<p><p><p>საქართველოს ეროვნული საფეხბურთო ნაკრები ერთა ლიგის ახალი სეზონის პირველი მატჩისთვის მზადებას განაგრძობს. 5 სექტემბერს ვილი სანიოლის გუნდმა საგურამოს საწვრთნელ ბაზაზე სრული შემადგენლობით ივარჯიშა.</p></p></p><p>6 სექტემბერს მატჩისწინა ვარჯიშს ნაკრები კვლავ საგურამოს ბაზაზე გამართავს, ჩვენი მეტოქე ჩეხეთის ეროვნული გუნდი კი თამაშის მასპინძელ "მიხეილ მესხზე" ივარჯიშებს. საქართველოს ნაკრების ვარჯიშის დაწყებამდე აკრედიტებული მედიისთვის სასტუმრო "სევსამორაში" საქართველოს ნაკრების მთავარი მწვრთნელის, ვილი სანიოლის მატჩისწინა პრესკონფერენცია გაიმართება.</p><p>მოახლოებული შეხვედრის და ერთა ლიგის შესახებ კომენტარი საქართველოს ნაკრების კაპიტანმა გურამ კაშიამ გააკეთა.</p><p>გურამ კაშია (ეროვნული გუნდის წევრი): "ჩეხეთის ნაკრები ფიზიკურად ძალიან ძლიერი გუნდია. სახიფათოები არიან სტანდარტული მდგომარეობების დროს. ასეთი სტილის გუნდს ფიზიკური წინააღმდეგობა აუცილებლად უნდა გაუწიო. ვფიქრობ, ეს თამაში დიდ ენერგიას წაიღებს.</p><p>რეალობას უნდა დავუბრუნდეთ. რა თქმა უნდა, უკეთესი გუნდი გავხდით, თუმცა იოლი გასეირნება ამ ჯგუფში არ გვექნება. უნდა ვიფიქროთ ჯგუფის მოგებაზე, მაგრამ ოთხივე გუნდი ძალიან თანაბარია. ყველა მეტოქესთან 100 პროცენტი უნდა გავიღოთ მაქსიმალური შედეგის მისაღწევად".</p><p>სექტემბრის სანაკრებო პაუზის ფარგლებში, საქართველოს ეროვნული გუნდი ერთა ლიგის ორ მატჩს გამართავს. 7 სექტემბერს მიხეილ მესხის სახელობის სტადიონზე ნაკრები ჩეხეთს უმასპინძლებს. 10 სექტემბერს ტირანაში ჩვენი გუნდის მეტოქე ალბანეთის ეროვნული ნაკრები იქნება.</p><p><p><p><strong>საქართველოს ნაკრების შემადგენლობა</strong></p></p></p><p><strong>მეკარე:</strong> გიორგი მამარდაშვილი (ვალენსია, ესპანეთი), გიორგი ლორია (ომონია არადიპუ, კვიპროსი), ლუკა გუგეშაშვილი (პანსერაიკოსი, საბერძნეთი)</p><p><strong>დაცვა: </strong>გურამ კაშია (სლოვანი, სლოვაკეთი), ოთარ კაკაბაძე (კრაკოვია, პოლონეთი), გიორგი გველესიანი (პერსეპოლისი, ირანი), ლაშა დვალი (აპოელი, კვიპროსი), ლუკა ლოჩოშვილი (კრემონეზე, იტალია), გიორგი გოჩოლეიშვილი (კოპენჰაგენი, დანია), ირაკლი აზაროვი (შახტარი, უკრაინა), ლუკა გადრანი (კაირათი, ყაზახეთი), საბა გოგლიჩიძე (ემპოლი, იტალია), ჯიმი ტაბიძე (დინამო მახაჩყალა, რუსეთი)</p><p><strong>ნახევარდაცვა/თავდასხმა:</strong> გიორგი ჩაკვეტაძე (უოტფორდი, ინგლისი), ოთარ კიტეიშვილი (შტურმი, ავსტრია), გიორგი ქოჩორაშვილი (ლევანტე, ესპანეთი), სანდრო ალთუნაშვილი (ვოლფსბერგი, ავსტრია), შოთა ნონიკაშვილი (ჩერკასი, უკრაინა), გიორგი წიტაიშვილი (გრანადა, ესპანეთი), საბა ლობჟანიძე (ატლანტა იუნაიტედი, აშშ), გიორგი მიქაუტაძე (ლიონის ოლიმპიკი, საფრანგეთი), ბუდუ ზივზივაძე (კარლსრუე, გერმანია), ხვიჩა კვარაცხელია (ნაპოლი, იტალია), ზურიკო დავითაშვილი (სენტ-ეტიენი, საფრანგეთი)</p><p>6 სექტემბრის განრიგი</p><p>15:45 საქართველოს ნაკრების მთავარი მწვრთნელის პრესკონფერენცია (სასტუმრო "სევსამორა", საგურამო)</p><p>16:30 საქართველოს ნაკრების ვარჯიში (საგურამო, 15 წუთით დაიშვება აკრედიტებული მედია)</p><p>17:30 ჩეხეთის ნაკრების მთავარი მწვრთნელის პრესკონფერენცია ("მიხეილ მესხი")</p><p><p><p>18:00 ჩეხეთის ნაკრების ვარჯიში ("მიხეილ მესხი", 15 წუთით დაიშვება აკრედიტებული მედია)</p></p></p><p><p><p><strong>nakrebi.ge</strong></p></p> <p><p><strong></p><p></strong></p></p> <p><p><strong> </strong> <p></p></p> <p><br></p>
სიანზნაჯსნ
საქართველო - ჩეხეთი 0-3!
იბრუხ მართალი
დავიჯერო პროგრესს ვერ ხედავ ნაკრების ? გადახედე ახლო მომავალს კრილია სოვეტოვებში, ანჟებში და ათას ნაგავ გუნდში თამაშობდნენ. ნაპოლი, ლიონი, ვალენსია( ლივერპული ერთ წელში) და აღარ ჩამოვთვლი ჩემზე კარგად იცით პროგრესი და წინ სვლა არაა შენი აზრით ? . ძალიან კარგი ნაკრები გვყავს, ევროპას და მსოფლიოს ვერ მოვიგებთ დღეს მაგრამ განვითარება აშკარაა და მომავლის იმედს გვაძლევს. ამდენ პროფესორობას წარმატება მაინც გესურვებინა. რაც შეეხება ევროპას, დებიუტანტის კვალობაზე ძალიან კარგადაც გამოვედით.
დინამოელი
რა საიმტერესოა, საქართველოს ჩემპიონატის არცერთი მონაწილე არაა ნაკრებში. ეს ფაქტიურად ყველაფერზე მეტყველებს სამწუხაროდ
gel-100
და რა დრო იყო ეგეთი რო მოგნატრებია კიდეც?? შენ თუ კონკრეტულად ალბანელების ძლევა გიხაროდა არ ვიცი მარა ზოგადად ქართული ფეხბურთი და ეროვნული ნაკრები ძაან ცუდ მდგომარეობაში იყო და ალბანელების ძლევა რა გასახარია თუ მერე ყველასთან წააგებ და ბოლო ან ბოლოსწინა ადგილზე გახვალ არ მესმის,, მე ის დრო მიხარია როცა ნაკრებს შედეგები აქვს ევროზე უკვე გავედით მალე მსოფლიოზეც გავალთ, ჩვენი ნაკრების ფეხბურთელები ნელა-ნელა ტოპ-5 ჩემპიონატის წამყვანი ფეხბურთელები ხდებიან და პერსპექტივა და მომავალიც ახლოშივე ჩანს, ჩვენი ბიჭები სერია-ას MVP-ობაზე აცხადებენ პრეტენზიას, იქით გოგლიჩიძის დებიუტი, აქეთ ქოჩორას ასისტები, ჩაკვეს შესანიშნავი საფეხბურთო ქამბექი, მიქაუტაძის კლასი და კიდევ გვარ სახელები რომლებიც ახლო მომავალში ჩვენს ნაკრებს გააძლიერებენ მაგალითად, სიგუა, კვერნაძე, ლორთქიფანიძე, კაიშვილი, დოლტმურზიევი, ბაიერნმა რო წაიყვანა ეგ ბიჭიც და კიდევ ბევრი ნიჭიერი ბიჭი რომელიც დიდ ფეხბურთს ითამაშებს მომავალში, ესენი იმიტომ ჩამოვთვალე რო მათზე მაღალი წარმოდგენა აქვთ ევროპაში თორე კიდევ 2-3 მაგდენის ჩამოთვლაც შეიძლებოდა, აი ეს დრო მიხარია და არა ის ერთხელ რო ალბანეთს ან ფარერებს მოუგებდით და მერე მთელი წელი ვაგებდით, ჩვენი ფეხბურთელები ყაზახეთის, ყირგიზეთის, ტაჟიკეთის, რუსეთის მეორე ლიგის, სლოვაკეთის ბოსნიის და მსგავსი არასაფეხბურთო ჩემპიონატების გუნდებში მირბოდნენ იმიტომ რო მეტი კლასი და გაქანება არ ქონდათ, შეადარე ეხლა ნაკრების დღევანდელი ფეხბურთელების კლუბები ბოლო 10-15 წლის განმავლობაში სადაც თამაშობდნენ იმ გუნდებს და მიხვდებით რატო აქვს ნაკრებს პროგრესი და რატო გვაქვს მეტის იმედი
იასონას უდარი
დაიწყო ისე უაზრო საუბრები,"რეალობას უნდა დავუბრუნდეთ","ძლიერი გუნდი კი გავხდით,მაგრამ" და კიდევ ბევრ უცნაურობას მოვისმენთ. თუ ძლიერი გუნდი გახდი,მაშინ ჩეხეთს სახლში უნდა უგებდე,იმას რო თავი დავანებოთ,ევროზე პლეიოფი მხოლოდ ჩვენ ვითამაშეთ ამ 4 გუნდიდან. თუ ქართულ მედიასაშუალებებს,მაყვალებს და ჯემალებს დავუჯერებთ ეს საოცარი შედეგი იყო საოცარი გუნდის შესრულებით,ხოდა ამ ჯგუფში უპირობო გამარჯვება ჩაითვლება წარმატებად,ხოლო ნებისმიერი სხვა შედეგი იქნება წარუმატებლობა.თუ მთელი ზაფხულის მოლოდინებიდან და საუბრებიდან გამოვალთ,საქართველო არის უკეთესი გუნდი,ვიდრე დანარჩენი სამი. კაშია ტოპ მცველი და სანიოლი საუკეთესო მწვრთნელი იყო,ვნახოთ,რამდენ ხანში მოითხოვენ კაშიას და სანიოლის ნაკრებიდან წასვლას. ქართული ფეხბურთის ნამდვილი სახე ევროტურნირებმა აჩვენეს,ეს უნდა იყოს საზომი და არა სხვა რამე. ის რო სადღაც 16 გუნდში გახვედი,არაფერს ნიშნავს ამ მხრივ,როცა პროგრესს გვინდა დავუძახოთ რაღაცას. რეალურად,კარგი დაცვა ითამაშეს,ჩეხებმა ვერ გაგვიტანეს და პორტუგალიამ გვიჯიგრა,თან მამარდამ სასწაულები აკეთა. სხვა რა იყო საამაყო ამ ტუნრირზე,მიქაუტაძეს ოქროს ბუცი მისცეს,თუმცა ორი პენალტი გაიტანა და ჭაღარა ზანგის ზამენა არის ლიონში. ნუ საამაყოა ის ფაქტი,რომ ბიუჯეტის ფულით ბევრი ჩავიდა გერმანიაში და ფოტოები გადაიღეს,ისეთი ხალხი დავინახე იქ,რომლებიც გაგებაში არ არიან ფეხბურთის,თუმცა ე.წ. ცნობადი სახეები არიან და დაატარებენ ხაშლამასავით. ეს ნამდვილად საამაყო ფაქტი იყო,ვერაფერს იტყვი,თუმცა ქართული ფეხბურთის პროგრესს არ წაადგება. ხო მართლა,სიმართლე არავის არ სიამოვნებს,თუმცა სიმართლის თქმა,როცა გარშემო მხოლოდ ილუზიები და ტყუილებია,არის გმირობის ტოლფასი. დინების მიყოლა არის ლიფსიტების საქმე,დიდი თევზები დინების საწინააღმდეგოდ მიცურავენ,იმის მიუხედავად,თუ რას იტყვიან ბიუჯეტის წურბელები თუ მათი ახლობელები.თუ ყველაფრის გამოყენებით გაიმეორებ შავი თეთრიაო,ადამიანების უმეტესობა დაიჯერებს და მართლა ასე ეგონებათ,ეგრეც არის. რეალობას უცვლიან ხელოვნურად,თუმცა მხოლოდ ერთეულები ხედავენ ილუზიების მიღმა სიმართლეს,თუმცა რად გინდა,საქართველოში ესეც მცირე რაოდენობის არის.
დიმა
გუნდში როცა გყავს, კიტე, ჩაკვე, ქოჩორა, კვარა და მიქაუტაძე, ნებისმიერი გუნდის დამარცხებაა შესაძლებელი, არა თუ ჩეხეთის, შანსები მაინც 50-50-ია, ოპტიმიზმის დიდი მიზეზი გვაქვს.
გიორგი
ეხ რა დრო იყო ალბანელებს რომ ვაფარჩაკებდით ხოლმე ))
შევჩენკომ უკრაინის ნაკრების მწვრთნელს მხარდაჭერა გამოუცხადა
ნუთუ მეტი არ შეგვიძლია?! - რას უნდა დააღწიოს თავი საქართველოს ნაკრებმა...
უკრაინა - საქართველო | წლის დასკვნითი მატჩი
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
კაშია: იმ წარმატების გამეორება, რომელსაც ევროპის ჩემპიონატზე მივაღწიეთ, სრულიად რეალურია
ესპანეთმა "უემბლიზე" ინგლისს მოუგო - ხორვატიამ ჩეხეთს სძლია
ოფიციალურად: ქართველებისთვის ნაცნობი "სლოვანი" იაია ტურეს ჩააბარეს
ისევ ნაკრებში იქნება - კაშია ვილი სანიოლის ერთ-ერთ ასისტენტად იმუშავებს
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
სობოსლაი: ახლოს ვიყავი იმასთან, რომ საქართველოსთან არ მეთამაშა
[VIDEO] იამალმა გაიბრწყინა, ესპანეთმა ხორვატიას სძლია - ინგლისმა ჩეხეთი დაამარცხა
უკრაინა - საქართველო | წლის დასკვნითი მატჩი
[VIDEO] დიდი ფეხბურთი მადრიდში - ინგლისმა ესპანეთს დრამატულ მატჩში სძლია
17 წელი ეროვნულ გუნდში - კაშია საქართველოს ნაკრებში კარიერას ასრულებს
ქართველებისთვის კარგად ნაცნობ "სლოვანს" იაია ტურეს ჩააბარებენ
სანიოლი: ვინ იქნება ახალი კაპიტანი? - ყველა კითხვას უნდა ვუპასუხოთ
[VIDEO] ესპანეთი უბრალოდ შეუჩერებელია - ინგლისმა კეინის სარეკორდო მატჩში ხორვატიას სძლია
ესპანეთმა ხორვატიას თამაში შემოუტრიალა - ინგლისმა ჩეხეთს მოუგო
ნუთუ მეტი არ შეგვიძლია?! - რას უნდა დააღწიოს თავი საქართველოს ნაკრებმა...
შევჩენკომ უკრაინის ნაკრების მწვრთნელს მხარდაჭერა გამოუცხადა
ესპანეთმა ისევ გაიმარჯვა, ინგლისმა ხორვატია არ დაინდო