ხვიჩა-ვიქტორის დუეტი ბრუნდება - მატჩის დღე და კრიზისიდან გამოსვლის გზები...

აღდგომის დღესასწაულის ზეიმის შემდეგ, დღეიდან (18 აპრილი) სამუშაო კვირა დაიწყო და საღამოს დიდებული მატჩიც გვაქვს - თბილისის დროით 23:00 საათზე, ჩემპიონთა ლიგის მეოთხედფინალის განმეორებით შეხვედრაში, "ნაპოლი" "მილანს" უმასპინძლებს.რა ვნახეთ შაბათს, "ვერონასთან" (0:0)? კიდევ ერთხელ დავრწმუნდით, რომ ნეაპოლურ კლუბში არსებობს პოზიციები, სადაც უბრალოდ, ალტერნატივა არ არსებობს და ლუჩანო სპალეტის დიდი დილემა ისაა, გუნდი არ "გადაწვას", ამავდროულად კი, ქულების დაკარგვა თავიდან აიცილოს. მხოლოდ ხვიჩა კვარაცხელიასა და ვიქტორ ოსიმენზე რომ არ ვისაუბროთ, სტანისლავ ლობოტკას შემოსვლამდე და მის შემდეგ ორი სხვადასხვა გუნდი ვნახეთ.კარგია, რომ ერთგვარი კრიზისის პარალელურად, იტალიის ჩემპიონატის ლიდერებს საკმაოდ დამაჯერებელი (14-ქულიანი) უპირატესობა აქვთ, მაგრამ სპალეტის კომპლექსი, რომ სეზონის მეორე ნაწილს გაცილებით უკეთ ატარებს, კვლავ რჩება. "ნაპოლის" თავკაცის გაკრიტიკება არაერთი მიმართულებით შეგვიძლია. მეორე მხრივ კი, იმასაც ვიაზრებთ, მის ხელთ არსებული მთლიანი რესურსით, ამ ფეხბურთელების ნაწილის განვლილი სეზონის ანალიზითა და თუნდაც ახლანდელი სანაკრებო მატჩებით, ლუჩანომ ძალიან მძლავრი გუნდი შექმნა.<img src="pictures/artimages/original/b85e4cd9cd33c90c0e78576a48e902ed.jpg" border="0" alt="Sportall.Ge" title="ხვიჩა-ვიქტორის დუეტი ბრუნდება - მატჩის დღე და კრიზისიდან გამოსვლის გზები..." />რა თქმა უნდა, ეს დიდი განსხვავება ხვიჩა კვარაცხელიას თამაშმა შექმნა. შესაძლოა, ბოლო დროს ის ისეთივე ეფექტური და ფორმაში მყოფი არ გვეჩვენება, თუმცა თამასის აწევის ამბავზე ადრევე ვწერდით, ჩვენ სულ ბევრს და წარმოუდგენელსაც კი ვითხოვთ. გარდა ამისა, სხვა ფაქტორებიც არსებობს. მარტივად, "ვერონასთან" სეზონის პირველი ტურის მატჩს რომ შევადაროთ, იქ "კვარას" საკმაოდ შორიდან ეთამაშებიან, სიხისტეც იშვიათი იყო. რა ვნახეთ ახლანდელ 25 წუთზე მეტში, როცა ჩვენებური მინდორზე იყო? მისი ლამის ყველა შეხება ბურთთან მეტოქეების შეგნებული ჯარიმის აღებით სრულდებოდა. იყო ეპიზოდი, ხვიჩას წინააღმდეგ დარღვევა რომ არ შეიმჩნიეს. როცა გუნდური მექანიზმი სათანადოდ არ მუშაობს, შეხვედრაში სრული ეფექტურობით ჩართვა რთულია.კიდევ ერთი საკითხი, რომელიც ბოლო დროს გააქტიურდა, ისაა, რამდენადაა დამოკიდებული ნეაპოლური წარმატება ვიქტორ ოსიმენზე და როგორ თამაშობს გუნდი მის გარეშე. პირველ რიგში, ფეხბურთი გუნდური თამაშია და ლიდერების არსებობის მიუხედავად, ყველაფერი ერთიანობაში უნდა განვიხილოთ. ის, რომ ვიქტორი გასულ წლებზე გაცილებით შედეგიანია, ამაში ხვიჩა კვარაცხელიას როლი დიდია და ეს მხოლოდ საგოლე პასებში არ გამოიხატება - "კვარადონაზე" გაზრდილი ყურადღება, ქართველის მხრიდან ნიგერიელისთვის გახსნილი ზონები ოსიმენს დიდ გასაქანს აძლევს. იმავეს პირიქითაც ვიტყვით. ვიქტორი ძალიან კარგი ფეხბურთელია, გოლის გატანის ალღოც აქვს, ტექნიკაც, ოსტატობაც და თანაგუნდელების "ნახევრად პასების" მაგრად დამუშავებაც შეუძლია. ხვიჩას მოედანზე შესვლამდე რაც ყველაზე მეტად შეინიშნებოდა, ფანტაზიის ნაკლებობა იყო. აი, რატომ შეაყვარა მან თავი ყველას...რაც შეეხება დღევანდელ მატჩს, "მილანმა" ცოტა ხნის წინ (ჩემპიონატში 4:0) აჩვენა, რომ "სტადიო მარადონა" აუღებელი ციხესიმაგრე სულაც არაა, თუმცა ახლა განსხვავებული ვითარებაა. ლიგის პირველი დაპირისპირების სტარტზე "ნაპოლის" გატანა შეეძლო, მათ შორის, კვარაცხელიას. საბოლოოდ, ბევრი არაფერი გამოვიდა, რასაც ანგისას გაძევებაც დაერთო და ახლა მილანელებს მცირე უპირატესობა (1:0) აქვთ.უკანასკნელ 4 მატჩში გატანილი მხოლოდ 2 გოლი ისაა, რაც სპალეტის გუნდის წლევანდელ შედეგებს მკვეთრად ეწინააღმდეგება. ჩემპიონთა ლიგაზე გამართულ საშინაო მატჩებში ნეაპოლელებს, მინიმუმ, სამი გოლი გაჰქონდათ და საინტერესოა, "მილანთან" ეს ამბავი როგორ გაგრძელდება. ოსიმენის დაბრუნებამ იქნებ ყველაფერი თავის ადგილას დააბრუნოს.<img src="pictures/artimages/original/7b37801f3359628f1e2fe2e363a1b048.jpg" border="0" alt="Sportall.Ge" title="ხვიჩა-ვიქტორის დუეტი ბრუნდება - მატჩის დღე და კრიზისიდან გამოსვლის გზები..." />მიუხედავად იმისა, რომ იტალიის ჩემპიონატში ამ გუნდებს შორის სხვაობა 22 ქულაა, მილანელები უეფას ყველაზე პრესტიჟულ საკლუბო ტურნირზე სულ სხვა ისტორიით არიან და ახლა თანაქალაქელ "ინტერთან" შესაძლო ნახევარფინალზე ისინი ბევრს ფიქრობენ. სკუდეტო 33 წლის შემდეგ და ჩემპიონთა ლიგის ნახევარფინალი კი "ნაპოლის" სულ სხვა დონეზე აიყვანს!..ლუჩანო სპალეტის ორი იძულებითი ცვლილების განხორციელება მოუწევს. კიმ მინ ჯე ჟუან ჟესუსმა უნდა შეცვალოს, ზამბო ანგისას პირდაპირი ალტერნატივა ტანგი ნდომბელეა, თუმცა ლობოტკა-ზელინსკის წყვილთან ერთად ელიფ ელმასის თამაშიცაა შესაძლებელი. ნეაპოლელებს მოწინააღმდეგის დამწუხრება და ერთბურთიანი სხვაობის აღმოფხვრა შეუძლიათ. მთავარია, კონტრშეტევებზე როგორი რეაგირება ექნებათ. რაფაელ ლეაო ამ დროს ძალიან სახიფათოა. ის "რეალელი" ვინისიუსის შემდეგ ლიგაზე ყველაზე მეტ დრიბლინგს აკეთებს.შეხვედრას პოლონელი მარსინიაკი განსჯის, რომელიც ძალიან მაღალი დონის არბიტრია. დღეს გასამართია მეორე მატჩიც, შეგახსენებთ - "ჩელსი" "რეალის" წინააღმდეგ (პირველი დაპირისპირება მადრიდელებმა 2:0 მოიგეს).

VAR

ვააჰ ვიქტორი? არა ვიქტორი არა,მამამისს პატრიკი ჰქვია და აწი პატრიკეევიჩი დავუძახოთ :) :)
aburjga

მე მხოლოდ ნაპოლი 5:2 მილანი ანგარიშზე ვარ ყაბულს!
სოსო

საკის.მილანმა კი არ აჯობა,მსაჯმა აჯობა და მატჩის საუკეთესო ფეხბურთელადაც,მილანის მეკარე დაასახელეს.რა, თავდასხმის ცენტრში თამაშობდა მილანის მეკარე?ეგ რომ არ გაგიჟებულიყო და მსაჯს ნამუსზე ხელი არ აეღო,მაშინ როგორ იქნებოდა?20 წუთი 10 კაცით ითამაშა ნაპოლიმ და მაინც 18-ჯერ დაურტყეს კარში,მილანის 12-ის საწინააღმდეგოდ.11 -ჯერ დააჯარიმა ნაპოლი და 6 გაფრთხილება მისცა,ერთი წითელით.მილანს კი,15 ჯარიმაში,მხოლოდ 2 გაფრთხილებნა არგუნეს და კიდევ რამდენი ჯარიმა გაუტარა მილანს,ეგეც ხომ ვნახეთ.10-3 იყო კუთხურების შეფარდება და საერთოდაც,ყველა კომპონენტში სჯობდა ნაპოლი,სტატისტიკურად.სტატისტიკა არასოდეს ტყუის,მსაჯებისაგან განსხვავებით.
Dyogene

ეს კომენტარი დღეს დაიწერა ერთერთ დიდ ქართულ სპორტ ფეიჯზე და დავაკოპირე. წმინდაო მარადონა, რომელი ხარ სამოთხესა და მოედნებს შინა. შენ ხარ ერთადერთი საფეხბურთო სხვაობა რომელსაც შეუძლია ინგლისელების დამარცხება, გერმანელების დამხობა, ბრაზილიელთა დაჩოქება და გარი ლინეკერის შენი რელიგიის იოანე ნათლისმცემლად ქცევა. გთხოვ დაგვეხმარე და ამ სიასდიდებულ სიას მილანიც შემატე, დაადე შენი ღმერთის ხელი მარცხენა ოსიმენს მარჯვენა კი კვარას და ოსი მარიო კემპესად კვარა კი ხორხე ვალდანოდ აქციე.
Ttt

Aq komentarebs weren mokvdebi sicilit, turme wina matchi milans ujobnia. Es milanis fanatikosebi ra samarcxvinoebi xart. Dghes gatenis napoli 5-1 iuves variantshi iqneba milani.
უეჭველი

ხვიჩას ჰეტრიკს ასრულებს უეჭველი!
ავჭალიდან

ავჭალელის პასუხი ყველას. დღეს ხვიჩა კვარაცხელია ნაპოლი და სრულიად საქართველო იზეიმებს გამარჯვებას!
მაკა

4-1 მოიგებს ნაპოლი.
მოქალაქე

ხვიჩა კარგ გზაზე დგას და უმატებს სიჩქარეს მწვერვალიდან. ხვიჩას ნაირი რამდენი უპატრონო ბავშვი იჩაგრება და ზის სახლში ამ თემებზე ჯობია საუბარი და ქართული სპორტის თაობაზე როგორ ამოვიყვანოთ ჭაობიდან. სპალეტი რას იტყვის,ფანები რას ამბობენ და იტალიაში ვინ რას იტყვის ერთი ასოსაც არ აკლებთ და ქართული სპორტი ჭაობში რომ არის იმაზე საერთოდ არ ვსაუბრობთ.რაში მაინტერესებს იტალიური ცხოვრება და დამოკიდებულება სპორტზე...დავინახეთ ხვიჩა და გაგვახერს.საუბარი და სტატიები ჯობია ქართულ სპორტზე დავწეროთ.არ ვიცი როგორ მოგაწვდინოთ იტალიელი მწვრთნელი და მე როგორ ვსაუბრობთ და როგორი დაინტერესებული არიან პერსპექტიული ბავშვებით.როგორ მოგაწვდინოთ მიხვდება ყველა.
გულშემატკივარი

წარმატებები ხვიჩას!!! უფალი ფარავდეს❤️
edinburg

უკან რუბინში…
მეგრელი

კრიზისი მიზისი არ ვიცი, დღეს უნდა მოვიგოთ, ოსიმენი ხვიჩას სივრცეებს გაუხსნის და პირიქით, დღეს ხვიჩას კარიერაში ყველაზე მნიშვნელოვანი თამაშია და უნდა დაუმტკიცოს მთელს მსოფლიოს რომ ეგია იგი
საკი

როდის ამოუტენია ნაპოლის მილანი? ეხლა რო ამოტენოს? ხალხნო ნუ დაფრინავთ ოცნებებში ნაპოლი არ არის ის გუნდი რო ლიგის ნახევარფინალი ითამაშოს. ფეხბურთი თუ უყურებია ვინმეს მილანმა აჯობა ყველაფერში ბოლო ორ თამაშში ნაპოლს და დღეს რა იქნება არ ვიცი.
გოგა

კრიზიშია აშკარად ნაპოლი და ეს მოკლე სათადარიგო სკამის ბრალია, ზოგი ფორმიდანაცა ამოვარდნილი, მილანი ღრმა დაცვას არ ითამაშებს ჩემი აზრით, ასეთ შემთხვევაში თუ ნაპოლს თამაში წაუვიდა ამოტენის მილანს, იმედია გავა ნაპოლი ნახევარფინალში, სწრაფი გოლია საჭირო.
tngh

გამორიცხული რომელიმე გუნდმა მთელი სეზონი ერთ დონეზე ითამაშოს... "ნაპოლიც" ესეა. თუმცა ხვალ უშანსოდ არ არის.
ავჭალელს

ბოლო 4 თამაშში 4 გოლი კრიზისი არ გგონიათ? და გუნდის ბოლოდროინდელი თამაში. გატანა და ამოქაჩვა რომ შეუძლიათ ეგ ყველამ ვიცით მაგრამ კარგად წერია აქ, კონტრშეტევებს უნდა უფრთხილდნენ
LL

ხვიჩამ უნდა მოუმატოს აუცილებლად, უკან პასებით არაფერი გამოვა
ავჭალიდან

რაის კრიზისიდან გამისავალი მილანთან 1:0 ამოქახვას რა უნდა.
ქუთაისელი

სპალეტიმ წინა ტურში მთელი თამაში ათამაშა დი ლორენცო, რომელმაც დღეს ლეაოს უნდა სდიოს... ახლა მაგი ცოტა ნორმალურია?
ლაშა

იმედია დღეს დასამარდება პიოლის მილანის ოცნებები! არამგონია სერია ა-ს მსგავსი შეხვედრა ვიხილოთ...

ნასერ ალ-ხელაიფი: "ბარსასთან" მატჩს მოუთმენლად ველოდებით

პსჟ ჩემპიონთა ლიგის მთავარი ფავორიტია

"ჩემპიონთა ლიგიდან გამოვარდნა? სამაგიეროდ, ევროპალიგის მოგებისთვის ვიბრძოლებთ" - ჟოზემ მოურინიო

"საქართველოს ნაკრები სამაგალითოა" - ამბობს სომხეთის ეროვნული გუნდის ყოფილი კაპიტანი

ქართველი მსაჯები სომხეთისა და ირლანდიის მატჩს განსჯიან

"ფენერბაჰჩეს" დომენიკო ტედესკო ჩაიბარებს

ნიკოლოზ ბასილაშვილი ჩინური ტურნირის პირველივე წრეში დამარცხდა

ჯიკიჩი ევრობასკეტის საუკეთესო მწვრთნელის პრიზისთვის იბრძვის - როგორ შეგიძლიათ მისცეთ ხმა საქართველოს ნაკრების დამრიგებელს

თბილისური მატჩი ბოლო აღმოჩნდა - ილიევს ბულგარეთის ნაკრებიდან უშვებენ

"ნოტინგემმა" ეშპირიტუ სანტუ გაათავისუფლა - მოურინიო მისი შეცვლის ერთ-ერთი მთავარი კანდიდატია

"მარტო უნდა დავტოვოთ" - სკალონის ჰკითხეს, ითამაშებს თუ არა მესი 2026 წლის მსოფლიო ჩემპიონატზე

"სამწუხაროდ, ესპანეთში მას არ აფასებენ" - დე ლა ფუენტემ საკუთარი გუნდის ფეხბურთელი გამოარჩია

საქართველო - ფინეთი. ორივე ნაკრების გულშემატკივართა დესანტი რიგისაკენ მიემართება

აბურჯანია კარიერას საუდის არაბეთში გააგრძელებს

U21 | საქართველო V ჩრდილოეთ ირლანდია - მატჩისწინა ვარჯიში წყალტუბოში

ხარატიშვილი ჩეხურ კლუბში გადავიდა

„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე

უთავმოყვარეო და მშიშარა უწოდეს - სანტუშს აზერბაიჯანის ნაკრების დატოვება მაინც მოუწია

პსჟ ბარკოლასთან კონტრაქტის გაგრძელებაზე მოლაპარაკებას აწარმოებს

რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..

"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს

[PHOTO] არდა გიულერის ემოციები ესპანეთთან განადგურების შემდეგ

"ჯერ კიდევ ყველაფერი შესაძლებელია" - კვარაცხელიას და დავითაშვილის კომენტარი

სავარაუდო შემადგენლობა თურქეთთან - სანიოლის საფიქრალი

ოფიციალურად: სატრანსფერო ფანჯრის ბოლო დღეს "ნაპოლიმ" ელმასი დაიბრუნა

საქართველო VS თურქეთი - მსოფლიო ჩემპიონატისკენ დავიძარით!

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!

ანგისას გოლი 90+5-ე წუთზე - "ნაპოლიმ" "კალიარის" სძლია

ბოლო დეტალები თანხმდება - ჰოილუნი კარიერას "ნაპოლიში" განაგრძობს

ჰოილუნი "ნაპოლის" უახლოვდება - "პარტენოპეი" ფეხბურთელის დაყოლიებას ცდილობს

"ნაპოლიში" კვარაცხელიას ეს ფენომენი შეცვლის" - ანტონიო კასანო

ჰოილუნი უკვე ნეაპოლში და დღეს "ნაპოლის" ფეხბურთელი ოფიციალურად გახდება

რისიც გვეშინოდა და როგორ უნდა "დაუძვრე" წაგებას - თურქეთის შემდეგ