- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ლიგა ერთი იწყება
<p>ლიგა 1. ჩემპიონატის წინ: ანტუან კომბუარეს გუნდს "პარი სენ-ჟერმენს" საფრანგეთში სეზონის უმთავრეს ფავორიტად ასახელებენ <br> დღეს ლიგა 1-ის ახალი სეზონი იწყება. ფრანგულ ფეხბურთში ჩახედული სპეციალისტები და ჟურნალისტები სეზონი მთავარ ფავორიტად, ლამის ერთხმად, "პარი სენ-ჟერმენს" ასახელებენ. მათი ერთსულოვნება გასაგებია, რადგან დედაქალაქელებმა ახალი სეზონისთვის არნახული სატრანსფერო კამპანია აწარმოეს.</p><p>ბოლო მონაცემებით საერთო ხარჯმა 80 მილიონ ევროს გადააჭარბა. რომ ვთქვათ, არც ერთ ფრანგულ კლუბს არასდროს ამდენი არ დაუხარჯავს-თქო, ალბათ ახალს არაფერს ვიტყვით. თუკი ფეხბურთის ყურება გუშინ არ დაიწყეთ, მაშინ ისიც გეცოდინებათ, რომ ასეთი კომფორტის უფლებას ფრანგული კლუბები თავის თავს ვერ აძლევენ ხოლმე. მაგალითად რომ ავიღოთ, არცთუ ყველაზე ხელმოკლე "ლილის" სატრანსფერო რეკორდი 2009 წელს "ლე მანისთვის" ჟერვინიოში გადახდილი 6,5 მილიონი ევროა. დაახლოებით ასეთი სხვა ფრანგული კლუბების გაქანებაც.</p><p>დიახ, დღეს სეზონი იწყება და წინასწარ თამამად შეიძლება იმის თქმა, რომ ეს უნდა იყოს ერთ-ერთი ყველაზე თვალწარმტაცი საფეხბურთო წელიწადი საფრანგეთში. ბოლო 4 წლის ტრადიციას თუ გადავხედავთ, ვერც ერთი გუნდი ჩემპიონობის შენარჩუნებას ვერ ახერხებს. ესეც, რა თქმა უნდა, დამატებითი ინტრიგაა. თანაც წლეულს ოქროს მედლის კანდიდატთა რაოდენობა ისეთი ბევრია, როგორც არასდროს.</p><p>საფრანგეთის პრეზიდენტის, ზოგადად ფეხბურთისა და კონკრეტულად პსჟ-ის დიდი გულშემატკივრის ნიკოლა სარკოზის დახმარების გარეშე ეს საქმე არ გამოვიდოდა: "ყატარ სპორტს ინვესტმენტმა" "პარი სენ-ჟერმენი" შეიძინა. სპორტულ დირექტორად ბრაზილიელი ლეონარდო დაინიშნა, გარდა ამისა, კლუბმა 8 ფეხბურთელი შეიძინა, მათ შორის ხავიერ პასტორე, ფეხბურთელი, ვის გადაბირებასაც "ბარსელონა" და უფრო მეტად "ჩელსი" ცდილობდნენ. საბოლოოდ 42 მილიონად ის "პარკ დე პრენსზე" აღმოჩნდა.</p><p>"ფრანს ფუტბოლმა" პარიზელთა აქტივობას ივლისის რევოლუცია უწოდა - არცთუ უსაფუძვლოდ. "ეკიპმა" კი გამოცემის ცენტრალურ გვერდებზე, რომელიც მთლიანად საფრანგეთის ჩემპიონატის დაწყებას მიეძღვნა, პასტორეს დიდი პლაკატი დაბეჭდა, ზედ კი რიტორიკული შეკითხვა წააწერა: "და ეს ბიჭი ღირს 42 მილიონი?". არგენტინელის გარდა პარიზელებმა 17 მილიონი კევინ გამეიროში, ბლეზ მატუიდიში - 10 და ჟერემი მენეზში - 8,5 გადაიხადეს.</p><p>"ჩვენ ვაშენებთ გუნდს მომავლისთვის და სწორედ ამიტომ არ გვინდა შევიძინოთ 10 ლიონელ მესი, არა, ჩვენ სულ სხვა გზით ვაპირებთ სიარულს," - განაცხადა ლეონარდომ სპორტულ დირექტორად ოფიციალურად დანიშვნის შემდეგ. გარდა შენაძენებისა, პარიზელებმა თავი იმითაც გამოიჩინეს, რომ გუნდში დატოვეს მამადუ სახო, ფეხბურთელი, ვისი გადაბირებაც "არსენალს" უნდოდა. სახო ის ფეხბურთელია, რომელსაც პსჟ-ის კაპიტნის სამკლავური 17 წლისას პირველად ანდეს. გავიდა 4 წელიწადი და ახლა ის კლუბის სრულფასოვანი კაპიტანია. პროგრამა მინიმუმი, რომელსაც ხელმძღვანელობა გუნდს უსახავს, ჩემპიონთა ლიგის საგზურის მოპოვებაა. დიდი ალბათობით პსჟ ამას იოლად მოახერხებს.</p><p>პარიზელთა ძირითადი კონკურენტები ოქროსთვის ბრძოლაში "მარსელი" და "ლილი" უნდა იყვნენ. პირველი იმიტომ, რომ დიდიე დეშამის გუნდმა თავისი ძალა შარშან ჩემპიონატის გარდა ევროთასებზეც დაამტკიცა. "ლილს" კი მდგომარეობა და მოქმედი ჩემპიონისა და თასის მფლობელის სახელი აიძულებს, იბრძოლოს ტიტულების შესანარჩუნებლად. ექსპერტები ფიქრობენ, რომ შარშან "ძაღლებს" რაღაც წილად გაუმართლათ კიდეც, რადგან გუნდს სათანადოდ არ აფასებდნენ, ბოლომდე არავის სჯეროდა, რომ ისინი ოქროს შესწვდებოდნენ.</p><p>წელს კი სიტუაცია განსხვავებული იქნება. ჩემპიონის დამარცხება ყველასთვის პრესტიჟია, შესაბამისად, რუდი გარსიას შეგირდებისთვის წელს ყველა დაპირისპირება ორმაგად რთული იქნება. ამას დაუმატეთ, რომ ჩემპიონთა ლიგაში გამოუცდელ კოლექტივს ტურნირი უზარმაზარ ძალას წაართმევს. ასე რომ, წელს "ლილის" ჩავარდნა არავის უნდა გაუკვირდესო, წერენ ჟურნალისტები.</p><p>ჩემპიონატის დაწყებამდე ჩემპიონმა და ლიგის თასის მფლობელმა "მარსელმა" სუპერთასი გაითამაშეს, სადაც თამაშის დამთავრებამდე 10 წუთით ადრე პირველები 3:1-ს იგებდნენ, შემდეგ რატომღაც ანერვიულდნენ. შედეგად დარჩენილ დროში 4 ბურთი მიიღეს და 1 გაიტანეს - 5:4 პროვანსელთა სასარგებლოდ. ამ შეხვედრამ მარსელელთა საჩემპიონო ამბიციასა და განწყობას კიდევ ერთხელ გაუსვა ხაზი. ველოდრომელებმა მშვენივრად იმუშავეს სატრანსფერო ბაზარზე. მართალია არა ისე ხმაურიანად, როგორც პარიზელებმა, მაგრამ მაინც ძალზე ეფექტურად - გადაიბირეს ძალიან ძლიერი საყრდენი ალუ დიარა, იმედის მომცემი უნივერსალი მცველი ნიკოლა ნკულუ, ლორიანელები ჟერემი მორელი და მორგან ამალფიტანო, ხოლო გუნდიდან წასული ლუჩო გონსალესის შემცვლელი "ველოდრომზე" აქამდეც მოიძევებოდა - მატიე ვალბუენა.</p><p>სხვა მონაწილეებს რაც შეეხება, შეუძლებელია გვერდი ავუაროთ "ლიონს". ამ გუნდს საჩემპიონო ამბიციები ჯერ კიდევ მოსდევს, მაგრამ მათი რეალიზება წარმოუდგენლად რთული იქნება. სხვას ყველაფერს თავი რომ დავანებოთ, გუნდს სერიოზული ფინანსური პრობლემები აქვს და სწორედ ეს მიზეზია, აქამდე ერთი კვალიფიციური ფეხბურთელიც რომ ვერ გადაიბირეს. მით უფრო, რომ ჟან-მიშელ ოლა ძალიან დიდ რისკზე წავიდა, როცა ჩემპიონთა ლიგის მონაწილე გუნდი ბავშვთა აკადემიის ყოფილ მწვრთნელ რემი გარდს ჩააბარა.</p><p>ასეთი რისკი გაამართლებს თუ არა არავინ იცის. კარგია, პრეზიდენტმა იმდენი მაინც მოახერხა, რომ 10 მილიონად ალი სისოკოს და 15-ად მიშელ ბასტოსის ტრანსფერებს არ დათანხმდა. ეჭვია, რომ ამ თანხებს კლუბი ახალი ფეხბურთელების შესაძენად ვერ მიმართავდა და პლუს, ამ ორ ლიდერსაც დაკარგავდა. თუკი იოან გურკუფი ბოლოს და ბოლოს ჩვეულ დონეზე ათამაშდება, მაშინ "ლიონს" შეეძლება სამეულში მოხვედრა.</p><p>აქვე გთავაზობთ პირველი ტურის განრიგს:</p><p><em>დღეს </em></p><p>23:00 აიაჩო-ტულუზი</p><p>23:00 ბრესტი-ევიანი</p><p>23:00 კანი-ვალანსიენი</p><p>23:00 მარსელი-სოშო</p><p>23:00 მონპელიე-ოსერი</p><p>23:00 ნანსი-ლილი</p><p>23:00 ნიცა-ლიონი</p><p>23:00 პსჟ-ლორიანი</p><p><em>ხვალ</em></p><p>19:00 დიჟონი-რენი</p><p>23:00 ბორდო-სენტ-ეტიენი</p><p><strong>ყოველდღიური სპორტული გაზეთი "ლელო"</strong></p>
-
rosoneri_95
მიდი ბორდოო! ჩემი საყვარელი ფრანგული გუნდი.
პსჟ-ს მეკარემ კლუბი გააღიზიანა და შეიძლება გუნდი გამოიცვალოს
სკანდალი მწიფდება. დემბელემ ხელფასის მომატება მოისურვა - კლუბი მისი მოთხოვნით უკმაყოფილოა
კაპიტანი გუნდიდან მიდის? - მარკინიოსის 12-წლიანი პარიზული კარიერა დასასრულს უახლოვდება
"მანჩესტერ იუნაიტედთან" მატჩში "ლივერპულის" შემადგენლობა ცნობილია
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
[VIDEO] ვენდეტა არგენტინულად - სიმეონემ "ტორინოს" "ნაპოლისთან" გამარჯვება მოუპოვა
მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა
საქართველო 3:2 ყირგიზეთი
გოჩოლეიშვილს სახეზე 6 ნაკერი დაადეს - "ჰამბურგი" "ლაიფციგთან" დამარცხდა
კვერნაძე შეცვლაზე შევიდა - "ფროზინონე" "მონცასთან" დამარცხდა
39 დღე გაძლო - "ნოტინგემმა" პოსტეკოღლუ გაათავისუფლა
ზივზივაძე დაბრუნდა - "ჰაიდენჰაიმი" "ვერდერს" ფრედ ეთამაშა
"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა
"ქუთაისმა" რუსთავში იმარჯვა, "ორბმა" ტყიბულში თსუ-ს სძლია
"ალბათ, სეზონის ბოლოს "ბარსელონას" დატოვებს" - ცნობილი გერმანელი ჟურნალისტი ლევანდოვსკის მოამვალზე წერს
რაფაელ ბენიტესი ბერძნულ გუნდს ჩაიბარებს
გვარდიოლამ გაამხილა, როდის იფიქრებს მწვრთნელის კარიერის დასრულებაზე
კვარაცხელია და იამალი თანაგუნდელები გახდებიან? - პირველადი მოლაპარაკებები გაიმართა
[VIDEO] მამუკელაშვილის 17 წუთი - "ტორონტო რაპტორსმა" პრესეზონი "ბრუკლინთან" გამარჯვებით დაასრულა
ლიდერი შეიცვალა... "გარეჯმა", "ტორპედომ" და "იბერია 1999"-მა მოიგეს
კანტე ევროპაში ბრუნდება? - ფრანგს სერიოზული მსურველი ჰყავს