებით მეტს ელიან. როგორც ერთი შეხედვით ჩანს, "მერსედესის" ბოლიდს პრობლემები აქვს (მიუხედავად იმისა, რომ ჯორჯმა გუშინ მე-5 ადგილი დაიკავა). იმედია, სიტუაცია მალევე გამოსწორდება და "ფერარისა" და "რედ ბულის" დაპირისპირებაში გერმანულ მხარესაც ვიხილავთ.</p></p></p><p><p><p>უშუალოდ რბოლის დაწყების წინ "ალფატაურის" იაპონელ მრბოლელს, იუკი ცუნოდას, ავტომობილთან პრობლემა შეექმნა და გრან-პრიში მონაწილეობა ვერ მიიღო, მიკ შუმახერი ("ჰაასი") კი კვალიფიკაციაზე მძიმე შეჯახების შემდეგ საავადმყოფოში გადაიყვანეს. მრბოლელი თავს კარგად გრძნობს.</p></p></p><p><p><p><strong>რაც შეეხება ორი გრან-პრის შემდეგ საუკეთესო ხუთეულს, შემდეგნაირია: </strong></p></p></p><p><p><p>1-ელი ადგილი - შარლ ლეკლერი (45 ქულა, "ფერარი")</p></p></p><p><p><p>მე-2 ადგილი - კარლოს საინსი (33 ქულა, "ფერარი")</p></p></p><p><p><p>მე-3 ადგილი - მაქს ფერსტაპენი (25 ქულა, "რედ ბული")</p></p></p><p><p><p>მე-4 ადგილი - ჯორჯ რასელი (22 ქულა, "მერსედესი")</p></p></p><p><p><p>მე-5 ადგილი - ლუის ჰამილტონი (16 ქულა, "მერსედესი")</p></p></p><p><p><p><strong>შემდეგი გრან-პრი ავსტრალიაში, კერძოდ, მელბურნში 10 აპრილს ჩატარდება. </strong></p></p></p><p><p><p> <p><p></p></p></p><p><br></p>
"მანქანა ბენზინგასამართ სადგურზე გააჩერა და უყვირა: "გადადი! არ მინდა შენთან საუბარი" და იქვე დატოვა მარტო" - ფრაგმენტები მაქს ფერსტაპენის ცხოვრებიდან
"ეს ორი რბოლა ჩემთვის ძალიან მნიშვენლოვანია" - სერხიო პერესი მოახლოებულ ოსტინისა და მექსიკის გრან-პრიზე
უმძიმესი რბოლა კატარში - რამდენიმე მრბოლელი გაითიშა, ერთმა დასრულებაც ვეღარ მოახერხა
U18. საქართველოს ნაკრები ფინალში ესპანეთთან ისევ დამარცხდა
უნგრეთთან მატჩში საქართველოს ნაკრების შემადგენლობა ცნობილია
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"მოულოდნელი იყო... "ოქროს ბურთს" ამ 2 ფეხბურთელიდან ერთ-ერთი უფრო იმსახურებდა" - კუკურეია Ballon d'Or-ის დაჯილდოვებაზე
[VIDEO] გოგა ბითაძის 100%-იანი პერფორმანსი და „ორლანდოს“ მნიშვნელოვანი გამარჯვება „მილუოკისთან“
დვალიშვილი: ჩივილს არ ვაპირებთ და ყველაფერს ვაკეთებთ, რათა ისინი გამოუშვან
ნიდერლანდების 7:0 საბერძნეთთან და გერმანიის მიერ სერბეთის ძლევა
18 წ. | შემადგენლობა ევროპის ჩემპიონატის ფინალისთვის
უნგრელთა მწვრთნელი: კვარაცხელია შეუცვლელია - ნებისმიერი სცენარისთვის მზად ვიქნებით
"მერაბი დიდი ხანია არ არის ქართველი - ჩვენი წინაპრები ამისათვის თავებს მოჰკვეთდნენ" - წერს დაღესტნელი მოჭიდავე
საბა ლაზიშვილი ხვალ RAF-ზე იჭიდავებს!
"ბორჯღალოსნები" | კაპიტნის ვარჯიში ტონგამდე
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
დვალიშვილი და ლაზიშვილი გაათავისუფლეს - უსმან ნურმაგომედოვსა და მასთან მყოფ პირებს კი ექვსთვიანი პატიმრობა მიესაჯათ
"ეს ცხოველური საქციელია" - UFC-ს ექს-ჩემპიონმა დვალიშვილზე თავდამსხმელები გააკრიტიკა
"ბორჯღალოსნები" | შემადგენლობა მე-300 მატჩისთვის