მონრეალში ჩემპიონის გარეშე გააგრძელებენ

მონრეალის მასტერსზე მთავარი სენსაცია მოქმედი ჩემპიონის, მსოფლიოს მეოთხე ჩოგანის ენდი მიურეის სენსაციური მარცხი აღმოჩნდა თანდათან ძალას იკრებს მონრეალის მასტერსი, რომლის მეორე სათამაშო დღეს მთავარი სენსაცია აღმოჩნდა მოქმედი ჩემპიონის, მსოფლიოს მეოთხე ჩოგანის ენდი მიურეის სენსაციური მარცხი.ბრიტანელი ჩოგბურთელისთვის კანადური მასტერსი ერთ-ერთი საყვარელი ტურნირია. ბოლო ორი წლის განმავლობაში ენდი აქ არავის უთმობდა პირველობას. თითქოს წელსაც ყველაფერი წესრიგში იყო. შოტლანდიელი საშინაო უიმბლდონის შემდეგ პირველ ტურნირს თამაშობდა. იქ მიურეი ზედიზედ მესამე გავიდა ნახევარფინალში და ისევ წააგო. მოკლედ ყველაფერი ჩვეულებრივად მიდიოდა. მით უმეტეს, რომ მისი მეტოქე კევინ ანდერსონი ბოლო დროს განსაკუთრებულ საოცრებებს არ ჩადიოდა.მაგრამ ენდიმ პირველივე გეიმი წააგო საკუთარ მოწოდებაზე. სამხრეთამერიკელი, თავის მხრივ, დამაჯერებლად აწოდებდა, რითაც სეტის ბოლომდე შეინარჩუნა საკუთარი მოწოდება. ისე ჩანდა, რომ ბრიტანელი უბრალოდ ვერ შევიდა თამაშში. ის ძალიან ბევრ შეცდომას უშვებდა, ყოველთვის კარგად ვერ მიდიოდა ბურთთან და ვერ გრძნობდა თამაშს. თანაც ბრიტანელს საკუთარი მოწოდებაც ვერ ეხმარებოდა. საბოლოოდ, მეორე პარტიაში ანდერსონმა სამი ბრეიკი გააკეთა, იმ დროს, როცა მიურეიმ მეტოქის მოწოდებას ვერაფერი მოუხერხა - 3:6, 1:6. ენდისთვის ეს მესამე სერიოზული ჩავარდნაა სეზონის მესამე საჰარდო მასტერსზე: ინდიან უელსსა და მაიამიშიც ბრიტანელი ასევე ორ სეტში აგებდა პირველი წრის მატჩებს."ყველაფერს ნელა ვაკეთებდი, თანაც მეჩვენებოდა, რომ თამაში ძალიან მაღალ ტემპში მიმდინარეობდა. ასეთი რამ წელს უკვე დამემართა. კარგად ვემზადებოდი და ბევრს ვვარჯიშობდი, რათა ამ მასტერსს ოპტიმალურ ფორმაში შევხვედროდი. ჩვეულებრივ, კანადაში კარგად ვთამაშობ. მაგრამ დღეს ბევრი არაფერი გამომდიოდა. ორივე სეტი საშინლად დავიწყე, ხოლო ისეთ მოთამაშესთან, როგორიც კევინია, ასეთი რამ დაუშვებელია. თავიდანვე მისთვის ინიციატივის მიცემის შემდეგ აღარაფრის შეცვლა არ შემეძლო", - განაცხადა მატჩის შემდეგ მიურეიმ.ბრიტანელმა რეიტინგში 1000 ქულა დაკარგა. მართალია, ამ ეტაპზე კლასიფიკაციაში მის მეოთხე ადგილს ვერავინ დაემუქრება, მაგრამ მესამე ადგილზე მყოფ როჯერ ფედერერს ბევრით ჩამორჩა. ანდერსონი კი თავის საუკეთესო სეზონს ატარებს. მან 2011 წელს მოგებათა რიცხვი 29-მდე აიყვანა, წინა პირადი რეკორდი კი 14 გამარჯვებას უდრიდა (2010 წელი). სამხრეთამერიკელმა ყველაზე კარგად გაზაფხულზე მაიამის მასტერსზე ითამაშა, სადაც მეოთხედფინალამდე გააღწია.ანდერსონი ერთადერთი იყო, ვინც იმ დღეს მესამე წრის საგზური მოიპოვა. მეორე წრის დანარჩენი მატჩების ჩატარებას წვიმამ შეუშალა ხელი. ამიტომაც მაყურებელი პირველი რაუნდის შეხვედრათა ცქერით დაკმაყოფილდა.ამ ეტაპზე ბრძოლას ორი განთესილი გამოეთიშა. ერთ-ერთი იყო რუსი მიხაილ იუჟნი, რომელმაც თანაბარი თამაში ჩაატარა ფრანგი მიკაელ ლოდრას წინააღმდეგ. ყველაფერი მესამე სეტის ბოლოს გადაწყდა, როცა იუჟნიმ მეტოქეს მატჩზე არ ჩააწოდებინა, მაგრამ ტაი-ბრეიკზე ვერ ივარგა - 3:6, 6:3, 7:6(4).ასევე მოულოდნელობა იყო ჟილ სიმონის ორი სეტში წაგება გერმანელ ფილიპ პეტცშნერთან. მეცხრე ნომრად განთესილი ფრანგი ძალიან პასიურად გამოიყურებოდა, გარდა ამისა, მისი მეტოქე არც ერთ შანსს ხელიდან არ უშვებდა. პეტცშნერმა ორი თვის წინ ჰალეს ფინალში ითამაშა, მაგრამ შემდეგ ზედიზედ ოთხი ტურნირის პირველი წრე წააგო და რეიტინგში მე-80 ადგილამდე ჩამოქვეითდა.მეორე ფრანგულ-გერმანული დაპირისპირება რიშარ გასკეს გამარჯვებით დასრულდა. ფრანგმა ხუთი ბრეიკ-პოინტი მოიგერია ფლორიან მაიერთან მატჩში და ორ სეტში მოიგო - 6:3, 6:2. აღსანიშნავია, რომ გასკესთვის ეს იყო 250-ე გამარჯვება ATP-ის ტურში.გასკემდე ბევრი უკლია კანადელ ვაშეკ პოსპიშილს. მან მოულოდნელად ორ საათსა და 23 წუთში დაამარცხა არგენტინელი ხუან-იგნასიო ჩელა და პროფესიულ ტურში პირველი გამარჯვება იზეიმა. აღსანიშნავია, რომ მასპინძელმა ჩოგბურთელმა 2:4-დან შეძლო მესამე სეტის გადარჩენა.ATPRogers Cupტორონტო (კანადა). ჰარდისაპრიზო ფონდი: 398 250 ევროI წრერიშარ გასკე (საფ, 10)-ფლორიან მაიერი (გერ) 6:3, 6:2; ვაშეკ პოსპიშილი (კან)-ხუან იგნასიო ჩელა (არგ) 4:6, 6:3, 6:4; ფილიპ პეტცშნერი (გერ)-ჟილ სიმონი (საფ, 9) 7:5, 6:2; სერგეი სტახოვსკი (უკრ)-ფილიპ კოლშრაიბერი (გერ) 6:2, 7:5; მიკაელ ლოდრა (საფ)-მიხაილ იუჟნი (რუს, 11) 3:6, 6:3, 7:6(4); ვიქტორ ტროიცკი (სერ, 12)-მაიკლ იანი (აშშ) 2:6, 6:3, 6:1; მაიკლ რასელი (აშშ)-ალბერტ მონტანიესი (ესპ) 7:5, 6:2; იანკო ტიპსარევიჩი (სერ)-ალეხანდრო ფალა (კოლ) 7:5, 6:1.II წრეკევინ ანდერსონი (ს. აფრ)-ენდი მიურეი (ბრიტ, 4) 6:3, 6:1.ყოველდღიური სპორტული გაზეთი "ლელო"

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

[VIDEO] მაგიური დუელი ტურინში - სინერმა ალკარასი დაამარცხა

"რაც არ უნდა მოხდეს ტურინში, მე ამ მომენტით უკვე სასწაულად ბედნიერი ვარ" - იანიკ სინერმა წელს მე-8 ტიტული მოიგო

"ახლა გუნდებს სჯერათ, რომ ჩვენთან დადებითი შედეგის მიღწევა შეუძლიათ" - სლოტმა "სანდერლენდთან" მატჩი შეაფასა

კიტეიშვილის "შტურმი" სახლში დამარცხდა და ვერ გალიდერდა

ფუტსალის ნაკრები საერთაშორისო ტურნირზე იასპარეზებს

[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა

პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა

[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ

სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან

"შავი ლომი" ჩელენჯ თასს "მონპელიეთი" იწყებს

[VIDEO] "ბარსელონამ" სახლში "ატლეტიკოს" მოუგო

20 წ. | დიდი სხვაობით "კუდუსთან"

"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს

"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა

მამის ნაკვალევზე - ისაგო სილვამ "ჩელსისთან" კონტრაქტი გააფორმა

"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა

იტალიაში საუკეთესოები აღიარეს - მაკტომინეი, "ნაპოლი", კონტე

რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს

"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა

"ბაიერნის" პრეზიდენტმა ჰარი კეინის მომავალზე ისაუბრა

დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს