<p>"უმცროსი ბორჯღალოსნები" 23 ნოემბერს 18-წლამდელთა ევროპის ჩემპიონატის მიჯრით მე-9 ფინალში ითამაშებენ და ტიტულის ზედიზედ მეექვსედ მოპოვებას შეეცდებიან.</p><p>ჩეხეთის დედაქალაქ პრაღაში, “მარკეტა სთედიუმზე”, თამაში საქართველოს დროით 20:30 საათზე დაიწყება და ზურაბ ამონაშვილის შეგირდების მეტოქე ესპანეთი იქნება.</p><p>საქართველო ესპანეთს ფინალში ერთხელ უკვე ეთამაშა. ეს 2019 წელს, კალინინგრადში მოხდა და "უმცროსმა ბორჯღალოსნებმა" 20:10 გაიმარჯვეს. მანამდე, 2018 წელს საქართველომ ფინალში საფრანგეთი დაამარცხა, ბოლო სამი ფინალი კი პორტუგალიას მოუგო.</p><p>წლევანდელ ჩემპიონატში ესპანელებმა 1/4-ფინალში ბელგია 34:0, ხოლო ნახევარფინალში ჩეხეთი 41:19 დაამარცხა. "უმცროსმა ბორჯღალოსნებმა" პირველ ეტაპზე გერმანიას 67:0, ხოლო მეორეზე ნიდერლანდებს 36:5 მოუგო.</p><p>ნახევარფინალში ნიდერლანდებთან გამარჯვების შემდეგ ჩვენი გუნდის სასტარტო რაზმში ერთი ცვლილებაა. მარჯვენა ბურჯის პოზიციაზე ამჯერად თამაშს არჩილ ნოზაძე იწყებს.</p><p>მრავალფეროვანი შეტევებით ესპანეთთან</p><p>"უმცროსი ბორჯღალოსნების" შერკინების მწვრთნელი მიხეილ სუჯაშვილი აღნიშნავს, ევროპის ჩემპიონატზე საქართველო მეტოქეებს ერთი თავით აღემატება.</p><p>“მოწინააღმდეგეებიც აღნიშნავენ, რომ ჩვენ მათზე ერთი თავით მაღლა ვართ. წელს მესამე ტურნირს ვატარებთ, თითქმის მთელი წელი ვიმუშავეთ, გაზაფხულსა (იტალიაში) და ზაფხულში (სამხრეთ აფრიკაში) ტიერ1-ის გუნდებთან ვითამაშეთ და ეს ჩვენს განვითარებაზე ნათლად აისახა. მადლობა რაგბის კავშირს ამ შესაძლებლობისთვის. იტალიასა და სამხრეთ აფრიკაში გამართულ თამაშებში, ჩვენ არ ვიყავით დომინანტები, ამიტომ სულ საფიქრალი გვქონდა და ამან განვითარების კუთხით დიდი დახმარება გაგვიწია. დარწმუნებული ვარ ამ ტურნირსაც მოვიგებთ და მომავალში ეს ბიჭები თავის სიტყვას იტყვიან 20-წლამდე და ეროვნულ ნაკრებებში” - ამბობს სუჯაშვილი და მორკინალების უპირატესობაზე საუბრობს:</p><p>“ასეთი დალაგებული შერკინება ამ ასაკში არასდროს გვყოლია. ბიჭები ასაკთან შედარებით დაღვინებულები არიან და ერთი სიამოვნებაა მათთან მუშაობა. ძალიან მაგარი თაობაა. განსაკუთრებით გამოვყოფდი მეორე-მესამე ხაზს. ისინი დავალებებს ადვილად უღებენ ალღოს, თამაშიდან თამაშამდე იზრდებიან და ნაკრებსაც აუცილებლად გამოადგებიან”.</p><p>“რაც შეეხება მოლით გატანილ ლელოებს, აქ იმხელა უპირატესობა გვაქვს, დაუშვებელი იქნებოდა მისი არგამოყენება. გვაქვს რაღაც კომბინაციები, რომლებიც წინა თამაშში არ გამოვიყენეთ და ამასობაში ფინალიც მოვიდა. ესპანეთთან ვეცდებით უფრო მრავალფეროვანი თამაში ვაჩვენოთ და ყველა კომბინაცია გამოვიყენოთ. სიახლეები გვექნება მოლშიც”.</p><p>ბოლო წლებსში ესპანური რაგბი ვითარდება და წელს მათმა 20-წლამდელთა ნაკრებმა პირველად ითამაშა მსოფლიო რაგბის 20-წლამდელთა ჩემპიონატში, ფიჯის დამარცხებით ელიტაში ადგილი შეინარჩუნა და იქ გაისადაც ითამაშებს. ესპანეთის 20-წლამდელთა ნაკრების მწვრთნელი ჩეხეთში იმყოფება და მომავალი მსოფლიო ჩემპიონატისთვის კანდიდატებს არჩევს, რაც მორაგბეებისთვის დამატებითი მოტივაციაა.</p><p><p><p>“აშკარაა, რომ ესპანეთში რაგბის განვითარებაზე მუშაობენ. ინდივიდუალურად ძალიან კარგი ბიჭები ჰყავთ, განსაკუთრებით პირველ ხაზში. ასევე გამოვყოფდი მგეზავს. გუნდურადაც, ისინი დანარჩენ მეტოქეებზე წინ არიან. რა თქმა უნდა, ფავორიტები ვართ, თუმცა ყურადღებით ვიქნებით, რათა ჩეხეთის მსგავსი სენსაცია არ განმეორდეს (1/4-ფინალში პორტუგალია დაამარცხა) და ტიტულის კიდევ ერთხელ მოსაპოვებლად მაქსიმუმს გავიღებთ” - აღნიშნავს სუჯაშვილი.</p></p></p><p><p><p><strong>2024 წლის 18-წლამდელთა ევროპის ჩემპიონატი</p><p>პრაღა (ჩეხეთი). მარკეტა სთედიუმი.</p><p>23 ნოემბერი. ფინალი. 20:30 საქ. დრო</p><p>საქართველო - ესპანეთი</p><p>საქართველო</p><p>ხაზი:</strong> 15. ნიკოლოზ ხალვაში (ლელო), 14. საბა შარვაშიძე (აია), 13. დათა ახვლედიანი (ლელო), 12. დავით ბარბაქაძე (არმია), 11. ლეონიდე სალდაძე (ლოკომოტივი), 10. გიგი სირბილაძე (ლელო), 9. თემურ ძოძუაშვილი (აია);</p><p><strong>შერკინება: </strong>1. დაჩი ჭელიძე (ლელო), 2. ანრი შველიძე (ბრივი, საფრანგეთი), 3. არჩილ ნოზაძე (აჟენი, საფრანგეთი), 4. დავით ბარამია (ტულონი, საფრანგეთი, კაპ.), 5. გიორგი მეფარიშვილი (აია), 6. ლუკა ნარსია (აია), 7. ლუკა საღინაძე (ლიონი, საფრანგეთი), 8. მიხეილ შიოშვილი (ტულონი, საფრანგეთი);</p><p><strong>მარქაფა: </strong>16. დავით არჩვაძე (ლელო), 17. საბა კილაძე (ხვამლი), 18. ნიკოლოზ კორახაშვილი (ლელო), 19. ნიკოლოზ ჩხორთოლია (კლერმონი, საფრანგეთი), 20. გიორგი არძენაძე (ბათუმი); 21. გოგა უშვერიძე (აია), 22. ამირან ბიწკინაშვილი (ლელო), 23. დემეტრე დევდარიანი (სენტ მერის კოლეჯი, ინგლისი); 24. გიორგი ზაზაძე (ხარები), 25. ავთანდილ ზვიადაძე (აია), 26. ივა კვირიაშვილი (ლელო).</p><p>მთავარი მწვრთნელი: ზურაბ ამონაშვილი</p></p></p><p><p><p><strong>Rugby.ge</strong></p></p> <p><p><strong></p><p></strong></p></p> <p><p><strong> </strong> <p></p></p><br></p>
U18. საქართველოს ნაკრები ფინალში ესპანეთთან ისევ დამარცხდა
18 წ. | შემადგენლობა ევროპის ჩემპიონატის ფინალისთვის
18 წ. | ნიდერლანდებს ბრძოლაში ვძლიეთ, ფინალს ზედიზედ მე-11-ედ ვითამაშებთ
საქართველოს ნაკრებმა პირველი ვარჯიში თბილისი არენაზე გამართა
ერლინგ ჰოლანმა შესაძლოა, ზაფხულში "სიტი" დატოვოს
რომელუ ლუკაკუმ 33 წლის ასაკში სანაკრებო კარიერა დაასრულა
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
ოფიციალურად: "კრისტალ პალასს" ახალი მთავარი მწვრთნელი ჰყავს
კაკაბაძე: გამარჯვებას მონატრებული ვართ და გვინდა, გულშემატკივარი გავახაროთ
სვანაძე: გოლი და გამარჯვება გუნდის ფსიქოლოგიურ სიტუაციას შეცვლის
მერკვილაძის კარიერის მატჩი: პირადსარეკორდო 30 ქულა და გამარჯვება როტერდამში
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
"ბორჯღალოსნები" | ჩემპიონების ჯახი "მიხეილ მესხზე" - მომავალი მეტოქე აშშ
კორსანტიას 12 მოხსნა და 6 ქულა 15 წუთში | ქართველის "ალიკანტე" დაუმარცხებელია
შევჩენკომ უკრაინის ნაკრების მწვრთნელს მხარდაჭერა გამოუცხადა
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ინგლისის ნაკრებმა ისტორიული რეკორდი დაამყარა
"აი, ასე დავამარცხეთ ესპანეთის ნაკრები" - თომას ტუხელი
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] სანდროს 21 წუთი, დონჩიჩის ბრწყინვალე მატჩი და "ლეიკერსის" ზედიზედ მერვე გამარჯვება
საფრანგეთმა თურქეთს მოუგო და ჯგუფში გაიმარჯვა - ბელგიამ იტალიას დიდი ანგარიშით სძლია
18 წ. | გიორგი ნემსაძე: როდესაც საქართველოს ნაკრების კვართი გაცვია, არ გაქვს უფლება რამეს არასერიოზულად მიუდგე
18 წ. | ხუთი ცვლილებით ნიდერლანდებთან
U18. საქართველოს ნაკრები ფინალში ესპანეთთან ისევ დამარცხდა
18 წ. | 1/4-ფინალში პოლონეთთან
18 წ. | შემადგენლობა ევროპის ჩემპიონატის ფინალისთვის
18 წ. | ნიდერლანდებს ბრძოლაში ვძლიეთ, ფინალს ზედიზედ მე-11-ედ ვითამაშებთ
18 წ. | ზედიზედ მეექვსედ - საქართველო ევროპაში პირველია!