<p>გშტაადის ტურნირში მასპინძელმა სტანისლას ვავრინკამ ავსტრალიელ პეტერ ლუჩაკს იოლად სძლია <br> ხორვატიის ქალაქ უმაგში ბრძოლას გამოეთიშა პირველ ნომრად განთესილი ხუან-იგნასიო ჩელა. არადა, არგენტინელისთვის იტალიელ პოტიტო სტარაჩესთან მატჩი კარგად უნდა დასრულებულიყო - ჩელამ მესამე სეტის დასაწყისში ორი ბრეიკი გააკეთა და 3:0 დაწინაურდა, მაგრამ, როგორც ჩანს, ნაადრევად ირწმუნა გამარჯვება და ამისთვის დაისაჯა კიდეც.</p><p>ჩელას გავარდნის შემდეგ უმაგში მთავარ ფავორიტად იქცა მასპინძელი მარინ ჩილიჩი, რომელსაც რთული ბრძოლის გადატანა მოუწია ჰოლანდიელი რობინ ჰაასეს წინააღმდეგ. ხორვატმა ცხრიდან შვიდი ბრეიკ-პოინტი მოიგერია და სწორედ მნიშვნელოვან ბურთებზე ზუსტი თამაში წყალობით შეძლო მატჩის გადარჩენა.</p><p><strong>* * *</strong></p><p>სამაგიეროდ, ყველაფერი წესრიგში ჰქონდა ლოს ანჯელესის ტურნირის პირველ ნომერ მარდი ფიშს, რომელმაც ორ სეტში დაამარცხა ჟილ მიულერი. ამერიკელს მხოლოდ პირველ სეტში გაუჭირდა, როცა სეტბოლის მოგერიება მოუწია, სამაგიეროდ, ტაი-ბრეიკზე დომინირებდა და შემოკლებული გეიმი 7:1 მოიგო. მეორე სეტი კი ფორმალობა გახდა და იქ ფიშმა მხოლოდ ერთი გეიმი დაუთმო მოწინააღმდეგეს.</p><p>ფიშმა გასულ კვირას ატლანტას ტურნირი მოიგო და ახლა ზედიზედ მეორე ტიტულს უმიზნებს. სხვათა შორის, ატლანტაში მიულერმაც კარგად ითამაშა და იქ ნახევარფინალამდე გააღწია.</p><p><strong>* * *</strong></p><p>რაც შეეხება გშტაადის ტურნირს, აქ სათამაშო დღის სრულად დამთავრება კვლავ წვიმის გამო ვერ მოხერხდა. დასრულებული თამაშებიდან კი აღსანიშნავია მასპინძელი სტანისლას ვავრინკას იოლი მოგება ავსტრალიელი პეტერ ლუჩაკის წინააღმდეგ. შვეიცარიელმა ცხრა ეისი დააგროვა და სტაბილური პირველი მოწოდების ხარჯზე მოიგო მატჩი.</p><p>მისი მეტოქე მეოთხედფინალში მარსელ გრანოლერსი იქნება, ვინც რუსი იგორ ანდრეევი გაანადგურა - 6:1, 6:3. ასევე გავიდნენ შემდეგ წრეში ესპანელი ფავორიტები- ფერნანდო ვერდასკო და ფელისიანო ლოპესი, რაც შეეხება ტურნირის პირველ ნომერს, ასევე ესპანელ ნიკოლას ალმაგროს, წვიმის გამო სწორედ მისი შეხვედრა გადაიდო ფინელი იარკო ნიემინენის წინააღმდეგ.</p><p><strong>ATP</strong></p><p>Farmers Classic</p><p>ლოს ანჯელესი (აშშ). ჰარდი</p><p>საპრიზო ფონდი: 619 500 დოლარი</p><p><em>II წრე</em></p><p>გრიგორ დიმიტროვი (ბულ)-ალექს ბოგომოლოვი (აშშ) 4:6, 3:6; რაიან სვიტინგი (აშშ)-იგორ კუნიცინი (რუს) 6:7, 6:7; ტომაშ ბელუჩი (ბრა)-ალეხანდრო ფალა (კოლ) 6:0, 6:1; მარდი ფიში (აშშ)-ჟილ მიულერი (ლუქ) 7:6, 6:1.</p><p>Croatia Open</p><p>უმაგი (ხორვატია). გრუნტი</p><p>საპრიზო ფონდი: 398 250 ევრო</p><p><em>II წრე</em></p><p>ფაბიო ფონინი (იტა)-ოლივიე როხუსი (ბელ) 6:4, 6:1; მარინ ჩილიჩი (ხორ)-რობინ ჰაასე (ჰოლ) 4:6, 6:4, 6:3; დიეგო ხუნკეირა (არგ)-ანდრეას სეპი (იტა) - 5:7, 1:6; ხუან იგნასიო ჩელა (არგ)-პოტიტო სტარაჩე (იტა) 6:4, 4:6, 5:7.</p><p>Suisse Open</p><p>გშტაადი (შვეიცარია). გრუნტი</p><p>საპრიზო ფონდი: 398 250 ევრო</p><p><em>II წრე</em></p><p>ჟულიან ბენეტო (საფ)-მატიას ბახინგერი (გერ) 6:4, 6:4; მარსელ გრანოლერსი (ესპ)-იგორ ანდრეევი (რუს) 6:1,6:3; სანტიაგო ხირალდო (კოლ)-ანდრეას ჰეიდერ-მაურერი (ავსტრია) 6:3, 2:6, 4:6; ფერნანდო ვერდასკო (ესპ, 4)-ფრედერიკო ჟილი (პორ) 6:3, 6:2; დანიელ ხიმენო-ტრავერი (ესპ)-ფელისიანო ლოპესი (ესპ) 3:6, 4:6; პეტერ ლუჩაკი (ავსტრა)-სტანისლას ვავრინკა (შვეიც) 3:6, 5:7.</p><p><strong>ყოველდღიური სპორტული გაზეთი "ლელო"</strong></p>
[PHOTO] პირველი ქალი ჩოგბურთელი, რომელმაც მკერდი გაიდიდა - ფრანგმა გოგონამ მიზეზი ახსნა
სენსაციებით დატვირთული დღე შანხაიში - ტურნირს რამდენიმე ვარსკვლავი ერთიანად გამოეთიშა
ბასილაშვილი ჩილიჩთან დამარცხდა და ჯოკოვიჩთან კიდევ ერთხელ დაპირისპირების შანსი დაკარგა
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა