ლუკას პოდოლსკი ცოფებს ყრის

„კიოლნის“ ახალი მთავარი მწვრთნელი სტალე სოლბაკენი გუნდიდან ლუკას პოდოლსკის გაშვებას არ გამორიცხავს მას მერე, რაც კაპიტნის სამკლავური ჩამოართვეს, „კიოლნის“ ლიდერი ლუკას პოდოლსკი ცოფებს ყრის. სანამ „თხების“ ახალი მთავარი მწვრთნელი სტალე სოლბაკენი საბოლოო გადაწყვეტილებას გამოაცხადებდა და ყველას ამცნობდა, რომ პოლდის კაპიტნის სამკლავური ჩამოერთვა, ლუკასი დღენიადაგ იმას გაიძახოდა, ჩემთვის ამ მეტად მნიშვნელოვანი სტატუსის ჩამორთმევას ვერ ავიტანო და საქმე საქმეზე რომ მიდგა, დანაპირები აასრულა კიდეც - პოლდი აიმრიზა.სოლბაკენი კი სიმკაცრეს იჩენს, იხტიბარს არ იტეხს და გუნდის ერთ-ერთი უმთავრესი ფეხბურთელის გაშვებასაც კი არ გამორიცხავს.ერთი სიტყვით, პოდოლსკის „კიოლნში“ დარჩენის საკითხი უკვე უდიდესი კითხვის ნიშნის ქვეშაა. მართალია, სოლბაკენმა თქვა, ლუკასმა ჩემი გადაწყვეტილება ვაჟკაცურად მიიღო და გააცნობიერაო, მაგრამ თვითონ ფეხბურთელი საპირისპიროს ამტკიცებს და ამბობს, მისთვის კაპიტნობის დაკარგვა იმდენად პრობლემატური არ არის, რამდენადაც ის, როგორ დააკარგვინეს სტატუსი.„რამდენჯერმე ვთქვი, რომ კაპიტნის სამკლავურის დაკარგვა ჩემთვის ძალიან დიდი დარტყმაა. მიუხედავად ამისა, ყურადღება არავინ მომაქცია და გადაწყვეტილების შესახებ მისი მიღებიდან სამი კვირის შემდეგ შევტყვე. ჩემი აზრით, „კიოლნის“ ხელმძღვანელობისგან ამას არ ვიმსახურებდი. ამ კლუბის წინაშე საკმარისად დიდი დამსახურება მაქვს იმისათვის, რომ ყურადღება მოექციათ და ჩემთან გულახდილად ესაუბრათ,“ - ჭმუნავს ლუკასი.ამ ყველაფრიდან გამომდინარე დაიწყო დისკუსია იმის შესახებ, რომ დიდი შანსია, პოლდიმ „კიოლნი“ დატოვოს. კითხვაზე, წავა თუ არა ლუკასი გუნდიდან, სოლბაკენმა ასე უპასუხა: „ფეხბურთში არასდროს არაფერია გამორიცხული!“სამაგიეროდ, გუნდის პრეზიდენტმა ვოლფგანგ ოვერატმა „ბილდისთვის“ მიცემულ ინტერვიუში განაცხადა, ლუკასის გაშვებას არ ვაპირებთ, ამაზე ერთი წამითაც არ გვიფიქრიაო, მაგრამ „ბილდი“ ინფორმაციით, თვითონ ლუკასს აღარ სურს გუნდში დარჩენა და საინტერესო წინადადების მიღების შემთხვევაში, „თხების“ ხელმძღვანელობას გაყიდვას მოსთხოვს.შეგახსენებთ, რომ პოდოლსკისთვის კაპიტნის სამკლავურის ჩამორთმევის ცნობა ოფიციალურად ორშაბათს დადასტურდა - სოლბაკენმა გუნდის თავად მცველი პედრო ჟერომელი დანიშნა. აღსანიშნავია, რომ პოლდი ჟერომელის შემცვლელადაც კი არ დაასახელეს - „კიოლნის“ მეორე კაპიტანი ახალწვეული საშა რიტერი იქნება.ყოველდღიური სპორტული გაზეთი "ლელო"

კარლი სრულწლოვანი გახდება და "ბაიერნი" ახალ კონტრაქტს გაუფორმებს

საუდის არაბეთი თუ "ბაიერნში" დარჩენა - მიუნხენელები კეინის კონტრაქტზე გადამწყვეტი ნაბიჯისთვის ემზადებიან

"ჩემს მკერდამდე აღწევდა" - OnlyFans-ის მოდელი ახალგაზრდა ამომავალ ვარსკვლავთან ურთიერთობაზე

მერაბ რატიშვილი მონტენეგრო-საბერძნეთის მატჩს უკომისრებს

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა