ავადმყოფიც მაგარია

მძლეოსნობა. "ბრილიანტის ლიგა" პარიზში "ბრილიანტის ლიგის" მერვე ეტაპი გაიმართა. ეს ტურნირი ამ კომერციული სერიის შექმნამდეც პოპულარული იყო, ასე რომ, პლანეტის საუკეთესო მძლეოსნები "სტად დე ფრანსზე" პირველად არ შეკრებილან.ამჯერად, პარიზელებს მსოფლიოს უსწრაფესი ადამიანის უსაინ ბოლტის ხილვის საშუალება მიეცათ, რომლისთვისაც 200-მეტრიან დისტანციაზე კონკურენცია უნდა გაეწია ფრანგების მთავარ იმედს კრისტოფ ლემეტრს. მართალია, ეს უკანასკნელი თანდათან პროგრესირებს, მაგრამ ჯერ ბევრი უკლია ბოლტამდე, რაც ამჯერადაც გამოჩნდა სარბენ ბილიკზე.სხვათა შორის, იამაიკელი ავადმყოფობის გამო ერთი პირობა სტარტზე გასვლას არ აპირებდა, მაგრამ მაყურებელი არ გააწბილა და სწორადაც მოიქცა - უსაინი პირველი მივიდა ფინიშთან. ვირაჟის შემდეგ ბოლტი დამაჯერებლად ლიდერობდა, მაგრამ ბოლო 50 მეტრზე ლემეტრი გამოეწია, თუმცა სენსაციაზე ლაპარაკიც არ ყოფილა. არაჯანმრთელმა უსაინმა 20,03 წამი აჩვენა, ევროპული სპრინტის ლიდერი კი 18 მეასედით ჩამორჩა.საინტერესო და თანაბარი დუელი გამოვიდა მამაკაცთა ბარიერულ სპრინტში. მეზობელ ბილიკებზე იდგნენ დაირონ რობლესი და დევიდ ოლივერი. წელს ორივენი მაღალ შედეგებს აჩვენებენ, ამიტომაც ფავორიტის დასახელება რთული იყო. სტარტი უკეთ კუბელს გამოუვიდა, მაგრამ თანდათან დევიდი დაეწია მეტოქეს. ოლივერი გაუთანაბრდა რობლესს და წინაც გავიდა, თუმცა რობლესმა უკეთ "ჩაყვინთა" ფინიშზე და წამის მეასედზე ნაკლები მოიგო.პარიზში სეზონის ოთხი საუკეთესო შედეგი დაფიქსირდა. კუბელ იარგელის სავინიეს სამხტომში მხოლოდ სანტიმეტრი არ ეყო 15 მეტრამდე. შუბის ტყორცნაში ტრადიციული ბრძოლა გაიმართა მარია აბაკუმოვას, ბარბორა შპოტაკოვასა და კრისტინა ობრეგფოლს შორის. გერმანელმა პირველივე ცდიდან 68.01 მეტრი აჩვენა, რაც სეზონის ახალი ორიენტირია. მსოფლიოს რეკორდსმენი შპოტაკოვა ამჯერად მეორე ადგილზე გავიდა. ასევე წლის საუკეთესო შედეგი დაფიქსირდა 400 მეტრზე თარჯრბენში ქალებს შორის - მისი ავტორი იყო ჩეხი სიუზანა ჰეინოვა (53,29) გახდა, რომელმაც პარალელურად ეროვნული რეკორდიც განაახლა. ასევე სეზონის საუკეთესო დრო აჩვენა 5 ათას მეტრზე სირბილში მეზერეტ დეფარმა.ადგილობრივი გულშემატკივრები გაახარა რენო ლავილენიემ. ფრანგმა პრაქტიკულად ერთი ნახტომით მოიგო ჭოკით ხტომაში შეჯიბრი. მან ტურნირი 5,63 მეტრით დაიწყო და ეს სიმაღლე პირველივე ცდაზე გადალახა. მხოლოდ ორმა მხტომელმა შეძლო იგივე, მაგრამ ამისთვის უფრო მეტი ცდა დასჭირდათ. რენომ კი ბოლოს 5,73 მეტრიც დაძლია.სიგრძეზე ხტომაში ბრიტანეთის ახალი რეკორდი (8,35 მეტრი) დაამყარა კრისტოფერ ტომლისონმა, თუმცა ეს მხოლოდ მეორე ადგილზე გასასვლელად აღმოჩნდა საკმარისი. ბრიტანელზე ხუთი სანტიმეტრით გრძელი ნახტომი შეასრულა ირვინგ სალადინომ, რომელიც თანდათან კრეფს ფორმას მსოფლიოს ჩემპიონატისთვის.უნდა აღინიშნოს ჯერემი უორინერის კრახი, რომელიც თავის საყვარელ დისტანციაზე - 400 მეტრზე სამეულშიც ვერ მოხვდა. გამარჯვებული გახდა კრის ბრაუნი, თუმცა ჯერემი მაინც რჩება ამ დისციპლინაში "ბრილიანტის ლიგის" ლიდერად. ცნობილი ამპუტანტი ათლეტი ოსკარ პისტორიუსი უორინერის შემდეგ მეხუთე პოზიციაზე აღმოჩნდა.ქალების სპრინტში კელი-ენ ბაპტისტმა მოულოდნელად გაუსწრო ვერონიკა კემპბელ-ბრაუნს. 800 მეტრზე სირბილში სკანდალურად ცნობილმა კასტერ სემენიამ გაიმარჯვა. აგვისტოში მას მსოფლიოს ჩემპიონის ტიტულის დაცვა მოუწევს და როგორც ჩანს, სამხრეთ აფრიკელი იმ დროისთვის ფორმაში იქნება.VIII ეტაპი. პარიზიკაცები200 მ. 1. უსაინ ბოლტი (იამ) - 20,03; 2. კრისტოფ ლემეტრი (საფ) - 20,21; 3. დარვის პატონი (აშშ) - 20,59; 110 მ/თარჯრბენი. 1. დაირონ რობლესი (კუბ) - 13,09; 2. დევიდ ოლივერი (აშშ) - 13,09; 3. დუაიტ ტომასი (იამ) - 13,18; სიმაღლეზე ხტომა. 1. იაროსლავ ბაბა (ჩეხ) - 2,32; 1. ალექსეი დმიტრიკი (რუს) - 2,32; 3. ივან უხოვი (რუს) - 2,30; სიგრძეზე ხტომა. 1. ირვინგ სალადინო (პან) - 8,40; 2. კრის ტომლისონი (ბრიტ) - 8,35; 3. გრეგ რუტერფორდი (ბრიტ) - 8,27.ქალები400 მ/თარჯრბენი. 1. სუიზანა ჰეინოვა (ჩეხ) - 53,29; 2. კალის სპენსერი (იამ) - 53,45; 3. ნატალია ანტიუხი (რუს) - 54,41; 800 მ. 1. კასტერ სემენია (ს. აფრ) - 2.00,18; 2. ჰალიმა ჰაჩლაფი (მარ) - 2.00,60; 3. ჯენიფერ მედოუსი (ბრიტ) - 2.00,74; სამხტომი. 1. იარელის სავინიე (კუბ) - 14,99; 2. ოლგა სალადუხა (უკრ) - 14,81; 3. ოლგა რიპაკოვა (ყაზ) - 14,48; შუბის ტყორცნა. 1. კრისტინა ობერგფოლი (გერ) - 68,01; 2. ბარბარა შპოტაკოვა (ჩეხ) - 67,57; 3. მარია აბაკუმოვა (რუს) - 65,12.ყოველდღიური სპორტული გაზეთი "ლელო"

"სასქესო ორგანო გაჩვენოთ?" - ოლიმპიური ჩემპიონის სქესში ეჭვი შეიტანეს [PHOTO]

ვიქტორ სანეევის სახელობის ღია პირველობა

"თავმდაბლობას არ დავიწყებ, ვიცი, რომ წელსაც მეკუთვნოდა..." - ინტერვიუ ლაშა ტალახაძესთან

იმედები ვერ გაამართლა - "ატლეტიკო" სორლოტის გაყიდვას ეცდება

დეკემბერში პსჟ-ს საუკეთესო ფეხბურთელად საფონოვი დაასახელეს

"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის

"რა კრიზისზე საუბრობთ? მათ ხომ კონტე ჰყავთ" - კაპელომ "ნაპოლიზე" ისაუბრა

ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის

უარი "ჩელსის, "ლივერპულსა" და "მანჩესტერ იუნაიტედს" - სემენიომ არჩევანი სხვა ინგლისურ გრანდზე შეაჩერა

[VIDEO] ახალწვეული კუპერ ფლეგისა და ენტონი დევისის ბრწყინვალე მატჩი - "დალასმა" ნიკოლა იოკიჩის "დენვერი" დაამარცხა

[VIDEO] მამუკელაშვილის 4 სამქულიანი და კარგი მატჩი - სანდრომ "ტორონტოს" ძირითად შემადგენლობაში ითამაშა

დასაევი: საფონოვი რა, ასეთი დიადია?

სანდრო ალთუნაშვილი "ჰაპოელის" ფეხბურთელი გახდა

ოფიციალურად - "ლიონმა" "რეალისგან" ენდრიკი ინათხოვრა

სპორტის სამინისტრომ 2025 წლის საუკეთესო სპორტსმენები დაასახელა

პსჟ-ს ტრავმის გამო შემტევი გამოაკლდა

ლევან კობიაშვილმა ფიფას კომიტეტის სხდომას უხელმძღვანელა

ტიკნიზიანი: სომხეთის დედაქალაქი მაიამია - ყოველ სომეხს აშშ-ს პასპორტი უნდა ჰქონდეს

პსჟ-ს და კვარაცხელიას უნიკალური მიღწევა - ამითაა ლუის ენრიკეს გუნდი გამორჩეული

18-წლამდელთა ნაკრები გიორგი ნემსაძემ ჩაიბარა

წლის საუკეთესო მებრძოლი - პოპულარულმა MMAJunkie-მ და ESPN-მა მერაბ დვალიშვილი აღიარეს

მეინუს აღარ გაუშვებენ - "მანჩესტერ იუნაიტედი" თავის აღზრდილს მინიმუმ ზაფხულამდე დაიტოვებს

"ბარსელონა" დაცვას გააძლიერებს - რა გეგმები აქვთ კატალონიელებს ზამთრის სატრანსფერო ფანჯარაზე