- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
"მეტალურგის" მეტოქე "ირტიში" - მდიდარი, მაგრამ არასტაბილური
<p>როგორ ითვლიან ყაზახები ბიუჯეტს - რამდენი მილიონი გინდათ? <br> ევროპის ლიგაზე პოლონეთის ჩემპიონატის მესამეადგილოსან "იაგელონიასთან" სტუმრად წაგებული 0:1-ის შემდეგ ყაზახურმა პავლოდარის "ირტიშმა" შინ 2:0 მოიგო და რუსთავის "მეტალურგთან" 14 და 21 ივლისს შეხვედრები დაიბევა.</p><p>პოლონელებთან "ირტიშმა" მამუტუ კულიბალისა და გლებ მალცევის გოლებით გაიმარჯვა. ყაზახური ინტერნეტგაზეთი "სპორტს"-ი წერს, რომ პავლოდარელთა მთავარმა მწვრთნელმა ტალგატ ბაისუფინოვმა შემადგენლობა არ შეცვალა. "იაგელონიასთან" მოედნის ცენტრში კარგად ითამაშეს სერგეი ივანოვმა, კონსტანტინ ზარეჩნიმ, აგრეთვე სერბმა პრედრაგ გოვედარიცამ და ედუარდ სერგეენკომ.</p><p>როგორც ჩანს, პავლოდარელებს დაცვიდან შეტევაში სწრაფი გადასვლა ახასიათებთ, ყაზახური მედია წერს, პოლონელებს ამის წყალობით მოუგესო.</p><p>თუმცა, გოლი თამაშიდან რომ ვერ გაიტანეს, სტანდარტულების გამოყენებას შეეცადნენ: 37-ე წუთზე მცველმა კულიბალიმ კუთხურიდან ჩაწოდებულ ბურთს თავი დაახვედრა და ანგარიში გახსნა.</p><p>მეორე ტაიმში რამდენჯერმე სცადეს კარის აღება შორეული დარტყმებით ზარეჩნიმ, ალექსანდრ დანაევმა, მალცევმა.</p><p>საინტერესო დეტალი რუსთაველებისთვის - მათი მეტოქე საკმაოდ აგრესიული და ემოციებს ამყოლი გუნდია - 1:0-სას, როცა ეს ანგარიში ხელს არ აძლევდათ, ყაზახები პოლონელებს ხშირად ეკამათებოდნენ და სასურველი შედეგის მიღწევას ყველანაირად ცდილობდნენ, გოლი კი მალცევმა კონტრშეტევაზე გაიტანა.</p><p>აღსანიშნავია ისიც, რომ შეტევით გართული ირტიშელები ზურგს, ანუ დაცვას ხშირად აშიშვლებდნენ, მაგრამ პოლონელებმა რამდენიმე რეალური საგოლე მომენტი ვერ გამოიყენეს .</p><p><strong>მე ადრე "ტრაქტორი" ვიყავი</strong></p><p>გუნდი 1965 წელს დაარსდა და მაშინაც "ირტიში" ერქვა, მაგრამ 1968 წლიდან "კეთილხმოვან" "ტრაქტორად" გადანათლეს და 1992 წლამდე საბჭოთა კავშირის მეორე ლიგაში ამ სახელით ასპარეზობდა, 1993-95 წლებში "ანსატი" დაარქვეს, ძველი სახელი "ირტიში" კი 1996 წელს დაუბრუნეს.</p><p>საბჭოთა კავშირის "ბ" კლასში 6 სეზონი ჩაატარა, მეორე ლიგაში - 18, პირველში - 2. სულ საბჭოთა პერიოდში 952 მატჩიდან 454 მოიგო, 206 ფრედ დაასრულა და 292 წააგო, ბურთების შეფარდება - 1931-928.</p><p>ყაზახეთის ჩემპიონატის ხუთგზის გამარჯვებული (1993, 1997, 1999, 2002, 2003), სამგზის ვერცხლის (1994, 1996, 2004), ოთხჯერ ბრინჯაოს მედლების (1992, 1998 , 2000, 2008) მფლობელი. 2008 წელს მოიპოვა ყაზახეთის თასი.</p><p>"ირტიში" პავლოდარის ცენტრალურ სტადიონზე თამაშობს, რომელიც 12 ათასამდე მაყურებელს იტევს. გუნდი დღესაც რუსული ფეხბურთის მიმდევარია.</p><p>ევროთასებზე მესამედ ასპარეზობს - 2003-04 წლების ჩემპიონთა ლიგის პირველ საკვალიფიკაციო ეტაპზე კვიპროსულ "ომონიასთან" დამარცხდა (0:0, 1:2), 2009-10 სეზონში - ევროპის ლიგაზე უნგრულ "ჰალადაშთან" (0:1, 2:1). შემდეგ ეტაპზე გასვლა მხოლოდ წლეულს, "იაგელონიასთან" მოგებით (0:1, 2:0) მოახერხა.</p><p><strong>დაჩაგრული ლორია და ისევ ის ტლეშევი</strong></p><p>გუნდის მეკარე წარმოშობით ქართველი, ყაზახეთის ნაკრების ყოფილი წევრი დავით ლორიაა. ის ნაკრებიდან მამის, ყარაღანდის "შახტიორის" პრეზიდენტ გრგოლ ლორიას ფეხბურთის ფედერაციასთან დაპირისპირების გამო მოკვეთეს. ლორიას ამჟამად აქილევსის მყესი აქვს დაზიანებული და გერმანიაში მკურნალობს, მან ვერც პოლონელებთან ითამაშა და "ირტიშს" ვერც ქართველებთან დაეხმარება. მის ნაცვლად მეორე მეკარე ანტონ ტიშინი თამაშობს.</p><p>გუნდში 6 ლეგიონერია - მალელი მცველი მამუტუ კულიბალი, სერბი ნახევარმცველები მარკო ბლაჟიჩი, პრედრაგ გოვედარიცა, მილან ნიკოლიჩი, ბულგარელი ფორვარდი გიორგი დასკალოვი და ბრაზილიელი რობერტო. თუმცა ამ უკანასკნელსა და ბლაჟიჩს წლეულს ერთი მატჩიც არ ჩაუტარებიათ.</p><p>პავლოდარულ გუნდშია მურატ ტლეშევი, რომელმაც რუსთავში წინა ევროსეზონშიც ითამაშა - მაშინ ის მეორე ყაზახური კლუბის, "აქტობეს" ღირსებას იცავდა.</p><p>ტლეშევი "ირტიშში" ორჯერ გახდა ყაზახეთის ჩემპიონატის ბომბარდირი - 2005 და 2008 წლებში. თუმცა 31 წლის ტლეშევის კარიერაში უკვე დაღმავალი პერიოდია - წლეულს პავლოდარელებმა 18 მატჩში მხოლოდ 8-ჯერ ათამაშეს და ერთხელაც ვერ გაიტანა. მთავარი დამრტყმელი ძალა კი 29 წლის ბულგარელი დასკალოვია, რომელმაც 17 მატჩში 6-ჯერ გაიტანა. შედარებით შედეგიანად თამაშობენ ადგილობრივი გლებ მალცევი (16 მატჩი, 4 გოლი), პაველ შაბალინი (10 მატჩი, 3 გოლი), შედეგიანია ნახევარმცველი გოვედარიცაც (16 მატჩი, 3 გოლი).</p><p><strong>უმდიდრესი სპონსორის მიუხედავად</strong></p><p>შარშან გუნდის ბიუჯეტი დაახლოებით 25 მილიონი დოლარი იყო, მთავარმა მწვრთნელმა ტალგატ ბაისუფინოვმა კი განაცხადა, რომ 2011 წელს კლუბს დაფინანსება გაეზარდა. ან რა გასაკვირია - "ირტიშის" პრეზიდენტი პავლოდარის ოლქის აკიმის (ანუ გუბერნატორის) მოადგილე რომან სკლიარია, ეს მხარე საქართველოზე ორჯერ დიდია, მაგრამ სულ რაღაც 748 ათასი მოსახლეა, ციმბირს ესაზღვრება და ცუდი კლიმატითაა ცნობილი, მაგრამ ბუნებრივი რესურსებით უმდიდრეს ყაზახეთშიც კი ერთ-ერთი გამორჩეულია - იქ მოიპოვებენ ოქროს, ვერცხლს, ქვანახშირს, სხვა ფერად ლითონს...</p><p>"ირტიშს" უმსხვილესი და უმდიდრესი დამფინანსებელი ჰყავს - "ევრაზიის ბუნებრივი რესურსების კორპორაცია", რომელიც მინერალური რესურსების მოპოვება-გადამუშავებაში მსოფლიოში ერთ-ერთი მოწინავე კომპანიაა, ფლობს რამდენიმე დიდ საწარმოს, მათ შორის, ენერგეტიკულს და ლოჯისტიკურს. 2010 წელს კომპანიის საქონელბრუნვა 6,605 მილიარდ დოლარს შეადგენდა, წმინდა მოგება კი - 2,197 მილიარდ დოლარს.</p><p>ასეთი მდიდარი პატრონისა და სოლიდური დაფინანსების მიუხედავად, უმდიდრესი კლუბი ყაზახეთის 12-გუნდიან პრემიერლიგაში 27 ქულით (8 მოგება, 3 ფრე, 7 წაგება, ბურთები 29-12) მეოთხეადგილოსან ყარაღანდის "შახტიორს" 9 ქულით ჩამორჩება, მეხუთე-მეექვსე ადგილებს იყოფს "ტობოლთან", მეშვიდეადგილოსან "ორდაბასის" კი ქულით უსწრებს, ბოლო ხუთ მატჩში სამჯერ დამარცხდა, თითო-თითოჯერ კი ფრეს და გამარჯვებას მიაღწია. მოკლედ, წლეულს კლუბი დამაჯერებლად ვერ თამაშობს.</p><p><strong>უფრო იოლი მეტოქე გვყავსო</strong></p><p>"ირტიშის" სერბმა ნახევარმცველმა მილან ნიკოლიჩმა ასე ახსნა საკმაოდ ძლიერ პოლონურ გუნდთან გამარჯვება:"პოლონელები ფიზიკურად სასურველ კონდინციებში ჯერ არც იყვნენ., სეზონი არ დაუწყიათ და, შესაძლოა, ეს იყო მიზეზი. ფაქტია, რომ ამ ეტაპზე ჩვენ უფრო ძლიერები აღმოვჩნდით."</p><p>მან კომენტარი რუსთავის "მეტალურგთან" მომავალ მატჩზეც გააკეთა. კითხვა ასეთი იყო:" რუსთავის "მეტალურგთან" მატჩები გელით, რომელიც, ალბათ, "იაგელონიაზე" უფრო იოლი მეტოქეა".</p><p>"ქართულ ფეხბურთზე, ფაქტობრივად, არაფერი ვიცი. კარგია, რომ პირველ მატჩს სტუმრად ვატარებთ. განმეორებითში მე-12 მოთამაშე, ჩვენი გულშემატკივარი დაგვეხმარება. გამარჯვების უნდა გვჯეროდეს. მხოლოდ ასეთ შემთხვევაში აქვს აზრი იმას, რომელი ქვეყნის გუნდს ვხვდებით - პოლონეთის თუ საქართველოს".</p><p><strong>ყოველდღიური სპორტული გაზეთი "ლელო"</strong></p>
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ