<p>SportoweFakty-მ საქართველოს ნაკრებისა და "კრაკოვიას" მცველ ოთარ კაკაბაძესთან ინტერვიუ გამოაქვეყნა. ჩვენებურმა განვლილ ევროპის ჩემპიონატსა და თავის მომავალზე ისაუბრა.</p><p>როგორც მან აღნიშნა, პოლონეთში ყოფნით ის და მისი ოჯახი ძალიან ბედნიერნი არიან და არსად წასვლას არ აპირებს.</p><p>"ევრო 2024-ზე ნამდვილად შესანიშნავი იყო. ახლაც, გერმანიიდან დაბრუნებიდან ორი კვირის შემდეგ, ყველაფერი კარგად მახსოვს. ეს იყო მართლაც მნიშვნელოვანი რამ ქვეყნისთვის, ყველა ჩვენგანისთვის. ძალიან ვამაყობ.</p><p>ტურნირის მსვლელობისას ყველამ ვიგრძენით ჩვენი სამშობლოდან ხალხის დიდი მხარდაჭერა. ალბათ, ხედავდით, რა შესანიშნავად მიგვიღეს ევროს შემდეგ, რამდენი ხალხი შეიკრიბა ქუჩებში. გადაჭედილი ქუჩების ნახვა მართლაც დაუჯერებელი სანახაობა იყო.</p><p>ქალაქში სპეციალური ავტობუსით ვიარეთ და გულშემატკივრებს მივესალმეთ, ხელებს ვუქნევდით, მადლობას ვუხდიდით მხარდაჭერისთვის. ეს იყო მშვენიერი ღამე, სამუდამოდ დაგვამახსოვრდება, ჩვენი სიცოცხლის ბოლომდე.</p><p>პორტუგალიასთან მატჩი მართლაც რაღაც განსაკუთრებული იყო. ევროზე ჩვენ წასვლამდე ბევრმა იკითხა, რატომ მიდიოდა საქართველო ამ ჩემპიონატზე, ჩვენ კი ვთქვით, რომ ნამდვილად არ გვინდოდა ტურისტები ვყოფილიყავით და ვფიქრობ, ეს საქმით დავამტკიცეთ. ჯგუფიდან გავედით, რასაც ვფიქრობ, არავინ ელოდა.</p><p>ვთხოვე თუ არა ხვიჩას მსგავსად რომელიმე პორტუგალიელს მაისური? - არა. როცა პატარა ვიყავი, მატჩების შემდეგ ვცდილობდი მაისურების გაცვლას. ახლა მირჩევნია ჩემი შევინარჩუნო. რონალდო, რა თქმა უნდა, ბევრისთვის ფეხბურთის გმირია, ყველა ჩვენგანისთვის შესანიშნავი მოთამაშე.</p><p>ვის ვთვლი საუკეთესო ქართველ ფეხბურთელად ამ ევროზე? - უკეთესი იქნება, ჩემ ნაცვლად ამ თემაზე გულშემატკივრებმა ისაუბრონ. ჩვენს გუნდში რამდენიმე მოთამაშეს მართლაც შესანიშნავი თამაშები ჰქონდა.</p><p>უპირველეს ყოვლისა, ჩვენ გუნდურად წარმოუდგენლად ვიმუშავეთ. ჩემი მხრიდან ვინმეს გამოყოფა ალბათ არასწორი იქნება. ჩვენი მეკარე მამარდაშვილი საოცარი მოთამაშეა. ჩემთვის ის არის ფეხბურთელი, რომელსაც შეუძლია მსოფლიო ტოპ-კლუბებში თამაში. სამომავლოდ მას ჩემპიონთა ლიგის ტრიუმფატორთა მსურველი გუნდის მეკარედაც კი ვხედავ. ჩემი აზრით, ის მართლაც უმაღლესი დონეა. ბევრი დიდი ფეხბურთელი გვყავს, მათ შორის, კვარაცხელია და გიორგი მიქაუტაძე.</p><p>ნიშნავს თუ არა რაიმეს, რომ მომავალ ჩემპიონებთან წავაგეთ? - არა. ზოგისთვის ამას მნიშვნელობა აქვს, მაგრამ სულაც ინგლისს რომ მოეგო, ჩემთვის არაფერი შეიცვლებოდა.</p><p>ასევე უნდა ხაზგასმით აღვნიშნო, რომ ესპანეთმა გამარჯვება დაიმსახურა იმის გამო, თუ რამდენად კარგად თამაშობდნენ ფეხბურთს. ისინი იმსახურებდნენ ჩემპიონობას, მართლაც საუკეთესო გუნდი ჰყავდათ.</p><p>რა არის საქართველოს ნაკრების მიზანი? - ახლა 2026 წლის მუნდიალზე უნდა გავიდეთ! მნიშვნელოვანია, რომ შედარებით ახალგაზრდა გუნდი გვყავს. მიმაჩნია, რომ მომავალში საქართველოს ევროპულ ფეხბურთში კიდევ შეუძლია დიდ წარმატებას მიაღწიოს. ევროზე ეს შედეგი საქართველოში ახალგაზრდა ფეხბურთელებისთვისაც გარკვეული ინსპირაციაა.</p><p>ბევრმა ადამიანმა, ვინც ევროს წინ საქართველოს შესახებ ბევრი რამ არ იცოდა, ჩვენი სიურპრიზის შემდეგ საქართველოთი დაინტერესდა. თამამად შეგვიძლია ვთქვათ, რომ ჩვენ კარგად გავაკეთეთ სამუშაო.</p><p>ჩემი მომავალი? წასვლა, რომ მდომებოდა, ევროპის ჩემპიონატის წინ კონტრაქტს არ გავახანგრძლივებდი. ჩემს ოჯახთან კონსულტაცია გავიარე და აქ ძალიან ბედნიერი ვარ.</p><p>აქ თავს ისე ვგრძნობ, როგორც საკუთარ სახლში. ერთი სული მაქვს ახალი სეზონი დაიწყოს. აქ კიდევ სამი წლით მოქმედი კონტრაქტი მაქვს.</p><p>მთლიანად "კრაკოვიაზე" ვარ ორიენტირებული და ჩემს მომავალს ამ გუნდში ვხედავ", - თქვა კაკაბაძემ.<br></p>
თეიმურაზ კვიტაიშვილი
მაგარი ფეხბურთელი, მშრომელი და კარგი ადამიანია ოთარი! დიდი წვლილი შეიტანა ნაკრების წარმატებაში! ჯანმრთელობა და წინსვლა
alexandre
წარმატებებს გისურვებ, ოთო! გაიხარე! და კიდევ მრავალჯერ გაახარე შენი ერი!
zaza
უნდა გაახალგაზრდავდეს დაცვის ხაზი , რომ ბურთის სწრაფი ამოტანა და უკან დაბრუნება შეძლონ სწრაფადვე , თორემ ის ახალგაზრდული ნაწილი გუნდისა , რომელიც გვყავს ისევ ,,ავტობუსში " იდგება . ამით იმას არ ვამბობ , რომ ბიჭებით არ ვამაყობ , რაც გააკეთეს არ ვუმადლი -პირიქით , მაგრამ ის ეტაპი დამთავრდა და თუ მეტი გვინდა , მაშინ ჩემი აზრით, ტაქტიკა უფრო მრავალფეროვანი უნდა გავხადოთ. აქ არ ვწერ , მაგრამ 90% გულშემატკივრებისა მიხვდება , ვინც ჩემი აზრით ნაკრებიდან უნდა წავიდეს . მიბაძონ ყოფილ , სამაგალითო კაპიტანს .
დათო
უკეთესს გუნდზეც არ ვიტყოდით უარს :)
რატი
ოთომ მაგრად ჩაატარა ეს ევრო .
გიორგი ვარშავიდან
მადლობა ოთარის , შესანიშნავ ფეხბურთელს და ძვირფას ადამიანს. წარმატებები კარიერაში და პირად ცხოვრებაში. ველოდებით შენ თამაშებს კრაკოვიაში !
შახრუდინი
კაკაბაძე საქართველოს ნაკრების უმნიშვნელოვანესი ფიგურა.დარწმუნებული ვარ მომავალში ნაკრების დაცვის ცენტრში ვიხილავთ ფლანგისთვის საკმარის სისწრაფეს რო დაკარგავს.ძაან მაგარია დაცვაში
მინდია
მაღალ დონეზე ითამაშე კაკაბ ამ ევროზე. ცოტა გული მწყდება კიდევ უფრო კარგი კარიერა შეგეძლო. თუმცა განსაკუთრებით ესპანეთში ტრავმებმა გაგაწამა. ნებისმიერ შემთხვევაში მადლობა ჩვენგან
გოგლიჩიძემ ითამაშა - "უდინეზემ" სტუმრად "ინტერს" მოუგო
მაღალი შეფასებები - ლომინაძემ პორტუგალიური გუნდის სასტარტოში დაიმკვიდრა ადგილი
Geo Team-ი მიქაუტაძის შესახებ მნიშვნელოვან ინფორმაციას ავრცელებს - "ვილიარეალი" ფრეს დასჯერდა
გოგლიჩიძემ ითამაშა - "უდინეზემ" სტუმრად "ინტერს" მოუგო
"ბენფიკამ" უკრაინელი ფეხბურთელი დაიმატა
"ნიუკასლის" ახალი რეკორდი - "კაჭკაჭებმა" ვოლტემადე შეიძინეს
"ლაიფციგი" ამ ზაფხულს შესაძლოა, კიდევ ერთმა ფორვარდმა დატოვოს
"მანჩესტერ იუნაიტედი" მარტინესის ვარიანტს მიუბრუნდა - არგენტინელი შესაძლოა, "ოლდ ტრაფორდზე" ვიხილოთ
ჯეკსონის საინტერესო ტრანსფერი - მიუნხენში ჩავიდა, მაგრამ "ჩელსიმ" მისი დაბრუნება მოითხოვა
ჰოილუნი უკვე ნეაპოლში და დღეს "ნაპოლის" ფეხბურთელი ოფიციალურად გახდება
კარგი ამბავი - FIBA-მ შენგელიას მსაჯების შეურაცხყოფისთვის დისკვალიფიკაცია არ მისცა
"სიმართლე უნდა ვთქვათ... "მეცთან" ბოლო მატჩში მიქაუტაძეზე ეს მომეჩვენა" - "ლიონის" ყოფილი ფეხბურთელი ქართველის გაყიდვაზე
ცნობილი გამოცემების პროგნოზები - მამარდაშვილი სანაკრებო პაუზას შესაძლოა, 1 თვის უთამაშებელი შეხვდეს
"ლიონმა" გიორგი მიქაუტაძის შემცვლელი დაიმატა
"დილა" და "გაგრა" სამ-სამი ქულით
ანგისას გოლი 90+5-ე წუთზე - "ნაპოლიმ" "კალიარის" სძლია
ქოჩორაშვილი სასტარტოში იყო - "სპორტინგმა" სახლში "პორტუსთან" წააგო
[VIDEO] ნევეშის სუპერგოლები და კვარაცხელია შეცვლაზე - პსჟ-მ "ტულუზას" მოუგო
საქართველოსთან მარცხის შემდეგ ესპანეთმა ხასიათი გამოისწორა - სკარიოლოს გუნდმა ბოსნია და ჰერცეგოვინა გაანადგურა
[VIDEO] ნაკრების მატჩების წინ კიტეიშვილმა ტრავმა მიიღო და შეცვალეს
დავითაშვილმა შეუცვლელად ითამაშა - "სენტ-ეტიენმა" "გრენობლს" ვერ მოუგო
"ტულუზასთან" მატჩში პსჟ-ს სასტარტო შემადგენლობა ცნობილია
დონჩიჩის 39 ქულა საკმარისი არ აღმოჩნდა - სლოვენია საფრანგეთთანაც დამარცხდა
საიდან შეიჭრა და როგორ გაიტანა - კაკაბაძის გოლით "კრაკოვიამ" გამარჯვება მოიპოვა [VIDEO]
"ძალა ჩვენშია, რომელიც ერთიანობაშია" - "ჯვაროსნების" მატჩისწინა ვარჯიში და კომენტარები
კაკაბაძე შეტევაში ჩაერთო და "გურნიკს" გაუტანა [VIDEO]
"სირცხვილია, მისგან პასი აღარ მიიღოთ!" - გია ჭანტურიამ კაკაბაძის განცხადების შემდეგ ეროვნული ნაკრების ფეხბურთელებს მიმართა
კაკაბაძემ "კრაკოვიასთან" კონტრაქტი გააგრძელა
ოთარ კაკაბაძე "კრაკოვიას" კაპიტანი გახდა
ქართველების მიმართ ინტერესი იზრდება - კაკაბაძემ შეიძლება კარიერა ინგლისში ან გერმანიაში გააგრძელოს
"გამეღიმა, როცა ეს ამბავი გავიგე" - "კრაკოვიას" პრეზიდენტმა კაკაბაძეზე ისაუბრა