ის, რაც კვარაცხელიას მოედანზე შეუძლია და როცა მისი გვწამს - ტაქტიკიდან გამომდინარე მთავარი სირთულე...

..."და, რაც კი ქვეყნად ამ ჩემს თვალს უეცრად მოეჩვენების, მარტოდენ ანარეკლია მაგ ღვთაებრივი შვენების..." - გალაკტიონი სათქმელს მარტივად და ყოვლისჩამწვდენად არა, მაგრამ ზუსტად და მოხდენილად ამბობს. ის, რისი შემოთავაზებას ხვიჩა კვარაცხელიას მოედანზე შეუძლია, მართლაც რაღაც ზებუნებრივია, ჩვენთან ჯერარნახულად შემოჭრილი და ჟანგბადით გაჯერებული.არსებობს მატჩები, რომელთა წინაც მკითხველიც შეამჩნევს, რომ კვარაცხელიას გოლის განსაკუთრებით გვწამს. ესაა, როცა თითქოს მის კრიზისსა და ცუდ ფორმაზე საუბრობენ და მაშინ, როცა რაღაც ცუდი სერია უნდა დასრულდეს და ახალი დაიწყოს.<img src="pictures/artimages/original/d5f03fe41d6487806612f71d4628983c.jpg" border="0" alt="Sportall.Ge" title="ის, რაც კვარაცხელიას მოედანზე შეუძლია და როცა მისი გვწამს - ტაქტიკიდან გამომდინარე მთავარი სირთულე..." />ხშირად ჩვენი წინათგრძნობა მართლდება, ხვიჩა კი ჟესტით ვითარებას ეხმაურება. ახლა გვჯეროდა ასე, "ნაპოლის" "მილანთან" მოუგებელი სერია უნდა დაესრულებინა და "კვარასაც" უნდა გაეტანა მეკარე მენიოსთვის, ერთ დროს ვინც ჩემპიონთა ლიგის მეოთხედფინალში პენალტის ბადეში გახვევა არ დაანება, რაც შემდეგ ცოტა ხნით ქართველის ხასიაზეც აისახა.ნეაპოლელთა მაისურით "კვარადონას" უკეთესი მატჩები გვინახავს, თუმცა ეს იყო შემთხვევა, როცა ფეხბურთელი კლასის დემონატრირებას ახდენს და ასე იშვიათად ჩავარდნილ საგოლე შანსს მაღალოსტატურად იყენებს. საერთოდაც, 77-ე ნომრისთვის ეს იდეალური ვითარებაა, როცა ბურთს მარცხენა ფლანგზე იღებს, ცენტრში შედის და ურტყამს. თანაც, გავიხსენოთ ამ დროს მინდორზე არსებული ვითარება - კონტეს გუნდს ერთბურთიანი უპირატესობა ჰქონდა, ტრადიციულად, ინიციატივას მოწინააღმდეგეს უთმობდა და საგოლე ეპიზოდი თუ ექნებოდა, მილანელები იქეთ უნდა დაესაჯა. ყველაფერი ასეც მოხდა და ხვიჩამ საბოლოო შედეგის კონტურები პირველივე ტაიმში მოხაზა.<img src="pictures/artimages/original/d289d07bf845e2921c766cf41916a5d3.jpg" border="0" alt="Sportall.Ge" title="ის, რაც კვარაცხელიას მოედანზე შეუძლია და როცა მისი გვწამს - ტაქტიკიდან გამომდინარე მთავარი სირთულე..." />მნიშვნელოვანია, ფეხბურთელის თამაში გუნდის ტაქტიკაში განვიხილოთ. კვარაცხელიას დაცვაში საკმაო დროის გატარება უწევს და თუკი მისი გუნდი კონტრშეტევას ახორციელებს, ჩვენებურს დიდი მანძილის, საკუთარი ნახევრიდან, დაფარვა სჭირდება. ამ დროს შესაძლოა, ბევრი იყოს ბურთის დაკარგვა, თანაც "კვარა" ხომ ის სტილის ფეხბურთელი არაა, დრიბლინგზე, თუნდაც რამდენიმე მეურვის გარემოცვაში, არ იფიქროს და ზედმეტი რისკის ასარიდებლად, სიტუაცია დაამშვიდოს. გასაგებია, გულშემატკივრები მისგან რამდენჯერმე ითხოვენ იმას ან არანაკლებს, რაც ერთხელ გააკეთა, მაგრამ ანტონიოს ფეხბურთში ცოტა სხვაგვარადაა, სპალეტის გუნდთან პირდაპირ შედარებას ვერ გავაკეთებთ. რასაც დღეს ვხედავთ, წინა სეზონთან შედარებით გაცილებით ორგანიზებული, ზონებს შორის დაბალანსებული და "მოწყურებული" გუნდია. ყველაფერს თავისი ღირებულება გააჩნია.რამ შეიძლება შეუქმნას საფრთხე "ნაპოლის" დღევანდელობას? გუნდი გადაეჩვია გაშვებას და შესაბამისად, თუკი თამაშის გადარჩენის საჭიროება დაუდგება, მასთან ცოტა გაუცხოება ექნება. მეორე - შეუძლებელია, მსგავსი ტაქტიკის დროს თავი ყოველთვის ისე დაიცვა, როგორც ეს "მილანთან" მოხდა. იქ მცირე თამაშგარის გამო გოლის გაუქმება და სხვა ფაქტორები იყო, რომლებიც ყოველთვის ვერ იმიშავებენ. "ნაპოლის" ამბიციების შესახებ უფრო მეტს ნოემბრის შემდეგ ვიტყვით, როცა გუნდი დატვირთულ კალენდარსა და ძლიერ მეტოქეებს გადააბიჯებს!..

რობი

მოხდა ისე როგორც ვივარაუდე ამ მატჩის დაწყებამდე :) _"მოკლედ არ უმართლებს ხვიჩას მისი ფლანგის ფეხბურთელებში, სპინაცოლა, მაკტომენე ოლივერა, საერთოდა ვერ იძლევიან შეტევის გამამწვავებელ პასებს, განსაკუთერებით ჩლუნგია მაკტომენე ამ კომპონენტში. დღეს თუ გაიტანა გოლი ხვიჩუნეეზემ ეს იქნება თავიდან ბოლომდე მისი შექმნილი საგოლე მოქმედება რობი 21:04 29-10-2024"
ირმა კვარაცხელია

კვარამ ,წალენჯიხიდან გაუტანა გოლი მილანს
ზვიადი

ყველაფერი გვაქვს ქართველებს სერია "ა"-ში - გოგლიჩიძე გააძევეს
Anjelo Antei

კვარამ მაგარი ხია გუშინ არაფრიდან სოლოზე, აი ეს არის განსხვავება მასა და ნერეშისნაირ გაპიარებულ ფეხბურთელებს შორის. მოუკლო დრიბლინგებს მიტომ რო კონტე სწრაფად ითხოვს პასის გაცემას ყველასგან მეტოქის მესამედში სწრაფად გადასასვლელად და მათშორის კვარასგანაც ეს კი დრიბლინგის შესაძლებლობას ერთიორად ამცირებს. მაკტომინეი ეგოისტი ფეხბურთელია არც ათიანის სქილები აქვს მაგრამ მაინც ამიდან იწყება შეტევები ერთი პლუსი კი აქვს ის რომ ბევრს დარბის, გადაწყვეტილების მიღებისას კვარა იმითაც ხელმძღვანელობს თუ რა ანგარიშია და უკვე გატანილი აქვს თუ არა გოლი. როცა გოლი ჯერ არ აქვს გატანილი, მაშინ თვითონ უფრო აქტიურად უტევს, დამოუკიდებლად. თუ გოლი უკვე გატანილი აქვს, მაშინ 80% შემთხვევებში ეგეთ სიტუაციებში პასს აკეთებს. 2-3 პასი თუ გაუფუჭეს, მერე იკიდებს პასებს და ისევ თვითონ მიდის კარზე. ასეთი ფილოსოფია აქვს.

ფრე წაგების შემდეგ - გოგლიჩიძემ და ჩაკვეტაძემ შეუცვლელად ითამაშეს

Eureka. მამარდაშვილის სახით ყველა პრობლემის მიზეზი მოძებნეს - რას წერს ინგლისური გამოცემა ალისონის არყოფნაზე

L'Équipe: 5 ფაქტი, რომელიც ევროპირველობების რეკორდსმენ მამარდაშვილზე უნდა ვიცოდეთ

17-წლამდე ვაჟთა ნაკრები სან მარინოში მიემგზავრება

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

ქართველების "მეცი" "ნანტთან" ფრეს დასჯერდა

კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა

[VIDEOS] გულიაშვილმა ესპანეთში დუბლი შეასრულა

ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა