<p>"დინამო" ქომაგებს სტადიონზე სიფრთხილისა და თავშეკავებისკენ მოუწოდებს, რათა "ზესტაფონის" მსგავსად არ დაისაჯოს</p><p><br> დღეს, 21 ივლისს თბილისის "დინამო" უელსურ "ლანელისთან" რევანშის აღებას და ევროპის ლიგის მესამე საკვალიფიკაციო ეტაპზე გასვლას შეეცდება.</p><p>20 ივლისს "დინამოს" მთავარმა მწვრთნელმა ალექს გარსიამ ეროვნულ სტადიონზე ღია ვარჯიში ჩაატარა, რომელშიც დისკვალიფიცირებულნი, გიორგი კახელიშვილი და ირაკლი ლექვთაძე არ მონაწილეობდნენ. მანამდე კი გარსია მედიას გუნდის ესპანელ ახალწვეულ ჩისკოსთან ერთად შეხვდა.</p><p>ალექს გარსია:</p><p>- იმედი მაქვს, ხვალ გულშემატკივარი მოვა, მათ მხარდაჭერაზე კი ბევრია დამოკიდებული. მოგებისთვის ძალიან მოტივირებულები ვართ.</p><p><strong>- უელსში გამართულ მატჩს როგორ შეაფასებდით?</strong></p><p>- ანგარიშით კმაყოფილი არ ვარ, მაგრამ მნიშვნელოვანი იყო, გოლი რომ გავიტანეთ.</p><p><strong>- დაგვრჩა შთაბეჭდილება, რომ დაცვაში სერიოზული პრობლემები იყო. მთელი მატჩის განმავლობაში ასეთი ქაოსი რამ განაპირობა?</strong></p><p>- ამ შემთხვევაში არ შეიძლება მხოლოდ დაცვის დადანაშაულება. წაგებაში დამნაშავე, უპირველესად, მე ვარ.</p><p><strong>- მატჩის შემდეგ "დინამოს" პრეზიდენტმა რომან ფიფიამ თქვა, რომ ზოგიერთი ფეხბურთელის მომზადების დონით უკმაყოფილო იყო და გუნდის მთავარ მწვრთნელთან შეხვედრას და დალაპარაკებას აპირებდა.</strong></p><p>- ფიფია შეხვდა გუნდს და წაგებასთან დაკავშირებით მან თავისი აზრი დააფიქსირა, მე კი - ჩემი.</p><p><strong>- კითხვა ჩისკოს. ადაპტაციის პერიოდი უკვე დაძლიეთ? და კიდევ, "ლანელისთან" საგოლე მომენტების გამოუყენებლობას რას მიაწერთ, ფორმაში ვერ შეხვედით?</strong></p><p>- ადაპტაცია პრობლემა არ ყოფილა, ისე კარგად მიმიღეს კლუბში, დროზე ადრეც კი გავიარე. გუნდის შეკვრას კი დრო სჭირდება. უელსში ორი მომენტი ვერ გამოვიყენე, მაგრამ იმედია, ხვალ გავიტან.</p><p>შემდეგ კითხვებს ისევ გარსიამ უპასუხა.</p><p><strong>- ხვალ შემადგენლობაში ცვლილებები იქნება?</strong></p><p>- შემადგენლობას ხვალ, თეორიული მეცადინეობის შემდეგ გამოვაცხადებ.</p><p><strong>- განვლილ მატჩებში დინამოელთა ბევრი ყვითელი ბარათი რით აიხსნება და რა კეთდება, რომ ასეთი რამ აღარ განმეორდეს?</strong></p><p>- ყვითელ ბარათებს შემტევი მოთამაშეები იღებენ და ეს საყურადღებოც არის და საკმაოდ უცნაურიც. ალბათ, რაღაც ლოგიკა არის ამაში, რადგან შემტევები პირველი დამცველებიც უნდა იყვნენ.</p><p><strong>- შემდეგ ეტაპზე გასვლის შემთხვევაში "რეიკიავიკი" უფრო უხერხულ მეტოქედ მიგაჩნიათ თუ "ჟილინა"?</strong></p><p>- ახლა მხოლოდ ხვალინდელ მატჩზე ვფიქრობ, მაგრამ იმედია, პარასკევიდან მომდევნო მეტოქეზე ვიფიქრებ.</p><p><strong>- შემდეგი რაუნდებისთვის გუნდს გაძლიერება არ დასჭირდება?</strong></p><p>- ეს ეტაპობრივად უნდა მოხდეს. ჩვენ ხომ არ ვიცით, ხვალ რა იქნება?</p><p><em>"დინამო" მიმართავს გულშემატკივრებს, რომ გამოიჩინონ მაქსიმალური სიფრთხილე და თავშეკავება, რათა "ზესტაფონის" შემდეგ კიდევ ერთი ქართული გუნდი არ დაისაჯოს. სამაგალითო ქომაგობა და სამაგალითო წესრიგი ერთმანეთს არ გამორიცხავსო.</p><p></em></p><p><strong>ყოველდღიური სპორტული გაზეთი "ლელო"</strong></p>
vova
ლლანელლი ხალხნო,ლლ ანე ლლ ი ქვია მაგ გუნდს,ქალაქის საპატივსაცემოდ,თქვენც ეცით პატივი
ევროპა ლიგა. ორივე ფრანგულმა გუნდმა გაიმარჯვა
[VIDEO] "ტოტენჰემმა" "მანჩესტერს" სძლია და ევროპა ლიგის გამარჯვებული გახდა
ევროპა ლიგა. 1/2-ფინალი: გადამწყვეტ მატჩში ინგლისური გუნდები შეხვდებიან
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
ფრე ქუთაისში... და "თელავის" მოგება "გაგრასთან"
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე