- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
კოპას მორიგი საოცრება: 5 მატჩი 5 ფრე, მაგრამ გუნდი ფინალშია
<p>კოპა ამერიკის ფინალში პარაგვაის ნაკრები ურუგვაის შეხვდება, ერთი დღით ადრე კი ვენესუელა და პერუ მე-3 ადგილისთვის ითამაშებენ <br> <strong><em>პარაგვაი-ვენესუელა 0:0</em></p><p></strong>პენალტებით 5:3</p><p>პარაგვაი: ვილარი, კასერესი, ვერონი, და სილვა, პირისი, ბარეტო (70. ესტიგარიბია), რივეროსი, ორტიგოსა, სანტანა, ვალდესი (74. სანტა კრუსი (80. მარტინესი)), ბარიოსი.</p><p>ვენესუელა: ვეგა, როსალესი, ვისკარონდო, პეროსო (46. რეი), ჩიჩერო, დი ჯორჯი, ლუსენა, გონსალესი (84. მალდონადო), არანგო, რონდონი, მორენო (72. მიკუ).</p><p>პენალტების სერია: გაიტანეს - ორტიგოსა, ბარიოსი, რივეროსი, მარტინესი, ვერონი (პარაგვაი), მალდონადო, რეი, მიკუ (ვენესუელა), ვერ გაიტანა - ლუსენა (ვენესუელა).</p><p>გაძევება: სანტანა (102)</p><p>მატჩის საუკეთესო ფეხბურთელი: ხუან არანგო (ვენესუელა)</p><p>ქართველი გულშემატკივრები დილით რომ მისხომოდნენ ტელევიზორებს, კოპა ამერიკას მეორე ნახევარფინალური მატჩი ჯერ დასრულებულიც არ იქნებოდა - პარაგვაისა და ვენესუელას გუნდები ჩვენი დროით დილის რვისკენ შეუდგნენ პენალტების სერიას, რომელმაც გამარჯვებული პარაგვაის ნაკრები გამოიყვანა. ამ ქვეყნის ფეხბურთზე გადაკლული ლამაზმანი ლარისა რიკელმე, ვფიქრობთ, პირობის შესრულების დიდი საფრთხის წინაშეა - თუკი პარაგვაის ნაკრები ფინალში ურუგვაის მოუგებს, მაგრამ შეიძლება ვაჭარბებთ და ეს მისთვის საფრთხე კი არა სიამოვნებაა...</p><p>პარაგვაი კოპა ამერიკას 1953 წლის და 1979 წლების ჩემპიონია (მაშინ ლარისა რიკელმე ჯერ დაბადებული არ იყო, თორემ სათანადოდ აღნიშნავდა მისი საყვარელი გუნდის მიღწევას). ახლა ეს გუნდი მორიგი, მე-3 ტიტულისკენ პენალტების სერიით მიიწევს, მეოთხედფინალშიც პარაგვაელებმა მეკარე ხუსტო ვილარისა და ბრაზილიელი პენალტისტების უკიდურესი უნიათობის გამო უკეთ მოთამაშე ბრაზილია კოპას მიღმა დარჩა. ვილარმა 120 წუთი გაუძლო მეტოქის შეტევებს და პენალტების სერიაში 1 აიღო, დანარჩენი კი მეტოქის დამრტყმელებმა უბრალოდ ააცილეს.</p><p>ასე მოვიდა პარაგვაი ნახევარფინალამდე, სადაც მას ერთ დროს კონტინენტის ყველაზე სუსტი გუნდი - ვენესუელა დაუხვდა. ვენესუელა ახლა ერთობ ანგარიშგასაწევი ძალაა და ეს ამ თამაშმაც ცხადჰყო.</p><p>ამჯერადაც ისტორია გამეორდა, მართალია, ვენესუელა მთლად ბრაზილიის სტილში ვერ თამაშობდა, მაგრამ მეტოქეს მაინც სჯობდა და ხუსტო ვილარის კართან მომენტებს ქმნიდა, განსაკუთრებით ჩამოცხა (არადა, მენდოსაში ციოდა, თითქმის, ყინავდა - შეგახსენებთ, რომ სამხრეთ ნახევარსფეროში ახლა შუა ზამთარია) პარაგვაელთა კართან დამატებით ტაიმებში, მაგრამ ვილარმა გაძლო და გუნდი პენალტების სერიამდე მიიყვანა. ვენესუელელი ფრანკლინ ლუსენას გაცუდებული პენალტი კი გადამწყვეტი აღმოჩნდა ამ დაპირისპირებაში - პარაგვაიმ 5:3 მოიგო და ფინალში გავიდა.</p><p>პირველ ტაიმში ორივე გუნდმა შექმნა საგოლე შანსები, პირველი პარაგვაიმ შეუტია და მცველ დარიო ვერონის თავური ვენესუელელთა მეკარე რენი ვეგამ მოიგერია. 21-ე წუთზე ნელსონ ვალდესმა საკმაოდ კარგი შანსი გაუშვა ხელიდან, ამ ეპიზოდში ყველაფერი ბრწყინვალედ გააკეთა მისმა მეწყვილემ შეტევაში ლუკას ბარიოსმა. ხსენებულმა ეპიზოდმა, თითქოს, ერთიანად შეცვალა მატჩის მიმდინარეობა - ახლა უკვე ვენესუელას იერიშების დრო დადგა. 31-ე წუთზე მათმა მცველმა ოსკარ ვისკარონდომ გაიტანა, მაგრამ მსაჯმა გოლი არ ჩათვალა, რადგან თანამსაჯმა ალამი შემართა. 45-ე წუთზე სალომონ რონდონმა როგორ ვერ გაიტანა საოცარია, ხუსტო ვილარმა სულ ბოლო წამს მიუსწრო ბურთს.</p><p>მეორე ტაიმში, თითქოს, გუნდები გამოცვალესო, ტემპმა იკლო, შეტევების სურვილი ჩაქრა. არადა, თუკი რომელიმე ნაკრებს ამ კოპაზე გამოარჩევ ლაღი თამაშით, პარაგვაი და ვენესუელაა. გუნდები შეეგუენ, რომ ძირითადი დრო ვერაფერს გადაწყვეტდა.</p><p>დამატებით ტაიმებში ვენესუელელთა უპირატესობა აშკარა იყო, შეცვლაზე შესულმა მიკუმ ჯანკარლო მალდონადოს პასი მიიღო, მაგრამ ბურთი ხარიხას გაარტყა. შემდეგ ხუან არანგომ გაიმეორა იგივე საჯარიმო დარტყმიდან. ამ დროს მოედანზე საუკეთესო ხუსტო ვილარი იყო. პირველი დამატებითი ტაიმის მე-12 წუთზე პარაგვაი 10 კაცის ამარა დარჩა - ნახევარმცველი ჯონათან სანტანა გაუძევეს. რის შემდეგაც პარაგვაის ნაკრები ყრუ დაცვაზე გადავიდა და მიზანსაც მიაღწია - თამაში პენალტების სერიაში გადაიყვანა.</p><p>მოკლედ, კოპა ამერიკაზე პარაგვაის ნაკრებმა 5 მატჩი ითამაშა, ხუთივე ფრედ დაასრულა, პლეი ოფის ორი შეხვედრა პენალტების სერიაში მოიგო და ფინალში გავიდა. ვენესუელელი ნახევარმცველი ხუან არანგო მატჩის საუკეთესო ფეხბურთელად დაასახელეს, მან ხმების 24,8% მიიღო.</p><p>ამ მატჩში სასტარტოში არ ყოფილა როკე სანტა კრუსი, რადგან ის ფეხს იტკიებდა. ბოლოს მაინც გამოჩნდა ნელსონ ვალდესის ნაცვლად, მაგრამ 5-6 წუთში შესაცვლელი გახდა. ფეხბურთელმა აღნიშნა, რომ ტკვილი იგრძნო და შეხვედრის გაგრძელება არ შეეძლო. მან აგრეთვე დასძინა, რომ ფინალში, ალბათ, ვერ ითამაშებს.</p><p>კვირას ბუენოს აირესში, პარაგვაის ნაკრები ფინალში ურუგვაის შეხვდება. ერთი დღით ადრე კი ვენესუელა და პერუ მე-3 ადგილისთვის ითამაშებენ.</p><p>ჯანკარლო მალდონადო (ვენესუელა): "უფრო შორსაც შეგვეძლო გასვლა, მაგრამ არ გაგვიმართლა - პენალტების სერია ხომ ჩვეულებრივი ლატარიაა. მართალია, ჩვენ ძალიან ამაყები ვართ, ქვეყანა ვასახელეთ, მაგრამ ყველას გული გვტკივა, რადგან ასე ახლოს ფინალთან არასოდეს ვყოფილვართ, ვენესუელა ხომ ნახევარფინალშიც პირველად თამაშობდა. ახლა კიდევ ერთი მნიშვნელოვანი თამაში გველის და გვინდა, ჩვენი გულშემატკივრები გავახაროთ".</p><p>ხუსტო ვილარი (პარაგვაი): "ძალიან გაგვიჭირდა ამ შეხვედრის მოგება. გუნდმა ვერაფრით ითამაშა ის ფეხბურთი, რაც ძალგვიძს. ფინალში ასე რომ ვითამაშოთ, აუცილებლად წავაგებთ, რადგან ურუგვაელთა თამაში ვნახე და ჩემზე დიდი შთაბეჭდილებაც მოახდინა. მათ ბევრი ვარსკვლავი ჰყავთ, ჩვენი ამოცანა პირველ რიგში მათი ნეიტრალიზებაა".</p><p>სესარ ფარიასი (ვენესუელას მწვრთნელი): "მსაჯმა არ ჩაგვითვალა გოლი, ჩემმა ფეხბურთელებმა სამჯერ გაარტყეს ბურთი ძელს, შევქმენით მეტოქეზე მეტი საგოლე მომენტი და მხოლოდ პენალტების სერიაში გვაჯობეს. რას იზამ, ფეხბურთში ასეც ხდება - ჩვენ თავაწეულები ვტოვებთ ტურნირს, ერთი მატჩიც კი არ წაგვიგია და გულშემატკივარს კარგი ხარისხის ფეხბურთი შევთავაზეთ".</p><p><strong>მატჩის სტატისტიკა</p><p></strong>355 ზუსტი პასი 184</p><p>55Uნ უზუსტო პასი 58</p><p>5 ზუსტი ჩაწოდება 9</p><p>18 არაზუსტი ჩაწოდება 20</p><p>28 ზუსტი გრძელი პასი 24</p><p>43 არაზუსტი გრძელი პასი 29</p><p>6 დრიბლინგი 5</p><p>3 დრიბლინგის მცდელობა 3</p><p>36 მოგებული ორთაბრძოლა 12</p><p>4 წაგებული ორთაბრძოლა 6</p><p>5 ზუსტი დარტყმა 9</p><p>6 უზუსტო დარტყმა 8</p><p>16 ჯარიმა 25</p><p>70 ბურთის მოპოვება 43</p><p>6 თამაშგარე 3</p><p>4 კუთხური 7</p><p>58% ბურთის ფლობა 42%</p><p><strong>ყოველდღიური სპორტული გაზეთი "ლელო"</strong></p>
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ