გაბოროტებული "დაჩია"-"ზესტაფონი" 2:0

მოლდაველებმა მსაჯის საფინალო სასტვენის შემდეგ ყოველგვარ ზღვარს გადააჭარბეს და ქართველებს ფიზიკურადაც გაუსწორდნენ დაჩია-ზესტაფონი 2:020.07. კიშინიოვი. ზიმბრუ. 4 000 მაყურებელი1:0 პოპოვიჩი (22), 2:0 ორბუ (90. პენ.)დაჩია ზესტაფონი4-2-3-1 4-4-2გაიდუჩევიჩი რ. კვასხვაძედიმოვსკი თ. ღონღაძესოიოკარი გ. ონიანიილიესკუ ხიდეშელიმამა ელიავამიხაილოვი აფციაურიორბუ დაუშვილისოიოკარი ძარიატუმბაშევიჩი გრიგალაშვილიდედოვი დვალიპოპოვიჩი გელაშვილიმთ. მწვრთნელი მთ. მწვრთნელიი. დობროვოლსკი გ. გეგუჩაძედაჩია70. დედოვი - კრკოტიჩი77. ტუმბაშევიჩი - ნეჩაევი85. პოპოვიჩი - პავლოვისათადარიგოები: მოშნეაგა, ონიცა, ალომეროვიჩი, ბურშიჩიზესტაფონი69. დვალი - ალადაშვილი82. აფციაური - გორგიაშვილი86. ხიდეშელი - კობახიძესათადარიგოები: მამალაძე, ჭანკოტაძე, წინამძღვრიშვილი, ლომიაგაფრთხილება: ილიესკუ (50), ონიანი (90)გაძევება: ღონღაძე (65)არბიტრი: მ. იუგი (სლოვენია)გასაკვირი არ იყო, რომ კიშინიოვური მატჩი ზესტაფონურისგან კარდინალურად განსხვავებული გამოვიდა. ვერაფერს იტყვი, “დაჩიამ”, რომელსაც ურთულესი ამოცანა ჰქონდა გადასაჭრელი, ბევრი იბრძოლა და კონკრეტული შეხვედრა დამსახურებულადაც მოიგო, მაგრამ რა ვუყოთ იმ ფაქტს, რომ მასპინძლები მთელი დღე საზიზღრად იქცეოდნენ, მსაჯის საფინალო სასტვენის შემდეგ კი ყოველგვარ ზღვარს გადააჭარბეს და ქართველებს ფიზიკურადაც გაუსწორდნენ.საბედნიეროდ, ჩემპიონთა ლიგის მესამე საკვალიფიკაციო რაუნდში მაინც “ზესტაფონი” გავიდა, რომელმაც საკუთარ სტადიონზე დაამტკიცა, რომ “დაჩიაზე” უკეთესი გუნდია.ჩხუბის პერიპეტიებზე უფრო დაწვრილებით “ლელოს” ხვალინდელ ნომერში გიამბობთ, ვიდეოჩანაწერის ნახვამდე კი გია გეგუჩაძის სიტყვებს უნდა დავეყრდნოთ - “დაჩიას” თავკაცმა იგორ დობროვოლსკიმ ირაკლი ძარიას დაარტყა, რაც გუნდურ ჩხუბში გადაიზარდა.უსიამოვნო სიურპრიზი ზესტაფონელებს სტადიონზე მისვლისთანავე ელოდათ. მასპინძლებმა პირი უტეხეს და მოედნის მორწყვის დაპირება არ შეუსრულეს. მოლდოველთა ჩანაფიქრი გასაგები იყო - მშრალი მინდორი ფლანგური ჩაწოდებების მიმდევარი “დაჩიასთვის” უფრო ხელსაყრელი გახლდათ, ვიდრე “პირველ სართულზე” უკეთ მოთამაშე “ზესტაფონისთვის”.როგორც ჩანს, პირველ მატჩში წაგება მხოლოდ დავით გამეზარდაშვილისა და ლუჩიან დობრესთვის არ დაუბრალებიათ. დობროვოლსკიმ მხოლოდ ცენტრალურ მცველთა წყვილი კი არ შეცვალა, ზესტაფონურ შეხვედრასთან შედარებით “დაჩიას” ძირითად შემადგენლობაში ერთბაშად ხუთი ახალი ფეხბურთელი გაამწესა.პირველი ტაიმი მთლიანად მასპინძელთა უპირატესობით წარიმართა. აშკარა იყო, რომ დობროვოლსკიმ თავის ფეხბურთელებს მიზნად სწრაფი გოლის გატანა დაუსახა და მართალია, მოლდოვის ჩემპიონებს დაწინაურება ცოტა დაუგვიანდათ, მაგრამ გასახდელში 1:0-ით დამსახურებულად გავიდნენ. სხვა საქმეა, რომ გოლი ცოტა არ იყოს, საეჭვო ვითარებაში გაიტანეს. დმიტრი პოპოვიჩის მიერ დარტყმული ჯარიმა “ზესტაფონის” კარის ძელს მოხვდა, რის შემდეგაც როინ კვასხვაძემ თითქოს მდგომარეობა განმუხტა, მაგრამ...<img src="/media/images/new_photo/QARTULI/SOCCER/Clubs/zestafoni/dacia-zestafoni-03123.jpg" border="0" alt="Sportall.Ge" title="გაბოროტებული " 2:0="2:0" height="439" />გაზეთის ოპერატიულობიდან და იქიდან გამომდინარე, რომ მატჩის სატელევიზიო რეპორტაჟი არ გვინახავს, ამ მომენტის ვიდეოგამეორების ნახვა დროულად ვერ შევძელით და როცა ეპიზოდს ჟურნალისტებიცა და ქომაგებიც დეტალურად გავარჩევთ, დასკვნებიც მერე გამოვიტანოთ.“ზესტაფონი” საწყის 45 წუთში გოლს კიდევ რამდენიმეჯერ გადაურჩა. ყურადღების ცენტრში ყველაზე ხშირად “დაჩიას” ცენტრფორვარდი სლავენ სტეპანოვიჩი იყო, რომელმაც მიზანს ორჯერ მცირედით ააცილა, ერთხელ კი კვასხვაძეს ვერ აჯობა.საქართველოს ჩემპიონები ტაიმის ბოლოს გამოცოცხლდნენ, თუმცა მასპინძელთა საჯარიმოში ვერ შეაღწიეს. ყველაზე ინიციატივიანი შოთა გრიგალაშვილი იყო, რომელმაც ორჯერ შორეული დარტყმით სცადა გატანა, მაგრამ ორივეჯერ არაზუსტად დაარტყა.მეორე ტაიმი “ზესტაფონმა” მძლავრად დაიწყო, კომბინაციურად ათამაშდა და შეტევაშიც სცადა ბედი. მართალია, თორნიკე აფციაურის არაზუსტი დარტყმის გარდა, სხვას ვერაფერს გამოვრჩით, მაგრამ იქმნებოდა შთაბეჭდილება, რომ გეგუჩაძის გუნდი მომდევნო ეტაპის საგზურს აუღელვებლად მოიპოვებდა.თუმცა ასე არ მოხდა - 65-ე წუთზე სლოვენიელმა არბიტრმა მატეი იუგმა თემურ ღონღაძეს პირდაპირ წითელი ბარათი უჩვენა, არადა, “ზესტაფონის” მცველი ყვითელზე მეტს არ იმსახურებდა.თურმე, ჯერ სად ვიყავით - იუგმა ნამუსზე სულ მთლად აიღო ხელი და “დაჩიას” სასარგებლოდ არაერთი საეჭვო გადაწყვეტილება მიიღო. მასპინძელთა გაუთავებელ ჩაწოდებებს რამდენიმეჯერ მოჰყვა შემტევთა აშკარა სიმულაცია და ერთ-ერთი ასეთი თაღლითობის დროს მსაჯმა “ზესტაფონის” კარში პენალტი დანიშნა.<img src="/media/images/new_photo/QARTULI/SOCCER/Clubs/zestafoni/dacia zestafoni 021.jpg" border="0" alt="Sportall.Ge" title="გაბოროტებული " 2:0="2:0" height="525" />მეორე გოლი დამატებულ დროში მივიღეთ, მაგრამ მღელვარების მიზეზი მაინც გვქონდა - კაცმა არ იცოდა, კიდევ რა მოუვიდოდა იუგს თავში. საბედნიეროდ, საამისო მომენტის პოვნა მან ვეღარ მოასწრო და არცთუ საუკეთესო მატჩის ჩამტარებელმა, მაგრამ გვარიანად ნაბრძოლ-ნაგვემმა “ზესტაფონმა” მოლდოვური ბარიერი გადალახა.ბოლო წუთებში ყურადღების ცენტრში ორჯერ მოექცა ნიკა გელაშვილი. საქართველოს ჩემპიონატის საუკეთესო ბომბარდირმა 88-ე წუთზე მეურვე ჩამოიცილა და ეფექტურადაც დაარტყა, მაგრამ კარი გაიდუჩევიჩმა იხსნა, 2:0-ზე კი კონტრშეტევისას გრიგალაშვილი მოძებნა, რომელმაც მიზანს ააცილა.მუხლი დაიშავა და თამაშის ჩამთავრება ვერ შეძლო გიორგი ხიდეშელმა. შესაძლოა, დაზიანება საკმაოდ მძიმე აღმოჩნდეს.არ გადავაჭარბებთ თუ ვიტყვით, რომ “ზესტაფონმა” კიშინიონში ნამდვილ ჯოჯოხეთს გაუძლო. “დაჩია” ჩვენთვის ისტორიაა, წინ “შტურმია”, ჩვენთვის ჩემპიონთა ლიგა გრძელდება!ლევან ჯანეზაშვილი კიშინიოვიდანყოველდღიური სპორტული გაზეთი "ლელო"

jei

ერთი რამემ ლიგაზე გაგვიყვანა რააა.
jei

აუ ერთი ოცნება, აგვისრულდეს და ჩვენი ბიჭები ლიგა რომ გავიდნენ, ალბათ გავგიჟდები, სიხარულით. პლატინი ჯიგარია ახალი წესების ჩვენნაირ ქვეყნებს ეძლევა შანსი.
gia

შეიძლება კი არადა ალბათ გადაჭარბებული შედარებაა, მაგრამ ფეინოორდი-დინამოს (1981) მატჩი გამახსენდა. ყოჩაღ ბიჭებს,მადლობა.
Giorgipirweli

მე ერთ-ერთი ტოტალიზატორის საიტზე ვუყურე თამაშს. ზესტაფონმა საკმაოდ კარგად ითამაშა, ტემპსაც აკონტროლებდა, პრესინგსაც მიმართავდა. ათი კაცით კიდევ უფრო კარგად ათამაშდნენ. გოლი ჩემი აზრით არ უნდა ჩათვლილიყო. არც საწითლე იყო არაფერი. პენალტის მომენტი არ დამინახავს. მსაჯმა ამ რამეების გარდა კიდევ ბევრი საეჭვო გადაწყვეტილება მიიღო. ჩხუბის მომენტიც კარგად ჩანდა. ასეა თუ ისე ზესტაფონი ძალიან დამსახურებულად გავიდა და იმედი მაქვს შემდეგ ეტაპზეც გამართულ ფეხბურთს ითამაშებს.
levani kaxeti

დიდი მადლობა ბიჭებო, მაგრამ მომდევნო თამაშებში უფრო მეტი თავდადება და მეტი ყურადღება გმართებთ.
vaja

რა თქმა უნდა ყველას თავისი აზრი აქვს გუშინდელ თამაშთან დაკავშირებით, მაგრამ ერთი რამ ცხადია ჩემი აზრით, რომ ფეხბურთელებმა და მწვრთნელებმა დამსახურებულად გადალახეს მოლდოვური ბარიერი, ძლიერ ზეწოლასას გაუძლეს მეტოქისა თუ მსაჯისგან. პირადად მე ოპტიმისტური განწყობით ველოდები შემდეგ ეტაპს.
kizingeri

ხმა და კრინტი...ბიჭებმა იბრძოლეს და დამსახურებულადაც გავიდნენ შემდეგ ეტაპზე,იბრძოლეს პირდაპირი გაგებით და დაამტკიცეს რო ვაჟკაცები არიან.ზესტაფონმა დაამტკიცა რო მაგარია და უბრალოდ გაგიმარჯოთ...დიდი მადლობა თქვენ..................
mamuka

ერთი რამ არის საინტერესო. "ფეხბურთელს", რომელიც გორავდა, არ ფიქრობს, რომ ასეთი საქციელი მინიმუმ სირცხვილია.
Vakho

რა ტყუილებს წერთ ვერ გავიგე ტო? რა პირდაპირ წითელი მისცა? 5 წუთში ორი ყვითელი მიიღო ტო!
uzlevi

ზესტაფონს ვულოცავ შემდეგ ეტაპზე გასვლას, მაგრამ... ხარვეზები არის გუნდში და უნდა გამოსწორდეს, თუ გვინდა რომ წარმატებას მივაღწიოთ. ჩემპიონთა ლიგა არ არის საქართველოს ჩემპიონატი! ზესტაფონის ფეხბურთელები ისე იქცეოდნენ თითქოს მარტვილში იყვნენ გასვლაზე. მსაჯებს უსასრულოდ ეკამათებოდნენ, უდისციპლინობას იჩენდნენ, უაზროდ გორაობდნენ; ერთი ზესტაფონელი დავითვალე ხუთჯერ გადაგორდა გადმოგორდა:) ონიანმა 5 წუთში 2 ყვითელის აღება "მოახერხა". სად გაქრა პირველი თამაშის მოტივაცია და მონდომება? გასვლაზე ფარხმალის დაყრა ფსიქოლოგიურ ნაკლად გადაიქცა ქართული კლუბებისთვის. ან ის მიდგომა რა არის რომ სახლში უნდა დიდი ანგარიშით მოვიგოთ და გასვლაზე ნაკლები გოლები Gავუშვათ??? ასეთი მიდგომა დამღუპველია ძვირფასო ზესტაფონის წევრებო!!! დაჩიასთან გიშველათ ფორამ, მაგრამ შემდეგ ეტაპებზე დაჩიები აღარ შეგვხვდებიან და აღარც გაგვიმართლებს! სახლშიც და გარეთაც ბრძოლა და მონდომება არ უნდა დაგვაკვლდეს. გისურვებთ წარმატებებს!!!

ნასერ ალ-ხელაიფი: "ბარსასთან" მატჩს მოუთმენლად ველოდებით

პსჟ ჩემპიონთა ლიგის მთავარი ფავორიტია

"ჩემპიონთა ლიგიდან გამოვარდნა? სამაგიეროდ, ევროპალიგის მოგებისთვის ვიბრძოლებთ" - ჟოზემ მოურინიო

„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე

პსჟ ბარკოლასთან კონტრაქტის გაგრძელებაზე მოლაპარაკებას აწარმოებს

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა

"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს

მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია

შენგელია: გასაკვირია ჯიკიჩი ევროლიგის გუნდს რომ არ წვრთნის

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით

[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება

ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო

ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს

როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?

"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]

[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!

[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია