"ლიონის" მძიმე მდგომარეობა

გუნდის ექიმები მუხლჩაუხრელად მუშაობენ - ტრავმირებულთა სიაში ბრაზილიელმა თავდამსხმელმა ედერსონმაც გადაინაცვლა “ლიონი” სეზონის მოსამზადებელ ეტაპზე ძალზე რთულ სიტუაციაში ჩავარდა. გუშინ ტრავმირებულთა სიაში ბრაზილიელმა თავდამსხმელმა ედერსონმაც გადაინაცვლა. როგორც ლიგა 1-ის ოფიციალური საიტი იუწყება, ფეხბურთელმა მუხლის დაზიანება “ლიონისა” და “გენკის” საკონტროლო შეხვედრაში მიიღო (3:1 ბელგიელთა სასარგებლოდ).ექიმების წინასწარი ვარაუდით, 25 წლის სამხრეთამერიკელს ფეხბურთის მიღმა ცხოვრება მინიმუმ სამი თვით მოუწევს. აღსანიშნავია, რომ ედერსონს ჯანმრთელობის პრობლემები შარშანაც აწუხებდა (მუხლის მყესები ჰქონდა გაწყვეტილი), რის გამოც შარშანდელი სეზონის ნახევარზე მეტი გამოტოვა. მაშინ მან ტრავმა ბრაზილიისა და აშშ-ის ნაკრებების მატჩში მიიღო.ასევე გაურკვეველია, თუ რა ხდება “ლომების” ლიდერის იოან გურკუფის თავს. ის ტრავმირებულ კოჭს მკურნალობს და მინდორს როდის დაუბრუნდება, ამის თქმა ნაადრევია. “საერთო ჯამში კმაყოფილი ვარ იმით, თუ როგორ მიდის ჩემი გამოჯანმრთელების პროცესი. უკეთესობის მიუხედავად, რა იქნება მომავალში, ჯერ ამას ვერ გეტყვით. პრობლემის გადასაწყვეტად აქტიურად მუშაობს ჩვენი სამედიცინო შტაბი,” - განუცხადა 25 წლის ნახევარმცველმა “ეკიპს”.ედერსონისა და გურკუფის გარდა ექიმების მეთვალყურეობის ქვეშაა “ლიონის” კიდევ ერთი წამყვანი ფეხბურთელი მირალემ პიანიჩიც. 21 წლის ბოსნიელმა ბარძაყის დაზიანება ერთ-ერთ პირველივე ვარჯიშზე მიიღო და მას მერე მინდორს აღარ გაკარებია. ექიმები ამბობენ, რომ მირალემს 2-3 კვირაში შეეძლება თამაში. შეგახსენებთ, რომ “ლიონი” ლიგა 1-ის მარათონს 6 აგვისტოს “ნიცასთან” გასვლითი შეხვედრით იწყებს.კლუბის აღმასრულებელმა დირექტორმა ბერნარ ლაკომბმა პრესას განუცხადა, რომ ისინი არ აპირებენ ხმაურიანი ტრანსფერების განხორციელებას, თუმცა ერთი-ორი სერიოზული ფეხბურთელის გადაბირება გამორიცხული არ არისო. ერთი სატრანსფერო გეგმის შესახებ უკვე გახდა ცნობილი. ფრანგებს კიევის “დინამოდან” პაპე დიაკატეს დაბრუნება სურთ. შეგახსენებთ, რომ სენეგალელი შარშან ფრანგულ გრანდში იჯარით თამაშობდა. უკრაინელები პაპეს ტრანსფერში 6 მილიონ ევროს ითხოვენ. სავარაუდოდ გარიგება მხარეთა შორის მალე დაიდება. არც თავად აფრიკელი მცველი მალავს, რომ “ლიონში” დაბრუნების დიდი სურვილი აქვს. არადა იური სიომინის ხელში ის ძირითადი შემადგენლობის წევრად იქცა.ყოველდღიური სპორტული გაზეთი "ლელო"

უჭირს - ფრანგული მედია ზაბარნის თამაშს უარყოფითად აფასებს

პსჟ-ს აკრიტიკებენ - ლუის ენრიკე დაცვის თამაშით უკმაყოფილოა

პსჟ მძიმე სიტუაციაშია - კიდევ სამი წამყვანი ფეხბურთელი გამოაკლდა

კომისარ-მსაჯები განაწილდნენ: რატიშვილი სკოპიეში, თვაური და შალამბერიძე – ბაქოში

საქართველო 10:1 ესტონეთი

"ბორჯღალოსნები" | ნამატით კანადასთან

[VIDEO] ...ასე გამოუვიდა კიტეიშვილს საგოლე პასი

"ვან დეიკის გოლი უნდა ჩათვლილიყო" - რუნი მსაჯების გადაწყვეტილებას არ ეთანხმება

მეორე ვადით - "ბენფიკას" პრეზიდენტად კვლავ რუი კოშტა აირჩიეს

კონტეს "ნაპოლიდან" უშვებენ? - დღევანდელი შეხვედრის შემდეგ ბევრი რამ გადაწყდება

"ბარსელონას" მთავარი მწვრთნელი გაათავისუფლეს - შენგელიას გუნდი "ზენიტის" ყოფილ თავკაცს დაუკავშირდა

იურიჩს მოხსნას უპირებენ - "ატალანტას" სეზონის ძალიან ცუდი სტარტი გამოუვიდა

[VIDEO] ასეთ რამეს ხშირად ვერ ნახავ - თოვლით დაფარულ მოედანზე ულამაზესი გოლი გავიდა

"სევილია" შესაძლოა, მალე გაიყიდოს - ახალ მფლობელებს კლუბში დიდი ვალი დახვდებათ

ტენ ჰაგი პრემიერ ლიგაში არ დაბრუნდება - ვულვზმა მწვრთნელად სხვა დამრიგებელი აირჩია

[VIDEO] ბითაძის 3 დაფარება 14 წუთში - "ორლანდო მეჯიქი" "ბოსტონ სელტიქსთან" დამარცხდა

[VIDEO] ლუკა გაგნიძის მეორე საგოლე პასი ესპანეთში

საქართველო 5:0 ესტონეთი

ბურჯანაძის "გრანადამ" ლიდერი "ვალენსია" დაამარცხა, შენგელიას "ბარსა" კი "ხირონასთან" დამარცხდა

როგორი შეფასებები მიიღეს პსჟ-ს ფეხბურთელებმა "ლიონთან" მატჩში?

[VIDEO] პირველი გოლი ლიგა 1-ის ახალ სეზონში - "კვარამ" "ლიონს" გაუტანა

კიტეიშვილის მაღალი შეფასებები და "შტურმის" ფრე "ზალცბურგთან"

"ლიონთან" მატჩში პსჟ-ს შემადგენლობა ცნობილია