კვარაცხელიას გამოუყენებელი პენალტი და დიდებული საგოლე გადაცემა - "ნაპოლიმ" მეოთხედფინალისკენ დიდი ნაბიჯი გადადგა [VIDEO]

ჩემპიონთა ლიგის პირველ 1/8-ფინალურ მატჩში „ნაპოლიმ“ გასვლაზე „აინტრახტი“ 2:0 დაამარცხა.ხვიჩა კვარაცხელიამ პენალტი ვერ გამოიყენა, მაგრამ ჩინებული საგოლე პასი გააკეთა - მის ანგარიშზე ყველა ტურნირზე კლუბში 12 გოლი და 13 საგოლე გადაცემაა.დებიუტში უპირატესობას სტუმრები დაეუფლნენ. მასპინძლებმა თამაში კონტრიერიშებზე ააგეს, უფრო მარჯვენა ფლანგიდან უტევდნენ და კოლო მუანიმ მახვილი კუთხიდან ვერ უწია მიზანს. „ნაპოლიმ“ პირველი მომენტი მე-19 წუთზე შექმნა, როდესაც საჯარიმოს გარედან კვარაცხელიას დარტყმული ბურთი მეკარე ტრაპმა მოიგერია. ფრანკფურტული გუნდი მეტოქეს სივრცეებს უზღუდავდა, გასაქანს არ აძლევდა, ხოლო ხვიჩას ტუტა ყურადღებით მეურვეობდა. თუმცა სპალეტის შეგირდებმა მაინც მოხერხეს ვიზავის დაცვის რამდენიმეჯერ გარღვევა: 36-ე წუთზე ლოსანო საჯარიმოში შეიჭრა, ბურთი ძელს გაარტყა, შემდეგ ოსიმენი წააქციეს, პენალტიდან გატანა კი კვარაცხელიას ტრაპმა არ დაანება. მე-40 წუთზე ლოსანო ისევ გაექცა მცველს, პასი ვიქტორს გაუკეთა და მან ნეაპოლელები დააწინაურა. მერე ნიგერიელს გოლი თამაშგარეს გამო არ ჩაუთვალეს და პირველი ტაიმი 0:1 დასრულდა.შესვენების შემდეგ თამაშის სურათი არ შეიცვალა, „ნაპოლი“ კვლავ ფლობდა ინიციატივას. ლოსანომ ხვიჩა ტრაპთან პირისპირ გაიყვანა და ქართველმა ისევ ვერ შეძლო მეკარის დაჯაბვნა. მერე კოლო მუანი ანგისას ეუხეშა და მსაჯმა პირდაპირი წითელი ბარათით გააძევა. ნეაპოლელებმა კაცნაკლულ ვიზავიზე ზეწოლა გააძლიერეს, ხვიჩამ შესანიშნავი მოძრაობით ბურთი დი ლორენცოს დაუტოვა და კაპიტანმა ტრაპის კარი დალაშქრა. "კვარა" და ოსიმენი 84-ე წუთზე შეცვალეს, ხოლო "ნაპოლიმ" დამაჯერებელი გამარჯვება მოიპოვა და მეოთხედფინალს მიუახლოვდა.ამ გუნდების სპასუხო შეხვედრა ნეაპოლში 16 მარტს გაიმართება.ფრანკფურტი. „დოიჩე ბანკ პარკი“. 47 500 მაყურებელიაინტრახტი - ნაპოლი 0:2გოლები: 0:1 ოსიმენი (40), 0:2 დი ლორენცო (66)გამოუყენებელი პენალტი: კვარაცხელია (36)გაძევება: კოლო მუანი (58)

Suxumchanin

რუსი კომენტატორის მიერ ქართული ფეხბურთის აღიარება
zura222

!! ზუსტად რუსი რომ აქებს და უყვარს ქარტველი ფეხბურტელები და საქართველო აი ეგაა მაგარი და სასიამონო ! ხომ გასაგებია რატომაც ? და იმ რკინის ფარდაზეც ძალიან კარგად ვიცი და რუსეთის არაკაცობებზეც და ზუსტად ამიტომაა სასიამოვნო რომ იმ რუსეთშიც არიან ადამიანები და არა მარტო ბიდლო სალდაფონები ! (სხვათა შორის იმ რკინის ფარდის შექმნაში უდიდესი როლი ქართველებმა შეასრულეს )
ილია.

ხვიჩა კარგი ტექნიკური ფეხბურთელია და აქვს განსაკუთრებული ხედვის უნარი, შეუძლია მეკარე დაიჭიროს მოძრაობაზე და გაგორებული ბურთი გაუტანოს, ასევე დამცველის უკნიდან დაარტყას, დამცველს ფეხებშუა გაუტაროს ბურთი და გაიტანოს. რატომღაც პენალტს თითქმის ყოველთვის ძლიერად ურტყამს, არადა შეუძლია ტექნიკურად დაარტყას, მოატყუოს მეკარე და ისე გაიტანოს. ეს იქნება კარგად დარტმული და ჩემი აზრით ამაზე უნდა ივარჯიშოს.
azri

კომბინაცია იყო ზღაპრული რაა, კვარა ფლანგიდან უპასავს ზელინსკის რომელმაც ბურთი გაატანა, კვარაზე სამი კაცი გადადის და პასი ანგისას, ანგისამაც რა მაგრად უპასა, მერე კი კვარამ დახატა რასაც ქვია და დაბოლოება დი ლორენცოს ბილიარდის სიზუსტით გასროლა! ამის გამო უყვართ ფეხბურთი, ესეთი კომბინაციები რომ თამაშდება, ესაა ფეხბურთის სილამაზე. კვარამ გააგიჟა ნეაპოლი რა, თამაშის სტილით ყველაზე მაგრად ჯორჯ ბესტს მაგონებს!
ვანდა ჯიქია

ნიშანდობლივია, ყურადღება მახვილდება მხოლოდ ბოლო პასზე, არადა ამ გოლის მთელი არსი და გემო არის ხვიჩას დაწყებული მოძრაობა კიდის ხაზთან, ხვიჩას აკინძული და წარმართულია მთლიანი მომენტი კიდის ხაზიდან საჯარიმომდე, თითქმის მთელი აინტრახტი გაჭრა თავისი სვლით, და ქუსლიც მოუხდა ბოლოშ.
ვათა

არაფერია ხომ მოიგეს .მთავარია რო ხვიჩამ თავი არ დაკარგა პენალის გაფუჭებისმერე და მაინც მითვალა ასისტი ულამაზესი აი ამიტომ უნდათ ის გრანდებს ყველაფერ საუკეთესო თვისებაებთან ერთად ესეც გამოავლინა რო ბოლომდე იხარჯება ...
...

ეროვნებას მნიშვნელობა არააქვს მთავარია ადამიანი იყო, ძირს ნაციზმი!
მიშა

მსგავსად, აზროვნებაც კი არ შეიძლება მეგობარო. არამც-თუ წერა. თუ ნეაპოლში, ან ახლო-მახლო ცხოვრობთ, მადლობა უთხარით ღმერთს, რომ ხვიჩას თამაშის ნახვის საშუალება გაქვთ. ნაპოლის პრეზიდენტსაც სთხოვეთ, რომ სხვა გუნდში არ გაყიდოს, თქვენივე კომენტარის ადრესატი რომ არ გახდეთ.
w

ხვიჩამ პენალტი რომ ვერ გაიტანა სანაია ფეირვერკებით დარბოდა.
napolia-n

აბა ცოტა მეტი აქტიურობა უპოვრებო..ვერასდროს ვერ იგრძნობთ იმ ემოციას რაც გუშინ სტადიონზე იყო ტელევიზორიდან უყურეთ მხოლოდ,სხვა შესაძლებლობები მაინც არ გაქვთ…
Superman

ხვიჩას ნათქვამი აქვს - ჩემი საყვარელი ფეხბურთელი გუტი იყოო. დღევანდელი საგოლე პასიც ზუსტად გუტისებურად გენიალურად შეასრულა :)
tempi

ძალიან მაგრად ითამაშა, პენალტი და ერთი მომენტი ვერ გამოიყენა მაგრამ არ გაჩერდა იმდენი სახიფათო გარღვევები და მომენტები შექმნა მაინც ატერორებდა არ ამოასუნთქა. ყოველთვის საფრთხე იყო ბურთს რომ მიიღებდა გულს უხეთქავდათ მაინც. ტემპი არ დაუგდია ერთი სიტყვით და მაინც გაარღვია რა პასი მისცა მაინც გაარღვიათ ბოლოს
!!

რომელი კომენტატორი არ აქებს ფეხბურთელს კარგი თამაშის დროს და ასეთი შედევრალური საგოლე პასის დროს? ინგლისელმა კომენტარმა საერთოდ ქართულად ისწავლა დაბადების დღის მილოცვა, იმ დღეს ხვიჩასთვის რომ მიელოცა. რატომ დნებით და შესციცინებთ ასე ამ რუსის ერთ გადმოგდებულ თბილ სიტყვას?! დარასელია, ყიფიანი და სხვა ვინც ახსენა, რუსები კი არ ეგონებიდათ იმ წლებში, მსოფლიოს ეცოდონებოდა მათზე, და მსოფლიო მასშტაბით ივლიდა ლეგენდები, რუსებს რომ არ გადავეყლაპეთ. რა გვარებიც ახლა მაგ კომენტატორმა ჩამოთვალა, მარტო თვითონ და სხვა ყოფილმა საბჭოთა ქვეყნებმა რომ იციან და არა მთელმა მსოფლიომ, ეგ პირველ რიგში რუსების დამსახურებაა. რკინის ფარდის უკან რომ ჰყავდათ გადაჩქმალული ქართული ნიჭი. გააგრძელეთ რუსებით აღფრთოვანება და მიეცით კიდე უფლება, მსოფლიოს დაუმალოს ნიჭიერი ქართველები! კვარაცხელიას მათთვის ხელიდან გამოგლეჯა სრულიად შემთხვევითობაა და სანქციების შედეგი. ტულა და როტორთან რომ თამაშობდა იმითაც კმაყოფილი იყო აქ ბევრი და რავიცი.
ლევანი

ეს არის ძლიერი ფეხბურთელის პლიუსი, ორ-სამ კაცს ტეხავს თამაშიდან, სამაგიეროდ ლოსანოს ფლანგი გაიხსნა, და აა ბატონო შედეგი. ვიღას ახსოვსპენალტი. ბრწყინავს ქართული ნიჭი! დიდება საქართველოს!
zura222

სხვისი არ ვიცი და მე ეს რუსი კომენტატორი მირჩევნია სანაია-შუბლაძისნაირ ათას "ქართველს" ! მე სილქზე ვუყურე თამაშს და ამ კომენტატორს რომ მოვუსმინე ეხლა ნტვ ფიტბოლზეც უნდა ვუყურო სპეციალურად ! ალბათ კიდევ ბევრი კარგი რამე თქვა საქართველოზე და ქართველ ფეხბურთელებზე !
დავით 67

სწორედ ამიტომაც არ მინდოდა რომ ხვიჩას დაერტყა პენალტი!ადრე ვთქვი მირჩევნია თამაშებიდან გაიტანოს მეთქი და 16 დისლაიქი დაუსვეს
Levani

წელს ესენი სკუდეტოს და ლიგას დადებენ.
რაბუ

ხვიჩა ეგ თამაში და გაფუჭებული პენალტი ისტორიას ჩაბარდება, აი ეგ პასი კი საფეხბურთო სამყაროს დარჩება ელეგანტურ, ხელოვნების ნიმუშად. რეალი კიდე რა გაუმაძღარი გუნდია )) ეგ გუნდი რომ გამოაგდო სხვა ხასიათია საჭირო. ვისურვებდი რეალი ნაპოლს, უკანასკნელის გამარჯვებით.
L.J .

Minusebidan chans ramdens gauxarda!!
jjj

ხვიჩამ მშვენიერი მატჩი ჩაატარა, ყველა პენალტს ვერ გაიტან, არადა ცუდად არ დაურტყამს. თავიდანვე ფეხზე 3 კაცი ეჯდა, სამაგიეროდ ლოსანოს ფლანგი თავისუფალი იყო. აინტრახტი ნეაპოლში მომგები არაა. წარმატებები...
giorgi 3

არჩევანი რომ მქონოდა ხვიჩას პენალტი გაეტანა თუ ასეთი სასწაული სილამაზის პასი მიეცა, რა თქმა უნდა მეორეს ავირჩევდი..ისე. ასეთი დაჩაგრული გერმანელები ჯერ არ მინახია
ზაზა

ხვიჩა შვილო მთლიანობაში კარგად ითამაშე,პენალტი მეკარემ აგიღო,დარტყმა ცუდი არ იყო,მაგრამ მეკარეც მაგარი ჰყავდათ,ეგ არაფერია,მთავარია გასვლაზე 2:0 კარგი შედეგია,შემდეგში ცოტა მაღლა სცადე პენალტი,იქ ძნელად მისაწვდომია,ისე რომ გულს ნუ გაიტეხ,მთავარი შედეგია!!!
ქობულეთიდან

ალბათ რამდენი ბოღმა არსება გაიხარებდა ხვიჩამ რომ პენალტი გააფუჭა, თუმცა მალევე ჩაუვარდათ კოვზი ნაცარში, კვარამ დიდებული საგოლე პასი გაუკეთა კაპიტანს.ალბათ დააკვირდებოდით თუ რამდენჯერ ატრიალეს ეგ მომენტი. წარმატებები ნაპოლის და ხვიჩას!

[VIDEO] ზივზივაძის 33 წუთი და "ჰაიდენჰაიმის" 0:6 "ბაიერთან"

[VIDEO] გოლი 97-ე წუთზე - გოჩოლეიშვილის "ჰამბურგი" "დორტმუნდს" ფრედ ეთამაშა

[VIDEO] კვერნაძის საგოლე პასი - "ფროზინონემ" გალიდერების შანსი დაკარგა

[VIDEO. ეროვნული ლიგა] "პოკერი", 3 პენალტი, ავტოგოლი... "ტორპედომ" ბათუმის "დინამო" გაანადგურა

ზესტაფონის მარგვეთმა ბათუმში იმარჯვა და სუპერლიგაში გალიდერდა

კალათბურთის განვითარების პროგრამის ახალი სეზონი ქართლ-კახეთიდან დაიწყო

მოლაპარაკებები ჩიხში შევიდა - "რეალი" ვინისიუსის გასაყიდად მზადაა

ახალი ძალა ბორჯღალოსნებს ბუნებიდან - სვანიძის ზეთისხილი საქართველოს რაგბის ოფიციალური სპონსორი გახდა

[VIDEO] მამუკელაშვილის კარგი მატჩი - "ტორონტომ" ზედიზედ მეოთხე შეხვედრა მოიგო

19-წლამდელების შემადგენლობა საკვალიფიკაციო რაუნდის მატჩებისთვის

[VIDEO] შენგელიას 13 ქულა "რეალთან" - "ბარსელონა" კლასიკოში დამარცხდა

მიქაუტაძემ შიძლება "ესპანიოლთან" ვერ ითამაშოს

[VIDEO. ეროვნული ლიგა] დაგვიანებული ხომ არ არის? "კოლხეთმა" თბილისში "გაგრა" დაამარცხა....

18 წ. | მზადების დასკვნითი ფაზა

[VIDEO. ეროვნული ლიგა] თბილისის "დინამომ" ლუკა ლაცაბიძის სადებიუტო გოლით გაიმარჯვა

16-წლამდე ვაჟთა ნაკრები მოლდოვას დაუპირისპირდება

დე ლა ფუენტემ თბილისში წამოსასვლელად ესპანეთის ნაკრები დარაზმა

"ბორჯღალოსნები" | ქოქრილმა "არწივებისთვის" 23 შეარჩია

"ვილი საქართველოს ნაკრებისთვის საუკეთესო მწვრთნელია და მომავალშიც იქნება" - სანიოლის და იაშვილის პრესკონფერენცია

საბა ლობჟანიძეს "ატლანტა იუნაიტედი" "ბარსელონას" ყოფილმა თავკაცმა მეორედ ჩაიბარა

"ჯიუტად აგრძელებენ იმას, რაც წარუმატებლობისთვის განწირულია" - გულიტმა "ბარსელონას" შესახებ ისაუბრა

"ძალიან სასიამოვნო გრძობაა, როცა ოცნება ხდება" - იური ტაბატაძე

მბაპეს აღარ შეეცილებიან - "რეალში" პენალტების შემსრულებელი ფრანგი იქნება

"იუვენტუსში" მყავს ფეხბურთელი, რომელიც ხვიჩა კვარაცხელიას მახსენებს" - ლუჩანო სპალეტი

"ნაპოლი" ჩემი ბოლო იტალიური კლუბი იქნება" - სპალეტიმ ახსნა, ამ სიტყვების მერე რატომ ჩაიბარა "იუვენტუსი" და მისი ტატუს მნიშვნელობაზეც ისაუბრა

გაძლიერება თავდასხმაში - მარმუში "სიტის" ფეხბურთელი გახდება

ნადირობა პსჟ-ს ფეხბურთელებზე. "კვარა" გადარჩა, ჰაკიმი - ვერა

მამარდაშვილის "ლივერპულის" მორიგი ტრანსფერი - ეკიტიკე კარიერას "ენფილდზე" განაგრძობს

"ტოტენჰემი" პოსტეკოღლუს შემცვლელად ორ მწვრთნელს განიხილავს

"არსენალი" შეუჩერებელია - "ნაპოლი" "აინტრახტთან" ფრეს დასჯერდა

დე ლაურენტისი: ტიფოზებს ფეხბურთის არაფერი გაეგებათ - ულტრასების უმეტესობა კანონდამრღვევია

გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა

გადაწყდა - მარმუში "სიტის" 80 მილიონის სანაცვლოდ შეუერთდება

ტრავმირებულ პსჟ-ში "კვარა" დაიწყებს - "მამარდა" "სიტის" წინააღმდეგ!

"ენრიკე ამაზე საუბრობს, მაგრამ ყველაფერს საზღვარი აქვს" - ცნობილი ჟურნალისტი კვარაცხელიას სათამაშო პოზიციით აღშფოთებულია

[VIDEO] მორატამ მილინკოვიჩ-სავიჩს პენალტი ვერ გაუტანა - "ნაპოლი" "კომოს" ფრედ ეთამაშა

"აინტრახტი" მორიგ დიდ შემოსავალს ელის - კლუბი უზუნს 80 მილიონზე ნაკლებად არ გაუშვებს

"ის სპალეტისთვის საოცნებო ფეხბურთელია" - ლუჩანო "ნაპოლის" კაპიტანს ართმევს?

როგორი შეფასებები მიიღეს მამარდაშვილმა და კვარაცხელიამ ჩემპიონთა ლიგის მეოთხე ტურში?

"კვარას" პსჟ-მ სახლში კაცნაკლულ "ბაიერნთან" მარცხი განიცადა

"სხვა არჩევანი არ გვაქვს... რაც შეეხება ნოიერს..." - კვარაცხელიას კომენტარი "ბაიერნთან" მარცხის შემდეგ