- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
კალაძის უარი მოსკოვის "დინამოს"
<p>ნაკრების კაპიტანი ეროვნულ გუნდზე, რუსების მაცდურ შეთავაზებასა და ჩვენი ფეხბურთის განვითარების მისეულ ხედვაზე საუბრობს <br> საქართველოს ეროვნული ნაკრების კაპიტანი და იტალიური "ჯენოას" მცველი, გუნდის კაპიტნობის კანდიდატი კახა კალაძე ბევრ მნიშვნელოვან თემაზე გველაპარაკა - საქართველოს ნაკრებზე, მოსკოვის "დინამოს" მაცდურ შეთავაზებაზე, ქართული ფეხბურთის განვითარების მისეულ ხედვაზე...</p><p><strong>- იმ დროს, როდესაც, ფაქტობრივად, ჩამოგწერეს, სერია A-ს გასული სეზონის სიმბოლურ ნაკრებში მოხვდი. "მილანთან" დაძაბული ურთიერთობისა და ორწლიანი ჩავარდნის შემდეგ ეს შენთვისაც მოულოდნელი ამბავი იქნებოდა.</strong></p><p>- გეთანხმებით, ასეთი აღიარება ძნელი წარმოსადგენი იყო, რადგან ბოლო სეზონში "მილანში" თამაშის საშუალება თითქმის არ მქონია. მე ეს ამბავი იმიტომაც მიხარია, რომ სეზონის სიმბოლურ ნაკრებში "გაძეტა დელო სპორტმა" იტალიის ყველა სპორტული გამოცემის მიერ ყოველ ტურში მოცემული შეფასებების მიხედვით დამასახელა. ცენტრალურ მცველებში მე და "მილანის" ტიაგო სილვა მოვხვდით.</p><p>რაც შეეხება ჩავარდნებს, ფეხბურთელის კარიერა უამისოდ არ არსებობს. არა მხოლოდ სპორტში, ცხოვრებაშიც არის აღმასვლა და დაღმასვლა, წარმოუდგენელია, სულ კარგად მიდიოდე, მაგრამ სირთულეების არ უნდა შეგეშინდეს. მათი გადალახვის შემდეგ უფრო ძლიერი და თავდაჯერებული ხდები.</p><p><strong>- მართალია, რომ მოსკოვის "დინამომ" წლიური 6 მილიონი ევრო შემოგთავაზა, მაგრამ მაინც უარი უთხარი?</strong></p><p>- მართლაც ძალიან სერიოზული წინადადება იყო, მაგრამ მე ისეთ ასაკში აღარ ვარ, დაუფიქრებლად, თუნდაც დიდი გასამრჯელოს ფასად შევიცვალო ქვეყანა და გარემო. თუმცა ამ შემთხვევაში გაუმართლებელი მგონია პოლიტიკური შეხედულებებით მსჯელობა - რადგან რუსეთია, ქართველმა იქ არ უნდა ითამაშოსო. რუსეთის პრემიერლიგაში ძალიან ბევრი ქართველი თამაშობს და წარმატებულადაც, გუნდებში ძალიან უყვართ და მაყურებელიც პატივს სცემს.</p><p>მაგრამ ეს იყო ჩემი პირადი გადაწყვეტილება, რადგან დიდი ხანია, ოჯახი იტალიას შეეჩვია.</p><p><strong>- სერია A-დან რუსულ პრემიერლიგაში წასვლა კარიერის დასრულებაზე მინიშნებას დაემსგავსებოდა.</strong></p><p>- მე ასე ვიტყოდი - სერია A მსოფლიოს ერთ-ერთი საუკეთესო ჩემპიონატია და საკუთარი ნებით იქიდან წასვლა გაუმართლებელი იქნებოდა. გუნდს უკვე შევეწყვე, მეთერთმეტე წელია, იტალიაში ვცხოვრობ, თავს ისე ვგრძნობ, როგორც საკუთარ სახლში, მიყვარს ეს ქვეყანა, ხალხი და კიდევ ერთხელ გარემოს შეცვლა, გადაბარგება, ახალი გუნდელების გაცნობა და გაგება... არა, ეს არ მსურდა.</p><p><strong>- ბევრი იწერება, ბოლო დროს იტალიური კლუბების ფინანსური მდგომარეობა საგრძნობლად გაუარესდაო.</strong></p><p>- დიახ, ასეა. იყო დრო, იტალია სწორედ ყველაზე მაღალი ხელფასებით იყო ცნობილი, შემიძლია ვთქვა, ტოპქვეყანაც კი იყო. ასეთ ხელფასებს არც ერთ სხვა ქვეყანაში არ იძლეოდნენ. თუმცა მსოფლიოს ეკონომიკური კრიზისის გამო მდგომარეობა მართლაც საგრძნობლად გაუარესდა.</p><p><strong>- ნუთუ ახლა რუსეთის პრემიერლიგა უფრო მდიდარია?</strong></p><p>- იტალიას ჯერ ნამდვილად ვერ უსწრებენ. შესაძლოა, რუსეთში რამდენიმე ძვირადღირებული მოთამაშე იყოს, მაგრამ მასობრივად დიდ ხელფასებს, ისე, როგორც იტალიაში, მათი კლუბები ვერ იხდიან. დღეს ფინანსურად მაინც იტალიისა და ინგლისის წამყვანი კლუბები ლიდერობენ.</p><p><strong>- საქართველოს ნაკრებზეც ვილაპარაკოთ. იყო დამაიმედებელი შეხვედრები, რასაც მოჰყვა ხორვატიასთან უსახური მატჩი, მაგრამ დაჩენილია იმედის სამი თამაში. </strong></p><p>- ვფიქრობ, რთული მატჩი გველის არა მხოლოდ საბერძნეთთან თბილისში, არამედ ლატვიასთანაც სახლში და მალტასთან გასვლაზე. ჩემი აზრით, ერთი შეხედვით სუსტ გუნდებთან უფრო მძიმე დაპირისპირება გვექნება.</p><p>რატომ უნდა გაგვიჭირდეს შედარებით სუსტებთან? საბერძნეთი მაინც ლიდერია, სხვა განწყობით გვესტუმრება და მათ დაცვაში უფრო ადვილი იქნება ხარვეზების მოძებნა. ლატვია და მალტა კი დაცვაში ჩასხდებიან და ხალხიც მეტს მოგვთხოვს. ასეთ მეტოქესთან ბრძოლა საკმაოდ ძნელია, ხშირად ისე არ გამოგვდის თამაში, როგორც გინდა.</p><p><strong>- გარკვეული პროგრესი არის, მაგრამ მიზნისთვის საბრძოლველად ჩვენი ფეხბურთელები ფსიქოლოგიურად მზად არიან? </strong></p><p>- რა თქმა უნდა, ერთ წელიწადში ბევრი რამ ვერ კეთდება, ყველაფერს დრო სჭირდება. ბოლო წლებში ხომ არა მხოლოდ ნაკრები, მთლიანად ქართული ფეხბურთი იყო ჩამოშლილი. ამასთან დაკავშირებით არაერთი განცხადება გაგვიკეთებია, რომ ყველაფერი თავიდან არის დასაწყები. საქართველოს ჩემპიონატში სასურველი დონე რომ არ არის, იმიტომ ვთამაშობთ უცხოეთში, თორემ სიამოვნებით ჩამოვიდოდით და ვითამაშებდით. მაგრამ, ჩვენდა სამწუხაროდ, სპორტში არ არის სახარბიელო მდგომარეობა, განსაკუთრებით, ფეხბურთში.</p><p><strong>- როგორც ვიცი, ყოველგვარი ბიზნესგათვლების გარეშე აპირებდი მშობლიური სამტრედიის გუნდის დაფინანსებას, მაგრამ ახლობლებმა ჩანაფიქრზე ხელის აღება გირჩიეს, ფულს წყალს გაატანო.</p><p></strong>- უბრალოდ, გული ძალიან მწყდებოდა, "სამტრედიაში" ძალიან მძიმე მდგომარეობა რომ იყო. იმ ადამიანებიდან, რომლებსაც გუნდზე პასუხისმგებლობა ჰქონდათ აღებული, ზოგი დეპუტატი გახდა, ზოგიც სხვა თანამდებობის პირი, მაგრამ პასუხისმგებლობას რომ იღებ, უნდა შეასრულო კიდეც. მესმის, რომ იყო პრობლემები, კრიზისი, მაგრამ არ შეიძლება გუნდი ამ მდგომარეობაში ჩააგდო.</p><p>მეკითხებით, რატომ არ ავიყვანე "სამტრედია". ძნელია ილაპარაკო ფეხბურთზე, როდესაც ჩემს მშობლიურ ქალაქში არ არსებობს არანაირი საფეხბურთო პირობები - არც კეთილმოწყობილი სტადიონი, არც მოედანი, არც ბაზა და რომელ ფეხბურთზეა ლაპარაკი?!</p><p>ჩემი აზრით, საქართველოში ფეხბურთის განვითარება თუ გვსურს, საჭიროა ჯერ შემუშავდეს განვითარების პროგრამა, მერე კი მისი განხორციელებისთვის მიზანმიმართული მუშაობა. პროგრამაში შესაბამის კანონებსაც ვგულისხმობ, რომელიც ბიზნესს დააინტერესებს და მიიზიდავს, მაგალითად, გარკვეული შეღავათებით.</p><p><strong>- ბევრი მიიჩნევს, რომ ფეხბურთის დახმარება კომუნისტური გადმონაშთია, არადა, ევროპაში მინიმალური დონის შესანარჩუნებლად და მასობრიობის გასაზრდელად დაბალი რანგის კლუბებს ადგილობრივი თვითმმართველობები აფინანსებენ.</p><p></strong>- ბევრი რამის გაკეთება შეიძლება. ბიზნესმენი დაბალი გადასახადით უნდა მიიზიდო, თორემ მომგებიანი სფეროდან მასში ფულს რატომ დააბანდებს? ბიზნესის ჩართვის გარეშე ფეხბურთის განვითარება წარმოუდგენელია. სახელმწიფოს დახმარებაც აუცილებელია, დიდი თანხები უნდა ჩაიდოს.</p><p><strong>- იტალიაში არის ასეთი ხელშეწყობა?</strong></p><p>- იტალიაში ფეხბურთი წელშია გამართული და შეღავათები აღარ სჭირდება, დღეს ამ ქვეყნის მოსახლეობა 60 მილიონს აჭარბებს, ჩვენზე ბევრად მდიდარი ქვეყანაა, ევროპაშია და განვითარების მეტი პერსპექტივაც აქვს. მაგრამ ადრე სახელმწიფო ფეხბურთს ხელს უწყობდა და ავითარებდა.</p><p>სიმართლე გითხრათ, არც ვიცი, რამდენი მაისურა გაიყიდა წარწერით "კალაძე". ესეც საინტერესო თემაა, საქართველოს ნაკრების ფორმებისა და ატრიბუტიკის მაღაზიების გახსნა აუცილებელია. რა ვიცი, ათასი რამის მოფიქრება შეიძლება.</p><p>გიორგი დემეტრაძის პროცესზეც მინდა ვთქვა: ადვოკატმა აპელაცია შეიტანა, მაგრამ სასამართლო გადაიდო. ამ სფეროში კომპეტენტური არ ვარ, მაგრამ ადვოკატებთან ერთად გავეცანი საქმეს და დავრწმუნდი, გიორგის არანაირი დანაშაული არ ჩაუდენია. არ ვიცი, როგორ შეიძლება გიორგის განთავისუფლება. ალბათ, გამოსავალი სტრასბურგის სასამართლოა, სადაც აუცილებლად გასაჩივრდება ეს გადაწყვეტილება. ასე რომ, იმედი მაინც არის.</p><p><strong>ყოველდღიური სპორტული გაზეთი "ლელო"</strong></p>
-
ზაზა
რამდენიმე თვის წინ ჩასული ვიყავი თბილისში, მოვიარე მთელი ქალაქი ნაკრების მაისურის ძებნაში, არსად არ იყიდება!!!!! სირცხვილი !!!!!!!
-
durdzuka
იტალიაში, საფრანგეთში და სხვაგანაც ბევრი კლუბი თამაშობს მუნიციპალურ სტადიონზე და ხშირად _ სიმბოლურ ფასად ქირაობენ. თუ არ ვცდები, ზოგ შემთხვევაში, სულაც უფასოდ. ეს სახელმწიფოს მხრიდან დახმარება არაა?
-
jkjkljkj
საღოლ კახა მაგარი კაცი ხარ სიმართლეს რომ ლაპარაკობ. ბევრს მაგის ვაჟკაცობა არ ყოფნის
გვარდიოლა და კლოპი გამორიცხულია - საქართველოს ნაკრებთან უკრაინას ისევ რებროვი უხელმძღვანელებს?
"მოდით და წაიღეთ - გაგიჟდნენ!" - სენეგალელმა მცველმა აღშფოთება გამოხატა
[VIDEO] ვინ ვის ურტყამდა რთულად გასარჩევი იყო - გუნდი-გუნდზე ჩხუბი ბრაზილიის ჩემპიონატში
19-წლამდე გოგონათა ნაკრები საკვალიფიკაციო ეტაპის მატჩებისთვის ემზადება
17-წლამდე ვაჟთა ნაკრები სან მარინოში მიემგზავრება
ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ
ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა
"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
კვერნაძის 74 წუთი და "ფროზინონეს" მორიგი გამარჯვება
ქართველების "მეცი" "ნანტთან" ფრეს დასჯერდა
კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა
[VIDEOS] გულიაშვილმა ესპანეთში დუბლი შეასრულა
ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო
სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
[VIDEO] "ბარსელონა" "რეალს" 7 ქულით გაექცა
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა