<p>ესპანელი უკვე რომშია, არგენტინელი სამიზნეში <br> ზაფხული არ გავა, რომ დანიელე დე როსის “რომადან” შესაძლო აბარგების შესახებ ცნობები არ გავრცელდეს და გამონაკლისი არც მიმდინარე სატრანსფერო პერიოდია. მით უმეტეს, დანიელეს კლუბთან მომდევნო წელს უმთავრდება ხელშეკრულების ვადა და ჯერჯერობით, მისი გახანგრძლივება არა და არ მოხერხდა.</p><p>მოკლედ, ჟურნალისტებმა მშვენიერი საბაბი მიიღეს საიმისოდ, რომ ერთი ამბავი ატეხონ და დე როსის მომავალი სხვადასხვა გუნდებს დაუკავშირონ. ამ შემთხვევაში, წინა პლანზე “ჩელსის” ვარიანტმა წამოიწია, სადაც თურმე ნახევარდაცვის გაძლიერებას ეშურებიან და თვალი იტალიის ნაკრების შუახაზელზე დაუდგამთ. ამ საკითხზე “რომას” სპორტულმა დირექტორმა ვალტერ საბატინიმ ისაუბრა:</p><p>“დე როსის გასხვისებას ნამდვილად არ ვაპირებთ და გავრცელებული ინფორმაციები სრული სისულელეა. ვერ ვხედავ ლოგიკას იმაში, რომ ერთ-ერთი წამყვანი ფეხბურთელი გავასხვისოთ და შემდეგ, ხავიერ პასტორეში 50 მილიონი ევრო გადავიხადოთ - ასე მთელ ბიუჯეტს გავხარჯავთ და რეალურად, გუნდი არ გაძლიერდება. ამიტომ, ჩვენი მიზანია, რომ ყველა წამყვანი ფეხბურთელი შევინარჩუნოთ და რამდენიმე უმაღლესი კლასის მოთამაშე დავიმატოთ”.</p><p>როგორც ჩანს, არნე რიისე წამყვან ფეხბურთელთა რიცხვში არ გახლავთ, რადგან პრაქტიკულად გადაწყვეტილი ამბავია, რომ ნორვეგიელი უკანახაზელი კარიერას ინგლისურ “ფულჰემში” გააგრძელებს. ამაზე ისიც მოწმობს, რომ უახლოეს დღეებში “ჯალოროსის” მესვეურები ხოსე ანხელთან გააფორმებენ ხელშეკრულებას. 21 წლის ესპანელი მცველი ხიხონის “სპორტინგის” აღზრდილია, ბოლო სამი სეზონი ამ გუნდში გაატარა, 59 შეხვედრაში მიიღო მონაწილეობა და 1 გოლიც გაიტანა. ანხელი ლუის ენრიკეს ფავორიტი მოთამაშეა და სწორედ მისი უშუალო ინიციატივით მოება თავი ამ ტრანსფერს. ესპანელი უკვე იტალიის დედაქალაქშია, სამედიცინო შემოწმებას გადის და ხვალ-ზეგ ხუთწლიან ხელშეკრულებასაც გააფორმებს. ჟურნალისტთა ცნობით, ანხელი სეზონში 700 000 ევროს მიიღებს.</p><p>“რომასთან” დაკვშირებით კიდევ ერთი საინტერესო ინფორმაცია ვრცელდება, რომლის მიხედვითაც კლუბის მესვეურები პაბლო საბალეტას გადაბირებით არიან დაინტერესებულნი. 26 წლის არგენტინელი ნახევარმცველი უკვე სამი სეზონია, რაც ‘მანჩესტერ სიტის” ღირსებას იცავს და ეროვნულ ნაკრებშიც სტაბილურად ასპარეზობს. საბალეტას შესაძლო გადაბირების საკითხზე საბატინის შემდეგი მოსაზრება აქვს:</p><p>“პაბლოს დიდი ხანია ვაკვირდებით და უკვე თამამად შემიძლია ვთქვა, რომ მისი გადაბირების საკითხი დრის წესრიგში დგას. ფეხბურთელი ამჟამად კოპა ამერიკაზე ასპარეზობს და მასთან მოლაპარაკების წარმოება შეუძლებელია - საკითხი კი სწორედ ისე დგას, რომ მოთამაშეს უნდა შევუთანხმდეთ, რადგან “მანჩესტერ სიტის” მესვეურები არგენტინელთან განშორების წინააღმდეგნი არ არიან. საბალეტა უნივერსალური ტვისებებით დაჯილდოვებული ფეხბურთელია, ნახევარდაცვაშიც შეუძლია თამაში და დაცვაშიც - ამიტომ, მისი გადაბირებისთვის ძალღონეს არ დავიშურებთ”.</p><p><strong>ყოველდღიური სპორტული გაზეთი "ლელო"</strong></p>
55-ე წუთიდან კაცნაკლულმა "მილანმა" "ნაპოლის" მოუგო
პოლიტანომ "ნაპოლისთან" კონტრაქტი გაახანგრძლივა
"ნაპოლიმ" ისევ მოიგო და ერთპიროვნული ლიდერია
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ