უეფა მკაცრი და შეუვალია - "ზესტაფონი" შინ ვერ ითამაშებს

უეფამ "დავით აბაშიძეზე" დაცვის სამსახურის ცუდად მუშაობა და სტადიონზე უბილეთო გულშემატკივართა ყოფნა არ გვაპატია გუშინ ფეხბურთის ფედერაციის პრესსამსახურმა გაავცელა ინფორმაცია, რომელიც ჩვენი ფეხბურთის ქომაგებს გულს დასწყვეტს - უეფადან მიღებული წერილით საბოლოოდ გადაგვეწურა იმედი, რომ "ზესტაფონი" ჩემპიონთა ლიგის მესამე საკვალიფიკაციო ეტაპზე მეტოქეს დავით აბაშიძის სახელობის არენაზე უმასპინძლებდა.მოგეხსენებათ, ეს უფლება უეფამ "ზესტაფონს" "დაჩიასთან" შეხვედრისას დაფიქსირებული უწესრიგობების გამო ჩამოართვა. გულშემატკივრები იმედოვნებდნენ, რომ ევროფეხბურთის მამები გადაწყვეტილებას შეცვლიდნენ, მაგრამ ასე არ მოხდა - უეფა შეუვალი აღმოჩნდა და სტადიონის დაცვის უყურადღებობა დაუსჯელი არ დატოვა. როგორც ცნობილია, დაცვამ სტადიონზე ხალხის უბილეთოდ შესვლაზე თვალი დახუჭა, სამაგიეროდ, ამ ყველაფერს იღებდა და აფიქსირებდა უეფას დელეგატი და მომხდარი "სადაც ჯერ არს" აცნობა."საქართველოს ფეხბურთის ფედერაციამ კლუბს უეფასთან საგანგებო წერილით უშუამდგომლა, რომლითაც "ზესტაფონისთვის" საშინაო არენაზე თამაშის უფლებას სთხოვდა. წერილს ერთვოდა იმერეთის სამხარეო ადმინისტრაციისა და კლუბის თხოვნა.სამწუხაროდ, უეფამ ქართული მხარის თხოვნა არ დააკმაყოფილა და ჩემპიონთა ლიგის საკვალიფიკაციო ეტაპის მომდევნო მატჩს "ზესტაფონი" თბილისში, "ბორის პაიჭაძეზე" ითამაშებს.უეფას წერილში ნათქვამია, რომ ზესტაფონის სტადიონზე დაცვის სამსახურის მუშაობა ძალიან დაბალ დონეზეა და, მიუხედავად იმისა, რომ შარშან კლუბს მიეცა უფლება, მესამე საკვალიფიკაციო ეტაპის მატჩი ლვოვის "კარპატისთან" საკუთარ არენაზე ეთამაშა, წლეულს უეფა ამ დათმობაზე არ წავა", - იუწყება საქართველოს ფეხბურთის ფედერაცია.მოხმობილია უეფას წერილის ფრაგმენტი: "ჩვენ ვეღარ დავუშვებთ უეფას ეგიდით გასამართი მატჩების "დავით აბაშიძეზე" ჩატარებას".წერილს ხელს აწერს უეფას კლუბების საშეჯიბრო კომიტეტის მენეჯერი კეიტ დალტონი, რომელიც იმედს გამოთქვამს, რომ თუ მომავალი წლისთვის "ზესტაფონი" ევროთასებზე ასპარეზობის უფლებას მოიპოვებს, მისი სტადიონი წესრიგში იქნება და სრულად დააკმაყოფილებს უეფას მოთხოვნებს.ძალიან სამწუხარო, მაგრამ ჭკუისსასწავლი ამბავია ქართული გუნდებისა თუ ნაკრების იმ გულშემატკივრებისთვის, რომლებიც ჭოკით მხტომელებივით გადაევლებიან ხოლმე სტადიონის მესერს და კლუბს და მთლიანად ქართულ ფეხბურთს მძიმე მდგომარეობაში ადგებენ.ყოველდღიური სპორტული გაზეთი "ლელო"

uzlevi

ა, შეხედეთ ამ სურათს, ღაზას სექტორის ღობეა აგი... პალესტინელებს უკნიდან ებრაელები მოსდევენ და ქე მოასკდნენ ამ ღობეს ეს საცოდავები. და რა ქნან ახლა, რაფრა უნდა დოუშალო გადმოძრომა?
levani

ვიზიარებ ამ ფაქტს მარა გპირდებით ზესტაფონელო ძმებო არ დავაკლებთ ქომაგობას თბილისში
სანდრო

ძალიან სამწუხაროა, რომ სტატიის ავტორი ისევ გულშემატკივარს აკრიტიკებს!!! გულშემატკივარი იმის გულშემატკივარია, რომ აქვს ამის ფული თუ არა, უნდა თავისი გუნდის თამაში ნახოს და მას უქომაგოს! საინტერესოა, როგორ უნდა მოეხერხებინათ ეს მათ, როცა ქვეყნის არცერთი ტელევიზია ჩემპიონის თამაშს არ აჩვენებდა? თუ ვინმეა აქ გასაკრიტიკებელი, ეს დაცვა ან პოლიციაა, რომელიც იმისთვის იღებს ხელფასს (დიდს თუ პატარას), რომ აკონტროლოს პერიმეტრი და მსგავსი შემთხვევები აღკვეთოს. ან თუნდაც ტელევიზია, რომელსაც "ბლანკოს ქვრივის" (ეს ისე პირობითად) ან თუნდაც "მოამბის" მყარად 8-ზე ჩვენება ურჩევნია, ვიდრე ქვეყნის ჩემპიონის თამაშის!!! ბოლოს, მინდა ვთქვა, რომ ერთი კამერით ნაჩვენები, მოლდავური ვებ-გვერდის სტრიმითაც ვნახე, რომ თურმე ქართველებს შეგვძლებია ევროპული სტილის ქომაგობა!!! სტადიონი ერთი წუთით არ გაჩუმებულა, ზესტაფონელები მღეროდნენ, სკანდირებდნენ და აკეთებდნენ ყველაფერს იმას რითაც გულშემატკივარი ფეხბურთს ალამაზებს! მე თბილისელი ვარ, და დინამოს გულშემატკივარი, მაგრამ მინდა ზესტაფონელებს ვუთხრა, რომ მათ წინა კვირას დაამტკიცეს - ზესტაფონი ქართული ფეხბურთის დედაქალაქი და ქომაგობის ეტალონია!!!

[VIDEO] ვინ ვის ურტყამდა რთულად გასარჩევი იყო - გუნდი-გუნდზე ჩხუბი ბრაზილიის ჩემპიონატში

თუ ითამაშებს ხვიჩა ნაკრებში და ვნახავთ იტალიას მუნდიალზე? - მარტის მთავარი ამბები

"სჯობდა საერთოდ არაფერი ეთქვა" - კომპანიმ მოურინიო გააკრიტიკა

პერესის რჩეული - "რეალი" ოლისეს სუპერ ტრანსფერისთვის ემზადება?

სპალეტის იმედი აღარ აქვს - კლუბი დევიდის წასვლას ხელს არ შეუშლის

ახალი კონტრაქტი "ჯენოასგან" - დე როსის მიწვევა სხვა იტალიურ კლუბებსაც სურთ

"ჩელსის" დიდი დანაკლისი პსჟ-ისთან მატჩის წინ - ლონდონელებს გუნდის კაპიტანი გამოაკლდათ

მე-17 ტურის ბოლო მატჩში "რუსთავმა" გურჯაანში "დელტა" დაამარცხა

VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...

დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე

საქართველოს ნაკრები რუმინეთთან ამხანაგურ მატჩს გამართავს

"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი

[VIDEO] კიდევ ეს უნდოდა? - იგორ ტუდორის კურიოზული ვიდეო სოციალურ ქსელში ვირუსულად ვრცელდება

ბათუმმა ზედიზედ მეოთხე გამარჯვება ორბთან იზეიმა

[VIDEO] პსჟ-მდე "ჩელსი" სახლში "ნიუკასლთან" დამარცხდა

[VIDEO] აკი პუტინი არ ვარო - ლაპორტა მესამედ გახდა "ბარსელონას" პრეზიდენტი და წაუცეკვა

[VIDEO] რეგრესი - საქართველოს ნაკრები რაგბი ევროპის ჩემპიონატის ფინალში პორტუგალიასთან დამარცხდა

VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...

[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა

[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა

[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა

VIDEO | ეროვნული ლიგა | იბერია 1999 0:0 დინამო (თბ). ნულები, რომელიც არ გვიკვირს

სუპერლიგის მე-17 ტური კსუ-ს, "ქუთაისის" და "ივერიონის" მოგებებით დაიწყო